莎樂美餐廳

营业中

休息中

放工同好姊妹喺荃灣搵野食, 佢講起我先知原來有間咁既老字號餐廳係一貫老牌扒房格局, 裝修木為主, 燈光較昏暗坐位以現今既準則黎講4人坐卡位都幾迫下次應該坐中間D圓枱反而仲舒服我要左鐵板牛柳餐, 另外加左個焗田螺一齊食田螺冇沙, 肉質好軟, 但唔夠牛油, 欠左D層次牛柳好嫩滑, 我要左5成切開仲係嫩紅色, 係我鍾意既質感不過外層唔算香脆個餐最尾仲有一球朱古力雪糕算係幾完滿想食啖啖肉, 百零蚊平平地係唔錯既選擇

莎樂美餐廳我記得以前黎要排隊，宜家就唔洗喇，咁耐冇食，叫返個西冷牛扒試一試。牛扒到左，熱辣辣鐵板上，加埋黑椒汁，“查查”聲咁，香味十足。叫左牛扒六成熟但切落去似全熟咁滯，已經見唔到紅色，放落口食下發現牛扒有D乾身，肉汁唔夠，D肉鞋仲有D靱，好似有渣添呀，水準已經好似其他茶餐廳水準，不復當年勇喇，希望將來有改善啦。

係荃灣食鐵板，平平地一定諗起莎樂美!童年既味道!$55要加一，就有湯，包，鐵板，雪糕加野飲，算係好抵嫁啦😏我通常都飲紅湯，呢到既唔會太甜太酸，味道岩岩好，食到有好硬既牛肉粒，真材實料煲嫁👍包就正常，唔多提啦！黑椒牛肋條，唔係好多地方有得食，但就真係好正既，肥肥地，又有咬口。但有d真係好硬，硬都咬唔開🙈但總括黎講都好好味👍野飲雪糕都係正常野，大路野，唔多提啦😂但不得不提，服務真係好好👍👍

行完街朋友話想据扒，食返差不多三年多無食過既莎樂美，印象係lunch便宜，大份兼抵食 味道不錯。餐廳係舊式扒房格調。 牛柳粒加意粉，連餐包 羅宋湯 飲品。餐包就同其他平民扒房一樣 沒什麼特別。不過也是我愛吃的 每次都抹上全盒牛油羅宋湯，愈飲愈辣 只有辣味 。沒有平時渴羅宋湯那種開胃的感覺配料尚算多。到主腳 牛柳粒。 店員倒完汁竟然只有幾下「炸炸」聲。。。。鐵板唔夠熱。。牛肉味不重。肉質很鬆散 口感不佳。意粉好乾 好硬。同上一次食比較，水準明顯退步。

同朋友去荃灣聚舊, 吃餐豐富D既晚飯, 第一時間諗起莎樂美,依舊鐘意去返舊舖, 感覺懷舊D, 返回那些年既時候...6:15到達, 由於太早, 未開放樓上,唯有係樓下坐啦, 環境有少少昏暗..睇完所有餐牌後, 大家都係決定吃雜扒餐,因為雜扒餐乜都有, 好豐富! 有湯, 有扒, 有甜品, 有飲品, 抵!羅宋湯首先飲個羅宋湯及餐包,好多雜菜, 不過越飲越辣, 唔洗加其他調味料..雜扒餐雜扒餐有豬扒、牛扒、雞扒、火腿、腸仔和雞翼,份量真係好多, 完全唔知點落手吃,最後拎走左隻雞翼, 開始吃腸仔同火腿先..豬扒、牛扒、雞扒塊塊都好大塊,而且好有肉汁, 我最鐘意吃配菜同薯角..最後, 仲有個朱古力綿花糖雪糕, 邪惡既晚餐就完結了!

做香港人經常慨嘆香港已經無平野食，落茶記食個碟頭飯閒閒地都要40幾，其實又唔係話真係咁絕望既，睇你識唔識窿路搵平野食嫁姐~莎樂美餐廳出名大件夾抵食，一個雜扒餐一位哥仔都未必食得晒，更何況係女仔呢~先黎上左個紅湯先，紅湯底色夠深，證明落足料絕對無欺場，再加個暖暖地既餐包，每一口都搣少少包出黎點下湯咁樣食係特別過癮。個鐵板餐終於上枱，鐵皮似乎唔夠熱，因為淋啲汁上去都無吱吱聲既，不過咁樣又有好處喎，唔洗整到自己件衫同頭髮一陣油煙味。食物有雞全翼、雞扒、牛扒、豬扒，仲有腸仔同火腿，份量十足。質素就好過平時去街市買黎燒野食果種啦，牛扒唔會太薄，切開都唔係全熟，依然食到有啲肉汁。厚切豬扒就夠晒惹味，可以連骨都"倫"埋~~食完好有細個既感覺，係一種用錢都唔會買得到既集體回憶!

我地見到午餐食平啲 58蚊 加一我地去食見到又大份又好似好正甘 去到叫左 個什扒餐 有白湯有餐包 都幾好既都熱既之後什扒黎到 佢一早擺左個肉汁之後好耐先到 個扒到左倒左個汁 個汁仲要一人一半 個啊叔叫我地拎起塊布原來倒汁都唔彈既！之後開始食 啲雞扒同豬扒都唔嫩 好硬又鞋寧願食其他餐廳

今日同女朋友考完Dse 就想食個午餐啦 因為網上流傳呢間野又平又大又抵食 就同女朋友去左試一試 上網嗰度寫住 午市雜扒 58$ 好似好抵食啦 點知我同女朋友一入到去 其實個環境格局都唔差嘅有啲似舊式嘅店舖 我同我女朋友都因為網上流傳於是選擇咗雜扒 點知佢寫餐居然冇問我地幾多成熟 然後就快快手落左單 好我哋都算啦 我哋兩人都叫咗白湯 一黎到個白湯係好好味嘅 但係飲飲下 發現中間居然有一塊餅乾 講真我真係唔知係邊度流傳返嚟白湯中間要加塊餅乾 好啦當我孤陋寡聞 但係 個侍應過咗一陣之後收咗我哋飲完白湯嘅碗然後就放咗啲肉汁攞我哋張枱度 下乜唔係應該要上菜先至會上汁家咩？ 好我哋都算 然後主菜嚟到 正常應該係要攞塊毛巾遮住啦 點知個侍應態度激差 就咁叫我地拎起遮住 我哋都未拎起 就淋左上黎 哇 好彩主菜塊鐵板唔夠熱姐 如果唔係咪俾啲蒸氣整爆對眼？ 好重點黎啦 其實一睇落去個賣相都唔差嘅 一開頭就食咗塊雞扒 今本就係BBQ嗰啲料 然後就食塊豬扒啦 嘩 鞋到根本就呑唔到 咬咗兩啖已經放棄 咦？ 然後我心諗塊牛扒呢？ 講真我真係第一次食雜扒冇牛扒 然後就拎咗隻蝦來代替 hi算啦我已經冇晒希望 諗住食

晚市去.....1900到...所以唔洗等位...好在飲羅宋湯一定唔可以冇餐包跟!呢個好似係定律黎咁佢牛油餐包好軟身...上枱時係微熱的..好喜歡再配以佢比既牛油...搽上去...點一啖湯...正呀嗌左個什扒餐相當驚人的什扒餐記得細個亞媽一帶我去食..我就會好快樂~快樂不在什扒餐...快樂在飯後贈送的雪糕新地😂1.)差不多8舊牛柳粒仔2.)香腸3.)火腿4.)2塊豬扒5.)一塊雞扒6.)有一隻有毛既雞全翼7.)蕃茄8.)薯角仲要見到佢寫住可加6蚊要飯或意粉....點食....2個人都食唔哂..仲要加埋飯.....人會癲的...不過老實說...佢既牛柳粒仔真係超讚好...Even熟哂..都唔會覺得UN..

什扒餐內容豐富，包括了豬扒、牛扒、雞扒、火腿、腸仔和雞翼。上桌時，我也被它的大堆頭「震懾」了。一層一層的把它「攻破」。其實，依我的理解，港式西餐的精髓，就是將平價的肉食，透過醃製的方法、用的汁醬、奉客的形式等等，改成可以上得大檯見人的餐點。而這裡就正正在做這件事。除了雞全翼有點「大而無當」，各個項目也是恰如其分，應爽的爽，應腍的腍。去凍肉店買那種醃了的扒去燒烤，學生時代或許還會，現在，外頭熱得差點不想動，我是寧可來吃這種。所費無幾，乾手淨腳。

今日同朋友去荃灣行完街，肚非常之餓！一於食餐勁既！於是見到呢間舊舊地既gur扒餐廳好似幾多人食, 於是就入去啦!都唔係太多人!我叫左個香港人好常叫既西冷鐵板同一杯凍檸茶。凍檸茶真係好特別, 佢既茶同人地既茶唔太同, 飲飲下都飲左半杯。佢上左個包同埋湯, 湯好大碗, 食完個湯都有小小飽。嘩! 個西冷超大塊, 不過我叫左7成熟, 佢煎到9成咁制味道都唔錯, 肉汁ok, 不過份量真係有點大, 對於女仔黎講可能真係要考慮下最後, 仲有個雪糕。所以, 成個過程都唔錯既! 

早收工 同honey搵好野食大家都想食餐好 揀左鋸扒 見莎樂美係openrice人氣唔錯 為左一嚐滋味山長水遠搭1個鐘黎食排左半個鐘左右有位啦一邊排一邊聞到食物既香味 由於我唔食得牛同蝦 所以無揀到聖誕大餐最後揀左兩個set dinner 一個什扒$13x一個西冷扒$14x餐湯要周打湯什扒好多 豬牛雞都有 西冷扒 5成熟好啦 重點黎啦因為期望太高 所以失望愈大什扒啲肉好鞋好乾 無肉汁係啲似滲出既(其他寫評話有既??)至於西冷扒 男友話好韌 同埋個鐵板唔係好夠熱 好快凍晒 我什扒有牛 我比埋男友食 佢話鞋過佢舊牛另外 我係奶茶控 杯奶茶個口味唔岩我飲 😭😭😭無茶香 叫左少甜少冰 都仲好甜 無乜茶香(同ruby tuesday 有得揮 好過ruby tuesday少少) 飲左兩啖就byebye最後仲有雪糕 sorry 唔好食總結:個扒既份量係會飽死人 但質素就麻麻 呢個價錢(貴過金鳳成倍甘濟) 甘既質素 性價比唔高 5星既話 值1.5星 😔

呢間扒房荃灣好出名，攞位係需要人齊先可以入座而且呢間吾會需要限時，所以坐得耐之餘又可以同朋友吹下。我地幾個人每人叫吾咗同既餐，什扒餐，西冷牛扒同雞扒餐什扒餐味道吾錯，入面有雞全翼，雞扒，豬扒，牛扒，火腿加腸仔，份量好大雞扒好香又厚，一切開重有雞油流出雞全翼好大隻, 牛扒吾會太薄，而且一入口有香香既牛味，口感新鮮之餘有又肉汁重點係配上燒汁，燒汁味道比較鹹，配肉重可以中和鹹味。什扒餐係超大份之餘，食完係超飽~~西冷扒五成熟，切開入面扒超多肉汁(五成熟岩岩好，完全鎖住啲肉汁，又吾會令啲肉老)雞扒雖然好普通，但本身雞味重之好重之餘，廚房煎得兩面都好香，雞扒本身有肥膏，所以好多汁最後上甜品，每人一杯朱古力雪糕，呢杯雪榚入面有一粒粒朱古力粒係入面，好好食

住荃灣的人一定會識的老牌扒房，莎樂美餐廳。我每次行山到荃灣都一定會食的扒房，因為它的午餐性價比非常非常之高今晚難得係附近上完堂，第一次試它的晚餐Menu有好幾頁，但大部分人都只會看頭兩版的套餐：餐包，沙律，湯，扒，飯or意粉，雪糕同飲品。價錢由幾十到百幾加一服務費晚餐，黑椒牛扒意粉，凍奶茶係我今晚的選擇出菜的次序，時間非常好，先來沙律，餐包及羅宋湯沙律有波羅，橙片，奇異果，紅蘿蔔薯仔，生菜，種類算多，味道比起同價位的餐廳好麵包暖暖的餐包加埋牛油，我的至愛。放落羅宋湯特別好味羅宋湯有牛腩粒的羅宋湯功架十足，少少辣味，仲有其他配料，好飲當食完以上前菜，侍應會收起，過不久，主菜才會出現。這個安排特別好，唔會有一種趕住走的感覺又唔會整張枱都放滿食物，最重要是主菜唔會因為冷氣而令質素下降黑椒牛扒意粉（碟上）牛扒有兩塊，約半寸厚，份量恰好。不過...肉質非常韌，切開後放入口，要咀嚼很久才可下嚥。意粉反而值得一讚，用茄汁炒底，好香而且就咁食已經好好味。黑椒汁唔錯，少少辣好香差不多食左大半，侍應會問飲甚麼餐茶。叫完後我開始玩電話，侍應問係咪食完惗住收碟，我話等一陣會繼續食，佢大聲同其他侍應講4號枱唔收

最近工作頗忙，難得有日可以早下班，便選擇扒房慰勞一下自己相約男友後，便到較懷舊的莎樂美，然後相繼點餐..等待食物時，店中正播著 7-80 年代的歌曲，十分有FEEL*套餐附有餐湯及餐包。餐包有預先預熱，加上半片牛油在包中，口感豐富*男友的什扒餐，男士最愛，必飽之選內有豬、牛、雞扒外，還有腸仔、火腿、煙肉及薯菜....豬跟雞扒不過不失，但牛可能放於鐵板底部，則過熟及太乾。*T骨五成熟個人而言，如選擇鐵板的話，肉選五成熟則最好不過。T骨肉質軟唸，加上骨邊帶有脂肪，香口而美味。*套餐新地球預先弄好連器皿一同雪好，雪到雪糕球邊冒出雪來，感覺有點不衛生。