蒲公英和牛專門店

营业中

休息中

日本食材店，打正旗號係和牛專門店，但入面竟然係餃子更受歡迎有一半放有椅桌供堂食次用，而且有一半地方是放有冷凍櫃賣急凍食品。光猛開揚，坐的幾舒服。出名餃子，但煮法出加白單，只係將餃子用水煮烚熟。餃子分厚皮、薄皮，白菜、韭菜兩款，分12/15隻，可雙拼同價。全用用北海道豚肉製作，聽落去都幾高級喔。🔹厚皮豚肉韭菜餃、白菜餃 雙拼$48/15隻其實可能薄皮會好食D，但厚皮食落又好似D餡會多D咁，厚皮有韌性，一口份量，咬落有肉汁，滑浖浖，韭菜餃味道比起白菜餃出眾，食落幾香，白菜爽口，味道略為清淡，韭菜餃餡料鬆化多肉汁。兩隻餃，比出面鮮嫩一點，但沒有太大的優勝之處，如果沾左醬料就真係一流啦，麻醬、豆瓣醬，兩樣都好好食，白烚後再沾醬又真係單調中帶點色彩呢。＊＊另有急凍水餃，姐姐話吸引上班族購買。＊＊提提你Lunch食有機會要排隊喔。(((笑臉)))

.1️⃣厚皮雙拼餃$45-白菜餃同韭菜餃厚皮感覺餡料多d其實白菜同韭菜水餃同出面無咩分別都無咩特別.2️⃣薄皮雙拼餃$45我中意食薄皮滑浖浖好似粉咁會教你Mix醋同芝麻醬呢個幾特別有加上湯防止餃子痴住.3️⃣阿根廷牛舌$68好重牛味但整得太韌可以自己調味可以自己買番屋企整 可能會好食d ———————————肉係好食 但煮就不過不失餃子係唔錯 但可以再多d餡料可以一試我覺得下次可以就咁買肉番屋企煮應該會好食好多

招牌是和牛專門店，舖內有一半地方是放有冷凍櫃賣急凍食品。而另一半放有椅桌，可堂食餃子或堂煎扒類。幾乎全部堂食的都是叫100%鹿兒島黑豚肉餃子$40/12隻，$48/15隻，是水煑無湯的。叫咗雙併薄皮，即韮菜餃白菜餃各半，一見12 隻好似好多，怕食唔晒。其實餃子大小剛一啖一隻，轉眼已吃光了。薄皮餃子可清楚看到包的餡料，如想更飽肚，可選厚皮。韮菜味濃烈，混和豬肉碎吃有些蓋了肉味。白菜餃，白菜味淡但爽脆，吃到黑豚肉味兼嫰且無筋，而且沒有一般豬肉的騷味。順道一提，堂食用的日式餃子醋，酸度不重，帶有醬油味，配餃子吃很夾。另有日式芝麻醬和豆板醬，混和來蘸餃子又是另一風味。見好吃便外賣回家，盒蓋教你煮約多久，煮出來的味道都是一樣的

見到餃子同好分享過呢間餃子店，襯要黎附近拎蛋糕，一定要試下，否則我冇乜幾何會去觀塘。鋪頭其實主打鹿兒島、九州島和牛、凍肉、調味料、醬油等，揀啱肉仲可以九折即煎即食，現場手包餃子亦可以堂食。店內位置就唔多，係摺枱櫈，快食快走由於佢唔係餃子店，其實只係將餃水煮烚熟，冇湯冇麵，好似試食咁嘅形式，鐘意嘅可以外帶生餃。餃子分厚皮、薄皮，用北海道豚肉製作，有白菜、韭菜兩款，分12/15隻，可雙拼同價。豚肉韭菜餃、白菜餃 $48/15隻店員見我地第一次食，建議我地先試一隻原味，唔好沾醬料，然後再試加麻醬、豆瓣醬揀左薄皮，餃身皮薄，透視餃餡，摺口位就點都會厚少少，餃皮冇粉感，十分滑溜。餃餡唔算澎湃，一口份量。原本以為白烚會好乾，又唔會喎，反而咬落有肉汁。肉菜半半，我一向係白菜餃粉，對韭菜好感唔高，出奇地投韭菜一票，食落幾香肉餡頗為鮮嫩，肉味唔重。單食原汁原味，但個人認為配芝麻醬、豆瓣醬更正。豆瓣醬辣度唔高，但有好香蒜味韭菜餃幾對胃口，外帶左一包番屋企；仲買埋豆瓣醬($12)，白烚都食得

有好幾位同事都係餃子愛好者，於時搵咗呢間餃子鋪。又係駱駝漆個棟，係一樓就可以避等𨋢人潮，行樓梯好快就到。鋪頭主要係買賣，可以買番屋企煮。唔多位，冷氣麻麻，食完就走。佢有厚同薄皮揀，我自己鍾意薄皮多啲。餃子嘅肉係用鹿兒島黑豚肉，得兩款，一係白菜一係韮菜，好期待。醬料都係日式嘅豉油，麻醬。我地有近10人，點得都幾多下（其實最後都係一人一盤）。呢款係薄皮，其實似中式餃子，先乜都唔點，就咁食，口感豐富，而且係好夠味，可以唔駛點醬。食落去無黏住大家，亦無穿，完全可以鎖住肉汁。食一啖俾大家睇下個涵，無呃你，啲汁係多㗎。

前2日去駱駝漆經過好香餃子味, 而且好多人食, 一時好奇就入在去。店面積細細的, 主打賣餃子及和牛。地方好迫, 而且D阿姨比較惡, 不過入左黎都無理由起身既~~依度餃子只有2隻味及有薄、厚皮之分。我點了薄皮雙拼水煮白菜餃&韮菜餃 ($40/12隻; 另$48/15隻), 見到店員即包即煮, 係好新鮮的!餃子係水煮無湯的, 有餃子汁同日式芝麻醬.的確餃子皮好薄, 個人黎講好鍾意! 餡料亦多, 隻隻都夠份量白菜餃味道普通, 反而韮菜餃好好味, 不過唔見得鹿兒島黑豚肉同平時既豬肉分別。我會再食韮菜餃的, 不過就會買外賣返屋但自己煮, 無謂受氣啦, 對不對??

雙拼水煮白菜餃&韮菜餃 ($40/12隻；$48/15隻)有厚皮同薄皮可以揀，餃子係水煮(其實即係白烚，係冇湯既），有喼汁同日式芝麻醬提供比你點。我比較喜歡厚皮因為外皮煙韌，而薄皮比較似雲呑，餡料相對亦多好多！不過個人認為調味太重，食完呢到既餃子好口渴，足足飲左五六杯水，亦唔覺得鹿兒島黑豚肉同平時既豬肉有咩分別🙊；而且座位唔多好逼，食飯時間好多人，仲有個好惡既阿姨，所以試一次就夠，唔推介！

觀塘工廈一向都有唔少好野食，今次去呢間凍肉店成個凍櫃可以即揀扒再專人即時煎扒，另外仲有即煮餃子。店面見到和牛專門店就可以行入去喇，會見到姐姐好勤力咁係度瘋狂包餃子，旁邊就會有冷藏櫃，可以係入面即揀扒黎煎。除左扒同餃子之外，仲有各式各樣既調味料可以買，枱面上都有幾款醬料可以陣間用黎點餃子用，到時店員會話你知點咩好食。叫左《黑豚肉全手工水餃》($48/15隻)，有得揀白菜同韭菜餃，用上左100%鹿兒島既黑豚肉，見到姐姐好努力咁包，叫完就即拎去煮，先試原味咬落去有陣陣豚肉香甜味，另外仲可以點餃子醋等調味。係雪櫃揀左塊《梅頭扒》($68)即場煎，現場食仲有九折，我地揀左塊適中既試下，煎好後油份足，即煎真係夠原汁原味。店名：蒲公英和牛專門店地址：觀塘開源道60號駱駝漆大廈3座1樓F室餐牌:

一向好鍾意食餃子，今日食晏就黎到駱駝漆大廈呢個卧虎藏龍嘅地方食餃子。入到去舖仔細細，一般工廈食肆樣冇咩裝修，但都坐滿人。店內除左賣餃子，仲有日本鹿兒島進口豬扒等凍肉。個人都幾鍾意賣得好專，冇咩選擇嘅餐廳。呢度食餃子只有兩款，分白菜同韮菜，12隻同15隻，仲有就係厚薄皮。今日有啲肚餓，叫夠15隻雙拼厚皮，$48蚊，價錢中規中矩。醬料有自制豆瓣醬、日式餃子汁同芝麻醬，感覺好日式！味道方面，厚樣其實都唔算好厚，反而幾有口感。餡料好香豬肉味，唔會太咸，而且爆汁，韮菜好香。店員建議第一隻食唔好加醬料，食左真味先。但我都係鍾意豆瓣醬加醋，正！

之前大概1點食飯時間經過呢間賣和牛同豚肉既鋪，見到勁多人坐左係入面差唔多坐滿晒。間鋪出面咁睇係唔知食緊咩，然後見到枱面D餃子，搵左陣先見到原來即場試食鹿兒島豚肉餃子﹗見到一間裝潢冇咩特別，都有咁多人食既地方，識食既人當然知咩事，就係應該都有咁上下實力!!!咁於是呢日就大概2點出黎食，就小人好多，都有好多位坐，最岩可以2點食飯既大家。先講一下，環境黎講，如果大家想舒服傾計、多過6個人一齊食，就唔太建議。如果你地人少少，想食好野，或都一個人簡簡單單咁食，就好推介食餃子固然冇得睇樣，因為你要食既係佢個「餡」，味道方面豚肉味十分香濃，而且一d都唔咸，唔會話特別口渴。雖然我仲未食過鹿兒島既豚肉，但呢個餃子真係有一浸豚肉淡淡地既脂肪既質感，同平時餃子好唔同。最適合晏就唔想食飯咁濟既人。如圖佢有分12隻$40，同15隻咁叫，原本都驚多，不過女仔食12隻岩岩好，我為食d，15隻應該會更加滿足!

超出色的水餃駱駝漆工廈一向都卧虎藏龍，好多好餐廳。一間好嘅餐廳，菜式通常會比較少，因為會專注做一至兩個菜式！呢一間水餃店，就係活生生的一個例子，因為全店只有兩款水餃：豚肉白菜水餃和韭菜豚肉水餃，而且沒有仼何裝修特色，靠實力去取勝。主打用100%鹿兒島黑豚肉來其實個menu 只有兩款水餃：豚肉白菜水餃和韭菜豚肉水餃分厚皮和薄皮，12隻（$40）和15隻（$48）一碟今次我們叫左雙拼12隻$40 口味超好，皮好薄，豚肉有種入口即溶的感覺，配上自家製的豆瓣辣醬，芝麻醬和日式豉油，口感好好，會令你不自覺地食到好多隻味道：10/10性價比：8/10 （之前$36有12隻，出咗名加咗價）

平日路經呢間小店, 都會被店舖傳出的陣陣香味所吸引。入內一看, 小店除咗賣和牛, 黑豚肉等凍肉同餃子, 仲可以請店員即煮, 啱食先再買。呢次試佢哋嘅雙併餃子, 即白菜餃同韭菜餃。餃子嘅肉係100%來自鹿兒島的黑豚肉, 餃子全手工制作, 美味可口。餃子係水煮嘅, 可以食到佢哋嘅原汁原味。兩款餃子都好juicy, 唔使點醬都好好味。試過原味的餃子, 可以試埋佢哋自家制嘅辣椒醬, 蒜蓉味香濃, 惹味可口。以白菜餃同韭菜餃相比較, 小妹比較喜歡白菜餃。

❣️隱世餃子？😳.話說我朋友是個餃子愛好者，然後前日考完試跟她逛駱駝漆大廈就發現這店，她當然拉我進去外賣買來大食會吃💁🏻😂其實即場都吃了兩個，因為他們是即叫即整，好好好好吃😍😍他們家不同是在於用了赤豕作餃子肉😋😋他們家本身不是賣餃子，是賣日本不同肉類😘，後來不知道什麼原因才劃出店內一個區來給客人吃餃子，可能這樣肉質感很不錯❤️🍗我們點了雙併但鍋貼我們成班朋友一致比較推「韭菜」✌🏻️如果再經過一次一定再來吃😘😘😘😘😘但建議堂食😳😳😳因為他們家的醬料也是日本貨很好配來吃餃子😘.

新鮮食材與小吃二合一小店分為兩部分，一部分為售賣黑毛豬、和牛、竹輪圈等日本食品；另一部分則售賣鹿兒島黑豚肉餃子🥟。現場製作，保證新鮮👍🏻-餃子分為厚皮/薄皮；白菜/韮菜。為了沾該小店的「特別醬汁」，是次選擇了厚皮雙併。-「特別醬汁」是由1:1:1的蒜蓉辣椒醬：沙律醬：餃子豉油醬製成，多重口味，值得一試。尤其是其自家製的蒜蓉辣椒醬，喜辣人士不容錯過。蒜味同辣味相映成趣，蒜味不會蓋過辣味，辣味不會蓋過蒜味🤣，非常融合。-餃子部分🥟沒有多餘肥豬肉，全部係瘦肉，結實多汁🤤，但肉質依舊鮮嫩。肉與菜既比例係7:3，正阿👍🏻韮菜味重，繞梁三日，個人不喜🤦🏻‍♀-🔻個人偏愛白菜，重口味者可選韮菜。

這間餃子店已經來過三數次，每次來都能保持水準！食多幾次寫出來的食評更持平！（事實係每次都忍唔住大啖食唔記得影相！）豚肉白菜+韮菜餃（薄皮）一份12粒，可選厚、薄皮，混合餃、淨韮菜或淨白菜餃，老闆娘教落先唔加醬食一粒先，試下最原味先！一啖入口，超多肉汁湧出泥！超級juicy呀然後可按個人喜好點日本餃子醋+芝味醬+自家制辣椒醬！小妹個人覺得兩款都好好味，但偏好白菜餃！鹿兒島梅頭即揀即煎食，堂食9折，買返屋企自己煮仲有8折！豬扒好淋好淋得泥好有肉味！自己加啲黑椒同海鹽已經好足夠！牛小扒呢個最貴，對佢有啲期望，反而有點失色，就算7成熟都有啲un，相對普通。註：店員待客非常有禮周到，教我地點㨂點食先最好味！欣賞呢種住家風味嘅人情味