莎樂美餐廳

营业中

休息中

食扒餐, 一向有的三寶都有提供--餐包, 餐湯同飲品, 餐包都是一般甜餐包, 用微波爐叮一叮就出黎, 牛油有時會放餐包底, 搽時會有半溶的狀態, 更易搽, 又滑又香。豬扒帶子配薯角- 用碟上, 不會因煙而熏到。豬扒入口軟嫩, 易咬又鬆, 而且量又好多, 有成2塊, 好抵食。帶子就一般, 炸得太乾, 雪藏味都重。雪糕- 好特別的方法, 此店會一氣過用所以有杯, 盛好雪糕, 雪糕連杯會一并放入雪櫃, 拎出時未會太快溶, 所以好O岩慢食的朋友。味道奶味重, 加上朱古力cream, 入口甜甜, 作結最好。

今日去荃灣食飯，剛好大家都是食肉獸，所以去這家在荃灣好多年的西餐廳。//來到時，都要等了一陣子才有位，坐低後我就貪心一點，點了雜扒餐。//主菜來前，先有湯和餐包，我點了周打魚湯，在白湯中有一些魚肉碎，而且最懷舊之處是加了一塊梳打餅在湯中，雖然這塊小小的餅乾看起來微不足道，亦在正宗的西餐廳不會出現，但就體現出那種港式西餐的懷。//主菜來了：我都有點驚訝，因是一座肉搭，有腸仔，雞全翼，豬扒，牛扒和雞扒，份量十足，用鐵板上當淋上黑椒汁時，那種渣渣聲令人十分興奮，加上十分熱，縱使肉的質素不是最高，但沒有將價就貨，十分超值，值得一提的是雞全翼和腸仔，可能仍是用以前的牌子，仍然以前的那種質感，十分滿意。//配上啤酒和甜品（雪糕），可能比較其他的西餐他不是最高級和豪華，但那種懷舊港式的感覺，令人十分難忘，在2015年仍有80年代的食店感覺，真的值得再去唷

fd生日就去食呢間.兩個一樣的扒餐150$左右..唔記得西冷定肉眼..成個月前..但就伴大蝦..記憶猶新有幾樣..其他平平無奇!就係個碟野有d西餐叫爪既菜一咬落去勁苦..吐唔吐唔切..我算..之後到d薯條..好多都炸到硬到食唔落肚了..而配角大蝦..咬啖係霉哂個種肉質..即係死左好耐個d蝦變質個d感覺..好失望..食同唔食無分別啦巳經..好最後到主角塊扒就犀利啦!我叫5成..fd叫7成..但黎到都仲係好紅下，真係似兩成熟裡層..食左無一半忍唔住叫整熟d..隔離台都係..之後整熟完返黎都仲係血淋淋5成都無款..算啦..我就要求唔高本身知道生牛肉都係咁食就食左佢..但真係唔值咁貴囉..50$都嫌比多佢..整pat咁既野過黎..fd直頭食左無一半就放棄..生日要食成咁..真係苦笑極了 呀..記得貪佢有雜果賓治..叫小冰..點知多到啜幾啖就無個隻..真係成個廚房都係訓梗教定新到無得再新?

眼前這令我食指大動，先不論價錢配這份量相當划算，當侍應淋上燒汁，一蒸氣漸漸向上，肉香味實在濃郁！牛扒一向切忌過熟，否則就如吃橡膠沒兩樣，這牛排成熟度剛好！豬排則有點老，不過仍能接受，而雞肉則夠嫩滑，配上燒汁一流！薯條受熱失去了該有的香脆，下次轉白飯該更可口。總括而言，要來嘗這雜排必事前不宜吃太多，否則這重量級份量實在太多了

去開荃灣，知道呢間食牛扒出名，入到去叫左個ｔ骨牛扒。有湯有包。個包唔熱。湯似雜菜水加茄汁。到個T骨牛扒來咯。一睇覺得好大件。叫左七成熟。切開３成都無。叫咗入廚放番熟，點知他原碟入微波爐叮熱就摞返出來俾我。食牛扒變咗牛肉幹。冇再食亦唔會再萊食。

莎樂美係荃灣屹立幾廿年，相信係所有荃灣人既集體回憶。學生哥、一家大細、情侶去既好地方！相信因為莎樂美大件夾抵食。但可能因為近年d租加得太犀利啦，貴左好多。相比同一價錢可能會有更好既選擇。但呢家買既係一份回憶同埋jarjar聲既鐵板。莎樂美既質素平平，志在抵食。餐湯同餐包。張台比較窄，小小論盡既朋友要小心台上既東西喔！由其係餐湯！😁西冷可以接受。雞扒大塊到不行。貴左，間唔中黎呢到搵番d 回憶都ok既！

如閣下居住葵青區，相信聽過莎樂美餐廳。由於歷史悠久，餐聽裝修難免陳舊，但今次絕對是食味道和份量而不是食裝修。言歸正傳，小弟帶靚靚表妹去光顧，她叫 了午餐依文士豬扒飯，我就叫了重量級什扒鐵板餐。先嚟餐湯有兩種選擇，忌廉周打魚湯或羅宋湯，我絕對推介後者。羅宋湯不但足料，湯濃有層次，棘中帶甘甜， 絕對是一流。什扒鐵板餐包括大蝦，雞扒，豬扒，腸仔、火腿和升薯菜。份量十足，而且扒肉鮮嫩入味，不單令人味覺滿足，而且扒肉大大件，不像坊間連鎖快餐店 般只得半塊各仔般小家。看著洋葱汁加在鐵板時，因熱力蒸發帶同香肉的味道刺激着味覺神經，食慾已按耐不住了。鐵板餐包括餐飲和雪糕甜品。

今日去荃灣沙咀道莎樂美食lunch, 叫個鐵板午餐, 寫明係$55蚊侍應嬸嬸問要紅湯定白湯, 我話要白湯, 問要飯定意粉, 我話意粉最尾埋單話要$64, 問佢點解收多9蚊, 佢話意粉要加錢, 我話佢冇講, 佢話係我自己要飯, 佢冇逼我咁都算, 最搞笑係冷氣壞左, 侍應嬸嬸就係咁數臭老細, 話老細冇鬼用, 剩係識縮沙唔想俾錢要佩服呢位侍應嬸嬸, 絕對係打工王帝既表表姐!

真係為左莎樂美而開openrice account,一直都聽人講話莎樂美 "好抵食好好食", 但成日經過門口都勁多人排隊,而令我放棄選擇終於, 今日5點幾6點, 經過荃灣, 莎樂美冇人排隊所以走左入去幫襯$150, 推介 - T 骨牛扒..仲有香芒大蝦沙律, 同埋甜品大蝦沙律幾ok (雪蝦冇蝦味係必然, 但起碼夠大隻夠爽口),甜品雪糕都ok, 但個T 骨 (5成熟) 就真係....牛冇牛味, 林pat pat, (唔知係唔係鬆肉粉, 因為我由細到大未食過D 咁怪口感嘅牛扒)口感類似阿媽煲完4個鐘老火牛尾湯嗰舊牛尾, 以為只係T骨出事, 再share下朋友仔嘅鐵板西冷, 原來都係一樣~ 林到冇牙都食到當我地都覺得食牛扒唔知食緊乜嘅時候...聽到側邊檯嗰D 講 "哇~好大塊", "好林好好味"加上, 離開餐廳時, 排隊人龍已多達20人以上....小弟完全無言以對 究竟食扒係要食價錢, 定係食質素?"林" 是否就代表 "好味", 自問對食物要求唔高, 只希望嗰種食物有返自己應有嘅味道....我敢講, 就算連扒王都做得好過佢 (除前菜同甜品外)試過, 唔會有下次

食lunch當然要搵好平又好食啦落堂去莎樂美食lunch叫左一份串燒大蝦皇伴莎地亞雜扒($55)同朋友兩份分湯有得揀周打魚湯同羅宋湯羅宋湯辣辣地幾好味 但唔食得辣既可能會覺得辣...份扒好大份呀有火腿 一隻大蝦 豬扒雞扒各一大塊 有腸 仲有薯菜😋每個餐加$3可以跟飯或意粉個意粉係茄汁意粉 唔同其他餐廳會就咁俾白烚意粉食晒之後每個餐再送個雪糕球😋大滿足食飽又有力做野啦除返每人先$32 好抵呀

今日一入到間餐廳……客人吾多！staff企係度又吾帶位，入到餐廳無人理……係咪做生意架！叫左個鐵板牛扒餐，野食都算夠熱，不過個staff幫我倒d汁落個鐵板個時，倒到天一半地一半，倒到張枱都係，個牛扒 extra order左白飯，吹左三次先到，仲要食完成個扒先到，真係食到燥底想拍枱……，我好少係網上唱衰一間餐廳，食過一次都吾會有下次！

見到都飽！超大份！汁又多到滿瀉，切都冇切！肉質馬馬地，牛排冇牛味，羊排冇so味！👎 Dessert ice-cream 都 okay, 吾差，但總括，吾值得再去！3.5-4分 / 10分

聽人講呢間鋸扒好好食~所以去食下~ 我叫左個鐵板午餐~叫左串燒大蝦皇伴莎地亞什扒~唔一定要套餐指定o既汁~可以轉汁~個忌廉湯好滋味~入面有半塊梳打餅同少少周打魚粒~塊梳打餅配忌廉湯真係好好味!!! 個餐包都好好味!!! 黎到又真係好大份~好才無加飯或意粉~個餐有串燒大蝦皇;一大塊雞扒;一大塊豬扒;火腿;腸仔同薯菜!串燒大蝦皇好好味~d殼好脆可以連殼食都得~雞扒同豬扒配個汁都好夾~好好味 d薯條都脆脆地~食完仲有雪糕做甜品午餐時段去真係平好多~而且份量都好多下~一定會再黎!!!

平平穩穩的過了一年，新的一年新的開始，又要迎接新一年的挑戰。對於前面的路，是驚喜的還是戰戰競競的，總是未知知數，唯一可以做的，就是如何裝備自己，迎接迎面而來的挑戰。既然如此，不如放下緊張心情，吃一頓今年的第一餐午餐吧。是日約了教會的朋友在荃灣見面，就在附近的餐廳用膳，平平地的，也不需要大魚大肉，也不需要價格昂貴的午餐，選擇了荃灣的人氣港式餐廳--莎樂美餐廳。雖然不是第一次來臨，但是卻又是早了的午餐，價格也不算太高吧！餐包選自嘉頓的餐包，也是港式餐廳的大路麵包，其鬆軟程度是非常的，也不用九牛二虎之力將麵包撕開，塗上牛油，使麵包有層牛油香味。羅宋湯是在下必選的，是因為多蔬菜而選擇的。湯頭雖為以酸甜為主，但是卻又味道偏淡了一些，未夠濃郁，幸好的是味道還是足夠。鐵板洋蒽豬扒。在下幾喜歡吃豬扒的，因此多數點來豬扒。這個鐵板豬扒共有兩塊，而且還很大件，看來很抵吃呢！豬扒厚度十足，不過煎得並不很鬆化，但吃下卻又有嚼勁，然而質素就不太理想。當中的薯條卻因為醬汁而變得腍了不少，不脆。亦因為兩大件豬扒，令在下要慢慢的吃呢！甜品為外來雪糕，是朱古加味，幸好吃過主菜後才上桌，不至於溶化。餐飲為熱奶茶，是因為不

星期六放假的夢想已經實現了，不再是遙遙可及的事，現在多了時間到處覓食。今天要去荃灣，也不知吃什麼，剛經過沙咀道，看見莎樂美，想起小時候常來這裡吃飯，今天就和老公重拾一下兒時的回憶。餐廳共有兩層，沒有重新裝修，所以還留住以往的情懷。相比現在的茶餐廳，這裡感覺有點舊了。餐牌上也是午市套餐，我們點了西班牙焗雞扒飯及鐵板雜扒。老實說，午餐吃扒，太重口味了。先説説我的雞扒飯，大大塊雞扒，芝士滿滿蓋滿飯，配菜有洋蔥，西芹，及豆豆，味道適中，每啖飯也配有絲絲的芝士，但芝士味又不會太濃，味道剛剛好。份量確實有點多，一個女士基本上沒可能吃光，努力之下還只完成 2/3。雖則不是什麼大餐廳，餐紙，牙簽包括糖也印上餐廳名，感覺頗有 heart，或許有人會説一成不變呢！餐廳人流也不少，但就沒有催交抬的情況發生，這是值得高興的事，不用喝一半咖啡便急急腳離開。