華記潮州滷水車仔麵 (民興大廈)

营业中

休息中

今日路經太子，見咁耐無食華記就去幫襯一下。於太子地鐵站D出口步行約5分鐘就到，非常方便。當日唔駛排隊直接入座。叫左兩碗4餸車仔麵1. 牛肚，豬紅，咖哩魚蛋，新鮮墨魚，米粉。 2. 豬皮，豬腩肉，通菜，蘿蔔，米粉。嚟過幾次華記，最鐘意食牛肚，蘿蔔同豬紅。牛肚同蘿蔔滷水做得入味，豬紅爽滑，墨魚爽脆。再加上可自選湯底，有清湯，腩汁，滷水汁，咖哩汁，亦可自選多蔥多芫茜仲唔駛額外加錢👍🏻。整體價錢相宜，足料性價比高。

朋友介紹呢間華記車仔麵。見到網上外賣平台有得叫即刻叫咗一個三餸車仔麵。包括有大腸，牛肚同冬菇。首先，車仔麵送到過嚟嘅時候發現冇分湯已經大打折扣。打開個蓋見到啲大腸肥成咁，食慾都無埋，直接掉晒落垃圾桶。牛肚好韌，明顯炆既時間唔夠。冬菇算係三個餸入面最見得下人。美中不足係肉唔夠厚。整體來講，三餸車仔麵$64性價比極低。唔會再幫襯。

之前已經一直有留意開依間車仔麵今日終於可以一嘗佢地嘅車仔麵心大心細 牛雜麵/豬雜麵最後都係試左$55豬雜麵 （油麵）+ 豬大腸叫左多蔥多芫茜+重口味中辣湯底一上枱真係嚇親，勁多蔥+芫茜，平時出街食得少少湯底方面有基本滷水味道，辣度都好出色豬雜有豬潤 / 豬粉腸 / 生腸 / 橫脷 / 豬肚 （額外加左份豬大腸）全部都好好食，無記錯係新鮮貨黎，有豬雜嘅鮮甜，無雜味，又保持到各樣豬雜嘅口感。同埋每樣配料都唔欺場，好多料，好值得再去

呢間出名牛雜突然想食D濃味野就過左黎試下🤨滷水蘿白牛雜 ➕ 通菜➕牛肉餅➕豬腩肉➕五香牛腩第一時間當然食蘿白先因為通常最試到間店有無心機個蘿白睇有白根，諗住有渣啦點知 琳啦，又入到滷水味😯牛肉餅: 感覺係扁左既牛丸🤣幾彈有牛丸味😯豬腩肉: 琳👌🏻入到滷水汁五香牛腩: 本身已經有香料味做到琳身帶點點既脂肪☺️通菜: 都夾到個滷水汁正常發揮，間中add on都可以牛雜: 牛肚 爽，有咬口 牛肺 爽牛腸 (苦)……滷水湯: 有點過鹹🙈有滷水味，但就無咩香料味結: 不錯既比較好: 蘿白，五香牛腩，牛肚但可以叫其他款😅#滷水蘿白牛雜#通菜#牛肉餅#豬腩肉#五香牛腩#華記潮州滷水車仔麵

叫咗一碗牛雜，一碗牛三寶多芫荽牛雜夠入味唔腥，加埋啲汁好正牛腩同牛筋都好味，牛筋食極都仲有，叫咗個生菜底，份量多，好抵食，不過要搭枱坐都幾迫下，出面條龍好長，當食個快餐

黎到太子一定會食佢嘅車仔麵，食過就一定會再幫襯。車仔麵嘅配料都算多選擇，而且最仲意佢有幾款湯底選擇，最愛佢嘅咖哩汁。仲有值得推介就係佢嘅籮白、魷魚同豬紅，正👍!

華記嘅滷水汁同腩汁好正✨✨✨係餸方面，生魷魚🦑有少少辣同埋好入味～每次必叫嘅餸之一😋價錢方面又唔會好貴，加上味道唔差，所以諗唔到食咩果陣都會叫華記🤣🤣🤣

朋友介紹 呢間車仔麵好食出色👍🏻 先講小食 韭菜豬紅微辣 豬紅夾落去唔會散份量都不少四餸車仔麵選擇咗 蘿蔔。牛筋。豬大腸(肥)。冬菇選擇清湯底 芫荽蔥不吝嗇米線底 米線有咬口不淋到一Pat Pat如果不想要粉麵底可以選擇改生菜感覺較為健康蘿蔔入味無渣咬後溶化 唔會硬骨骨豬大腸(肥) 仲有另外一款選擇 就係豬大腸 無個肥字但脂肪愛好者必選肥那款入口不會覺得過分肥膩容易咬斷 沒有苦味牛筋 好淋 入口溶化有少少漿口的感覺。冬菇 入味以上四款餸 大推。雞腎 (朋友叫)不了感覺白烚無味

4/5Is just a how a good satisfying bowl of noodles. Soup good, noodles good, toppings good. Love all the pork intestines, pork belly is devil..All is marinated and cooked good, flavour on point, just right, not too salty or light. Texture perfect, not too soft or hard to chew. And the lo shui is very comfortable to eat lots, herbs flavour not too strong but yet got character.Just the radish got too much fibre skin this time, but is still sweet, flavour all the way inside, yet won’t too soft.

依家好多嘅車仔麵麵無以前咁平民、咁抵食，有時叫啲配料叫到五、六十蚊碗但係啲配料唔多。華就就好唔多，配料選擇特別多，有牛蒡、牛脷、豬脷、豬橫脷、牛心、牛肺…….我點咗個四餸麵，入面嘅豬腩肉同牛脷切得好厚，份量特別多，第一次食車仔麵飽到上心口，性價比極高，店員都好細心照顧客人嘅需要，好有人情味。

成日見阿Bob推呢間，終於有機會同朋友2個去叫車仔麵佢舊檔係對面時，已經好吸引我，因為有次行過超香牛腩香味，但果陣未夠鐘開鋪所以冇機會試食今次終於有機會試左牛筋豬大腸雞翼油麵中辣 同埋 牛腩雞腎米粉小辣黎到超大碗，又好多蔥，牛筋好淋，豬大腸夠晒乾淨，雞翼有滷水味，整體都好好味，中辣唔講得少，我係辣之子都有被佢d逝辣到.....😂朋友食牛腩雞腎，牛腩好味唔痴牙，食得出真係炆左好耐埋單2位100蚊有找，真係好化算，推介俾咁多位！！

約完朋友冇野做，邊行邊搵嘢食，見到呢間車仔面好多人等外賣就入去一戰，結果好驚喜！可以點出面好少有嘅牛雜牛雜，出面一般好少高汁牛豬雜（就算牛雜店），叫咗牛肺同牛膀，食落煲得夠淋，而且好入味！豬手一樣唔會好硬食緊橡膠咁！牛筋都好好味，有種入口即化感覺。最重要嘅係呢間車仔而餸嘅份量相當之多！我一個大男人都食到好飽👏👏講埋湯底，一般出面靜係俾你揀一款湯，再加腩汁咁，但呢度見佢app落單嘅餐牌有款寫住「推薦」嘅重口味所有汁，試咗真係夠濃味，好啱我呢啲重口味人士，不過建議叫小辣試咗先，都幾辣。

Bookmark了很久的車仔麵 🔖 終於在一個平日的下午到訪了🫶🏻 下午5點左右到達店面 裏面也有一兩桌客人 眼見老闆與客人們都非常聊得來 店裡氣氛很好 都是熟客吧😆😆每桌上都有一罐辣椒油🌶由於我期待已久 而且住得不近 故此非常貪心地點了5個配料 並轉了蘿蔔作為基底🍜上桌時嚇了一嚇 一來很大一碗😹 二來 發現一條廚師腸和墨魚卷 這兩樣我也沒有點的 後來發現是老闆送的😆 雖然我並沒有很喜歡吃加工食品 不過收到老闆的心意 也是覺得挺溫暖的💓滷水豆腐非常大一塊 滑嫩倒不至於 不過索滿湯汁 是我喜歡的硬豆腐 👅滷水雞翼居然有四隻 嚇死我了😂平時外面的車仔麵 頂多給兩隻吧 滷水牛腩同樣地份量非常多 而且不會鞋 配上我點的牛筋真的一流〰️蘿蔔非常清甜 不過有渣 也有3-4塊大大塊的！太陽餅 $38就是炸蝦餅 外皮非常酥脆而且薄 裡面有幾隻蝦 好好吃呀 配上泰式甜辣醫 冇得輸呀😻喜歡這間車仔麵店 一是因為食物質素不錯 分量其多 二是點餐的自由度非常高 什麼醬汁、多芫荽與否也可以選 🥢 三是喜歡這裏的人情味 整個用餐氣氛也非常愉悅 感覺到老闆與這裏的街坊相處非常融洽 🧚🏻‍♀️ 個人真的非常喜歡這種感覺

話說今日有事去旺角, 順便去太子搵嘢食.  行經一間潮州車仔noodle, 幾有特色, 就衝入去試試. 裹面環境幾舒服, 唔會好迫的感覺.侍應幾好禮貌, 主動倖个箱我裝袋.  一般茶餐廳冇這樣服務.  他們叫食物是用QR Code,   入去後, 選擇唔算多, 牛雜唔同部份可分開選, 一part當一餸.  我比較貪心, 我要 全部, 所以選牛雜粗.  佢特別地方可以選湯底, noodle軟硬度, 十足食日本拉noodle, 好.仲有最重要, 好多地方加芫西要加錢, 但他免費,  好值得加分.noodle來了, 好大碗, 份量超多. 原本以為$45蚊的餐應唔會好多牛雜, 好似其他地方.  估唔到有這份量,  湯好濃, 但唔會好似一般車仔noodle咁多味精, 牛雜吸收了鹵水的精華, 好入味, 而且弄的時間剛剛好.  加上大量芫西. 濃而清香, 令人食指大動.佢地仲有好多小食, 不過我只有一个人,食唔到咁多, 下次吧.

小弟同寶寶又出擊去尋找美食，呢間華記其實第二次去食，的確係食過翻尋味，食埋今次，真係要嚟開飯稱讚下呢間實而不華、大件夾抵食嘅車仔麵。呢間好店，撞手神今日唔使排隊直入。坐低左用qr code落單，寶寶就食牛雜麵、小弟要豬雜，過癮係呢間店叫多腸、腩汁都唔做加錢，大食寶寶要多碟通菜、我就叫多碟鳳爪。唔使幾分鐘，先嚟一碟鳳爪，一食、即刻畀like鳳爪唔係普通得個辣嘅泰式鳳爪，而係微微辣小小酸嘅開胃鳳爪，仲好細心地第一碟上，認真開胃，正正！再嚟兩碗麵，大大碗，夠飽肚，真係真材實料，好有誠意，小弟碗豬雜，果然多腸，配上清湯唔會膩！最吸引係寶寶牛雜果啲牛腸，粒粒都肥嘟嘟，入口即化，果種油脂嘅香味，食完令人有幸福嘅感覺。再食多碟生菜，解脂，滿足。食咗咁多嘢，再叫多杯汽水，百六蚊有找，滿足一整天，超值！繼續做常客