華爾登麵包餅店

营业中

休息中

難得嚟到西環當然要拜訪下久仰大名嘅「華爾登餅店」🙇🏻‍♀️！之前睇到果籽嘅訪問就好想支持吓，好欣賞佢哋堅持保留香港傳統西餅🧁，味道同花款也許比唔上現時流行嘅蛋糕，但多得有心人繼續保存落去💛，否則傳統西餅總有一日成為歷史遺物由訪問得知呢間1984年開幕嘅餅店，現時由第二代接手，嗰日幫我哋埋單嘅應該係老闆娘👩🏻，見我哋未搵到散子仲話唔使俾，真係超有人情味！如果你哋屋企都有長輩，買返去氹吓佢哋應該好開心🥳————————————————👅經典荷蘭撻（$12）👍🏻 係我最靚最鐘意嘅西餅，平時中間凸起都係圓形，華爾登係獨家嘅心形🧡，外層似酥化撻皮，中間又似牛油蛋糕，內裡又有牛油忌廉，口感最豐富！👅經典jam cake（$12）👍🏻聽過佢叫黃梅花籃，原來60年代叫游泳池🏊🏻‍♀️，中間鬆鬆軟軟嘅蛋糕，外圍沾滿椰絲，擠一圈牛油忌廉圍住黃梅醬👅三角朱古力蛋糕（$10）👍🏻 呢款蛋糕應該係最多人見過，有無人都會攤平一層層咁食🤣？結實嘅朱古力味蛋糕，包覆住係童年嗰陣只有甜味嘅朱古力👅 菠蘿jam蛋糕（$9）👍🏻口感結實嘅牛油蛋糕底，面頭放一片菠蘿，搽滿酸甜嘅黃梅醬，不得不說佢哋嘅西餅件件都好大件，差唔多係連鎖

呢間餅店，細細個就聽過佢既名，而且經常上報紙，黃店梗係要撐下。已知現任老闆娘又黃又好人，最近仲收養左隻華爾貓，係附近海味店老闆唔要既貓就咁dum出街，由呢間餅店老闆娘接收。相關報導已經好多，上網一search就有。今日去幫襯，後生老闆娘同佢細妹都係度，態度好唔好就一般啦，唔算話好熱情咁招待，但相信如果你肯同佢地傾計、打開話題，佢地都樂意吹水既。呢篇食評就以食物質素為準，放下政見或服務態度或其他，只論食物－個人就覺得真係爭普通西餅店好多啦。中午時分黎既，一入黎，好多包架都吉左，可能比人買晒定本身包類款式唔多啦，款式真係太少，揀唔落手。以前都黎過一兩次，都係同樣情況。普通西餅店有既腸仔包、菠蘿包、叉燒包之類都無。只係有好多曲奇（40蚊一盒，個人覺得太貴，同埋食過唔好食），紙包蛋糕等等。最後買左個有心型係面既撻同紙包蛋糕。個撻身幾好食，但係個心型d糖漿太多，甜得濟。紙包蛋糕就非常之乾，食左兩啖食唔落去。總結：就食物而言，款式太少，唔好食 其實麵包店唔洗整色整水搞好多新奇野，只要款夠多，有平民最中意既腸仔、菠蘿包，基本野整得好食就ok。好過今次咁，想幫襯黃店但好多野都買唔落手。只能講，好人一生

我地三點令鐘去到擔心啲野賣曬, 好彩都仲有啲蛋糕同埋曲奇以買下🍪 蛋糕同曲奇既口味選擇多, 另外仲有啲懷舊西餅🥧紫薯蛋糕🍠($38)係坊間比較少見既紫薯蛋糕, 食落係有紫薯既味道, 不過個人覺得味道偏人工同埋質感太濕潤, 食落唔夠乾身同埋太甜😟伯爵茶味蛋白曲奇🍪($40)曲奇相比起蛋糕較為出色, 不過食得出落左好重牛油🧈 因為勁鬆化同埋伯爵茶既味都夠濃👍🏽 真係會忍唔住食多幾塊😂

熟悉黃店嘅朋友對diudiu貓應該唔陌生 最出名係香港加油紙包蛋糕.因為西營盤真係好遠 所以一直都冇試過 直至佢係市集出現 試過一盒原味朱古力真係好食到番唔到轉頭💛💛💛💛.🍪全蛋白少甜曲奇 食落非常鬆化 都好香牛油 但食落唔甜 感覺健康好多.試過各種味都係最鍾意原味 或者原味加朱古力 原味曲奇保留到牛油香 💛雙重朱古力都唔差 有朱古力粒粒反而綠茶味就唔係好食到綠茶味 比較淡.佢地傳統餅同新款餅都有 仲有出好多product 連散水曲奇都有 仲愈黎愈精緻 💛

今次介紹嘅小店係位於 #西環 嘅 #華爾登麵包餅店佢有幾出名🧐相信大家都唔會唔知道因為佢哋係一個出哂名嘅 #黃店除咗有傳統嘅糕點之外佢地仲有自家舖嘅公仔💛diudiu貓 同 diudiu熊咧2個icon公仔都出咗好多周邊商品中意嘅朋友可以去支持一下💪🏻-少甜蛋白鬆化曲奇- $40/ box曲奇有好多款式同味道🥰一盒約有15塊今次試抹茶同原味嘅唧花曲奇原味同抹茶曲奇面頭都有朱古力牛油味🧈吾算好重食落就非常鬆化一定要搵紙巾墊住嚟食如果唔係就成身餅碎😂至於抹茶曲奇佢地個口感基本上都一樣只係顏色上有分別雖然佢係綠色但係食落就無咩抹茶味🤷🏻‍♀️另外值得一提嘅係佢地有做散水餅服務款式可以自訂寫咩當然都可以啦請大家多多支持佢哋啦

位於西環西營盤第二街120-126號仁福大廈地舖的「華爾登餅店」，經常聴聞，但今日才有機會路過順便入去看看，舊式的餅，西餅，曲奇等...突然眼前發亮，看到兒時經常吃的果jam 忌廉西餅，馬上買咗2件和另一件新式的西餅和原味曲奇回家！果jam 忌廉西餅，兒時的味道，蛋糕也是兒時的口感不是現在流行的軟綿綿，菠蘿味的果jam 酸酸甜甜配上一層層的甜忌廉😋😋😋心心撻有少少果jam 撻皮好香！唧花蛋白曲奇餅，夠鬆脆可口！

某日去開西環，順便試試這間老店， 竟然有荷蘭撻，於是買左幾個返屋企嘆樣子不錯，當我想用刀切開品嘗之時，差Ｄ切斷把刀，蛋糕勁硬，撻皮鬆散第－口試撻皮，粉狀鬆散重带有少許up味......第二口試蛋糕，又鞋又乾又硬....我相信呢件蛋糕起碼放左3日如此質素差劣都可以賣比人,實在難以相信...再翻睇之前食評，先知道呢間店蛋糕鞋口鬆散係特色.....

已經唔知幾耐冇去過舊式麵包舖🥖去開西營盤都冇理由唔去呢一間咁出名嘅黃店💛我都係第一次去✨✨✨✨✨✨✨✨✨✨✨✨✨🍰牛油核桃蛋糕 $10雖然係普通不過嘅蛋糕 不過真係好耐冇食 想食下 蛋糕一開出嚟好香蛋味味 食落去牛油味同蛋味才都好重 而且仲好鬆化 加埋核桃令成個蛋糕嘅味道更加提升咗🥰其實另外仲買咗塊$12嘅蝴蝶酥 不過冇味 好淋 好難食😅😅唔提了😅

西環一間出名好黃嘅傳統麵包店，有自家舖公仔diudiu貓diudiu熊，蛋糕印有連豬等圖案，之前紙包蛋糕仲印有香港加油，店內有而家超少見嘅jam cake同荷蘭撻，仲左海綿蛋糕仲有可同味道超鬆化曲奇。見依排新年仲推出曲奇禮盒、笑口棗炸脆角。👓新加坡班蘭蛋糕 $25個見仲有紫薯味！賣相靚靚印咗連豬圖案。味道帶甜，覺得稍為甜左啲，因為只係好淡嘅班蘭味。質感亦實左少少，吾夠軟熟偏散，唔似海綿蛋糕甘軟身，所以最好即日食🤔評分：6/10👓紙包蛋糕 $55蚊個真係好經濟，買個肚餓醫肚幾好！但我可能細個食慣樓下傳統餅舖紙包蛋糕大所以有比較🤣質感同樣偏散，咬落碎濕濕，唔夠軟綿綿軟熟。不過賣相一流，印上diudiu貓圖案🤣評分：6/10👓少甜蛋白鬆化曲奇 $40盒曲奇都有好多款式同味道，今次試唧花曲奇，綠色樣但食落其實吾太食得出係咩味，答吾到係綠茶定班蘭，但真係食吾出有甘苦味所以應該吾係抹茶掛🤣但相比下曲奇係好食過蛋糕，曲奇夠鬆化，亦好厚身夠口感，香油味有但吾算好重，依款係面頭有朱古力，所以甜度好夠，吾會因為少左甜而冇味。一盒約有15塊評分：7/10

行完山肚餓，知道附近有間出名小店，所以順道光顧，今次試紙包蛋糕。🔸口感：乾，連中間都唔濕潤，要邊食邊飲水（原來有其他食評曾經提過）。🔸味道：欠蛋香，因為蛋分量唔夠，一食就知。🔸外觀：經典蛋糕模印唔正，印左上紙邊，所以冇影相。Overall，這不是蛋糕，極其量只是鬆糕，因為欠蛋味。建議唔好依賴自發粉，改良配方啦。雞蛋成本雖然貴，而且打蛋要耐性同技巧，但既然決定主打賣蛋糕，就應該專業，用實力取得支持！

路過西營盤，見到一間超舊式的麵包小點，便進內參觀一下。店舖售賣的是那些年的舊式西餅，有合桃酥、鮑魚酥、斑斕蛋糕及多款西餅，當中有我最愛吃的中間凸起，沾了果醬的那款，老實說，味道非常一般般，餅質粗糙吃一次便夠😅 但童年回憶至上，現在已不多地方製造舊式餅店了。另外更選了紙包蛋糕，但都是好看不好吃，相信是採用了比較一般的麵粉，使蛋糕質感不夠鬆軟。其實紙包蛋糕好難唔好食的，但為了支持小店也會光顧支持一下。

💛#支持良心餐廳💰花藍果jam cake $10💰經典荷蘭撻$12😋😋懷舊系列😋😋最近都好掛住細個成日食嘅中式西餅（我認我老😢）好開心有黃店有賣😋Jam餅真係好L大件！上面菠蘿醬酸尾尾 加cream甜甜地 成件都好鬆軟 荷蘭撻耐無食到我都唔記得佢質地中間心心係有少少菠蘿醬 成個心心好似個柱體咁 係牛油蛋糕質地 一啖就比我食左🤣 變左冇心嘅空殼💀 但側面嘅都好好食 係撻皮😹 灑滿糖霜嘅撻皮 之後再食底少少有pat cream😋 加少少蛋糕同撻皮 好食好食 甜控一定會大滿足🤣啪完兩件真係超幸福之後件香蕉蛋糕就留番孝敬老豆🤣 因為細細個都係佢買中式西餅比我先有得食🥺❤️

-{黃店💛傳統餅店}去倒潮聖喇！入面勁多花款嘅蛋糕印上特色logo同埋花款你揀🤩🤤班蘭蛋糕🤤 ($25)份量幾大嚿 一開好香班蘭味 食落比想像中淡 蛋糕質地係軟綿綿嗰種 中間食到有d蛋殼👀👖褲評:7/10試一款可能太主觀 下次想試翻紙包蛋糕同曲奇 班蘭蛋糕就唔太推薦喇🤨性價比: 7.2/10服務: 7.5/10環境: 7/10🚩華爾登餅店🚩地址: 西環西營盤第二街120-126號仁福大廈地舖 #fuudjai #fuudjai黃店 #fuudjai小食 #fuudjai甜品 #fuudjai麵包 #fuudjai西環

不要看輕這間餅店，雖然座落在不起眼嘅地方，卻擁有香港地道的人情味及不屈的拼勁精神。平時默默支持的我，除了喜愛這裡的咖啡曲奇之外，今次絕對要見異思遷，推薦這盒紅噹噹曲奇，一打開就有很香嘅士多啤梨香氣，食落亦有淡淡士多啤梨味，超級贊!絕對推薦!蛋糕仔比較乾，無牛油味，雖然賣點是健康，但我還是喜愛鬆軟充滿牛油味的傳統蛋糕仔多啲香港人加油會繼續支持

終於試到華爾登餅店啦！呢間放左入list好耐 今次終於一試究竟🤪咖啡古早味蛋糕 食落好鬆軟 好香咖啡味！而且唔會好膩，岩岩好👍🏻 而且放耐左都唔會走味！牛油曲奇🍪一開始睇佢個樣以為係偏硬身個種 點知一咬落去一樣係好鬆脆！佢有淡淡嘅牛油香～😜 個陣見到鋪入面仲有一款蛋糕好想試，應該係叫果醬蛋糕？希望下次有機會可以再trytry～大家睇鋪面設計 花左好多心思落去一樣都咁鐘意香港嘅大家基本都可以去支持一下❗️💛