影片
港铁尖沙咀/尖東站 P2 出口, 步行约6分钟
继续阅读
电话号码
21518133
84893133 (WhatsApp)
开饭介绍
餐厅占地逾5000平方呎，特设三间独立铁板烧房，可容纳5-12人，更有包场服务。除设有鱼缸养殖活海鲜，更特设大型投射的天灯许愿墙，让客人可实时写上祝福语给惊喜身边人！吧台式座位设计分为两大主题，重点主打日式铁板烧及厨师发办，由师傅以传统结合崭新的日式手法席前烹调，为客人带来舌尖和视觉上的一流享受。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
公众假期
12:00 - 15:00
18:00 - 23:00
公众假期前夕
12:00 - 15:00
18:00 - 23:00
*午市最後落單時間: 13:30 晚市最後落單時間: 21:30
以上资料只供参考，请与餐厅确认详情
有关餐厅
有关奖赏计划
相关文章
這家「鐵板燒+壽司Omakase」日本餐廳我已經收藏了好久，這次終於抽到時間來了😍..最近在做「螢火清酒祭」，全日有指定清酒免費仼飲‼️午餐90分鐘，晚餐120分鐘，包你喝到爽‼️五顏六色的小酒杯真的令人愛不釋手🍶.餐廳的環境非常寬敞舒適，分為鐵板燒和壽司Omakase，鐵板燒有一個打卡的天燈祈願大螢幕，食客在場可以借餐廳的iPad來寫下自己的願望，一發出去就會即刻以動畫方式呈現在大螢幕上的天燈喲💕 (亦算是放過天燈了吧🤣)除了大螢幕區，餐廳亦另設有3間獨立房間供客人預訂享用鐵板燒，第一間可容納8-12人，之後第二三間各可容納4-6人而廚師發辦的壽司系列就僅有10個座位，所以建議一星期前就預訂並指明是要選吃Omakase了喲～(可致電時告知店員/於openrice預訂時寫下備註)..𐐂 「晚巿廚師發板十六品」 𐐚(2人同行，1人免費‼️ 原價：$1380/位)./前菜/.❥ 牛蒡煮日本雞肉雞肉厚身但不柴，而且好入味，醬汁亦是日本的傳統風味，非常開胃./刺身五品/.❥ 銀雪魚BB刺身吃過不少，但我是生平第一次吃銀雪魚BB的😮一向都只是吃過西京燒銀雪魚 (熟食的兼且是成年銀雪魚)，所以幾有驚喜🤩，應該幾珍貴，魚肉非常細嫩Q彈，魚油豐富，肥而不膩，而且表皮因燒過亦帶有焦香味👍🏻.❥ 油甘魚腩肉質肥美甘甜.❥ 拖羅佈滿了細緻的油花，入口即化的感覺.❥ 日本粒貝韌中帶脆，甘甜爽口.❥ 海膽鮮甜軟滑，入口即化./煮物/.❥ 三文魚子雪場蟹肉蟹膏配土佐醋蟹肉中夾雜著不少蟹膏，鮮甜多汁，三文魚籽一咬即破，魚油滲出帶有另一種甜香，而醬汁酸酸甜甜亦有助提鮮，採用的是土佐醋，增添了柴魚香味，亦更具有日本特色🇯🇵～./燒物/.❥ 明太子釀雞翼雞皮香脆，去了骨，啖啖肉，明太子味道香辣惹味./壽司五品/.❥ 帶子壽司帶子鮮甜，上面灑了些許柚子皮，帶有柚子清香，味道更有層次.❥ 深海池魚壽司肉質爽口，魚油甘香細膩.❥ 左口魚壽司肉質緊緻，鮮味甘香，上面還放了炙燒過的左口魚裙邊，口感柔軟細膩，油脂豐富，令味道更香濃，油香四溢，唇齒留香.❥ 鯖魚壽司醃漬過後再配上火搶炙燒過，魚味更香濃，鹹鮮十足，表面還灑了些白芝麻增添香氣.❥ 牡丹蝦壽司蝦肉晶瑩剔透，鮮甜有彈性，蝦膏的甘香令鮮味更提升了./手卷/.❥ 拖羅牛油果手卷紫菜非常爽脆，我一個不小心拿上手弄破了一點點🫣拖羅鮮嫩肥美帶有滿滿的膠質，配上軟滑綿密的牛油果，好有滿足感😋./吸物/.❥ 魚湯烏冬奶白奶白的魚湯鮮甜沒有半點腥😍，濃稠度剛剛好，大愛大愛❤️天生中意喝湯的我還貪心想再來一碗😝而且廚師聲稱湯汁是採用了多條魚和豆腐精心熬煮而成的，並沒有加入牛奶，心中默默為它加分加分✍🏻烏冬亦好順滑，很暖胃又滋補😋./甜品/.❥ 海鹽雪糕來自日本的海鹽雪糕，綿密軟滑，鹹中帶甜，不是單一的死甜，為這頓晚餐作完美句點🫶🏻..(人｡◕‿‿◕｡)歡迎來追蹤我~ FOLLOW FOLLOW ME ❣ 喜歡的就給個贊👍🏻鼓勵支持我👉🏻👈🏻
继续阅读
男朋友無意中講左一句「好耐無食鐵板燒」🤔，所以決定食鐵板燒同佢慶生😏。雖然螢火有好多好評，但大家都知道好多打手🙉，所以我除左睇哂所有嘅食評同相外、連google map、FB、YT相關嘅資料都睇哂。最終得出可以一試呢個結論🤓。平日星期二中午12點零嚟到，當時只有幾位食客。我地被安排坐鐵板Bar枱，由於客人唔多，所以師傅專心只為我地兩個烹煮😃。點餐後，職員問我地要唔要90分鐘任飲指定清酒放題，有酒助興，又點可以拒絕呢?!!😏 我無問係邊款清酒，不過飲落好甜好易入口😋，我個人幾中意，不過飲一支仔已經好頭暈😂 留番比男友一人享用。商務精選午餐$540/位前菜：拖羅刺身+胡麻醬沙律菜前者普通唔夠鮮甜，後者醬落太多，不過菜好新鮮。打頭陣嘅熱食係大大隻、生猛南非鮑魚!! 😃師傅介紹先食原味，之後沾旁邊嘅黑松露醬增添風味。鮑魚爽彈、鮮甜，男友全餐最中意係佢。清酒煮蜆，雖然每人只有三隻，但每隻都好飽滿、鮮甜😋。大蜆煮至開殼就被師傅夾起，所以食落好軟滑。清酒煮後只留下甜味，再加少許青蔥、海藻，令酒後頭暈嘅我即時清醒唔少😏。鵝肝多士非常肥美鵝肝外焦內軟滑配薄脆多士係經典嘅配搭，份量雖然唔大，但足以令人油膩感爆燈🙈，旁邊偏酸嘅柚子啫喱成為解膩神器!!美國厚切&薄切牛肉兩款都唔係油花好靚嘅牛肉，所以無乜牛味。厚牛肉比想像中軟淋多汁，可以配脆蒜片或者芥未醬一齊食。薄切反而相比之下比較有驚喜😯，雖然無牛味可現，但煎左好耐卻完全唔韌，加上卷左大量洋蔥、蒜蓉、青蔥增添香氣，點埋芥未醬，幾好味喎!!🤤櫻花蝦蛋炒飯配荷包蛋、味噌湯、漬物燶邊蛋配橙黃色嘅蛋黃，未食都已經覺得吸引!!🤤 夾起煎蛋會聞到櫻花蝦香，雖然食落無聞落咁濃味，不過整體唔錯。套餐嘅尾星可以揀咖啡或雪糕(當日係紅豆味)需要每日一啡嘅我，揀左咖啡，而男友就揀左雪糕。另外經Openrice 訂枱慶生會送蛋糕，為今餐畫上完美句號👏。雖然南非鮑魚同食評有少許出入，但整體食物味道、職員服務態度、師傅嘅烹調手法及介紹、環境及座位舒適程度都令我地留下良好嘅印象，所以將餐廳列入「可以再次光顧」嘅名單中。
继续阅读
生日月朋友特登揀咗食鐵板燒同我慶祝，最特別係可以喺iPad寫上祝福字句，投映天燈許願，好適合慶祝特別日子，另外喺訂座嘅時候註明慶祝生日，仲會有蛋糕送。今次揀左商務精選午餐（$540/位）同埋商務特選午餐（$640/位），《螢火清酒祭多重優惠》午市惠顧任何鐵板燒/Omakase套餐，附送一款Sake任飲90分鐘，仲可以優惠價$80換購日本海膽杯乙個。入面有鐵板燒房可以book，私隱度極高。沙律沙律蔬菜新鮮，口感脆嫩，搭配麻醬。拖羅刺身野生拖羅刺身炙燒過後油脂豐富，入口即化，口感鮮美。澳洲龍蝦用左龍蝦膏製作濃郁嘅醬汁，令龍蝦既鮮甜味道更加突出，煎過既龍蝦肉爽口鮮甜。南非鮑魚南非鮑魚肉質鮮美有嚼勁，搭配微鹹既海苔汁，可以點少少香氣濃郁既黑松露醬，上面加左三文魚籽，口感層次豐富。帆立貝煎香嘅帆立貝味道鮮甜，上面加咗魚子醬，增添奢華感。鵝肝多士鵝肝醇厚細膩，配合烘過既多士，上面加左柚子啫喱，柚子啫喱清新酸甜，解膩之餘提升了整道菜的層次感。清酒煮蜆蜆肉鮮甜，湯汁鮮美，帶有淡淡既酒香，每一口蜆肉都充滿住清新味道。美國牛肉薄燒/厚燒一次過試晒美國牛肉有薄燒同埋厚燒2種，搭配芥末醬和蒜片一齊食。牛肉肉質鮮嫩，薄燒口感細膩，厚燒咬感十足，微辣既芥未醬和香脆既蒜片為牛肉增色不少。櫻花蝦炒飯米飯粒粒分明，每一口都係櫻花蝦鮮香，炒飯火候恰到好處。吸物用澳洲龍蝦頭熬製，湯頭濃郁，充滿龍蝦既鮮美，每一口湯都能感受到龍蝦的精華，非常暖胃。甜品開心果雪糕香氣濃郁，仲有粒粒開心果，甜而不膩。生日甜品訂座嘅時候備注慶祝生日，是日生日甜品係伯爵茶蛋糕，口感綿密，茶香濃郁。
继续阅读
🇯🇵呢間廚師發辦omakase真係超抵食🍣🥢十六品有曬前菜 壽司 熟食 手卷 麵食 野飲/甜品 鐘意飲酒既朋友仲可以點埋指定清酒免費任飲 （午餐90分鐘）1️⃣關東煮🍲2️⃣刺身拼盤 💖由爽口既赤貝開始食 中間既半熟魚刺身帶煙燻香 到最後食埋海膽 超鮮甜🤤3️⃣和牛面頰🐮💚煮到超軟身 仲有少少筋位 有咬口 醬油味香4️⃣壽司🍣🩵帶子壽司配柚子鹽💛平政魚壽司配黑松露醬 重疊3塊食口感豐富❤️司魚壽司 係冬季限定先有既魚生 🩷小池魚壽司🤍大拖羅壽司5️⃣燒雪魚 滑身帶甜味 6️⃣蔥拖羅手卷 蔥同柚子夾埋拖羅食 比想像中夾同埋唔會好油 成個感覺都幾清新7️⃣鯛魚湯烏冬食左咁多生冷野 暖胃一流 魚湯好鮮甜🤭8️⃣咖啡☕️ （午市提供）呢間餐廳仲有個好特別既電子天燈電玩下🏮🌟宜家去仲做緊「二人同行，一人免費」 💰一人都只係600幾蚊‼️✅想私隱度高d仲可以book佢地包箱 好岩一家人or一班朋友聚餐💜I
继续阅读
踏入生日月，朋友今晚帶我去尖東食鐵板燒慶祝。呢度環境寬敞，每一台都圍繞着鐵板燒可以望住師傅煮食，亦設有VIP房可供預訂，適合私人聚會。最特別係餐廳牆壁投射櫻花樹，可以喺iPad寫上字句，投映到天燈上，讓大家祝福許願，非常有儀式感。最近餐廳推出《螢火清酒祭多重優惠》，晚市時間，享有指定清酒免費任飲（120分鐘）。另外，凡顧客惠顧任何鐵板燒晚餐，每人即送日本海膽杯乙個。（每日限量供應，送完即止），相當吸引。海膽來自北海道根生，入口甘甜幼滑，配以清新青瓜，平衡整個口感。今晚我們分別點咗2個晚市鐵板燒套餐。❤️鮑魚鐵板燒（二人前） - $1,190/位❤️龍蝦鐵板燒（二人前） - $1,190/位🔸沙律🔸蒸蛋🔸南非鮑魚或澳洲龍蝦🔸清酒煮蜆🔸汁煮白鱈魚或鵝肝多士🔸日本A5 和牛薄燒或厚燒或日本黑豚肉🔸櫻花蝦炒飯🔸漬物🔸吸物🔸甜品「沙律」冰菜及生菜爽脆清甜，有粟米及車厘茄，以日式芝麻醬做沙律醬汁，酸酸甜甜好開胃。「黑魚子鵝肝蒸蛋」整個造型亮麗高貴。蛋香滑溜，入口即化，蒸蛋內有切粒嘅鵝肝，面層鋪滿黑魚子，口感帶有鵝肝油脂香氣及魚子鹹香。「海苔汁黑松靈醬鮑魚」鮑魚來自南非，超新鮮，大隻又厚身，內質扎實彈牙，唔會咬唔開。醬汁有黑松露及海苔汁，可享受濃郁及清新嘅風味。「澳洲龍蝦」鐵板燒龍蝦非常考功夫，望著師傅拆殼取肉、切塊、煎煮，淋上龍蝦膏，確實不容易。澳洲龍蝦啖啖肉，口感爽口彈牙，香濃龍蝦膏掛上每一件蝦球，好食到顛，大滿足！「清酒煮蜆」蜆大粒，肉質鮮甜飽滿。清酒湯底，酒香撲鼻誘人，湯汁入口有清酒味道及蜆肉嘅海水鮮味，好正👍🏻「銀鱈魚配洋蔥湯」師傅將魚皮煎到乾身，變成薄脆，口感食緊炸魚皮，香脆可口，幾有趣。魚肉厚身，微微煎香兩邊，保留到魚嘅肉汁，肉質滑溜。洋蔥汁湯，清甜可口，帶有魚汁精華，鮮甜滋味。「鵝肝多士」鵝肝燒到表面焦香，淋上焦糖醬，入口香甜，入口外脆內軟，質地雪糕般一樣溶化。鵝肝油脂豐富，伴以啫喱解膩。「日本A5 和牛薄燒及厚燒」兩款燒肉都是5成熟，薄燒和牛嫩肉，帶有牛油香味，師傅炒香蒜蓉碎及薑蔥碎，再用牛肉捲起，夾在中間，一口咬落去，肉汁流晒出嚟，口感香口豐富。厚燒和牛肉質紮實，有咬勁，相當juicy。配菜有豆腐，冬菇及番薯，而醬汁係芥末沙律醬，兩款燒肉的醬汁及配料都一樣。「櫻花蝦炒飯」炒飯蛋香口溢，櫻花蝦香甜帶微咸，飯炒到一粒粒飽滿，有Q彈咬口。蘭王蛋煎到香脆，中間流心，蛋黃撈埋飯，正到暈！「漬物」日式牛蒡漬物，味道甘甜帶咸香，香氣濃郁。「吸物」麵豉湯以龍蝦殼熬湯，帶有海鮮香味及龍蝦甜味。麵豉適中，不會過鹹，內有豆腐及海帶配料。「甜品」日本直運嘅綠茶雪糕，綠茶味香濃，帶有微甘，入口奶滑幼緻，好想食多球啊！
继续阅读