莎樂美餐廳

营业中

休息中

以前荃灣返工, 偶然會去莎樂美食LUNCH! 星期六剛好經過, 突然有d想食下肉, 所以就入去啦! 環境都係咁, 你唔會有太高要求。或者你可以當係特色 : 幽暗既環境、2樓要小心奕奕低頭行過等等。但都係食一種懷舊既感覺啦, 幾十蚊有鐵板+扒食、有野飲、有雪糕送! 抵啦~

細細個已經幫襯呢間扒房。屹立至今，80年代裝潢，環境有點老化，但頗有懷舊情調。玻璃門掛窗紗，膠枱墊卡座，分上下兩層，上層樓底偏矮，擁有著不少人的回憶。十來款鐵板餐就點了牛柳和雜扒，份量十足。先來了一碗羅宋湯和忌廉湯，湯味道對辦，酸中帶辣，惹味開胃。餐包拳頭般大，鬆軟有麥香。終於到主角出場，眼前不敢相信是一個人的份量。牛柳近兩吋厚，脂肪比例均匀分佈，煎出來帶油脂香和肉味濃郁，入口即化。雜扒餐份量十足，煎豬扒，雞全翼、牛柳、巨型雞扒等，疊至幾吋高。薯菜，番茄，蔬菜作配菜。雪糕作甜品。但炎炎夏日就點了一杯啤酒作消暑解渴。你冇聽錯，啤酒是跟餐的。

荃灣無人不知嘅莎樂美。我由細食到大。呢次係最後一次。佢嘅特色只有一個，抵食夾大件。啲牛排唔使用刀，就咁用叉加匙羹都可以了切開。佢嘅做法同金鳯一樣，大量汁，啲肉冧冧哋，有雪味，肉質粗有趙頭嘅牛排。環境黑沉沉，下層嘅吧台，污漕到無輪。服務夥記掛住自己傾計，樓上厠所，行入去都差啲跣低。餐湯今餐最好味。牛排，得個大字，快餐一樣。我一定要影佢呢度嘅賣點，厚，其實同煲湯牛肉返煎沒有兩樣啤酒係今餐最好，可以加錢餐飲轉啤酒。

半個鐘前，行過呢間餐廳，門口幾懷舊，以為咁耐歷史，質素應該有噃咁上下，點知揾笨，叫咗個黑椒羊架，來到面前，把刀任你砌，舊舊都係肥嘢，叫個四眼樓面過來，好聲好氣同佢講，叫佢留意下啫，竟然話係咁，對唔著都無句，就行開,如果唔係有朋友係度，即時要佢退貨，當時一舊都未食過，呢間餐廳，都唔係幾想做生意咁，已後都唔會去，垃圾餐廳！

黎到荃灣好肚餓！經過莎樂美，無論係門面定入面既裝潢，都好似帶左你返去幾十年前既香港咁，一於入去試下佢既鐵板餐。有唔同類型既餐牌，我地就食鐵板午餐。每個餐都係$64，加飯或意粉要加多$3。好有格調既餐紙，連紙巾都有印上餐廳名。先黎湯，叫左一白一紅。白湯有塊梳打餅，好得意！但紅湯濃味啲又辣啲，好味啲！我地嗌既 (B)餐既洋蔥豬扒加青口 加意粉 (有兩塊手掌咁大既豬扒😂😂😂 方便影相所以分開擺)(E) 餐既 串燒大蝦什扒餐 加意粉(都係有手掌咁大既豬扒同雞扒，加火腿腸仔）岩岩侍應落醬汁吱吱聲既一刻，好療癒☺️☺️☺️最後送多張鳥瞰照～仲有甜品雪糕架- 但我唔記得影低！我地再額外嗌一杯凍檸檬茶同熱咖啡☕️，計埋加一，總共$147！ 大份又抵食，味道就都係鐵板味啦！經過開又肚餓又想要個氣氛就一於試下啦！😋😋😋😋PS 什扒餐冇牛扒，如果想食，可以嗌$135既高級什扒餐(豬扒、牛扒、雞扒、雞翼、腸仔、火腿) 包野飲！

從餐廳門口就可以睇得出呢間＂莎樂美餐廳＂歷史悠久，係一間懷舊西餐廳。一踏進餐廳，立即好似進入時光隧道一樣，時光倒流到八丶九十年代。聽到播緊張學友的歌，裝修陳設全部都好有懷舊氣氛，綠白色格仔地磚，呢度有兩層，上層坐位比下層多。燈光比較昏暗。午餐餐牌的選擇唔多，只有幾款。當日點左越式札肉雞絲炒飯＄50丶串燒大蝦皇伴莎地亞雜扒＄64，兩個都係套餐，包一杯飲品丶餐湯丶仲有雪糕，非常經濟實惠。份量十足，保証一定捧腹而回。我選擇飲周打魚湯，配經典麵包。周打魚湯有一塊梳打餅，而且好多西芹。炒飯好大碟。鐵板餐亦都好大份，有雞扒丶豬扒丶串燒蝦丶薯條丶火腿⋯⋯份量驚人。甜品永遠都係一款，就係一球朱古力雪糕。

今日同7位朋友出黎食飯，睇到有間懷舊扒房，就入去試下，環境唔錯，餐牌種類都算多！見到其他客人叫嘅餐都幾大份！咁我就叫咗一份5成熟嘅西冷牛扒，配餐白湯。首先，餐湯唔錯，都算多配菜，有洋蔥，西芹，餐飽就一般般，不過不失。係份扒一黎到就有點擔心，因為份扒真係好大份，怕會食唔晒！我切開就發現牛扒有啲生，似3成熟，咗我覺得我都接受到，咁就冇叫員工幫我換！之後就開始叫餐飲，本身叫咗凍檸茶，少冰少甜，其餘有5位朋友就係凍檸茶少冰，有1位朋友叫凍檸水走甜。落單後，員工都有重複一次我地嘅order 。但最後都係黎錯咗，凍檸水變正常，凍檸茶變走甜！咁我地諗住叫其他員工換，係溝通其間，幫我地落order嘅員工行過黎話「咪走甜囉！」咁我地冇同回應佢，同咗其他員工講，由其他員工換！同其他員工溝通好後，我見到幫我地落order嘅員工同佢嘅同事講「佢地自己咁講。。。」係我嘅角度。我認為我地冇必理刁難你地，的確係黎錯飲品，其實換番我地都ok，但員工嘅態度令我覺得有點失望！落錯order唔緊要，但咁講野令到我感到失望！

今日(27-12-2019 Fri)晏晝,老公話想今晚嚟鋸扒,於是放咗工走嚟.咁啱地下有枱卡位客埋單,我哋就坐呢張.呢次應該係我第一次喺地下坐,地下嘅環境光猛啲同闊落啲.睇完menu,我決定要$150.00嘅薯蓉焗海鮮大會餐,老公要$135.00嘅鐵板雜扒餐,大家都要周打魚湯.湯同餐包到嚟喇,餐包都幾熱同軟熟,周打魚湯仍然幾杰,舀起飲,發現有好多蔬菜,真健康.等咗10分鐘,我嘅薯蓉焗海鮮大會到嚟, 燶邊薯蓉脆卜卜,好得意,而焗海鮮係有加芝士焗,材料有兩隻青口,蝦,魷魚仔;一隻帆立貝,蜆肉,幾隻蝦仁同魚柳,成個味道鹹淡適中,都好舒服,呢個我食唔晒,就算老公都有幫手食啲.而仍嘅鐵板雜扒餐好耐至到,成座山咁高,有啲驚會跌落嚟.食物有全隻雞翼,腸仔,火腿,豬扒,雞扒,牛扒同薯菜,同20年前冇乜分別.由於我太飽,根本冇能試,而老公都好好食力,佢食得晒.餐飲我哋要熱檸水同凍檸茶,我嘅熱檸水又有啲澀喇.雪糕方面,今次係朱古力味,有啲脆朱古力塊,好味.服務:明顯好咗好有禮貌.上次喺呢間食嘅食評: https://www.openrice.com/zh/hongkong/review/%E6%98%AF

叫左個5成T骨排 上到黎10成都黎緊，雖然望落好大份，但下面果塊有近乎一半都係肥膏，唔知食緊牛定係豬，肉質真係奇低！係奇低。要食情懷都吾應該黎呢間，性價比極低！！

話說 琴晚同幾位朋友仔,係荃灣諗食咩好 ?有朋友突然之間想鋸扒,有人提議 不如去食 莎樂美餐廳.話屹立荃灣多年歷史,咁不如就去試下.未入餐廳前,外表裝潢保持懷舊味道,黑沉沉燈光,狹窄的座椅,恍如80年代,比人一種 穿越時空 既感覺,打開餐牌,各式各樣 扒餐,焗飯都有...聽聞 雜扒餐 係依度最出名,但我哋無人選擇.最後我哋 嗌咗黑椒牛柳5成熟鐵板上,朋友就嗌咗 澳洲T骨牛扒餐 7成碟上,等咗一陣,先黎碗 熱度剛好 白湯,同餐包, 感覺上餐時間都正常,食完以上既野,主角剛好時間出場....2大舊牛柳,加上薯菜,賣相都okay.我只食咗一舊,已經有d飽肚....證明d野食份量,合理...牛柳,目測兩吋厚,分別一舊大一舊細,牛肉味濃值得一試.牛扒汁有小小偏鹹,食到一半,要嗌杯凍檸茶,好細杯,飲幾啖,就無晒.....全晚最敗筆就係杯野飲...最後同朋友都食唔晒,我哋選擇打包.店員見我哋用餐完畢,就送上雪糕一杯幾好,係我喜歡既朱古力味....

好痴線 我就叫咗塊5成熟西冷 一黎到 個份量ok既 第一印象好好 我第一刀落去 肉質好硬 我都唔覺意 因為西冷的確比較硬 但係到的食第一啖我就知伏 佢舊肉多筋到痴線 個啲筋唔係嫩筋呀 係死筋呀 咬唔到架大佬 我即刻吐咗出黎 我再試下中間位置 情況一樣 我再不斷試 點知成塊都係咁 的就同staff反映下 跟住點知佢同我講西冷係咁架啦 我心諗呢啲佢本身都唔識既再點嘈都冇用 就冇跟住 我知道 百幾蚊食塊扒 就唔應該俾太大希望同要求 但係大佬 至少都要食得到呀 佢每個位都係死筋 一舊都食唔落口呀 真係大快活都好過佢 至少食得落口呀 真心差評 我就真係唔會再食 你地睇到既話 又唔信就即管試下

以前食都正正常常，但早個排同朋友食，比左個好差好不快嘅經歷我。個日我地三個人都叫三成熟嘅牛扒，得我個塊特別生。鐵板又唔熱，野飲上面有油。咁都算喇，我就問侍應點解我個塊咁生？佢就叫左個可能係佢哋呀頭出黎，個男人望左一望。同我講三成熟係咁，唔食得唔好食啦。咁問題黎喇，咁點解我朋友個兩塊會熟過我，以前黎開三成熟都唔係咁，今次我個塊就連割都割唔開，咬都咬唔斷，同無煮過無分別。食唔到又難食唯有放棄，之後佢居然嬲爆爆咁同我講食唔到就咪曬野啦，最後錢照收，好似乞佢比野我食咁。真係令人失望同不滿囉！

8/11/2019，香港人損失了一條生命。懷着無比痛傷，我寫下這篇食評。很小的時候，跟父母去金鳳鋸扒，那是一種快樂的體驗。大家都穿得比平時正經體面，每人點一個餐各自吃着，不像平時在家裏大家互相分享幾碟中菜。鐵板餐來的時候，侍應讓人以餐巾遮擋，淋下燒汁，吱吱作響...其實莎樂美餐廳的感覺也是如此，叫了鐵板雜扒，64蚊再加一，包餐包，餐湯，飲品，甜品，全套服務，價格很相宜。牛油餐包還有餘熱，所以香軟。羅宋湯帶甜和辣，一大碗的，入面很多材料。雜扒餐有火腿，腸仔，猪扒，雞扒及大蝦各一，下面還墊了薯菜。你不會期望用上甚麼頂級材料，但這樣的大堆頭，也該滿足了...餐後還有汽水及朱古力雪糕，似乎很完美，卻若有所失。是的，失去了心情，食之無味...莎樂美餐廳的燈光是暗沉的，像一個被封印了的結界，回到了七八十年代，那時人們没有醒覺，沒有抗爭，只有紙醉金迷，只貪一時逸樂。因此他們享受着經濟發展的成果，卻不知就裏地背棄了下一代，留下了一筆糊塗賬。二零一九年的今日，年青人為此埋單，卻賠上了性命...韶華去，四季暗中追隨，逝去了的都已逝去。可是香港人不會忘記，更不會原諒這殺人的政權...周梓樂同學，我們將替你完

兩層懷舊西餐廳裝修 ，座位多但上層樓底較矮 餐牌選擇都好多 今次叫左【什扒餐】同【鐵板串燒大蝦配巴西豬仔脾扒】每個扒餐都跟餐湯，餐包，野食，甜品周打魚忌廉湯.內有西芹、紅蘿蔔，一塊梳打餅, 第一次見梳打餅伴湯咁飲鐵板莎樂美什扒餐份量勁多,好豐富味道一般，比較好味既係豬扒，其他都ok la，不過腸仔個味道怪怪地鐵板串燒大蝦配巴西豬仔脾扒本身個餐跟黑椒汁，吾想食黑椒汁既可轉其他汁上枱時仲有咋咋聲，大大份豬仔脾扒好juicy，好易切，唔會太硬𡁻唔到

上星期去咗兒時既餐廳食鐵板据扒，我就叫咗個雜扒餐，一嚟到D雜扒搭到好高，啱晒正在發育既後生仔🙆🏻‍♂️實在太多，有腸仔、火煺、全雞翼、豬扒、雞扒、牛扒同埋薯角同雜菜。味道方面係OK，大致上豬扒我覺得係最好食,牛扒就overcook咗有D硬。不過咁多料去邊到搵佢仲包埋湯、包、飲品同雪糕。真係滿足晒細路仔既願望，怪唔之得我仲記得我細個時食過我想講佢既羅宋湯同朱古力雪糕都好好味，大家都可以叫下嚟試試.