華順越南餐廳 (已結業)

太久沒有在北角外吃了，開了很多間各國美食。這天，家人說要帶我去吃一家比較隱蔽的越南餐廳，那個時候我還覺得，開在內街，一定是對自己食物有信心，讓人們多走幾步也要來吃。由於圖片吸引，又是第一次吃，很多東西都想嚐試，所以就點了很多，豬扒河、蜆肉清湯、炸春卷、牛油雞翼、馬拉通菜，還有一個忘了名字的湯米。只覺得很難吃，完全不正宗，是吃一遍都嫌多的餐廳！而其實它的價格也沒有很便宜，所以真的非常失望！又偏僻又不好吃又不便宜，應該很快會消失在空氣中。

囡囡去左奶奶到瞓，難得輕鬆，緊係搵隱世美食。呢間越南餐廳係後巷。真係唔搵都唔知有間越南野。我和老公叫了生牛肉湯粉和檬曉。生牛肉湯粉：很足料，多牛肉，多湯，多粉。湯底很濃味。牛肉都很好吃。一流檬曉：比生牛肉湯粉更濃味。好正。如果加啲蟹肉就更正。老闆娘同老闆都好街坊。人情味。值得推介

何謂隱世，就是不容易給你找到，大在內街，而在大廈之間的巷仔內。但仍然能夠在武林立足，必有其過人之處。午市套餐就是湯粉➕小食。初時以為小食蒸粉卷只有配角，不為已甚。上檯卻嚇了一驚，粉皮是散開兩塊。粉皮薄得像是輕紗一樣 ，可以透光 ，自己動手包了起來還是若隱若現，晶瑩 剔 透 ，隱隱透視餡料。 粉皮入口有米香 ，且滑不溜口 ， 還帶柔韌 ，清爽 非常，從未吃過如此精彩的蒸粉卷。生牛肉河粉：湯頭冇得输，濃濃牛骨味，牛肉片薄，河粉夠滑，跟最近吃過的名店赢了幾條街。最后配上越式咖啡，又一满分午膳。

華順位於北角後街，如果唔係有人帶路，我真的不識路來。 但裝修較陳舊，在遠處看並不起眼。 雖然是簡單茶餐㕔設計，但店內簡單得來也十分乾淨。 餐牌菜式也算多選擇，食物味道也不錯。串燒(肉醃得入味，沾醬)米子卷(新鮮即做夠扎實）扎肉法包（麵包香脆，但餡料太簡單，味道一般。 但份量夠，一份已經好飽）香港現在已很少這些家庭式餐廳，雖然裝修簡單，但可以從食物中感受到用心製作。 吃得太多單一味道大集團餐廳，更珍惜家庭手作風味。

有一天搭巴士的時候，不經意看到這間越南餐館的招牌，心想下一次去試試吧。今晚突然想起吃越南粉，便想起這間餐廳。去到餐廳，內裏沒有豪華的裝修，燈光比較昏暗，餐具雖然有點殘舊，但摸上手是乾淨的，不怕油淋淋。叫了一個扎肉雞絲撈檬，賣相很好，扎肉是有豬耳和黑椒的，有咬口之餘，黑椒味也很濃，雞絲是出奇的好吃，不似是雪藏雞，每一啖也有雞的鮮味。檬粉夠彈牙。正！下一次會相約多幾個朋友，那麼便可以叫多幾個不同的菜式試試。

華順位置係北角後巷位置 行過都係唔會留意 所以都係做熟客生意多 食左咁多年都仲係度都係一種實力證明 老闆娘 Nancy  每每都落力推介有咩好食 我一般都係叫最一般又最有實力 香茅豬排飯 或者 香茅雞排飯午餐 48 蚊大大碟 味道 keep 到水準 份量又夠 可以成日食

對越南野一向都無乜抗拒，湯河,粉卷，撈檬都已經好香港化了。這間越南餐廳在北角一條巷入面，唔算難找。餐廳是茶餐室式設計，餐牌種類頗多。越南粉卷唔多餐廳有供應這款粉卷，類似腸粉既做法。但我很喜歡這個菜式口感煙韌，粉皮很薄,晶瑩剔透，配料不會太多，醮了醬汁一流！生牛肉湯河牛肉嫰滑，河粉爽口，湯底味道牛肉味足，應該沒有加入味精，很讚漁村湯曉檬哩個係最有驚喜，湯底鮮味十足，有蟹，蝦，貝殼，雖然唔知店家放了幾多種海鮮做湯。但係味道濃郁就是。肉碎扎肉美味，最重要係檬粉有少少彈性，令到整個湯檬很出色。整體水準不俗，餐牌還有很多選擇，可以再回來試試。

我好中意食越南生牛粉，不過講真，好多嘅味道都係差咁d，搵唔到一間真係好味。行過後巷見到小店，竟然後巷小店都能屹立不倒，好，就去試試。入到去聽到職員介紹話菜式係老闆娘親自炮製，而聽到老闆娘嘅中文口音，我肯定佢係個越南人。首先係越式蒸粉卷，味道比較清淡，餡料都唔太多，粉卷晶瑩剔透，拉得好薄，個人覺得呢個順化style比較普通。職員重點推介漁村湯檬曉，一入口，嘩！好濃嘅海鮮風味，好似係有膏，蝦同魚熬嘅湯底，飲第一口湯已經愛上個湯，好濃，好鮮，好好味！肉碎應該似加左咸魚/蝦醬醃製，好濃嘅鮮味爆發出黎，記得試試幾淡湯底，然後加魚露，更加可以特出湯底鮮味。札肉方面，無平時食嗰d咁肥膏feel，咬落味道濃，都結實，應該自己處理過。如果唔怕海鮮味道嘅，呢個絕對係推介！最後係生牛肉湯河，誠意係湯底，所以我一定會試試先，第一下飲落個湯，又要嘩！竟然勾起到我之前越南粉嘅回憶，湯底嗰個牛味都算係我試過咁多數一數二，好多地方係用好多調味料去煮個湯，但呢度應該係真材實料去做，雖然未有之前我系加拿大試過嘅咁好，但呢個湯底好明顯係有心機之作。食後感：價錢平民，味道一流，心機一流，最怕香港嘅越南餐廳用好多調味，但今次食

這家男人跟我說，他以前在北角上班時便成日來這家店光顧的！所以這一次他帶我來吃！店內環境很大，而且是滿座的！看到很多都是熟客！牛柳粒紅飯 ＄108飯比較濕，牛比較油！可能是個人喜好，我喜歡較乾身的紅飯！但味道是非常足夠的，只是不合我的胃口！燒豬頸肉濱海 ＄68我好像是第一次聽到這個菜色，男人說他也是！（但明明他說以前時常來）這個叫是有塊脆脆的可以包了沾了醬的豬頸肉一同吃！非常滋味又特吃馬拉盞炒時菜 ＄45這裡吃菜比較便宜，而且份量較大！我們兩人最後是把所以東西清光光

漁村湯檬曉- 湯底清淡鹹鮮，橙色蟹油添鮮且散發甘香；拌蔥花同喝，添上一份爽脆清香；拌蕃茄同喝，清甜味混合鹹鮮。各有千秋，材料搭配得宜，層次豐富- 豬肉餅四分肥六分瘦，甘香但微微嚡口，味道單一- 札肉結實，混合了少量純脂肪，不過腍亦不過更，帶黑胡椒辛辣- 檸粉過腍但吸湯*指天椒新鮮辣勁足，魚露鹹鮮味濃郁但不濃烈，下了後瞬即提升鹹鮮味

係北角好多美食小店其實今次呢間華順越南餐廳係其中一間我覺得幾好味嘅越南嘢食我都黎呢間嘢食過好幾次喇 佢地嘅食物質素我覺得唔錯我點咗個豬扒飯 熱檸茶佢杯熱檸茶先黎到嘅 都有檸檬味 而又唔澀黎到個香茅豬扒飯賣相唔錯有香茅係面 雖然香茅味唔重但個豬扒煎得好香豬扒上有蔥油味佢加咗唔少蔥油上去令豬扒更香但係因為咁樣會令到碗飯油咗肥咗 但係香咗同惹味咗嘅但豬扒外脆嘅咬咗脆口好味飯就一般般 飯香唔夠有加到少少匙油上面但佢只係賣四十蚊仲有杯檸茶飲可以話係抵食夾大件仲要幾好味雖然唔太健康但味道唔錯

一向鍾情越南生牛肉河, 剛從越南旅行回來, 發現有報導介紹這間餐廳, 特意抽時間在午市後光顧, 當然, 生牛肉河是必點菜色之一, 另外再點了菜單上未有的薄餅和小碟米榚, 再加上越南咖啡首先來的薄餅有驚喜, 皮是麵粉蛋䊢制成, 内有鮮虾兩隻和牙菜, 皮脆加上牙菜和鮮虾, 口感清甜爽脆再來的生牛肉河, 雖然味道不錯, 可惜平時食生牛肉河另上的香菜, 芽菜, 青擰欠奉, 實在有點失望!越南小碟米糕, 沒有驚喜, 感覺始終是當地比較好味至於越南咖啡, 絶對是來自當地的一級咖啡, 我們點了冷,熱各一杯, 熱咖啡相當不錯, 口味濃郁細緻, 冷的咖啡, 如果是淨啡會比較適合我, 可惜沒有選擇情況下加了練奶, 如果練奶多一點也不錯, 但在練奶不足, 不苦不甜又令人有點失望

有日突然好想食越南既生牛肉湯河，上網搵越南餐廳發現原來香港已經好少自家經營既越南餐廳，可能小店經營困難，特別因為租金太貴，所以全部都轉晒連鎖店，即大財團玩晒，有感可惜。搵到幾間小店，諗住逐一試下，難聽d咁講，有得食好食，D小店都唔知捱到幾耐。今日試左其中一間有咁上下歷史既越南餐廳(眼見open rice第一編食評係2003年)餐廳位於不起眼的後巷位置，可能正因為不起眼，所以店內食品價格性價比高，你知啦~宜家出街食飯主要都係幫人交租，食材好唔好大家心照啦。晚上大約7點來到，店內有5枱客人，環境其實都ok，夠乾淨、冷氣夠涼我地2個女仔因為趕住去對面新光睇劇（唔好誤會，唔係睇大劇），所以就簡簡單單點了2碗比較特式既湯粉，當然唔少得馳名既蒸粉卷。越式蒸粉卷晶瑩剔透，口感煙韌，餡料味道略嫌淡左少少，不過都仲係好好食既。有成8-9條㗎漁村湯檬曉+$1轉粉絲湯底味道酸酸辣辣，都幾開胃，有2件蕃茄、一小片裝飾用既扎肉、大量大大小小既肉碎。開初以為肉碎加左咸魚醃製，細問之下原來係加左蝦膏，口味既野見仁見智，我自己覺得OK既，而且肉碎夠鬆軟又夠腍，。順化湯檬味道較濃，辣味為主，豬手皮爽肉厚，最緊要係清理乾

這間華順位於一個不起眼的路口，如果路口沒有那個大大的招牌，相信好多人都會過。原本打算食凍檬，可惜當晚買清光，只好試下他們的招牌飯，有豬扒、肉丸、煎旦上面配上蔥油同一些炸干蔥，可惜豬扒肉丸有點干沒有太多肉汁，白飯是用微波爐加熱，因為食落同煮起的飯是不一樣， 蔥油是似燒味飯的蔥油。再加一個越南蒸粉卷，e個是熱辣辣，開頭送上枱是4條，後來老闆娘再加多兩條，原來送少了，配上酸酸甜甜的汁，十分開胃。幸好order左杯椰汁綠豆冰，否則不完美了

A neighbourhood favourite tucked away in the side alley along King's road, this restaurant offers authentic and affordable vietnam food. It's always worth coming back here for a quick pho and ban mi cravings.