葵涌百得阿姨

营业中

休息中

和友人去葵涌廣場行吓睇吓，路經呢間車仔麵突然想試吓，咁啱又有位喎於是立即坐下，友人急不及待填纸揀咗一麵三餸，而我見到有自家制既餃子（菲菜或椰菜）8隻32元、12隻40元……仲使揀？當然12隻啦抵食D，另外見到加6元有飲品，於是一人一杯凍o茶，好快茶又沖好食物已送到，開餐，由於各自也對對方既食物有興趣，於是決定分享，先講車仔麵（幼麵、豬皮、大腸、魚旦，選擇了小辣汁）幼麵算爽，豬皮白色的但食落有口感有味，大腸難得有去除内裏的肥膏，魚旦细细粒味道也ok，辣汁須然係小辣但好夠味，至於餃子選擇了（菲菜及椰菜餃）各6隻，好大隻而味道唔錯……菲菜餃味比較重，椰菜餃清一D但各有特色，大家對食物質素滿意車仔麵32元加餃子40元加凍o茶2杯12元，原本以為84元，但原來車仔麵店都有下午茶時間（忘記了係2:00後還是2:30後）飲品免費所以找數只需72元幾抵食

來廣場逛逛，想說找一間有座位的店。這家看起來蠻多人，就決定試試看。但是填單拿去給阿姨時，阿姨講廣東話我聽不懂，就問她是什麼意思。服務員很誇張大聲的說，什麼意思？問你要內用還是外帶啦！之後上菜是，準備開始吃，服務生把點菜單放我桌上，還用手指敲了幾下說：先付錢啦！點的紅薯粉有配上酸菜、花生、肉末，口味挺特別，另外可以自己加上配菜，一個8元。不過服務生的這種態度，什麼東西都變不好吃了。下次不會考慮再來的。

我人生第一次寫食評！忍不住因為太難吃！叫酸'辣湯米線大辣！嚟到喝一口湯，竟然原全唔辣同阿姐講！佢叫我自己落辣椒油就會辣！！！算，我加！但個湯真係好怪,酸而不辣但咸！算！食啖米線，嘩！煮,到林晒的！又唔夠熱！請幻想下唔辣唔熱又林的米線怎樣煮得出我又怎樣食完佢！中途有想放低碗野棄走！！但我不想浪費食物惟有邊食邊飲啖凍檸茶！食食下又唔對路！！原來落左牛肉碎！OH!!!天吖！我唔食牛架…!!!

放左工經過葵芳又想醫肚, 就去左百得阿姨吃個車仔麵,無食一段時間, 價錢貴左, 味道咸左, d餸又少左...自選車仔麵:叫左豬紅雞翼米線少辣加凍奶茶, 失望左好多...首先, 杯奶茶唔夠奶味, 得茶味好澀,之後叫姨姨加返d奶就好d, 不過都係麻麻 車仔麵同之前比就差左d, 個湯底如果唔要辣就同水一樣 (無味)但叫左少辣又似中辣咁辣~ 飲完杯奶茶都解唔到辣雞翼同豬紅係我車仔麵必選既配餸,好彩仲保持住以前既味道,雞翼夠淋, 豬紅夠入味 (少左d豬紅)...如果下次再食我只會揀下午茶, 因為下午茶三餸一麵連飲品就會抵D~

佢接左樓上銅千斤車仔麵既晚市黎做，個車仔麵最大特色就係個咖哩辣汁，以前樓上係任加既，最近變左佢地加都算，而加仲同我講要兩蚊一羹！我個個星至少食一次，次次都要三羹，無一次要額外俾錢，個阿姐而加突然話收錢，仲要講到我好似要掠水咁！嬲到我起身走人三羹醬駛幾多成本呀？！碗野成三十蚊會cover唔到成本？

第二次黎食..  今次同同事黎.. 第一次黎已經覺得唔錯.. 估唔到.. 今次個水準仍然無變.. 不過兩次都覺得略鹹..   今時今日ge車仔麵好多都落大量味精.. 食完勁口渴.. 但係呢間又唔算太勁..我叫左雞翼.. 牛腩.. 蘿蔔.. 油麵..  凍咖啡.. 雞翼好入味..  中間D雞肉都好有味..  牛腩唔"un"..  蘿蔔又好"林".. 油麵都無咩梘水味.. 咖啡唔太甜..  哈哈.. $29都幾抵.. 又夠飽.. 又好味~   

今日(13-2-2013 Wed) 大年初四同男友去葵芳食lunch後睇戲,我o地行入葵涌廣場撞,上到o黎見到呢間就試吓啦.每碗已經有肉醬,花生,酸菜同芫茜,唔理圓條定闊條o既紅薯粉賣$20.00,而所有餸同飲品都係$5.00.張表都好體貼咁畀客人揀大,中,小辣之餘,亦都加o左去走芫茜,唔錯.男友揀圓條紅薯粉,要蝦條.辣魚蛋,腐竹同牛柏葉,要小辣,再要一罐可樂.而我就要闊條紅薯粉,金菇同貢丸,自己寫要唔辣.好快,所有o野都到o黎,貢丸得3粒,我先食紅薯粉,口感好一般,湯真係冇辣味,只有酸味,但酸得o黎唔差,金菇冇乜問題,貢丸竟然令我有啲失望,唔夠香.而配料o既花生竟然唔係腍,有啲驚喜.而男友o既圓條紅薯粉呢?原來好食啲,口感比闊條o既好,好似有啲彈性,蝦條口感正常,其他o既我都冇試,而小辣o既辣度比我可接受o既程度辣啲,所以我都唔多再試佢o既紅薯粉.不過我又o衣o家至記得,我o個碗好似冇芫茜,男友話佢o個碗有.而我問男友,覺得呢間同譚仔,傷心酸辣粉比,邊間好啲?佢答比傷心酸辣粉好,但譚仔始終係最好食.

一個人食lunch又想快，行過呢間見未夠12點咁早都有4枱客，諗住都應該唔差就試下啦。每樣餸都要$6，就算豬皮魚旦等平野都要$6，咁就叫啲第二度都係賣$6既野啦。我叫咗東菇丶牛腩丶菜心粗麵。麵既份量唔多，女仔細食都夠既，男仔食一定要叫多啲餸先夠飽。東菇丶牛腩同湯底都勁重味精，扣3分。牛腩無乜煮過一啲都唔淋但好深色，似乎加咗色素扮入味，扣2分。菜心新鮮但無浸洗去農藥，一陣苦味搞到我都唔敢食，扣1分。檸茶少冰都淡都無茶味好似飲水咁，扣1分。7除8扣後呢餐只得3分，重要畀咗$29之後一啲都唔飽。誰會再幫襯?

原來紅薯粉都有分圓條同粗條o架 …貪得意叫o左粗條, 齋睇好似河粉, 但佢比河粉透明.唔知同紅薯粉既形狀有冇關係, 我覺得呢碗紅薯粉唔及雲貴軒同譚仔既紅薯粉咁爽口彈牙.佢個酸辣湯底 (酸菜、芫茜、肉碎 (呢樣我走o左)) 都唔係好得 ... 請我都唔會再食 ~

放工想不到吃什麼就來醫肚了其實之前一直都有來吃的,但覺得他們的紅薯粉好像愈煮愈差要了腩肉腐皮紅薯粉(中辣),因為還在下午茶時段所以送一杯飲品腩肉肥多過瘦,有幾塊甚至完全不能入口雖然叫腩肉但還不至於這麼過份吧?再來湯底應該有放味精,吃完後很口渴而且我覺得這兒的價錢偏貴,每個餸要加五元比起同類店舖不是特出之餘又更貴,真是有點不值送的凍菜蜜味道也不行,甜到不得了而且他們沖飲品的方法好像隨機而製似的,時甜時淡百得阿姨不再努力的話恐怕要變成百無了

來到時已過六時 心想下午荼時段剛過 有點不值 也罷價錢也不算便宜 紅薯粉底$20 每款配料索價$6 而且選擇有點少(對本人來說) 最後要了一客金菇紅薯粉下單時才知道有飲料送於是要了一杯凍鴛鴦食物很快送上凍鴛鴦很香濃 而且份量頗多至於紅薯粉 不知道為何主動"走青" 但那正合我意薯粉還算彈牙 合格金菇份量不算少 味道一般 雖然要了小辣 但已接近arbe的底線酸的程度剛好 和辣味平衡整體來說不錯順道的話可以一試(但本人還是最欣賞荃灣的雲貴風味 但也許只是因為它的椰汁紫米露很好吃)**下午荼時段免費贈送飲品一杯平日二時至七時星期六三時至七時

看《絕代商驕》，除了看黃子華的啜核演出，一些劇中提及的生意理論，也令人印像深刻；去吃東西，也會留意一下店家所犯的"錯誤"今次遇上的，是一家沒有好好運用 "合理化煙幕" 的食肆; 正確點說, 是與該理論背道而馳。本來, 週末晚上吃了best berry, 理當去吃多包冷麵就該心足; 不過, 路經葵涌廣場一樓, 看見百得阿姨，打正旗號賣酸辣粉, 辣癮又被挑起, 雙腳不由自主地往那方向前進!!!眼見點菜紙, 以如此簡陋的環境, 加上與同區食肆相比, 實在很不吸引 - 酸辣薯粉底要$20, 每加一個餸就要$5, 加飲品再加$5, 就算只叫一個餸一杯飲品, 都要$30落樓。不過其實相當抵食 - 我要的中辣蘿蔔酸辣圓薯粉, 送上來時一大碗, 除了我點的蘿蔔, 肉末, 芫茜, 花生等下得很足; 我吃到一半已飽得想投降, 勉為其難才幹掉四分三; 而蘿蔔也是大大件, 五蚊有此份量不能算貴。薯粉本身作得不錯 - 很煙韌, 索了點湯味不覺味淡, 雖酸辣度不足 (後來還得自行再狂加辣醬才冒汗), 但也算香, 而且那花生碎增添另一種香口感, 總算對板。但實在賣這麼大份的, 一個女生實在難吃光 (太公都算大食,

在葵涌廣場閒逛, 想試試紅薯粉, 點了一個紅薯粉的下午茶~墨魚丸小辣紅薯粉, 平時不吃莞茜的我, 其實喜愛莞茜的湯底, 因為我喜愛莞茜的香味, 但絕不把莞茜放進口, 面底要了一個圓條的紅薯粉, 其實cook得太過淋, 不過軟軟的質地也有可取的地方, 紅薯粉份量中等, 不算太大, 但可以有多些便更好~ 隨湯底會有肉醬, 花生粒, 紹菜, 蔥, 還有其他碎碎的配料~湯底不會像深圳的酸辣粉般一層油淋淋的覆蓋在面, 所以感覺會健康一些~凍檸水, 下午茶一款餸免費跟餐飲, 這個凍檸水冰涼是夠冰涼, 但是很甜很甜, 只有糖水味...沒有檸味....埋單$25元~ 另外的紅薯粉鋪頭應該可以有更高質素吧~不過過下口癮是可以的~

曾是小雨天fans的同事近來常向我推介這裡的紅薯粉,什麼味道酸酸辣辣有著她家鄉風味,某天下午就來看看味道如何。下午三時,店裡空無一人,特意選了玻璃窗旁的桌子,享受一下冬日陽光之餘,也沒有坐店內的侷促;選了圓身紅薯粉配豬腸,另配凍檸檬茶的下午茶餐。檸檬茶夠大杯,檸檬夠酸紅茶也很通透,水準中上。紅薯粉本身有點像粗粉絲,不過吃來又沒有粉絲般爽口,也不是米粉般軟淋,有點像吃軟版蒟蒻般,頗為有趣的一種東西;配菜有點像樓上小雨天的小鍋米線,有著肉碎、酸菜、芫茜和花生,其中那款偏甜的酸菜最為美味,加進湯底中的味道變得酸甜,又是另一種有趣的味道!圖中的芫茜是額外加多的,平時沒有那麼多的呀!!同事叮囑我一定要多加才好味道!!豬腸炆得很入味但偏軟,還是喜歡帶點咬勁的豬腸,太軟的就不像在吃豬腸了!味道是ok的只是切得太幼條了,更加沒咬勁!下次要改選其他配菜。吃著紅薯粉,看到樓上小雨天的老闆走進店內,原來這裡又是她的分支,難怪肉碎和檸檬茶的味道那麼熟悉,似乎葵涌廣場裡的食肆,很多也是小雨天旗下的耶。

新舖頭，仲係我都幾鐘意食嘅紅薯粉，於是就興致勃勃入去一試嘞，呢間舖前身係做車仔麫嘅，不過唔係咁好食，所以都係幫襯過一兩次。舖頭都幾細，入面有三四張枱，出面就偷雞開咗三張枱。坐低一睇，係剔紙仔叫嘅，紙仔都有兩款，一款係車仔麫，竟然要最低消費廿五蚊，每加一個餸六蚊；另外一款係酸辣紅薯粉，都要最低消費二十蚊，淨食都係廿蚊，每加一個餸五蚊，飲嘢再加五蚊。我就叫咗： 腩肉酸辣紅薯粉：可以揀圓身或者扁身嘅紅薯粉，我曾經係大陸打邊爐食過扁身嘅好正，於是就要扁身嘞！碗粉嚟到，我仲以為係搞錯添！明明係河粉，話係紅薯粉？ 呃我呀？整啖湯試吓，係就係酸嘞，不過食唔到有丁點辣味喎！湯底得鹹味同酸味，但係味道各顧各，一啲都唔夾！仲要係單一味道，冇層次。河粉碎濕濕，超難搞，惟有用匙羹食，食落仲似河粉！腩肉冇乜點醃過，都係得個鹹字，肥嘅部份冇肥肉獨有嘅甘香，食落淨係覺得肥，要咬邊先食得！點解同我喺區內食到嘅爭咁遠架？ 凍咖啡：凍飲一杯，冇特別！食食吓，有三四個客入嚟，個貌似外傭嘅侍應竟然叫佢哋坐落我張枱度！係~！間舖係你嘅，你有權安排人客點坐，但係你都睇吓實際環境同埋我嘅感受丫阿姐！張枱一邊已經貼晒牆，兩個人坐可