華記潮州滷水車仔麵 (民興大廈)

营业中

休息中

因為車仔麵關注組而慕名來試試佢，一坐底，發現格離卡位坐左位明星，已經提昇左少少信心，同埋期待感。我前後都黎幫襯左兩次，都叫菜底。四餸麵 $55侍應幾貼心，提我頭髮就黎浸到湯🤣佢有菜底揀，岩曬啲唔想食麵既人🥰同埋可以叫佢多芫荽，對於我黎講，絕對係兩個大加分位，份量又大方，食極都仲有咁，食完都好飽好滿足。牛舌同牛肚都好香好軟，魷魚爽口，牛筋多毛，出面其他地方好少有毛。菜底除普通嘅菜外，仲可揀白蘿蔔🥰湯底係幾濃味既滷水汁，係好惹味，特別係啲白蘿蔔索晒啲汁，好入味！第二次黎食既時侯，班底都差不多，我呢次就有叫到豬潤，口感都唔錯。之後我無再黎，因為食完都超口渴，味道份量都出色，但食完有啲辛苦。涼拌生腸 $25佢有好多花生，好多蔥，好多芫荽，好惹味，生腸凍凍地，好爽滑又香！

除了最喜歡的榮記，這家應該是近年食過最好食的車仔麵，牛雜非常出色，太陽餅亦是必吃的小食，見到張相都已經回味，下星期一定要返去再食，另外究竟我幾鍾意食蔥同芫荽….🙈

好似都叫做出左名一段時間，同朋友晌附近上完堂又唔知食乜，就醒起有呢間車仔麵所以試下。可能時間比較早所以都唔洗排隊。地方光猛，感覺都乾淨又唔會坐得太迫👍同埋有個細心位，侍應姐姐會俾個籃你裝住個袋擺凳底。餸都算多選擇，店舖出名滷水所以我都主打叫滷水款式。3 餸面$48 覺得都ok . 起碼份量俾足你堅係飽同滿滿一碗！⚫️太陽餅 $38 香口野，入面材料係蝦膠，都可以一試四個人，每人叫左3餸麵，大家試下唔同餸🟠麵底推介：米粉，佢係幼米粉，吸曬湯，好味🟤湯底：滷水汁～清甜🟤湯底：重口味～即係混合所有汁，會比較油，我自己偏向滷水汁多d⚫️餸：豬紅～覺得好似未夠入味⚫️餸：豆卜～剛上枱時未夠入味，食到最尾開始有d 起息⚫️餸：咖哩魚蛋～係好普通既大魚蛋，可以唔試，除非你真係好鐘意食魚蛋啦，個人喜好⚫️餸：豬大腸～夠入味，無屎臭味⚫️餸：豬潤～就係豬潤 🤣🤣🤣⚫️餸：豬粉腸～夠入味，又夠淋⚫️餸：春卷～真心一般⚫️餸：新鮮魷魚鬚～彈牙

今日day off 梗係要搵好嘢食啦，最終決定去食我最鍾意食嘅車仔麵，咁喺網上搵邊間車仔麵好食又近屋企嘅終於搵到依間華記！我去到大概2:30 ，因此不太多人不用等位，不過都要搭枱，還好雖然枱細但中間都有塊隔板. 坐低已經急不及待揀嘢食，睇到好多粉面可以揀更多醬汁可以揀，勁興奮😆⋯⋯最終我選擇左五個餸，有蘿蔔、特大魚蛋、豬紅、魷魚酥、牛脷（竟然有牛脷！😱）加埋油面，而醬汁方面揀左腩汁同埋特濃汁中辣！姐姐過嚟覆一次張單，姐姐好好提醒我特濃汁中辣其實都好辣，所以我即刻改小辣😅嚟到碗麵真係超大碗，我覺得都算幾抵食，而依個特濃汁真係好好味，小辣真係好夠，因為都幾辣一路食一路流鼻涕😂😂😂 我覺得最好食嘅就係蘿蔔，冇渣喎，又淋，繼而就係魷魚酥同牛脷，反而個特大魚蛋就麻麻，豬紅都OK…..食食吓見到隔離枱點左個煎釀三寶，見到啲青椒我就忍唔住了，又點左個煎釀三寶，不過其實冇乜特別，勝在大件夾抵食， $25有成七舊喎，三舊青椒，兩舊紅腸，兩舊矮瓜！真係食到捧住個肚走，我覺得店舖嘅姐姐阿哥都好搞笑同有禮貌，服務OK啊👍🏻 我一定會再嚟食，仲要帶埋啲好友過嚟食添🥰🥰🥰

因為林盛斌成日喺社交網推介呢間車仔麵，於是我就走去試吓，佢成日講到呢間車仔麵唔食唔得，會食上癮，可能俾佢渲染得太勁，當我食嘅時候又唔覺得太好味姐，不過其實若果呢個價錢，有利到咁多餸菜去揀，其實已經算好好，揀汁嘅時候，又有多款選擇，佢哋最出名就係雜錦嘅汁醬，裏面寫到好濃味，差啲我驚到唔敢點，不過原來識落又唔係真係好龍未啫，又幾好食，呢個價錢份量超大，真係食唔晒，比起出面啲車仔麵又真係幾抵食嘅，不過唔會食上癮囉！大家不妨一食

啲餐廳一出名就逃唔過愈做愈差既宿命。佢未出名個陣 我住附近每日經過都無留意到呢間車仔麵檔，係朋友係google見到好多好評先第一次幫襯。當時間野又好味 老闆又闊佬 啲野好似唔使錢咁。買3餸麵 又送多樣餸俾我 3餸價錢買到4個餸 最緊要係啲餸係好味既，蘿蔔又大又甜兼無渣，大魚蛋勁彈牙。點知有一日被光頭bob推介完就變左網紅店 仲要搬埋舖。個晚9點幾去食都仲要排隊！搬左鋪之後3餸價錢都真係得3個餸，無曬人情味，仲要蘿蔔竟然有渣 車仔麵檔既大忌。總而言之，如果想食車仔麵 如果無人排隊都仲係會幫襯既,哈！

係因為朋友介紹先第一次食，地點都算方便，太子站行過去唔洗五分鐘，但係渣車就麻煩d，雖然門口都可以擺車，但係抄牌頻率極高，外賣可以渣下，堂食就食張牛肉乾仲貴過個餐。次次一坐低就自動波三個餸「牛肚 腩肉 加個菜/肉」 我平時就會揀牛筋多，次次都呢幾款餸，主要係因為佢哋d肉好入味，隻隻都有鹵水味，特別係腩肉我覺得必食！ 汁就一定係重口味，見我揀咩餸都知我重口味啦，佢個湯底如其名，真重口味得黎但係又好好味😋佢仲會問你會唔會加蔥或者芫茜，真係每星期都要食一次

🔖聽聞呢間係呀Bob既飯堂，常常推介大家食既車仔麵。佢d車仔麵，眼見碗碗都勁大碗，食完發現真係好足料。而且佢仲可以叫「菜底」，（除左真係菜，仲可以揀蘿蔔做菜底）岩哂唔多食澱粉質嘅我，真係勁滿足！🍽太陽餅（蝦餅）新鮮炸起，黎到熱辣辣，可以點泰式辣醬食。一咬落去個邊位好脆，入面係食到成隻蝦係到，好食。🍽揀左「重口味」湯底（4種汁），蘿蔔、豬大腸、牛腩、牛筋、紅腸、豬腩肉。痴線，樣樣都好食🥲。我覺得最有驚喜係蘿蔔，超級入味同超級甜，亦都無渣！好好食！！！點解我無揀蘿蔔做菜底！！紅腸好厚身，食落去都有啖啖肉既感覺。牛筋牛腩都入哂味，仲好淋添。💡一路食都一路見到好多外賣單😋食物：️9/10🤵🏽‍♂️服務：8/10🍴環境：7/10💰消費：$70🤩性價比：9/10

朋友知道我鍾意食車仔麵，星期日專登帶我去咗呢間試下，去到門口有幾個人排隊，一陣就入得去選擇都算多，我揀咗四餸車仔麵菜底，咖哩汁 、加青來到都嘩咗一聲，份量好足🐷腩肉厚切，有口感，略嫌唔夠入味🐷大腸好淋，入味👍🏻食咗朋友既牛腩，牛腩都好淋好入味仲有蘿白，蘿白超甜，不過有少少渣，咖哩魚蛋好大粒，但係淋既，冇彈性，唔係我鍾意嗰隻個咖哩汁完全冇咖哩味law，似係腩汁加辣，但味道ok ge 店員好有禮貌，唔該前唔該後，又問我地要唔籃放袋，見到大肚婆又問下人地有冇野要戒口，好細心,抵讚👍🏻👍🏻

車仔麵由細到大都鍾意食，因為選擇多，仲有濃郁既湯底，配上粉麵吸收晒唔同既精華，價錢又平，真係日日食都可以😋。今日經過太子，見到呢間華記潮州滷水車仔麵，好似幾吸引，即刻入黎叫返碗試下先😆。叫左碗雞翼尖豆卜豬腸米粉，湯底滷水味都幾平均，好香濃既甜味，又唔會太咸🤭，車仔麵至愛配上米粉，就係因為可以索D湯汁，特別惹味😋😋。不過雞翼尖就唔係好入味，一般般😅。反而好鍾意勁多葱及芫茜。另外叫左涼拌生腸，不過呢個真係可以不叫，因為有陣怪味，可能洗得唔乾淨。🙄。車仔麵真係香港既特色，就算點都好，希望唔好消失。

同同事特意過嚟試車仔麵，據說會排隊，一心已經想好排隊等候，很好彩，5點左右嚟到，無咩人。餐單比較多內臟的配料，我不太好，所以叫了好普通的豬腩肉、豬頭肉和蘿蔔，少辣再加秘製潮州辣椒油，同事叫了較多豬內臟的東西，如：豬粉腸、豬大腸⋯都是少辣。可是味道真是一般，或許因我叫了少辣，真的沒有辣味，很普通，而啲配料也失色，好難咬，囉唯獨蘿蔔是最好味的，清甜、入味，沒有渣，仲有個太陽餅，即炸蝦餅，還可以啦，其它也不想食了。整體是一般，或者當天廚師失手，沒有想像中好味。

坦白講，呢間野我真係幫襯過唔少次外賣（界限街果間）唔係因為佢出名 我根本唔知佢咁出名亦唔係因為撞亞Bob 因為撞過都唔想撞見佢只係佢真係又近又收得夜 所以宵夜要靠佢今次反而係第一次去呢間堂食先知道好多人慕名而來係因為Bob 力推其實唔好理亞Bob, 呢間車仔麵的確唔差我一直都唔鍾意食飯 所以成日食車仔麵大大話話都試過好多間車仔麵呢間佢出名係潮州滷水，我第一次外賣食其實的確驚艷到我 因為湯頭非常濃味 非常熱 份量多 仲要好入味！個人推介係💁🏻‍♀️牛腩、冬菇蘿蔔係炆到好稔勁索味 不過好可惜佢有渣！但食車仔麵唔食蘿蔔就唔係食車仔麵！所以我都會叫！冬菇因為一樣用腩汁炆所以又係超入味！份量仲好多！牛腩雖然比較碎但稔同入味！兩餸個姐姐仲送我食咖喱陳皮魚蛋，飽到我hihi 🥺佢嘅份量只係比譚仔三哥少啲，三哥米線多，華記係餸多🤦🏻‍♀️有冇咁痴線 我難怪佢兩餸都$40今次堂食試春卷、魷魚鬚、大魚蛋。新鮮冇味冇特別我發現原來最大分別係堂食總店個湯係輕手好多！我重口味平時小店外賣係食完碗麵個湯都仲熱嫁！仲要超濃湯！唔洗重口味（咖哩+辣汁+腩汁+潮州辣椒油🌶️）都重口味過佢，平時我就咁辣汁加腩汁嫁咋！仲要辣好多

事因，我拖住兩個小朋友，想近近地食，埋落樓下叫外買，點知我等左好耐都吾收我張單，後面有個買單既，就收左錢先，連等等都冇講句，在好食都好，態度差到咁，都吾好食，老馮要俾無視？

收工買宵夜食用Whatsapp落單「牛什幼面，分湯」未落到舖就已經收到員工超有禮錄音表示拎得，方便到極！番到屋企開餐！彈牙！大碗好味又抵食！呢個餸既份量響出面可以做到3碗！

夜晚去到，已經Whatsapp 落左單，去到收完我錢，過左10分鐘，先發現漏單。好啦，繼續等啦，又過左10分鐘有多，其他外賣繼續出，我就未有。再問個樓面啦，個樓面又再去問個收銀，又話搵唔到張單。by the way, 人地係電腦化落單。真係唔知係人嘅問題還是，系統嘅問題。完全無管理，我返緊宮嘅，落黎羅外賣羅左半個鐘都未返。唯有退錢啦。不過都吃飽左，一肚氣啊。