莎樂美餐廳

营业中

休息中

莎藥美餐廳大約16年前已開始幫襯，餐廳內外基本上咁多年都不變鐵板午餐由40幾蚊，到宜家$64 蚊，真係好抵，都係16年先加你$20 左右，平均一年加你$1.5唔食鐵板餐，可以揀午餐，無咁熱氣。餐湯有紅湯白湯二揀一，周打魚湯內有魚肉，足料。串燒大蝦皇伴莎地亞什扒（配肉汁）$64。有火腿，腸仔，雞扒，豬扒，大蝦，薯角，蕃茄及什豆。雞扒夠厚肉，但有少許膻味。豬扒夠淋，美味。而大蝦蝦頭內有膏，但蝦肉無味，要配肉汁先夠味道。連餐飲及雪糕，為這次午餐畫上完美句號。

呢間餐廳，真係由細食到大。父母後生拍拖果陣已經成日嚟呢度食。今次嚟食下午茶，我試咗佢個黑椒牛肋條配黑椒汁。餐湯叫咗忌廉湯。個湯好creamy，唔會好似大部份餐廳咁水，而且每碗湯仲有塊梳打餅係面，好特別。等咗10分鐘左右就有得食主菜。我估吾到佢份量都幾多，每條牛肋條個size好似放大咗咁，哈哈。配菜都係薯角同雜菜粒果啲基本嘢。最後仲有個雪糕甜品，好正又好飽，滿意嘅一餐。

行開荃灣又想食扒，那就去試下呢間感覺有點懷舊的扒店午餐選擇都正常多，有鐵板，不過午餐不想食太熱氣，就要普通碟上的此餐有飽有湯、餐飲，扒都有兩塊，其實都正常算抵食，有加一的

上網睇莎樂美, 負評不少, 又話湯好杰撻撻, 又話牛扒燶咗一邊.....雖然如此, 但無計啦! 女友話未試過莎樂美想試一下喎.....唉.... 女朋友話要食, 做男人就盡量帶佢食, 如果反女友意見唔帶佢食, 相信以后會無啖好食. (>_<)大不了, 咪食一次無覆桌囉...未行入餐廳齋睇門面, 七八十年代味道已經出哂黎.一開門, 冷氣夠, 掂!上咗二樓, 點咗個鐵板T骨同鐵板西冷, 兩個都七成熟.優點 :1, 雖然個餐包唔太熱, 但好多餐廳已經無提供牛油餐包噜2, 餐湯點咗一紅一白, 白湯內居然有塊梳打餅, 而白湯名副其實杰撻撻! 點解係優點? 因為夾我口味囉! 如果唔中飲杰湯就視為缺點吧....3, 鐵板係勁熱辣手發出吸引嘅咋咋聲! 同深水埗把鬼飛X簡直差天共地!4, 總覺得鐵板餐要有個蕃茄, 薯條同雜菜粒先完美, 雖然莎樂美轉用薯角代替有D美中不足, 但份量無偷工減料, 可以接受啦.5, 不論T骨同西冷, 份量勁大, 由其係T骨, 大過塊鐵板!6, T骨肉質較冧, 西冷肉味較重.7, 上扒速度快.8, 甜品係我中意嘅朱古力味. 缺點 :1, 記然塊鐵板咁熱, 當然食

今日同屋企人黎到荃灣本身只係打算飲個茶 但荃灣咁多野食於是我就提起食鐵板餐喺佢地腦中只係諗起日式嘅鐵板餐Haha 而我就帶住一絲神秘感帶佢地行到黎莎樂美真係好耐冇黎了 以前中學有段時間成日食呢種港式餐廳大概也買少見少了吧一個鐵板set 有餐包 湯 一個鐵板 仲包凍野飲同雪糕對於我黎講真係夠晒啦 我啲屋企人仲驚唔夠 叫左個什扒加意粉（加飯加意粉都只係3蚊）對於佢地黎講 都好多無食呢種鐵板餐啦 於是邊食邊想當年 haha 佢地開心就好講返野食 絕對係性價比之選 量夠而且又唔貴 去個陣65蚊 一個鐵板餐 另加一服務費想飽啲就叫雜扒餐啦 絕對豐富！雜扒餐冇影到相 裡面有蝦一塊豬扒一塊雞扒 仲有一塊火腿 好大份架！最後食返啖雪糕就真係滿足了單睇佢凍野飲唔另外加錢就知係良心店鋪 haha

已經唔係廿幾三十年前嘅沙樂美似係唔想做等執笠奇怪7點半門口點解無人排隊以前排隊是常識入到去空位好多再睇埋餐牌就明加左最少三十蚊一個餐但錢唔係問題好食就得叫左一個 T 骨鐵版 5 成一個西冷 5 成T 骨黎到熟過都算竟然係燶左一邊而且塊扒係無味西冷都好少少雖然變左 7 成但都係無味全個餐同以前無變同廿年前一樣應該有嘅都有係飽肚嘅但質素真係強差人意兩位埋單 $341以呢個價錢理論上唔係呢個享受幫襯前諗清楚錢係咪咁用

喺荃灣行左成日街，行到攰攰哋，朋友提議去鋸扒，所以就嚟咗荃灣嘅「莎樂美」。一打開餐牌花多眼亂，最後終於揀咗個「鐵板黑椒牛柳」。每個扒餐都有湯跟，我就叫咗忌廉湯，舊式扒房嘅湯係唔同啲，入面有西芹、紅蘿蔔，同埋一塊梳打餅，夠哂懷舊。份「鐵板黑椒牛柳」一嚟到真係俾佢嚇親，因為好大份，而且我以為本身無薯菜，郵以叫咗個飯，但原來本身已經有薯菜，見到都知食唔哂😭起身我鋸扒都不太感興趣，因為好多餐廳都會煮到過哂龍。我今次叫咗五成熟，一切開仲見到小小血水👍🏻估唔到食落真係啱啱好，係第一次食咁好味嘅鐵板牛柳👏🏻👏🏻👏🏻最後埋單$160再加一，比起外面嘅扒房貴啲，不過好食就無所謂喇😄

因為一句說話 “想食牛扒” 而問友人有咩好介紹一問之下搵到一間 據說開咗好耐嘅舊式鋸扒餐廳莎樂美餐廳兩層式餐廳 懷舊裝修 上層樓底較矮 二人座位枱面位置比較細個人覺得扒餐選擇性尚算多 牛雞豬魚先來餐包加湯兩碗白湯:周打魚湯內有餅乾一片 真係增長知識 原來舊式餐廳都會有同一種做法 加餅乾紅湯:羅宋湯夠酸微辣鐵板洋蔥豬扒餐侍應會在鐵板上淋上洋蔥汁足足有三大片豬扒 豬扒下放有薯菜嘩 大份到傻眼 小女子一個人根本食唔晒豬扒肉質不會太硬👍🏻鐵板澳洲T骨牛扒餐同樣地大份 但當食第一啖時發覺我哋做錯一樣野 就係冇加$3改黑椒汁點解我哋咁失策我覺得豬扒比牛扒好食最後仲有甜品 雪糕一球呀 差啲唔記得仲有一杯餐飲 凍檸茶小冰總括來說 啲餐分量足夠 價錢成正比未試過可以試下 始終係舊式扒房買少見少

舊式扒房得反唔係好多食呢啲就係食嗰種懷舊風味二人行就去試吓叫咗一份雜扒餐🥓真係好大份仲有原隻雞全翼友人叫咗份黑椒豬柳👍🏼雖然味道冇咩突破可言但份量好大 價錢都成正比去吓呢啲懷舊扒房食下風味都係不二之選🙂⭐️⭐️⭐️ 小吃人士千祈唔好叫兩份雜扒😂🤣

相信經常來往荃灣的朋友都會幫襯過依間餐廳，主要是食鐵板扒餐。今次我點了牛肋條配黑椒汁，與其餘所有午餐都一樣是$64加一，奉送餐包、餐湯、飲品及雪糕，加$3可要飯或意粉。先說說忌廉湯，份量很多加上不太咸，味道剛剛好，面頭還有一塊脆餅乾，與湯一起食口感不錯。主食牛肋條方面，口感及味道都非常好，完全不會老和韌，份量亦多，真的是性價比非常高。(圖中的蝦是同事給我的，不是配菜)環境方面，卡位算是舒適，但如果兩個男人坐在一邊的話會有點逼。店員的服務態度都十分好，整體來說各方面都很滿意，下次想食西餐會第一時間想起這餐廳。但份量對女士來說真的太多，建議女士不要點雜扒餐，因為我的男同事也食不晒。

琴日係荃灣呢間食午飯，我同我屋企人都叫左個洋蔥肉眼牛扒，一個跟飯一個跟意粉，湯就一個係羅宋湯一個係周打魚湯。整體離講，個餐包同羅宋湯係正常既，至於周打魚湯，第一，杰撻撻，第二，冇味。最離譜係個扒，肉質奇怪，又冇味，食落去既感覺係似變左，食落去個味道完全唔似係牛扒。完全係連擺入口都擺唔到，稱得上為難食。求其一間餐廳都好過佢。完全失曬水準。更何況價錢同我地所食既野唔相符，仲要加一服務費，所以一定唔會有下次。

呢間餐廳屹立左係荃灣區已經好多年，我細細個嘅時候，就已經知道佢嘅存在，餐廳門面由黑色大玻璃組成，入面燈光亦好昏暗， 營造懷舊同神秘嘅氣氛。我地一入餐廳就從右手邊嘅樓梯，直接上咗2️⃣樓。樓梯嘅樓底比較矮，所以行上去嘅時候要小心👀。我哋選擇咗卡位坐低，空間有啲窄😅，唔可以有太大嘅郁動。呢度係出名食扒既，所以今次都湊下熱鬧，叫咗個雜錦扒餐，因為今日唔係太想食牛🥩，所以落單嘅時候，就同侍應講， 只係要雞扒同豬扒，啲扒上面仲會有腸仔、火腿，勁大份。👍🏻👍🏻係側面睇，d扒lum到幾層高，我唔算細食，都覺得呢個餐可以食飽三個人。😅😅跟餐會有埋湯、野飲🍹同甜品🍮，羅宋湯少辣幾好味，餐飲就細杯左d。總結食物質素一般，但呢度主要食懷舊。😉

.ㅤㅤㅤㅤㅤㅤㅤㅤㅤ香港篇🇭🇰ㅤㅤㅤㅤㅤㅤㅤㅤㅤ🍴: 莎樂美餐廳📍: 荃灣沙咀道294號地下💰：人均消費hkd$150ㅤㅤㅤㅤㅤㅤㅤㅤㅤ今次黎到荃灣懷舊扒房，見網上人人都話性價比高，大件夾抵食，所以就幕名而黎試下。豬扒好乾身好鞋口，好似食緊豬肉乾咁。西冷無牛味，好多肥膏同根，口感好硬好鞋。西冷我叫左五成熟，但黎到變左全熟咁，好難食👎🏻而且啲扒唔知放左幾耐，一黎就已經凍既🤮相比大家樂同大快活仲好食過佢😡雖然兩個份量都好大，但食物質素真係好差。環境方面，樓底矮，枱與枱之間好狹窄，坐得唔舒服。無下次👎🏻👎🏻👎🏻ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ#莎樂美#荃灣#荃灣美食#香港美食#相機食先#吃貨#tsuenwanfoodie#tsuenwan#twfoodie#twfoods#tw#tsuenwanfood#foodsinhk#foodsinhongkong#hkfood#hkfoodie #hkblogger#blogger#hongkongblogger#foodinhk#hkig#instalike#foodstagram#instafood#hkeats#hongkongeats#h

為了去滿足自己食慾 去左食牛排友人先過我到 幫我叫左鐵板牛柳餐餐有跟羅宋湯/餐包 飯同意粉就唔洗加了因為塊牛已經好大塊餐包方面 店員沒有牛油刀 餐包是冷的 硬的可是羅宋湯比餐包做得好多有肉味和蔬菜味 不算太辣 湯料足夠餐到了 見到兩塊大舊牛柳 已經覺得幾飽友人先講原來幫我叫左三成熟嚇一嚇 個人好怕食 三成熟帶血的牛肉不過黎到切左一下 發現牛柳餐都幾熟錯有錯著 外面就5成 食到入面就得3成牛柳餐質感好有肉感 有嚼勁但不算費力肉裡帶肉根扣少少分 不過都有一點點牛味鋸塊$155肉 雖然味道唔算好正 但計份量是滿意的餐飲方面 飲品好細杯 是水奶茶不過友人叫了生啤 在鋸扒店飲到啤酒真是特別最後仲包一個雪糕小甜品總括來說 喱間餐廳是個頗好的選擇份量大 味道不算大差但如果係細食的人 應該要打包點牛回家了

已經不止10次來這間餐廳据扒了😚每次生日聖誕節等等的特別節日，都會和家人朋友來莎樂美餐廳食飯推介的是T骨牛扒🤤 份量很足🍴如果平時比較細食的女生我建議兩人share食用另外我建議牛扒只叫五成熟就可以了，因為牛扒是用鐵板上菜的，五成熟剛剛好，肉質10分鮮嫩，也不會血淋淋的☺️如果叫套餐的話，會有餐湯，餐包最後還會有雪糕甜品呢，這個說多10分好味，其實我會來這間餐廳食飯，這個雪糕也影響很多呢🍴🍴