華昌粥麵燒腊飯店 (已改名) 查看

經過太古第一次到訪環境 尚稱舒適乾淨。就這樣， 優點沒有了。點了午市特餐口味出乎意料的普通在香港 ，美食競爭激烈任意一家餐廳口味都不太差華昌能把牛河配上這麼薄的碎肉片還能炒的這麼油膩平淡也是不容易了但東西不美味也就算了讓人不敢恭維的是「服務」三成滿的座位理應不忙熱檸茶來了凍檸茶服務員上菜時盤子放得挺不客氣我自省了一下難道是我不諳廣東話，剛用英文點餐讓她不開心嗎？最後連結帳的女士都一臉不耐煩也沒人排隊結帳啊？我都懷疑剛才掏八達通的是我還是她了。如果不是不得已真的不會再來了

今日有啲唔舒服，專登四圍搵粥舖，完來只有呢一間。睇完價錢牌，見到個價錢嚇親。魚腩粥($48)，諗住有糖朝嘅質素同份量都還可以，點知上枱見係好普通嘅粥，又唔大碗，已經好唔開心。魚腩唔腥，軟硬適中，都滑嘅，可惜有魚鱗。四十八文一碗粥都有魚鱗，我真係接受唔到，係咪我要求太高？外子，點咗個芙蓉蛋飯($68)，哎唷！係小芙蓉！味道仲好普通囉，完。埋單致知，原來仲要每位茶錢 $1，一文... 一係收多啲，一係唔好數啦，傻的嗎？

平時都會去食午餐，出名乳豬皮脆，燒肉咸得濟，叉燒係好味軟，但杯茶要收$1 , 帶位個經理態度勁差，成日鬧客人，好寸，食飯都要受佢氣😒仲見佢成日鬧其他伙計。。。。。

午餐 發現門不能關上 冷氣不斷流出街。而熱氣湧入 桑拿一樣星期日收銀請假或缺人 夥計兼職埋 結果沒有人收拾殘局 得淡笑 編座位也亂來 湯麵淡如水 雲吞爆晒 菜老過我阿嬤天熱搵鬼食 半年不會再來 88

大家鍾唔鍾意食 #燒味飯 㗎？#小秘書 對 #叉燒 又愛又恨😏 我相信好食嘅 #叉燒 認真唔易做， #飯盒 上嘅 #叉燒 柴皮居多、阿媽喺 #街市 買返嚟嘅通常都唔好食... 我係咪太 #奄尖 呢？呢日 #小秘書 約埋大家嚟到 #華昌粥麵小廚，估唔到我路過五年有多嘅 #小店，#師傅 做嘅 #叉燒 係咁好食，口感 #軟硬適中、#味道 甜甜地❤️ 配埋佢哋馳名嘅 #雞，真係要比個like佢👍🏻為咗要試多幾款，我哋決定每人叫一樣 #食物 返嚟 #開心Share🥢 #雲吞麵 係另一樣我要 #推介 嘅，#雲吞 #餡料 豐富，麵底都幾爽口，認真唔錯👍🏻👍🏻 不過講到 #炒粉麵，我就覺得麻麻，#芝士蝦球伊面 上嘅 #蝦球 有好大陣 #雪蝦味，好在個 #醬汁 都ok嘅，不過同個 #伊麵 嘅口感、跟整體都唔夾🤪 最後講到個 #星洲米 都ok嘅，但係就風味欠奉，無咩特別囉😌 雖然係咁，到 #華昌 嘅人都唔少，不過啲座位總算幾舒服，食飽又唔會馬上被趕走... 我嘅 my favourite 又加多一行喇😋

Lunch time 有時間又有錢，想食個好味燒味飯，華昌係一個好好既選擇，叉燒好厚肉地，肥瘦適中，好肥更可點肥叉， 除左白飯，米粉係一個好好既選擇，米粉量勁多，必定會夠飽

係呢間野食午餐套餐外賣要小心，試過叫一個lunch set 寫明有一份野食，送野飲。好啦，比晒錢攞野食時發覺少左份野飲，問佢先話外賣唔送，又唔肯退錢。今時今日咁既服務態度點可以接受？ 感覺被騙，以後不會再幫襯此集團任何店舖。

太古城非常出名的茶餐廳，一般茶餐廳賣既野都有，例如燒味飯、雲吞麵、炒飯等等。中午既時候黎一般都會非常多人，咁係因為華昌既價錢雖然唔算好便宜但係係太古黎講價錢會相對合理，而且出餐十分快，質量又好，CP值極高，好多附近既打工仔都會黎呢間度食，所以一至五既中午真係大排長龍，想試既朋友建議夜晚先好黎食。我今次會推介既食物係呢度既雲吞麵，首先講講雲吞麵，佢呢度D蛋麵係十分之彈牙，唔知係唔係竹昇麵黎，本人覺得很不錯，另外佢D雲吞十分大粒又多，裡面除左蝦仲有豬肉，係正宗既雲吞先有，十分好味!

返工放lunch偶爾都會食碟頭飯，每星期總有一日都會冇原因咁去左食華昌既燒味碟頭飯。今日叫左個燒肉+燻蹄雙拼飯（加埋茶價55蚊） 眾所週知燒肉皮脆係基本既要求，燒肉皮至少由我開始食既一刻都仲係有硬硬地既感覺（我諗應該係脆既），而燻蹄皮脂同肉質分布口感唔錯，配上酸酸味味既醬汁，返工食一流，至少可以醒下個胃。我最鐘意依個配搭，因為冇骨，食落個人冇咁攰。燒味，依舊的味道；服務，依舊的參差；茶水，依舊的無味；而我，依舊的去食。

細個係華昌食得多, 大個就冇咩時間在太古城食野所以好少來. 呢日專程一個人來食下午茶, 想重溫佢D 燒味.下午茶餐牌算幾多種類揀, 最後叫左燒鴨瀨. (燒鵝要加錢) 燒鴨皮脆, 油份剛剛好有油香但不會太油膩, 肉質軟硬適中唔會"鞋". 反而杯奶茶就真係"鞋"啦, 又冇咩茶香...  食到一半, 呀姐開始用濃烈清潔劑拖地, 我分唔到係漂白水定綠水, 總之就勁大陣味, 大到掩蓋我食物的味道, 破壞曬食個下午茶... 搞到冇曬食慾, 因為每啖都好似食緊清潔劑味的瀨粉......  我諗下次都係買外賣算.... 費事又遇上呢個情況搞到自己咳同鼻塞, 食得好辛苦....其實強力清潔劑好影響食客胃口, 對員工健康又唔好... 如果可以用日本人的次亞鹽素酸水做清潔就會好好多..... 至少唔會令我每啖野食都變左清潔劑味...   

等到2點半走去食下午茶。。點個size縮水。。成碟抄河係平既。。。味道幾好。。少少油。。少少咸。。排骨唔錯。。靚料。。但d青椒生左d。。等待時間唔長。。配老火湯都算幾好飲。。係收55蚊 既抄河份量太細。。。

在太古要食一碟好味既燒味，非華昌莫屬，當然佢價錢唔平，但質素值回票價，如不是只為飽肚，想滿足埋味蕾，華昌實屬不二之選正因如此，每日下午華昌門口都係企滿人等位，等位時間唔算耐，午飯時間，好少人會慢慢品嘗，大家都食完就走，所以等一陣好快有位華昌基本上各樣燒味都很好，尤其出眾有乳豬，亦正因如此，唔係成日有，乳豬皮脆今日點了燒鴨叉米，叉燒好淋好juicy, 啖啖肉，燒鴨亦非常juicy,米粉分量十足同事點了海南雞飯，雞量極多，質素也很好

諗住未夠鐘返工，去嘆個早餐！點知食食下發張枱邊圍住有三隻小強在散步，轉枱，小心食，點知，碗湯麵也浮出一隻小小強！想嘔呀！一路坐著都好驚呀！左痕痕右痕痕！唉！unacceptable!

I came here for breakfast and ordered the soup vermicelli and as I was finishing my soup noodle I found a COCKROACH in the soup. This place is filthy and they took it away so quickly I wasn’t able to take a picture of it. I’m so disgusted by this place. DON’T COME.

太古城華昌裝修得唔錯，食物質素比以前進步，餐廳待應好友善！如果晚上6:00幾去食晚餐，仲有大張卡位坐，不用搭枱！今日叫咗义燒油雞肶飯，同油雞飯，菜心，凍檸茶！呢到啲义燒真係好好味，又腍身又唔燶，油雞肶，啖啖肉非常正！油雞飯啲油鷄份量都好多！菜心好軟熟，夠嫰！凍檸茶茶味香濃，好好飲！食物比以前好，真係有進步！👍🏻👍🏻👍🏻👍🏻👍🏻