萃華酒家 (已結業)

還是小朋友的時候，曾跟"無骨落地"的石岐乳鴿結下一嚐之緣。由那刻開始直至現在，不論是那一家香港的酒家，也找不到在石岐的味道。雖然凡事不可強求，但是總不能因此而不再嚐試。而今天，我們這個快閃飯局，選址為大圍另一頗有名氣的食店。今天出席飯局的人仕，認識一位性格毫不拖泥帶水，爽朗非常的"電單車女"，實在幸會。 在各位食友簡談決定所要的小菜時，有說這食店的乳鴿僅次於楓林出品，在座的食友立即把它列入必食之選，最後還要了一些兒時常見的"懷舊菜"。首先來的不是別的小菜，而是開邊的<<燒乳鴿>>，各人以光速的動作把它的"美態"拍下來後，大家再也按捺不住了。 今天吃到得見鴿，皮薄而脆肉汁豐富，肉質滑而甚香嫩，比在楓林嚐到的更美味﹗ 而且，這裡會把乳鴿的內臟炸好再灑一點鹽再放在碟上讓客人食用，是絕佳送啤酒之物﹗湯水方面，我們選了<<粉葛赤小豆鯪魚湯>>，火喉十足，粉葛味道帶甜亦有點香味，一窩足夠我們十二，份量十足。拿來試餐廳炒功的<<萃華小炒王>>，內有蝦干、銀魚干、腰果、吊片和韮菜花，每樣材料炒得香口鑊氣十足

拜完山本來去新強記燒鵝食lunch, 但太多人等唔到位, 所以去左呢間....一推門入去有個人開門話無點心架喎, 咁都ok, 因為肚餓就入去食啦! 扮晒高檔咁派毛巾! 卓上又有酸菜花生等等啦... 即心諗都唔平啦! 咁開始叫餸, 見款款都$78 以上架! 好多都過百添.. 我地叫左5樣野, 咁貴, 就睇下佢係咪咁好食啦!沙薑雞腳 - 好咸.. 有6隻細細隻.. 4個人, 有2個人食得1隻, 2個人食2隻唔記得咩炒麵 - 有d煤既蝦.. 3粒左右.. 有1粒帶子, 薄切到有3片, 冬菇都有2件既... 跟住就係菜心啦! 碟野麵底本應係脆, 但唔脆, 只係少少硬, 唔香, d麵最底唔知點解比d水浸住.. 唔係面頭抄野個d汁黎架喎.. 我地都覺得茶餐廳抄得好味過佢好多好多囉!蝦子柚子皮 - 有... 4小塊架! 好似手掌一半左右咁大啦, 1人1塊! 咸到飛起, 聽講靚既蝦子唔係咸, 係香架喎, 但點解只係食到咸味呢! 個柚子皮一夾完全粉碎.. 超粉, 無晒d原本既質地..屋企附近間平野車仔麵仲好食過佢呀!!!抄青菜 - 最好味架啦! 不過唔係抄, 係用水"拾" 既! 再加d油係面扮

在大圍吃乳鴿最出名的兩間酒家,也是在同一條街,一間楓林,一間是隔離的萃華.後者的環境沒有前者的詩情畫意,歷史亦沒有前者的豐富.又是即慶快閃局,十一個人坐在一角,在大圍的酒家吃飯,點菜少不了乳鴿,豆腐.其他菜式也是點一些懷舊味道.另此店同楓林的不同在,如果自攜酒品,就要收開瓶費,這夜一行三支,"達文西"加"武當契弟",再加支智利白酒.加埋收$100.尚可接受.例湯為粉葛赤小豆鯪魚湯,同月前在益新一樣.火喉十足,剛好來之前在街口篤魚蛋,這碗例湯有下火之作用.乳鴿一共要六隻開邊上.伴以蝦片吃,中間更奉上鴿肝.索價$64一隻,比隔離的略貴.喝完例湯,急不及待即拿半隻上手,外皮燒得脆口,肉質豐厚,老實說,做得不比楓林的差,當中碟上的鴿肝,更是不可錯過.再來的紙包兩味,紙包雞同紙包骨.這一味很多年青人也未聽過,極其量在麥兜一片之中,聽過"紙包雞,雞包紙".本人亦很久沒有吃過此一味了.今次再吃,也是一種童年時代,與家人上酒樓的一點零碎回憶.用到自家店名作菜名的"萃華小炒王",用韭菜,蝦乾,魷魚,腰果等材料炒埋一碟,香脆又可口,送酒最佳.在最危險的時期吃高危食物才是最安全,無懼奶類受到三聚氰氨污染,照

基於地理和歷史因素，以前有「沙田三寶」的說法，其分別是乳鴿、山水豆腐和雞粥，不過我這個沙田居民，近年在本區也少吃到滿意的出品，是日和一眾開飯食友相約於此晚膳，某程度上，能回味到昔日的一些風味。先上的粉葛鯪魚煲赤小豆，很夠火侯，至於主打的乳鴿，是此店的招牌菜，其個子不算太大隻，但炸得香口，吃入口還算嫩，內裡還有點juicy，最重要的，是吃不著雪味，相信是鮮貨出品，其價錢也不平，可要六十四元一隻。另外還點了紙包骨和紙包雞各一客，這件油淋淋的，用油紙包著的炸肉，其味也是其次(事實也頗為好味)，最重要的，是尋回昔日的童年情懷，因為是飲茶是恩物點心之一。小炒皇、炸鮮奶也弄得不差，其鑊氣和脆口交足功課，跟著來的清蒸豆腐，其上等的水豆腐弄得很滑，吃入豆香味也足， 有時一頓油膩的晚飯，也確是需要一點清淡東西來平穩一下。蝦子柚皮的味道，用一句「正到無朋友」來形容便最貼切，實在甘香。另有香酥小棠菜，即是大排檔的窩貼小棠菜，用墨魚膠加小棠菜包好後再炸，香脆彈牙鮮甜集於一身，唯獨個醬汁不太匹配。木桶飯奉上豬油豉油，但$26一小桶實在不值，見有豬油奉上，叫多幾個白飯算了。最後甜品是山水豆腐花，不俗。這裡和隔離的

今日一早出左去,無食早餐係美孚又無野好食同友人傾左陣,突然乳鴿癮起,就提意黎萃華食乳鴿.3個人,食左3隻紅燒乳鴿,脆皮豆付同埋家鄉釀玉環紅燒乳鴿--2隻好味,1隻好乾,有d太燶 未至於脆皮,但係胸都唔算好"鞋",好味既,不過未至於會哇一聲law 同龍華好味既時候差唔多($68)脆皮豆付--細碟,同埋豆付唔算好滑,脆皮,但係真係無味架....失望($58)家鄉釀玉環--豬肉冬姑釀節瓜,舊豬肉都幾膩....節瓜就ok啦($68)結果我地要將脆皮豆付同節瓜個汁fusion左一齊咁就好味d送左個豆付花都唔係特別好味...唔係變,但係有d怪怪地....3個人食左$460好貴既一個lunch不過一人一隻乳鴿又好滿足其他野就麻麻lu得閒都可以黎食下既,同龍華差唔多不過唔洗行咁遠,哈哈

同親戚食飯,book左呢間萃華d野食又貴又細又唔好食....乳鴿冇肉汁又老....真係我食過中之最差,仲要成68蚊1隻連普通既蒜蓉炒菜都唔得...d waiter態度又差,撞到人連sorry都唔講聲,淨係啤一下就走左去絕對冇下次.......

首先，我地要向雍雅山房致敬．雍雅山房已經無左好耐了... 婆婆又突然間話想食乳鴿喎, 所以就去左萃華.其實尼間無咩野咁好, 都唔係特別抵食, 但係佢既乳鴿真係少有地好食夠入味啦, 夠香, 皮脆.無咩地方食到拍得住雍雅山房水準既乳鴿的啦愛鴿之人就值得去嘍~ 我地除左乳鴿仲叫左梅菜扣肉同芝士龍蝦伊麵舅父仔話整體唔錯, 但係乳鴿有d瘦得濟, 不過我就覺得乳鴿太肥先唔好食啦, 見人見智啦~媽咪話除左乳鴿, 其他野食都麻麻婆婆就覺得個芝士龍蝦麵幾抵食, $210 蚊, 都有幾多肉, 媽咪倒覺得d 芝士好"卡夫"味, 唔夠香.

本來唔喜愛中菜的我，今次係第二次光顧，呢度雖然服務一般，但好過龍華多倍，乳鴿水準一個字「正」，就算貴龍華十蚊一隻都係值得，大部份小菜都係七十蚊或以上，價錢略貴，但有一定水準交足貨，還可以試到懷舊菜柚子皮，入味之餘又唔油膩，每次食完都好滿足呢....

一間老字號的酒家, 我當天因朋友請食飯, 叫了六個菜, 乳鴿和蒸豆腐保持超正水準, D乳鴿真係好正好新鮮, D豆腐好滑, 個糯米飯雖然好食, 但與其他食品一樣給其他的貴一倍, 我點了生炒骨, 菜和啫啫雞煲, 很一般, 貪可送飯, D野食其實好細碟, D人既SERVICES唔係特別好, 可能我地被人睇得出唔係有錢人, 食唔起他們推薦的魚和蝦啦, 我有朋友來過曾ORDER呢D魚和蝦野食, 她說都真的很好味, 其實食到好味既野, 貴一D都沒所謂

大圍萃華酒家,據周刊吹介,聞名中外的燒乳鴿乃由其始創,其獨步武林的招牌菜是也.小弟自幼居於沙田,萃華與小欖公,楓林齊名,上禾輋尚有龍華,其時沙田墟尚有三紅,禾香,德記等等.十二月初遂與家人再懷舊一翻,再嚐舊沙田風味,一行八人點了一個乳鴿海鮮餐,一千一百餘元,有大斑兩味分別炒球及炆頭腩等等,不過不失,家常小炒,乎服何求,但主角乳鴿竟然漏了單,再三催促才上檯,唉唉唉,不得了,竟然是暖的,燒乳鴿之精粹在乎其新鮮燒,熱辣辣,但sorry欠奉,肉質偏廋無texture,差矣!埋單詢問部長,其支吾以對說會到廚房瞭解,他告之乃新鮮鴿,又如何?人地就算用雪鴿的都好食過你、找埋錢都冇句唔好意思.成晚最好食就係豆腐花及三催四請先到的生果拼盆,死未?呢度乳鴿68蚊一隻,鬼佬話嚌,唔justify囉,咁既價錢唔收貨囉,唔怪得歌神寧願去強記叫外賣,萃華星期日晚都坐吾滿啦小弟食盡沙田乳鴿,個人經驗最正乳鴿不問價錢,乃係沙角大排檔德記(老闆乃沙田墟三紅酒家老閭),一隻40蚊有找,各名牌乳鴿輸哂,唉唔怪之星期五六日,想搵個位都難,但注意唔駛旨意有好招呼萃華,恕我講句無下次咯

自從龍華的乳鴿水準每況愈下，已沒有幫襯的理由。來萃華，只為食乳鴿，所以當然一人一隻，要燒的。特別吩咐其中兩隻原隻上，純粹家母及我個人喜好。上枱熱辣辣，都要等一等先可以動手。撕下鴿腿，肉汁流出，咬落皮脆肉嫩，鹹味調得剛好，好吃。也吃了件肝，外脆內軟。小菜也有水準，不過對我來說，都是陪襯。七隻乳鴿連三個小菜（炒豆苗、金銀蛋莧菜及蒸豆腐），差不多九百元。略貴，不過值。

今日dinner 同屋企人4 個0黎食, 叫0左2 隻燒乳鴿, 2 隻豉油王乳鴿, 海鮮豆腐煲, 中式牛柳, 仲有清炒西蘭花.0黎到當然0係想食乳鴿, 個人覺得燒比豉油王好食... 燒0既皮脆肉嫩, 好多肉汁, 又唔算好油膩; 另外驚喜0既係連鴿心/肝/腎都有得食, 燒到好香好脆, 好好食! 豉油王都唔錯, 不過d 豉油汁鹹0左少少, 肉質亦相比之下無咁滑/juicy.中式牛柳d 汁酸度0岩0岩好, 牛肉夠腍又夠酒味, 空口食或送飯都好好.海鮮豆腐煲又係驚喜的, 好入味, 料好多, 有石斑, 海蝦, 帶子, 魷魚, 仲有冬菇, 咁多樣以豆腐最好食, 索晒d 海鮮味咁, 唔錯; d 海鮮肉質彈牙夠新鮮, 不過d 帶子就實在太鹹喇...西蘭花就一般, 油亦多.環境都係舊式酒樓咁啦, 坐得舒服的, 衛生情況ok, service 都ok 啦無乜特別咁.不枉山長水遠走0黎食, 真係唔錯.

我好鐘意去萃華酒家食飯﹐佢地D 乳鴿好好味﹐豆腐又好滑﹗﹗﹗仲有0佢地成日有D 突別菜式﹐可有新意﹗﹗最重要係佢地有自製豆腐花送﹐每次食完都好開心咁走﹗﹗

本人與家人差不多每月都有一二次到大圍，每次都在此酒家晚飯，當然是對這裡的服務及食品感到滿意，與他們的上上下下都頗為認識。5/8 晚飯於此酒家，點了個生"當" 海班兩味，怎知那魚很腥，肉還有點霉，根本不新鮮,很難入口，當時感到非常奇怪,一問之下才知道魚不是當天"當" 的.後來請那經理過來想再問清楚是什麼一回事，這樣不新鮮的魚怎能給客人用，怎知那經理說，我們的海班是生"當" ，但沒有說明是今天"當" ，說完之後便轉身走，完全沒有一些歉意或為我們解決問題，原本想找個老闆來談談，可惜都不在，那時連食飯的胃口都沒有，且跟本也沒菜可吃，他們這樣的服務態度連普通的大眾化菜館也不如，我們也光顧了好幾年，一時之間也很激氣，飯也沒吃立即結帳走。相信我們也不會再到這裡吃飯，他們真的很傷我們這個常客的心！