華記潮州滷水車仔麵 (民興大廈)

营业中

休息中

一碗簡單既車仔麵要整得好食, 一D都唔簡單🥰而間車仔麵絕對係由平凡創出不平凡👍🏻🥢牛雜麵 ($45) (免費轉菜底)牛雜滷得好入味~ 係牛腩肥左dd姐另外我仲加左蘿蔔同豬紅😙 蘿蔔完全無渣仲好甜‼️豬紅唔會一夾就散, 同埋無腥味😋多蔥多芫荽再轉菜底之後成碗野都係我最愛既綠色💚🍀滷水湯底甜甜地, 成件事簡直係絕配😘🥢太陽餅 ($38)即係蝦餅🍤 外皮超脆 蝦膠好多 蝦味亦好濃👍🏻真心好食‼️滷水出色 湯底唔油 又可以轉菜底 又多芫荽連小食都好味‼️真心正‼️必encore💯🥰評分: 🍀🍀🍀🍀🍀

好多朋友都話華記車仔麵好食，叫我呢個車仔麵控一定要去食。終於有一日突發拍拖👫更，梗係拿拿臨出車🚗💨我地去到大約下午兩點半，所以唔多人，只係門口排左一陣。見到好多特色餸，樣樣都想試，有選擇困難症呀😂最後揀左5個餸🤪 豬肚，豬大腸，牛肚，牛肺，通菜。平時食車仔麵，我都會要5餸，絕對清得晒。但華仔呢碗，一放上枱，我已經話咁大碗嘅🥲，擔心食唔晒，結果真係食唔晒😅😅，好彩有另一半幫我包底😆埋單$134，一d都唔貴，因為飽到連晚餐都食唔落🤣🤣

間嘢佢係仲係舖仔嘅時候我已經留意到，以前日日搭車經過但一直都冇機會食，因為當時佢得一兩張枱坐低食。見佢有小店做到而家有一間中size嘅鋪仔，真係見到佢好努力咁耕耘。言歸正傳，今次試咗四餸一麵嘅車仔麵，盛為$55 ，佢依間係用QR code落單嘅，非常先進。可以揀麵淋啲定爽啲又有得揀芫荽蔥多少，又可以加好多唔同嘅醬。諗住佢成個麵應該唔會太多，份量點知一嚟到我wow😱咗一聲，碗麵可以兩個人食都得。但美中不足嘅就係我覺得太辣，雖然我叫咗小辣，但都辣到濁親。但整體嚟講會再翻兜，我一定會推薦俾朋友。

🇭🇰旺角-華記潮州滷水車仔麵 呢間絕對係食過返尋味嘅車仔麵😍每個朋友仔都比我介紹過～～仲要同返我講真係好好食😌佢既位置比較偏僻 但可能因為咁先會出現呢間隱世車仔麵舖😂所以今次我就介紹俾大家一齊試吓 我睇返自己啲相都覺得好吸引haha😆佢地嘅舖頭主打潮州滷水，滷水配料超級入味～～⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅一餸車仔麵(⭐9/10) $34 重口味湯底小編今次揀嘅係雞翼尖～～雖然話就話係一餸 但佢嘅份量已經好多 雞翼尖好似都有成六隻😋仲附送左大大嚿嘅白蘿蔔 超入味 又淋又唔會有渣 好正😚而湯底方面我今次揀咗重口味湯底 (小辣)亦都係呢間舖頭嘅招牌湯底👍🏻佢既湯底真係好正 開頭以為重口味會真係好鹹 但又唔會喎 味道啱啱好又濃郁尤其是加咗啲辣好惹味 食辣既人一定要去試下 而我選擇既米粉索晒啲味 超好食🥰同埋佢個秘製辣椒油 好辣好爽☺️👏🏻⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ⍗🎏地址：華記潮州滷水車仔麵 (民興大廈) (太子)1.太子界限街34號民興大廈地舖#hkig #foodie #h

呢排個市度咁差，有質素嘅餐廳真係買少見少，加上疫情嘅關係，大家都未必敢堂食，簡簡單單嘅外賣小食，變相更加受歡迎。呢日 #小秘書 趁出開嚟 #太子 攞 #中藥，都嚟 華記潮洲鹵水車仔麵 潮聖，睇吓呢間 #車仔麵 檔究竟有幾吸引😉繞過橫街窄巷，我呢個路痴終於搵到✌🏻 唔使行入餐廳，大家已經會喺門口見到大大個餐牌🤩 比着係我自己食，一定會試吓佢哋嘅 #特大魚蛋、#魚片頭 同埋 #鮮魷魚鬚，不過臨近晚飯時間，我只能夠買一碗返去同屋企人開心share，為咗就 #阿媽 同 #老竇 嘅重口味，最終我揀咗 #豬粉腸，#牛筋，當然加返我至愛嘅 #鮮魷魚鬚 啦🤟🏼打開外賣蓋，師傅明顯花過心思將食物放上麵度，絕對唔係亂來😉 我先將個 #滷水湯底 加熱，再淋上麵上。對於我嚟講，湯底口味似乎甜咗啲😅 不過我近排唔舒服，所以都唔敢叫老闆加辣，加上第一次幫襯，先嚟試吓最佢哋signature嘅湯底。配料嘅份量碼來都唔少，起碼每樣餸我都可以試到兩三舊，牛筋炆得好淋滑，連平時我唔多食嘅豬粉腸，我覺得口感都唔錯，而我最欣賞嘅當然係鮮魷魚鬚啦，咬落去爽爽地，充滿魷魚嘅鮮味🤤 難怪介紹我去嘅嗰位朋友，成日揸車都要去買返屋企食

呢間嘢唔會有下次！話說去到太子附近搵朋友聚會，順便搵晏晝食，由朋友推介去食呢間，因為朋友住果頭，已經聽過佢講由之前對面細鋪食開，食到搬大鋪，話d份量味道都唔錯，去到鋪頭見多人排，咪拎份外賣紙填，本身食唔到辣(少少都唔得)，當中揀咗撈麵，牛腩，牛小腸＆雞中翼，再Tick滷水汁(+$5)，跟住拎到上朋友到食，一打開見d色同試味已經知瀨嘢，打返電話落去同鋪頭問…我：你好丫，我頭先向你地鋪頭嗌外賣買咗個3餸撈粗，但想問點解會落咗d辣汁比我嘅？個男人語氣勁差咁講 : 呢到d撈麵係辣架，你第一次食牙？你無食過呀？ (我聽把聲好肯定係先前收銀果個男人講)我：係，我第一次食，但我個撈麵無話要辣喎Keep住態度差男：你食唔到辣唔好食撈麵嘛，呢到d撈麵實有辣味架我：吓？落單時你張單都無寫到撈麵係辣喎，我好記得你地張單後面只係寫+$5Keep住態度差男：有寫，我地上網果張外賣紙有寫，你嗌外賣可以上去望咗先黎落單嘅我：吓？我向你鋪頭門口買外賣唔用鋪頭張menu落，要特登上網去睇黎落單？無嘢呀？Keep住語氣態度差男：咁唔好意思啦先生，你下次黎食果時試返唔辣啦，blablabla...我：（……即時火起）並向電

已經第N次食，我覺得今次個味道係最好。當然之前都唔係差，鍾意食豬雜既人，會覺得係性價比。疫情關係佢哋轉左手機落單非常之好，我見你張枱離開後都會特登去消毒，讚！只不過員工嘅服務態度就真係非常之差，之前都係正常，不會覺得特別好，不過就越嚟越差，舉其中一個例子：「而家要scan針紙先可以進食，你知啦可能少出街唔識scan，咪問吓個員工點scan，個員工起反你眼及唔想回應你嘅問題，其實果下有啲唔想食，不過真係特登揸車過嚟，算了！可能當日唔夠員工，又或可能係出了名唔愁無客，不過又甘講，都係平民價錢又唔可以要求太多。」坦白講最出式係個滷水汁+辣椒油，同埋個蘿蔔都問得好淋，豬什係非常之足料亦都唔會有唔新鮮嘅味道，因為內臟其實都係唔係容易處理嘅食物，有heart❤️

自從搬離開咗九龍區之後～就比較少食到華記嘅車仔麵😔以前經常揸車落去買滿滿芫荽既勁辣車仔麵最令我心心念着嘅就係呢一碗大辣勁多芫荽蔥牛小腸牛大腸牛膀牛筋蘿蔔呢一碗面絕對係足夠兩個人食但每一次我都可以清晒😋首先佢嘅大辣係普通喺出邊食唔到既辣度我呢個咁好食辣重口味嘅人～係超級鍾意叫混合湯底再加大辣👍🏻重口味之選牛小腸+牛大腸呢個組合基本上係出邊好少可以食得到牛膀+牛筋呢四款內臟滷得又軟又入味又香又滑再加埋冇渣又十分鮮甜嘅蘿蔔真係冇得頂建議細食嘅朋友淨係叫餸就好因為真係大大碗食完都唔使食晚飯😄

今日買咗一隻滷水雞返屋企同屋企人一齊食，呢一度嘅原隻滷水雞都只係$100 ，非常之抵食！用嚟加送真係啱啱好！而且呢度嘅滷水醬汁亦都係好濃郁，啱啱好嘅份量同埋味道！而且呢度嘅雞肉都係充滿着滷水嘅香味！仲要係非常之滑！

就係見到某位仁兄推介呢間車仔麵，難得同朋友路過，咁就試試佢先。✅整體來講好食😋呀，叫2兩碗麵兩個湯底出色，一碗係滷水汁👍🏻另一碗係重口味推薦👍🏻正呀🤣🤣🎈芫荽👍🏻 唔會托你手踭比足你💁🏻‍♀️💁🏻‍♀️✔️蘿蔔，係佢地推介我個人都認為必叫❤️✔️牛腩，就覺得肥咗少少✔️雞翼，平常✔️腩肉，都係覺得肥左少少，可能平常小食呢一種食法嘅腩肉，佢係大大舊嘅，唔係薄片果種，所以唔習慣啫✅仲叫左個小食太陽🌞餅，喜歡😘外面脆口裏面有釀左啲蝦膠，好好食😋可能我一向鍾意❤️香口嘢😌😌😌

親民車仔麵店朋友同我講呢度有一間人細嘅車仔麵非常之好食，但係一直覺得位置比較偏僻，今日經過太子，就專程嚟試吓佢嘅車仔麵。開頭以為呢間店會好噏耷，點知入邊環境非常乾淨，而且寛敞。讚一讚呢度嘅店員，佢哋個個都好有善，而且好講得笑。用電話下單，非常之環保。我第一次食，就叫咗個短幼面，湯底就係重口味湯底，即係乜汁都有！佢個湯底出奇地好好味，而且棉質非常之彈。另外我仲叫咗牛腩、牛肉餅。我好肉餅係比普通嘅魚蛋更加彈牙，誠意推薦。

自已係車仔麵粉絲：食過貨不對版的，食過物非所值的，食過由元朗開到尖沙咀的，食過西貢明星多多的，到食華記~要贊料靚！ 華記嘅：雞翼尖滑而不肥隻隻 size一樣(唔會大有細或者爛左斷左對翼果種) ; 豬紅粒粒完整唔會散晒當然夠晒味；豬皮唔會爛左溶左，食落有"" 頭；蘿蔔好甜夠味無渣；豬手燜得淋，個湯汁完全夠味(不過提大家，呢間屬偏辣重口味) 唔辣得的車仔麵朋友最好叫清湯！ 多葱多莞茜任君選擇絕不孤寒，仲有太陽餅， 煎讓3寶可以叫！唯一欠缺係，一般都有的橙色辣醬(本人至愛配油麵) ，佢地得辣椒油！ 食物好環境企理，都要 d服務態度 nice先叫得我推介， 華記我接觸過的員工，都有 heart有禮！底食， 滿足！

之前都幫襯過幾次，也聽過好多負評， 因為唔關自己事所以都不理會， 直到今次身 受其害，老實講嘢食唔差，但為了一碗車仔麵就一定唔值得去受氣，一定無下次咁多年都從來冇寫過食評，因為你真係忍唔住，獻出第一次，真係多謝教訓

LUNCH TIME在附近做完野, 唔想返公司至食, 要快食, 上OR搵搵, 行去大埔道牛雜名店遠左D, 見到最近有呢間, 即試 坐低必須嘟QR code叫野食, 四餸要48蚊都好似幾貴, 一向對車仔麵有選擇困難症, 趕時間唔慢慢度啦, 簡單地牛雜油麵多蔥多茜, 都可以揀淋D硬D, 多湯少湯走湯, 仲可以揀滷水汁/腩汁/咖哩汁或溝汁. $45.黎到真係份量好大, 每舊都算大件, 每款有2舊以上, 膀肺肚腸, 全部幾入味又夠淋, 係湯底爭左D.

試左年筋，竟然3塊都見到有黑色毛，最後一次仲要痴係牛筋入面，同職員反映，佢就淨係同其他職員話我話牛筋有毛，之後沒有任何回應，連最基本既道歉都沒有。如此的態度對待客人唔會再幫襯。