蒲公英和牛專門店

营业中

休息中

小店本身係日本食材店，主要賣凍嘅餃子、肉同海鮮。佢地亦喺店內放一啲摺枱膠凳比人喺嗰度即刻食。不過環境唔算大，枱數唔多，所以好多時都要同人搭枱。🍜主食🍜🥟 鹿兒島黑豚肉餃子（雙併，厚皮） $55（4.5/5）呢到餃子全部都係人手制作。口味只有白菜同韭菜兩種，仲有得揀雙併，根本就係為我呢啲有選擇困難症嘅人度身訂造。餃子皮有咬口，配合白菜同韭菜，口餡豐富。餡料調味恰好，一咬落去肉汁四溢，但唔油膩。個人較喜歡白菜，因為味道冇韭菜咁重。店内亦有多種醬料比客人點餃子嚟食，不過我都係鐘意原汁原味多啲。

前排成日去觀塘…經過駱駝漆大廈，黎個餃子盛😂唔係大食仔介紹，都唔知道賣凍肉和牛既店鋪有餃子食🤓·🥟薄皮雙拼（$48@15）同大食仔share架😌有薄皮厚皮、韮菜/白菜2款餡料選擇～所有內餡標榜用上北海道豚肉製作！即包即淥，一口size, 食落健康無咩油😇不過整體都係一般，唔算好有驚喜😮‍💨有埋煎餃子會更好～·📍 蒲公英和牛專門店觀塘開源道60號駱駝漆大廈3座1樓F室

買了一盒餃子回家作為晚餐，當時看到裝在盒內的餃子餡比較小，不以為意。煮熟後吃時完全感覺唔到有肉在裏面，亦沒有任何鮮味，和堂食的質素相差很遠。希望店主老實啲做生意！

好平架手工餃子 $55 有成15隻 是小工包制架，有兩款味，分別是椰菜豬肉同韮菜豬肉。只有放湯水煮工個做法，工場來到各要了15隻，大小一隻一口剛剛好，點了薄皮但還是覺得皮好厚，我把邊邊都吐掉，不太愛吃厚的說椰菜味太淡，必需要點餃子汁來提味，有日本餃子汁，胡麻醬同酸辣豆板醬三款韮菜味比較香，因調味都偏向滑淡，韮菜架味可以增加味覺感受以手工餃來講好平好抵食，但未去到必食。飲品有支裝在雪櫃，另有售肉扒，可以即買即由廚房煎來吃

🥟薄皮鹿兒島黑豚肉餃子🥟推介指數 ❤️❤️❤️❤️❣️駱駝漆大廈慨係活化工廈一個成功例子，食肆多不勝數、仲有唔同嘅零售店，而家已經成為觀塘地標！行街、食飯、shopping，好忙吖！今次又去咗蒲公英和牛專門店食餃子，哩度嘅餃子自己包，選用鹿兒島黑豚肉，即叫即製。可以揀厚皮或者薄皮，餃子有白菜餃、韮菜餃或者雙拼。除咗餃子，仲可以去凍櫃買扒類即叫即煎以9折試食㗎。🥟薄皮白菜韮菜餃子雙拼 HKD45/12隻皮薄通透，韮菜味濃，白菜就較為爽口，肉質完全唔鬆散亦無太結實，有肉汁。餃子每隻份量適中，12隻都好飽呀！總結：-食物 ❤️❤️❤️❤️❣️環境 ❤️❤️❤️❤️🤍服務 ❤️❤️❤️❤️❤️.··餐廳：蒲公英和牛專門店 (觀塘)地址：觀塘開源道60號駱駝漆大廈3座1樓F室

平時經過很多次, 因為門面平平無奇, 所以沒有入去試. 今日老公早收工來接我放工, 附近很多食店5點後已準備停堂食, 故想起這間可以速食的小店.今次選了薄皮韭菜餃, 等了十分鐘左右就有得食, 一口份量, 真係有爆汁效果, 果然名不虛傳. 之後上埋自選牛小排, 之前有人話呢度D牛麻麻, 但呢個唔錯, 肉比想像中煎得熟但不失嫩滑. 人均100的下午茶偏貴, 但覺得值！

店舖除咗賣牛肉之外，仲有賣生餃，亦可以喺現場食。店名寫住和牛，但係冇牛肉餃，只有2款，白菜餃同韮菜餃。落單嗰陣記得小心留意拎果張紙係寫住薄皮定厚皮，係分開兩張紙。叫咗15隻雙併餃試下。餃子皮的確幾薄，但係略嫌可以再包多少少餡料，等隻餃再脹少少，咬口應該會更加好。韮菜都不錯，韮菜粉量算幾多，但係冇咩特別，唯一係咬落去有好多汁喺隻餃入面。而且冇乜油，所以食落去感覺幾健康。整體而言，餃子不過不失，加上以呢個價錢，我覺得有好多餃子店做得更加出色。

🥟我男朋友最鐘意叫佢地既100%鹿兒島黑豚肉(薄皮)(雙拼)餃子，有韭菜同白菜餡，可能因為薄皮，佢一個人可以食哂15隻就算係水煮，都好有肉汁，唔使點豆瓣醬或者醋。我就鍾意食韭菜餃多過白菜餃，食落香啲。🥩不過比起餃子，我較為喜歡呢間煎既和牛扒，真心覺得好食過其他高級餐廳四、五百蚊一塊既扒，係雪櫃揀左塊(和牛肉眼)，即煎五成熟，我地試過三種食法: 1️⃣原味2️⃣加少少鹽、黑胡椒3️⃣ wasabi加豉油(店員教我地)最後竟然覺得第三個食法係最好食，其實原味已經好有牛味，好好味，但估唔到第三種食法竟然係咁match‼️亦都從來未試過好有驚喜雖然佢冇華麗嘅裝修，但尚算坐得舒服，我仲同我男朋友講笑咁講，每年嘅紀念日可以喺度食扒慶祝，唔使去啲高級餐廳鋸扒

平時係觀塘呢頭返工，不時都黎工廠大廈呢頭搵食。今日去到駱駝漆大廈三期呢度食餃子，呢到好特別，本身係淨係買凍肉嘅，之後賣埋餃子，但出奇地多人黎食，同事地食過都話好食，今日我終於都一齊黎食～原來佢呢到得2款餃子🥟賣，分別係韭菜豚肉&白菜豚肉，肉餡係用黑豚肉整嘅～皮就分左厚皮&薄皮，個人鍾意食薄皮，就叫左薄皮雙拼～ $52蚊15隻餃子都幾大隻下，韭菜餃好多汁，新鮮，唔似平時食嘅急凍餃～白菜餃就味濃dd，皮薄多汁，的確唔錯～

🥢觀塘隱秘鹿兒島豚肉餃子🥢呢間餃子店之前已經食過一次，就咁睇是一間主打賣賣凍肉，日本醬料，而最出名是黑豚肉餃子，隻隻都是新鮮當日即包，夠曬新鮮🥢水煮鹿兒島黑豚肉餃子(12隻$42 /15 隻$50)🥢唔好以為呢到的水煮是四川水煮辣餃子，我都想，大家都諗多咗，是白水煮餃子，即係白烚餃子，即係只食到食材本身的原味，呢到會見到，店員不斷密密包，保證新鮮🥢餃子分別是白菜餃，韮菜餃，分別可以有厚皮及薄皮兩種，個人比較喜歡薄皮，真係皮薄餡靚，入面爆汁，肉質細膩，好香黑豚肉的香氣，檯面提供日式燒汁，還有辣豆瓣醬可以點🥢現場還有牛扒可以即買即煎，見到牛扒個樣都幾靚，下次可以試試🥢另外食緊途中都有不斷有人買返屋企食，相信買返屋企打邊爐，或者煎，味道一定更加比白烚正好多

今日報左班整皮革,所以黎左觀塘工廈,整完好肚餓,經過呢間店本身無諗住食,但店員叔叔好熱情招待,話係100%鹿兒島黑豚肉做既餃子,反正我都餓就試下啦~ 點知一試難忘...本身打算食韭菜12隻,叔叔好熱情話白菜都好好食,於是最終都係轉左雙拼。枱面有三款醬料,叔叔話鍾意食既話,D醬料都有得賣。麻醬﹑佢地自制既豆瓣醬﹑餃子汁。叔叔重話可以三溝。即叫即煮即上,薄皮餡靚,每樣口味6隻。我先原味咁食, 味道好出,好多汁,完係食到該有既味道。之後就點餃子汁﹑之後就點麻醬﹑之後就點自制既豆瓣醬﹑最後三溝。好滿意以及滿足, 滿足晒個味蕾! 雖然係白烚餃子,但食出幾款口味,抵食!店內重有賣凍肉,睇中邊塊肉,又係即叫即煮~ 蒲公英和牛專門店地址:觀塘開源道60號駱駝漆大廈3座1樓F室電話號碼:23892184營業時間:星期一至日12:00 - 19:30

唔係經常去觀塘食野，因為屋企出去其實都幾「長途」，最近來過一次，因為男朋友話想睇下outlet，行到咁上下就來蒲公英食埋餃子先走。唔係第一次來，都係因為幾好食，又唔想正經食正餐，所以揀餃子。呢度鋪面唔細，主要就賣和牛、凍肉呢D野，不過就開左幾張枱仔，鐘意即食又得，買走都得。每枱都有擺放醬料，呢D醬料都喺佢鋪頭有得賣，麻醬就正常，但「豆瓣醬」真係幾好食，我仲試過買走添。餃子就好簡單，分厚皮、薄皮，白菜同韭菜兩款，一律都係水煮，即係烚。老實講，價錢都唔平，比起出面D餃店，但因為標榜用100%鹿兒島黑豚肉做嘅，聽落就已經寧舍唔同咁。點左雙拼，即煮，佢淨餃上，我地點薄皮，真係透哂D餡出來，就算摺位都唔會覺得厚，而且層皮好滑唔粉。菜肉半半，你話食唔食得出係鹿兒島黑豚呢，就食唔出嘅，哈。不過餃子係真係好juicy，肉都唔肥。點埋佢地嘅麻醬同辣醬，又幾好食嘅就係價錢唔平咁囉，再來行街都會再食嘅。

上星期突然要去觀塘做野，work hard 就eat hard, 諗下觀塘有無咩傳聞美食，突然醒起有間餃子，搜尋觀塘，餃子，查吾到? 問下係觀塘返工呢朋友仔，先知係間樓上店，要12點半前，吾係就要排隊啦！好彩有人比料，去到得番2張吉檯，只有2個選擇，白菜定菲菜，12隻定15隻……，只有水煮，無煎餃，我本來想食煎，但無計，原來係無，佢地係賣食材，叫餃子食係叫試食，試食價50蚊🤣姐姐問之前有無食過，檯面有3隻汁，日本芝麻沙律汁，日本鼓油，好似豆板醬嘅辣醬，無就先吾好點醬汁，食下個原味，嘩，原味真係原汁原味，好有肉味好juice,我不停食左好幾隻，吾蝕底都要試下醬汁，3隻都各有千秋，混埋又食下，真係好回味，成個星期都有少少掛住，好啦，整個食評分享下

工廠大廈搵食總有意外驚喜。 位於中間位置， 行路唔留意都幾易錯過㗎。門口細細內裡環境光猛， 靠牆係貨架， 貨架前有枱櫈食餃子， 100%黑豚肉餃子， 柯打紙好簡單只係兩張紅色和綠色，分厚皮和薄皮。 餃子餡料都係兩款 白菜餃、韭菜餃、亦可雙拼，份量可選擇12隻或15隻，做法統一水煮。熱辣辣餃子送到，姨姨會教你先食原味，再按自己鍾意加醬汁， 我就喜歡混醬喇，仲要加辣椒醬。 估唔到薄皮入面都可以包住咁多肉汁， 用叉食一篤落去部分肉質流失 ，簡直係嘥咗呀！ 雖然沒有湯， 餃子皮好滑， 脹卜卜餡料沒有失望。喺雪櫃入面可以揀扒，仲有代煮服務㗎。

之前 lunch 路過 見好多人黎幫襯甚至 坐到出門口以為係好好味嘅和牛 或者 什麼特賣原來係賣 水煮 餃子最巴閉 就係 只得2款 口味 而且 只有淥 (水煮) 的今日專程來試韭菜餃size 一啖一隻咬落去 皮薄 有彈性 有肉汁韭菜 與 豬肉 比例剛剛好親眼 睇住 阿姐 即包 即淥新鮮即製白菜餃 味道相對地淡 其實 唔識分辨 鹿兒島 黑豚肉 跟一般的豬肉 有乜分別飲品嘅價錢 好公道5蚊罐汽水 可能係便利店都買唔到環境一般 明顯 係凍肉店內加摺枱膠凳變成 餃子快餐店佩服 老闆有生意頭腦喜歡 食餃子嘅朋友 可以一試如果 有埋煎餃子 就更好