莎樂美餐廳

营业中

休息中

🍽懷舊鐵板餐🍽，今晚好想鋸扒，仲要港式情懷，一諗就諗起呢間餐廳🤗。 屹立了不知多少個年頭，懷舊味濃，盡管有不少人批評其食物質素，但客人仍是絡繹不絕，門外仍有一堆人等位😌點了一個雞扒餐🐥同羊架🐏，比起扒類，我更喜歡熱騰騰的麵包🥯及忌廉湯🥣😆😆。 鐵板餐已不是太多地方有，仲要係呢款舊式牛型鐵板🤪，倒汁的沙沙聲就是特色之一🤩，煙霧💨🌫此起彼落，籠罩整間餐廳😶‍🌫️。 扒餐全都是大大件，擠滿整個鐵板，配菜就係青豆粟米🌽薯角。另外，飲品可選擇啤酒🍻，正合我倆的心意，濃味的扒餐，啤酒🍻完全可解渴🥶。 最後，就係棉花糖朱古力雪糕🍧，好一個懷舊套餐🤗

以前食過好多次都唔差，但疫情出現之後食過兩次，上次已經係唔好食，以為一時失手，今日經過再去食，質素仍然好差，雞扒唔新鮮唔好吃！以後不會幫襯！！！白湯塊餅唔脆嘅，以前都唔係咁，究竟咩事呀呢間嘢？我係下午5:00吃的，$68一個餐同食垃圾冇分別！加埋一要成$76食垃圾？不如吃米線吃爭鮮，起碼冇食垃圾嘅感覺，成個餐我只係覺得個餐包軟林林好好味，仲有杯凍檸茶係正常，主菜塊肉不知所謂！

今日同朋友去完沙灘曬太陽想話用晒啲能量，所以食多啲嘢見好耐冇鋸過扒 就選擇左呢間餐廳佢位置都算近荃灣大街 內裏裝修十分懷舊好有以前細細個 父母會帶我哋去食嘅餐廳同朋友一樣，叫咗個雜扒餐同懷舊餐廳一樣 會奉送例湯同餐包餐包夠熱得來又好軟熟 滅少少送羅宋湯一流雜扒亦都可以選擇鐵板上定係碟上份量非常之多 適合肉食朋友整體肉類不過不失 非常軟同淋身身不過調味就比較重手 鹹咗少少另外再加配左一個經典茄汁意粉茄汁選用甜茄汁，而唔係外國餐廳嗰種酸茄汁應該用咗茄膏去炒 適合鍾意食甜嘅朋友最後配咗杯餐飲 超級飽腹滿足地理 7/10味道 6.5/10裝修 7.5/10服務 7/10

午餐時間又到, 想起工作附近就是荃灣老式扒房莎樂美, 想想已很長時間沒有幫襯, 於是去回味一下點了D餐, 再加幾元配了意大利面, 魚柳配上蒜茸汁非好美味, 且能回味到小孩時期老爸帶去食扒的感覺, 紅湯也非常不錯, 推介整體服務也很好,  上餐速度也很快唯美中不足是意大利面不太夠熱

好耐無食牛扒，揀左兒時味道的懷舊扒房，個湯特別有風味，鐵板牛扒都好嫩腍，侍應服務也親切，令人回憶的味道。羅倫斯忌廉湯creamy 又滑身，有蟹柳同魚粒，味道唔錯，有誠意。我個人較喜歡紅湯，酸辣都到位，蔬菜足料，溫熱順喉。鮮果挪威煙三文魚沙律之前有3片，而家只有1片煙三文魚，都肥美好味，鮮果沙律都新鮮靚仔。海鮮忌廉酥皮盒有大蝦、八爪魚、帶子粒……都幾豐富，但酥皮仲熱辣辣，酥香脆口帶牛油香，好正。鐵板安格斯肉眼扒5成熟岩岩好，非常嫩腍多肉汁，牛味濃郁，超厚切啖啖肉，口感味道都大讚。海陸空雜扒超級豐富且份量大，有大大隻爽口彈牙大蝦、嫩腍肥美的帶子、醃得入味又鬆化的豬扒、厚身皮脆不膩有彈性的雞扒、火腿、腸仔，飽到上心口。脆炸洋蔥圈已經腍左，但味道幾正，洋蔥炸衣有調味。朱古力雪糕兒時味道，硬雪糕，都重朱古力味，但鍾意啫喱多d。

一間细細個就食嘅荃灣扒房，味道十年如一日，無得輸⋯先來一個羅宋湯，料足又夠味，配上佢哋嘅餐包，真係一個好好嘅開始⋯今日叫咗什扒餐，有雞扒、牛扒，朱扒，脹仔同火腿，係一般豉油西餐嘅味道，分量一D都唔小，當然如果你要求大酒店嘅水準，一定唔會係你杯茶⋯最後來個懷舊雪糕杯，完美嘅一餐⋯ ✌🏻

接左🤴🏻放工都係3點幾，大家都未食飯，🤴🏻就建議去鋸扒，荃灣出名嘅梗係莎樂美啦😘😘，我哋就上咗2樓食，餐廳燈光陰陰暗暗有D情調😊😊我叫咗個鐵板午餐～～～串燒大蝦🍤皇伴莎地亞什扒～～～$68首先有塊火腿喺面，再有塊大過隻手板嘅豬🐖扒🐖，下面再加多塊同樣大個手板嘅雞扒🐓，最後再黎隻大蝦🍤+一條香腸，好彩🤴🏻撳住我冇叫意粉或者飯，只係食曬D扒都已經好飽😅😅講返啲扒比較薄真心一般😀😀，以量取勝😌😌🤴🏻就叫左套餐～～～鐵板紐約西冷牛🐂扒餐～～～$165呢個西冷牛🐂扒超大超厚，份量係值貴D嘅，但可惜偏乾，食得有少少‘鞋’🤨🤨配菜嘅薯仔🥔幾得意係一塊塊圓形嘅薄片😁😁總結：午餐以呢個價錢有呢個份量係相當之抵😚😚，但就唔好介意味道超級好😅😅套餐份量係可以接受但係質素真係有待改善😶😶

Lunch@莎樂美餐廳，香港史上最差服務既餐廳。上層封左唔俾坐，明明入面有位但逼客人坐門口位，個位有陣臭味，唔食起身走，新仔侍應立即話入面有位，最後被安排水吧前卡位。調位後俾一位廣東話講唔正既雌性老屎忽怒啤，餐具扔喺餐桌，仲有一張極污糟既餐桌布（仲污糟過抹腳布），態度極差，問食咩？客人落單飲品，佢就話問你飲咩湯，講左3次可樂，最後發現飲品漏單，全靠新仔侍應補返。未飲完湯，主餐（莎樂美什扒鐵板）已經送上檯，鐵板唔夠熱，汁倒上去無「滋滋」聲，飲完湯個鐵板凍晒。雖然好多人話材料豐富（火腿、豬扒、雞扒、大蝦、腸仔），每樣一件，份量唔多，特別係塊雞扒分開兩小件，望落似雞塊多啲。肉質黎講屬於垃圾級別，豬扒老咬唔開，雞扒有D臭，火腿腸仔大蝦最正常。至於杯飲品同雪糕亦係迷你級別。老老實實，$68加一收費，並唔抵食。同樣，未食完主餐，雪糕甜品已經送上檯，食完主餐個雪糕熔晒，但杯飲品就遲遲未上（漏單）。用餐過程，一群侍應塞係水吧前面講個不停，從跑馬股價一路講到葵涌疫情，雞啄唔斷，粗口連連，但客人招手無人理。個刻我終於明白自己點解被人針對，原來水吧前係卡位係蛇王位，老屎忽嫌客人坐低阻住佢地傾計，所以無所不用

食物質素方面,  唔再多講啦,    好多人都寫咗,  只係份量好大件,   但質素好一般,   同普通茶餐廳一樣.相都費事影！今次係第２次幫襯, 前一次都唔係有好嘅經驗,   諗住畀多次機會佢,   點知今次仲衰!! 以後唔會再去.昨晚六點半去到,  唔使等位,  直上上面嗰層閣樓,   我接近5呎11吋高,  佢比角落頭一張細到無論嘅枱畀我哋兩人打對面坐,  我坐唔到, 轉咗去中間嗰d 2人檯, 個阿姐已經有少少黑面.  好啦,  跟住啲衰嘢陸續有嚟,   首先來餐包,  我老婆都未食完個包,  佢就收手走左件牛油!!  之後, 件扒擺低唔夠兩分鐘,  就問我地飲乜嘢? 咁我話食完先啦,  佢又黑面......好啦, 食完扒,  之後好快擺低兩杯雪糕,   嗰幾粒棉花糖雪到硬曬,   仲硬過石頭!!   叫人點食呀?   完全冇誠意!  之後我食食下雪糕,  佢突然間叫我拎起個雪糕杯,   要收走下面嗰張紙!!  你有咩咁急要即刻收起張紙呀?  個客食緊嘢㗎!!   見佢咁趕客,  我就 順手叫埋飲品啦,  我老婆要凍檸茶少甜走冰, 我要凍咖啡走冰, 結果杯檸檬茶甜到好似落咗兩倍糖

家人喜歡食肉這裏是食肉獸最佳之選人流不多最緊要份量夠大啱晒男人食量啊仔叫咗個雜扒鐵板餐分量簡直多到就嚟滿瀉配上黑椒汁 完全是無懈可擊加埋經典羅宋湯及牛油餐包又一個美好的下午

莎樂美既下午茶，唔係睇著68蚊份上一早走左。個鐵板咁細，夾硬叠兩塊扒上去，完全唔夠位食，我走汁都唔夠食，豬扒柴都算，雞扒又有雪味，大蝦不大，比一隻中指大小小，而且無味，周打魚湯完全係麵粉水，咖啡仲苦到爭d飲唔到落口，個餐包硬到要扯先死得斷開。而且侍應係樓面高談闊論，質素仲衰過大家樂，完全係垃圾級下午茶！

今次要提既呢間莎樂美年紀可能仲大過我 , 估計都有30幾至40年歷史 ,住青衣既我依稀記得幾歲果陣第一次去荃灣 , 此店就已經屹立於沙咀道然而幫襯既次數不多 , 應該只有5次內隔了幾年無食 , 今次再去幫襯佢既午市雜扒餐 大約連加一 $70左近 , 包餐包 , 紅或白湯 , 野飲 , 鐵板正餐 及 甜品份量不少...惟質素確實一般 , 幸靠份量取勝 , 老實價錢認真不能要求太多 , 但求入到口, 中規中矩已經好好除左鐵板外...午市仲有10款左右飯或意粉任君選擇 , 照顧唔想鋸扒人士舊港式懷舊扒房愈黎愈少 , 黎緊會多D食呢D支持下

莎樂美餐廳充滿着兒時回憶，裝修同以往不變，服務員整體都親切。排咗成25分鐘先有位。扒餐份量大份！味道不錯，套餐亦配上餐湯餐飲及甜品，一定會食飽你🤣價錢合理，什扒套餐十分抵食！

今日去荃灣經過呢間沙樂美餐廳，聽講係一間傳統嘅扒房，所以入咗去試吓。一入到去成間舖頭都好大煙同好黑，仲以為去咗邊度。咁我哋叫咗兩個餐一個，就叫咗精選套餐安格斯肉眼牛扒，咁佢就包左個湯、忌廉盒、一個沙律仲有一球雪糕同埋杯嘢飲。呢個忌廉盒子係成個餐裏面最有驚喜和最好食嘅。熱辣辣嘅蝦同除博博嘅酥皮加埋好香濃同埋好有海鮮味。而佢呢個安格斯牛扒就好明顯醃得太犀利，啲肉開始霉霉地。另外嗰個餐就叫咗T骨扒，咁呢個就冇之前嗰個安格斯肉眼醃得咁犀利肉質比較爽少少不過都普通啦。

呢間餐廳既套餐份量相當大，特別係雜扒餐，有餐湯、餐包，鐵板上有豬扒、鷄翼牛扒、火腿、香腸、薯菜，仲有飲品、雪糕，一個人係食唔晒既。雜扒餐味道濃烈，但毫無肉質可言，勝在價錢平。