菜雍坊 (已結業)

繼我上次買附近愛心燒味店後，又一好人好事，話說自己平台訂咗兩盒飯連飲品，點知去到無訂單（下午2:30）,加上現今落樓真係唔帶錢㗎嘛，當我知道訂單無咗正打算走既時候，有個似係老闆娘既人話煮比我先，叫我下次比錢，我er.. er...唔係咁好之下叫佢煮一盒，佢就話：如果你返去又比唔到錢又係無飯食。。。。（幾十字）仲叫廚房即炒連飲品／湯，＄40咋，唔好以為賣人情，我叫咗星洲炒米，忘記影相，堅好多料，所以決定還錢既時候真係要買多盒幫襯下。現今環境幾難做之餘＄40應該比起啲集團式既還要平。最難忘係佢強調信我，幾十蚊，唔好乜乜寶，乜乜me喇，收工唔好趕嚟，下次先找數。地點真係無乜人留意到，味道價錢，服務一流，希望大家都撐住又或者佢喺下面貼下小廣告。

大家好！又睇到我食評睇開嘅朋友都知道，我真係唔係好嘢👏我都唔願寫但今次真係要寫下呢間菜館你咪酥炸鮑魚，好食都好難用筆墨形容。第一有新鮮感第二口感非常好👍🏻簡直係一食難忘！豆腐都做得好好食到師傅嘅功力！呢味鹹豬手，我食外邊通常都嫌比較鹹，師傅將咸度降低左。令到這味餸可以加入到其他味道值得一讚，超好食！其實仲有好多未送都好值得推介，下次有機會我會影多啲相同大家介紹吓呢啲隱世食店！大家有口福！#causeway_bay_eat_god#hk_wine_market差啲忘记赞下侍应，好服務😉

老朋友開的一所私房菜, 已經踏入第八年。很慶幸終於捱過最艱難階段，今天全場爆滿。點了椒鹽鮮魷，椒鹽豆腐，雜菜粉絲煲，沙律芥末燒骨。坦白說椒鹽豆腐一般般，味道不夠惹味，炸的不夠脆。椒鹽鮮魷還可以，但整体味道還是不夠鑊氣。沙律芥末燒骨芥末味不夠濃，而且骨頭太大肉太小。較好的是雜菜粉絲煲。味道清爽，夏天吃最合适。最后老板送了一碗杏仁豬肺湯非常清甜，是全晚最滿意的一道菜。服務員的服務還是不錯。希望老板生意興隆。

是日同舊同學聚舊，人大左都係鐘意食中菜多d, 今次就黎呢到試下呢個私房菜。提提大家呢到要預早book 位，係book 檯果陣諗定埋食咩餸，留定就唔怕黎到無得食喇，仲可以一坐低就叫起菜，唔使等咁耐tim.一行5人，食左6個小菜，一個湯，4個前菜，同一個炒野。 果然我地果日係好餓。鹹魚煎蓮藕餅，煎得好香，肉質唔散，仲有陣陣鹹魚香。醉雞，估唔到個醉雞係全隻既，好少食醉雞係室溫的，肉質唔鞋，酒味重。黃金豆腐，外脆內軟。夏天梗係要飲個冬瓜盅，好足料，有帶子有蝦，五個人，每人最少飲咗兩碗，分量十足。陳醋洋蔥肉牌，陳醋酸酸甜甜配上香口嘅肉牌非常夾，另外再配上提子乾，第一次食呢一個配搭好，好食。咕嚕肉，名副其實，真係一舊骨都冇，外皮炸得好脆，但略嫌甜酸汁未夠突出。魚香茄子煲，唔通坊間一般食到嘅油淋淋，茄子完全去皮，唔會咬唔到，熱辣辣送上枱送飯一流。鮮茄濃湯浸時蔬，真係有蕃茄肉喺面，白菜仔同蕃茄個味好夾。豉椒肉煎米，個米粉雖然唔算好趣，但勝在是朝執夠惹味，牛肉唔會韌。整體同學們都讚不絕口，下次再有同學聚會一定要再嚟食過。#菜雍坊

#菜雍坊 悶悶地，同朋友去試下中式茶樓先叫左金菇肥牛煲同椒鹽豬扒份量好足，肥牛好多，同朋友食都食吾到完，而且好多醬，滲入金菇同肥牛度，成鍋都勁惹味椒鹽豬扒吾肥膩，而且有d辣味，令個成個送吾係淨係得咸味最後仲送埋個糖水總括，成餐好有住家飯的感覺！評分：7.5/10

第一天戶外工作完畢, 6點幾時間尚早, 老闆叫食飯, 因為明天(星期日)要繼續工作 ! 隱閉樓上私房菜, 原來一早訂咗台, 唔黎嘅走寶, 老闆找數 !!!天氣熱辣辣, 無咩胃口食飯, 將個炒飯轉麵, 點解個陽春麵係辣嘅 ??自家製豆腐, 新鮮, 食得安心, 又腍又滑, 好味, 可惜一人得一嚿.店內招牌菜, 精制焗蹄膀, 即係豬手, 比起第二度嘅脆身D, 豬手應該有醃製過, 我無點醬汁食都夠未, Oh...原來係黑醋 同甜酸醬!  辣嘅陽春麵終於出場, 全名係麻辣肉碎陽春麵, 呢個辣同水煮牛肉有d分別, 呢個蔥花炸菜味重d, 淡味d, 天氣熱, 食呢d醒神d, 有胃口食埋佢, 不過要快d食, 唔係d 麵漲晒無咁好咬口.

肥髀畢業營，約埋同學仔爸爸媽媽一起聚一聚，有媽咪提議呢間，當日去到，樓下門口都幾穩秘，要在大路入一條幾暗嘅巷，搭𨋢上樓，店門口好窄，店內幾開揚，中餐館格局，企理乾淨，桌椅唔迫，人齊就上菜茗茶（$9/位）茶味幾濃香！汽水🥤（$15）有新嘅白可樂啤酒🍻（$26）朋友飲頭盤5小碟：醃青瓜：青瓜爽脆，醋汁清爽開胃！好味！粟米菘子：炸過嘅粟米粒同菘子粒，外皮有點鹹香（似係鹹蛋嘅味）好味醃雲耳：雲耳爽脆，醋味酸爽！麻醬秋葵：秋葵爽脆，有少少滑嘅汁，配麻醬好味！炸豆腐：皮微脆，豆腐嫩滑！微微鹹香！精製焗蹄膀：即係德國豬手咁嘅樣，皮幾脆，點芥辣好味，肉鹹香有點實，味道好味！點黑醬汁好味！萬壽果杏汁白肺：自己喜歡呢款湯的，因為自己一定唔會整，奶白色湯夠熱，杏汁味唔假，好幼滑，木瓜雖然係橙色，好在仲帶啲爽！肺我無食大白蝦拼炸饅頭🦐：蝦應該係雪蝦，蝦肉唔夠爽，好在無腥味，啲汁清爽，夾走晒啲蝦再倒晒啲炸饅頭落去，撈埋啲汁食，少了油膩，又脆脆地鬆軟！好味！金蒜粉絲貴妃蚌：蚌肉熟晒，唔會韌（熟就好難嫩）粉絲索晒啲汁，唔會好油！好味野菌扒自家豆腐：賣相靚，炸豆腐好滑，炸皮掛到汁，汁唔會杰撻撻，西蘭花🥦爽脆，什菌索晒

今晚一班同事慶祝小弟升職，經朋友介紹黎到呢度試下。1/ 頭盆：上素腐皮卷併麻醬秋葵2/ 精制焗蹄膀🐷3/ 萬壽果杏汁白肺湯🐷4/ 香辣奶油大花蝦🦐5/ 潮式蒸功夫魚🐟6/ 鮮百合露笋炒腩片🐷 或炒淮山片7/ 椰香脆皮吊燒鷄🐔8/ 鮮腐竹紫薯🍠杞子浸苟杞9/ 頭抽炒烏冬10/ 甜點：川貝桂花燉雪梨特別鐘意個豬手同個豬肺湯，豬手皮脆肉嫩，服務親切 老板娘親自招呼 食物好好價錢合理 期待裝修後再次品嚐各種美食！

7地點要係巷仔轉入去，都易搵。一行9個人，連甜品10個菜。炸淮山好香脆，炸豬腳肉質鮮美，唔肥唔Un. 豬皮嘅脆皮脆得過癮。個烏雞湯好足料，螺肉鮮甜，白蝦夠大隻，d汁用黎點饅頭都幾好食，蟮好長豉油好香。欖角鮮肉排好香口甜甜地有驚喜，上到隻燒雞雖然開始飽，因為個樣幾靚，都食咗幾件，魚肚青蔬林林地好入口，荷葉飯好香亦足料。蓮蓉焗布甸好正，侍應問我地仲要唔要免費甜品，我地齊聲唔洗啦，d餸好好味，我地都好滿意好飽。

Surprise 意外驚喜私房菜。若非朋友介紹都唔識搵。美味小菜有很多，一定要再來才可以一一試。好service ,weekend 只做晚市，要訂位，特色小菜砲制需時，需要預訂。家庭小菜，宴會請客都適合杏汁豬肺湯 -yummy 龍蝦-新鮮好味指數環境 再次光顧

9/16/2017 用餐 只心比個正字！用心的食材 天然的味道 每一道菜都精心準備味道超正，食完好想再想 回味無窮！焗豬手簡直係驚喜 佢地並唔係一般德國餐廳豬手，呢度可以做到係混合中式燒乳豬嘅皮內裏肉香四溢嘅咸豬肉鬆軟又脆，非常香口八寶鴨係必食的 內𥚃的涵係真材實料 栗子超多超綿 鴨肉好嫩一D都唔乾 個汁啱啱好唔會太咸或太甜 火喉味道完全控制到家其他出色作品包括糯米釀鷄翼、太白蝦拼饅頭、清洒浸大蜆仲有非常好味既甜品焗西米布甸 我的至愛食完呢餐後已訂下月再來食過！

之前曾介紹過一間在灣仔的樓上新派粵菜，主打特色帶點點fusion味的菜式，加上全部菜餚不加味精，還記得上次大家食得津津有味的模樣，還道幾時可再回味一番。及至最近一眾朋友發起再出來聚聚食生日飯，遂提意再訪這間好味之選。有了上次的經驗，今次已預先跟老闆聯絡訂座，一來生怕繁忙日子難訂枱，二來可預先訂好一些特色手工菜，讓一眾摯友能共享一個歡愉晚上。當晚總共預訂了9道菜，還有自來的即開生蠔。即開西班牙生蠔，多得老板讓我們自來即開生蠔（充份表現了這店的彈性和人情味，那當然是我們自己負責開蠔啦！），每隻蠔也是珍寶size，隻隻都大過男人手掌，朋友本身是做海鮮行業，自家入貨果然非同凡響！雖然蠔隻很大，卻異常清爽，充滿海水味，不似美國珍寶蠔般膩口，大可多吃兩隻。焗釀龍葵菇，以原隻Portobello大蘑菇，釀入鲍魚雞粒内餡，面頭鋪上芝士烤焗，上枱每隻蘑菇都手掌般大，菇味濃郁，鲍魚雞粒餡燴得彈牙惹味但不會太膩口，配上蘑菇的軟糯清香，出奇地配合，清淡中見濃香。豉油皇乾煎海中蝦，足有六寸長海中蝦以葱蒜豉油汁乾煎，全隻蝦身都均勻的沾滿醬汁，蝦殼煎得乾身香脆，蝦頭爆膏，蝦肉彈牙，大可一口連蝦殼嘴饞，滿口醬香，鮮甜

This place is well hidden, hence a popular spot for celebrities.It is hidden in an alley between Hennessey Road and Wan Chai Road.There are no windows hence the paparazzi can't take photos unless they are inside the restaurant.That night I saw 許懷欣 Ryan Hui.There is a basic menu but they will have some specials and signature dishes.Customers can also suggest or tell the restaurant what sort of food they want and it can be arranged.The food I had was arranged by my friend because they booked the d

我們一班朋友因工作關係各有各忙，偶爾才能出來一聚，所以每當約齊人出來食飯，我們都會搜刮一些美味又方便傾談的食市，讓大家可以舒舒服服聚舊一番。而今次有朋友發掘了一間灣仔樓上食市聚餐，遂一行人向灣仔進發。此餐廳藏身於灣仔國華大樓（大公報），位置雖離地鐵站不算太近，但交通尚算方便，大廈入口位處巷仔之中，有點隱世食市的感覺，對於我們這些喜歡尋幽探秘周圍搵食的一族，不期然產生一定的寄望。說實在話大廈位置同入口真的不甚討好，但倒轉來說這也是在時下飲食文化前題下的一個selling point--我們現時通常要找的食市不是要那些華麗堂煌人所共知的餐廳，而是希望找到一些隱世的，只有少數人知曉的地方，那樣我們帶朋友去惠顧才有“這裡只有我知道”的優越感嘛！上到餐廳，感覺截然不同，清幽整潔，雖不是雕龍雕鳳的典雅裝潢，但勝在簡約舒適，看得出下過一番心思。今天朋友已預先訂好菜，是一圍原先12人的菜單，但我們只有六人，老板說幫我們轉做半席也可以，夠彈性，加分！今日的菜單有8餸1湯：頭盤4小碟起初上枱見到以為是普通行貨，因都是些陳醋雲耳，手拍青瓜之類，創意欠奉……但試上一口便知龍與鳳，陳醋雲耳用上意大利黑醋配上蒜茸

今日同同事去菜雍坊食ＬＵＮＣＨ，環境好清靜，坐得幾舒服。叫左３個小菜：　煎封紅鈾，粉絲冬菇玉莆和咖哩牛腩。每個小菜有包例湯同任食絲苗米飯。個湯好清甜，應該無味清，味道岩岩好！重點是煎封紅鈾，煎到外層好脆，但入面Ｄ肉唔會老，仲有淋蒸魚豉油，送飯一流！仲有咖哩牛腩，個咖哩夠濃，好香，小小辣，好開胃！Ｄ牛腩好腍，好入味！粉絲冬菇玉莆就正常！仲送多份油菜。６８蚊／位包埋茶，仲唔洗加一，正！