華記小廚 (香港仔舊大街) (已結業)

原本佢地堂食係冇咩事 但係一叫網上外賣平台成個質素冇哂所有野都係凍架… 堂食超好食ge鹽酥豆腐一到外賣凍都算數d豆腐仲要係淋ge完全一d脆都冇 好似係整咗好耐冇人要嗰啲土豆絲酸到一個點 一食落口起哂雞皮 又冇辣味尖椒肥腸同萵荀絲放係同一盒到 ok fine 但係個盒又唔係大 兩份各自起碼$70 up 咁樣會唔會過份左?乾炒牛河無鑊氣 但係味道ok招牌炒飯係入面最好ge野食 聞落去好香 食落去唔鹹唔淡啱啱好希望華記可以改善下啦 我明白父親節好忙都唔應該係咁ge質素 接唔到單咪cut左佢 唔好話因為係一張大單夾硬接lo

之前係街見到華記門口好多人等位，於是就同屋企人決定搵日要試下，終於呢日無咩人等位就試下！雖然唔使等位，但係餐廳內既食客都唔少～呢道有個餐牌係可以自選菜式。我地就選左自選6道小菜原來呢道仲有得叫串燒～我地就叫左少少試下！因為佢係即叫即燒既關係，等候時間都有d長。燒尖椒就麻麻地，再加上我地係share食，佢原條上就有d難搞最後要走去叫師傅幫我地剪一剪。燒茄子唔錯，比得上出面d串燒店。味道雖然唔錯，但就略為油多左d。6道小菜既第一道菜：翡翠炒帶子帶子數量都唔少，而且粒粒都好大粒！西蘭花唔會好硬，唔錯！6道小菜既第二道菜：蝦皇大白菜個顏色有d奇怪，不過味道都唔錯！而且隻蝦都好大隻！6道小菜既第三道菜：蔥油貴妃雞呢個雞既肉質超級滑，比起d大酒樓做得更加出色！6道小菜既第四道菜：燒汁薯仔安格斯呢個估唔到係小弟覺得最好食既一道菜！薯仔外面脆脆地，好好食！而且安格斯整得好淋！下次黎要再叫！6道小菜既第五道菜：辣酒煮東風螺呢個份量都唔少，而且東風螺煮得好入味！愈食愈辣！6道小菜既第六道菜：清蒸沙巴仔呢條魚可以比得上酒樓既蒸魚，蒸得好滑！我地食之前都係覺得呢間餐廳同平時d小菜館差唔多，點知原來可以比得上酒

多年來都係華記的勇躉，由巴士總站的第一間到舊大街尾的第二間再到如今街頭的新舖已可以說是元老級的人物啦，哈哈😄。成個香港仔食小菜係得華記有鑊氣及比較多元，選擇多一家人食飯自然方便叫餸，而且大排檔般的隨意更令人感到舒適。多年來一直喜歡水煮魚，曾經同華哥閒聊他自己練的紅油材料全部來自四川所以好味是必然的，因為換咗菜單所以試下，今次無一樣係辣㗎新菜式4道菜388蚊。非常扺食蝦皇大白菜個人好推薦，一間食肆海鮮用生猛海鮮入饡，用料用心已是立於不敗之地啦。

伏到不能我從未寫過食評...經歷今晚的晚餐...真係好想為此記錄一下！雖說今日係聖誕節，但我已經不叫餐，貴一點散叫都唔緊要，唔係太餓！叫左兩個海鮮... 白灼蝦...簡簡單單！ 散叫都要$198～ 點知黎到...得10隻蝦...仲要細隻的，亦不是好新鮮！ 直情以為佢俾錯我... 叫個侍應問下...係聖誕節先咁..定係平日都係得咁少？ 佢話正常9隻囉..睇大細隻啦！我話..散叫喎，唔係加錢唔係例牌喎！佢話...係咁上下啦，平時都係9隻！Ok! 你贏！！另外叫辣酒東風螺 $128，見到個蝦既質素...完全冇其望！ 岩丫，冇期望係唔會失望！ 叫左支可樂...完全冇用武之地！一啲都唔辣..冇酒味～ $3xx百幾蚊既聖誕大餐...失望！以後唔會去！

香港仔舊大街給一般人的印象有三，“山窿謝記”、“魚蛋”和“炸魚片”！即除了“魚蛋粉”，它就好像沒其他好吃的。但其實舊大街充斥著很多不同類型的食肆，港式甜品、泰菜、川菜、粵菜、茶餐廳等，各式其式，站在這小街中，選擇障礙症馬上發作！這晚約了岳母來用膳。她是老香港仔，見證了香港仔大半個世紀的變遷，對香港仔每一個角落都瞭如指掌，很多時她還是用舊名字呼叫著某街角。她很少外出用膳，所以我們選了一家口味比較傳統的餐館。這家有粵菜小炒的餐館選擇不少，抵食，美味，還有香港仔少不了的海鮮，再加上牆上的香港仔舊照，漁村氣息滿瀉。印像最深的是那白灼蝦，鮮、甜；我們本來想蒜蓉開邊蒸的，但老闆說，哪天來的蝦（即新鮮！）比較小，不適合開邊，我到魚缸看了一眼，喔，原來是海蝦，白灼是不二之選！席間我還與岳母說起幾十年前的香港仔名食店“新花洲”，它早幾年曾經在舊大街上重開，但現已不在，就連google及openrice也找不到它存在過的痕跡，費解。但這閒聊很有意思，連我爸當過小工的這家食店都搬了出來，unbelievable！

意想不到，香港仔舊街竟然有間（華記）主打粵菜丶四川菜及街坊小菜（還有很多海鮮供應）又可以自來海鮮加工。價錢公道，沒有茶芥及加一服務費大支藍都係買$20一支（環境乾淨又衛生)

今日同個friend 係香港仔揾食，我地都想食雞煲，見香港仔得唯一呢間店有得食，於是試一試。佢係小菜飯店格局，個雞煲黎到既時候好香，本身都有d 期望，但食完都幾失望。首先佢個雞煲得一款，無得揀麻辣口味，而佢既辣味係普通辣椒味咁。然後佢D雞真係好”鞋”，而且偏咸，個味唔好食.... 我地叫左小辣，但出到黎完全唔辣.... 食雞煲唔辣點過癮呢。值得一讚係份量好多，隻雞好夠大囉.... 不過食完我地都覺得no next time

去了朋友家打麻將，不想出門吃當然就食要叫外賣啦。 我們看了叫外賣的app看了好幾次，最終選了這家華記小廚。我們叫了2個菜，1飯，1面。都挺大碗的呢，5個人也夠吃炸豬手炸得外皮很脆（其實有部分有點過硬），然後味道還好，就這樣吃也不是很咸。然後酸菜豬肚非常好 酸菜夠多夠味，豬肚口感也很好，因為夠火候，夠軟容易咬開，不靭。還有就是沙爹牛肉粗面，外賣的話叫粗面比較不容易發，所以也好吃，牛肉挺薄身，出色。外賣送達時間挺準時的呢，贊

第一次係朋友家食水煮魚。今日朋友係屋企附近叫左外賣，水煮桂花魚，$232，我諗即整呢個起碼都要等20分鐘。雖然睇落去以為好少好細兜，但係原來倒左出黎都好大兜，仲好多魚，仲有豬紅，好新鮮惹味，食極都仲有，辣度對我黎講都幾辣。我地已經係5個人食，所以以呢兜水煮魚黎講。係絕對夠食。我地自己再去買打邊爐材料，再買多小小魚腩，真系足夠。而且味道係唔錯，夠麻辣，仲煮得好惹味。雖然佢係偏遠地區，係香港仔，但大家可以一試。

係香港仔如果想炒返幾味，實會諗起華記，性價比亦高，搬左之後中午做埋飲茶，不過識食梗食晚市搬左之後裝修改善左，光猛左，仲有啲舊避風堂照係牆上面餐牌仍有好多特式野食，小菜、雞煲、魚鍋、水煮系列應有盡有，小菜下次試，今次食雞煲先凍花螺係依度其中一個必叫既前菜螺爽身，加左酒同蒜味好夠既汁浸住，超正食到停唔到手，有時啲螺大粒啲仲正好肚餓食埋佢既鹽酥雞拼椒鹽豆腐，椒鹽豆腐味道幾好，入面滑到一個點雞諗住都係普通炸雞塊加啲椒鹽咁，點知一入口雞肉外脆內軟，完全保持到雞肉既肉汁醃料好味之餘真係有啲台式鹽酥雞既風味再加分在有幾舊連少少雞皮一齊炸無得輸，香港好少食到炸雞皮，超正，愈食愈停唔到雞煲黎之前整多個個高檔小食，蒜蓉粉絲蒸扇貝，唔係日日有，價錢亦唔太貴，扇貝幾鮮幾好味唔會蒸太老，粉絲同蒜蓉就當然令人想叫個飯食雞煲夜啲去食好抵會有折，重慶風味好正好足香料、配菜夠麻又夠辣，仲有風味既唔係淨係辣雞記住要快食，唔係煮到老晒就唔好賴人地雞質素唔好，極度建議芋絲、蘿蔔、金菇依類配料係加湯前就落，會好味一億倍午餐肉同菜依啲就加湯後都ok，好味既配料仲有墨魚丸、脆骨腩、響鈴、蟹柳等，不過唔一定成日有，要問下先夜啲雞煲減

事先訂位，我地準時去到，職員叫我地入房，但完全無位出左counter 聽到員工比左我地張枱比佢地熟人，職員之後只叫我地等，話有人埋緊單等左成10分鐘，我地又有老人家，我叫佢老老實實講比我知，仲要等幾耐，佢先話有張枱差一條魚，話15到20分鐘可以比枱如果真無位，事前就唔應該接受預訂，預訂比唔到位，職員態度又差，就算野食幾好食都無用

華記嘅小炒真係好好食仲要佢有好多唔同種類嘅菜式仲要全部都好好食而且我最鍾意食嘅川菜方面都有好多種類好多款式所以我同成班朋友都好鍾意去食煮得好惹味 真係送飯一流而且好有氣氛

上一次為大家介紹了富香港仔地道色彩的日本料理,今次就帶大家走進香港仔的小炒世界。華記小廚在香港仔已經營多年, 不過因為各種原因而搬遷, 但就味道與價錢考量出發,華記小廚確是香港仔晚市的的必選餐廳之一。事不疑遲,接下來就等我為大家粗略介紹一番, 是次晚餐我地三人總共點了四道菜加白飯一碗, 而個人認為當日的餐量是絕對足四人份量。蓮萬餅因為忙住食的原故忘了拍照實在抱歉, 原本份量約有六件, 餅外表被煎得香脆可口,由蓮萬及其他材料制成的餅身亦令人齒甲留香, 略有不足的地方就是味道偏咸了一點,否則是一味不錯的下酒菜。柚子骨故名思義整道菜以柚子汁作招徠, 排骨被輕炸至外表鬆脆再配以柚子調制而成的醬汁, 味道帶酸而不膩。   酸菜魚肉湯本人覺得這道菜是份量與味道的代表作, 大家可以選擇不同的辣度(小,中,大), 若果想達至酸辣共融的話本人建議小辣。酸辣的味道帶來醒胃的效果,魚肉吸收了酸菜與辣湯料的成份,把魚鮮提高了一個層次。(聽了員工的建議加了30元把原本的魚肉轉成龍躉/斑片)蒜泥炒時蔬今次的時蔬是通菜, 蒜泥是比較重味的配料所以師傅特意用少鹽去炒菜,令各方調味料得以協調,保留通菜的味道。

之前有係舊鋪食開，第一次黎食新鋪環境上有比之前乾淨衛生，比之前坐得舒服d，但店內環境都係相對較窄晚飯時間7點前黎到都應該唔使排隊，個場都keep住係full想優惠d可以揀佢地d套餐:選4個58蚊既菜式=$222或者可以用升級價去代替其中一個($58)菜式當晚就用左升級價換左呢個溫室南瓜鮑魚比想像中好味及搭配👍🏻👍🏻南瓜香甜帶點酥脆 配搭配一片片薄切鮑魚👍🏻鮑魚都有好多片價錢公道合理 值得再黎

一搬再搬！華記力久不衰，這次到新店再吃過！ 環境光猛了，大了，但不變的時坐無虛席。有了新的點餐紙，選擇感覺易了多了！ 這次點了水煮田雞(小辣)，紐西蘭牛小排(這個要加錢~而且餐牌上沒有的，呵呵)，椒絲腐乳炒通菜和鹽酥豆腐拼鮮魷。 椒絲腐乳炒通菜~~清一下腸胃哦！ 少少油，可以接受。我比較喜歡多腐乳~~這個一般。(個圖好似有問題~~我都搞唔到~~) 水煮田雞(小辣)，呵呵呵~~好多田雞啊！！ 真係食極都仲有！哈！這裡水煮都出名，這個水煮田雞真係好推介！小辣來有少少麻，重慶口感好出！！好野味，好正~~ 紐西蘭牛小排，來到必吃，但餐牌上已經見不到，叫這個要加20元。白灼不熱氣，又有牛味，入口牛小排味一湧而上，太勁了！功力不減，清香爽口又健康！ 最後的鹽酥豆腐拼鮮魷，不用質疑，其他小菜店真的很難有這個份量和質素！ 除了夠香口，也夠彈牙外，豆腐外香脆內軟軟的！視覺效果已經一流！！ 香港仔我個人認為必去的小菜店，記得~~晚飯時間必然要等！ 推介！