蒲公英和牛專門店

营业中

休息中

早前見有報導介绍過呢間出名皮薄餡靚又多汁餃子店，终於要黎試吓😊去得工廈食一定要避開Lunch繁忙時間，唔洗同人迫麻。入到店內座位唔多，見店員姐姐好努力不停包餃子，有幾個大凍肉雪櫃，除了有外賣包裝餃子，仲有和牛，黑毛豬凍肉，急凍海鮮等....另外連日本酒都有售。點餐纸有薄皮，厚皮，水煮，生煎，白菜，韮菜同粟米。我地選了薄皮白菜拼韮菜水餃同煎餃🥟餃子未上檯前，店員姐姐已經好貼心介绍食法。首先吃原味不用點沾醬因為店內標榜選用日本鹿兒島黑豚肉製造餃子，要吃原汁原味道。之後就將檯面三種醬(日本醋，麻醬同自家製辣醬)混合一齊來點餃子吃😋薄皮白菜拼韮菜水煮雙拼餃(12隻)$48100%日本鹿兒島黑豚肉全手工製隻隻飽滿，咬開多汁，味道真係好鮮甜生煎雙拼餃(12隻)$55送上檯已經聞到好香，一邊生煎，煎到好香脆，另一邊是軟身，一咬開爆汁，已經燙到咀邊🤭其實每隻都夠味，唔點醬都好味👍飲品種類多又夠平，呢度手工餃子真材實料，隻隻都飽滿，下次會再來幫襯👍

駱駝漆工廈1樓有間凍肉店開左好耐，原來有即包餃子🥟賣，見咁多人食小妹唔執輸，餃子果然有水準👍🏻。🥢煎餃（菜餃、白菜豬肉餃）：煎餃一咬便是湯汁好juicy! 由於餡料有調味所以唔洗點醬汁已經好好味😋。不過小妹覺得薄皮啱個人口味，所以下次未必點厚皮煎餃。🥢水煮餃（粟米🌽豬肉）：水煮餃點了薄皮，口感好滑，餡料加入粒粒清甜粟米食完唔濟。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅服務：🔅🔅🔅（5🔅為滿分）

駱駝漆除咗掃貨，仲可以掃食。見好多人排長龍為咗等𨋢上去，其實行樓梯上一樓一樣有嘢食嘅呢間主打黑毛豬肉餃，有生餃亦有即煮餃子，堂食或者買返屋企煮一樣得。熟即煮都可以揀水煮或者生煎，唔同食法唔同滋味囉大胃同胃民嘅口味有唔同，所以水煮嚟個雙拼白菜同韭菜姐姐叫我地唔好點醬就咁食，就可以食到黑毛豬嘅本色本香，都真喎，肉香好純食埋韭菜，估唔到豬肉味更加突出當然如果本身係醬怪，可以試吓點佢地嘅辣醬又或者加醋同麻醬，更加有和風風味食完水煮餃，就試埋煎餃，呢次就白菜同韭菜分開嗌，各嗌10隻食多啲姐姐就建議煎餃最好食厚皮，口感比較好果然煎餃包得好好，冇煎爛，仲金金地幾靚𠻹餡料同樣係鮮嫩可口帶有肉汁，確實不錯

早兩日去左觀塘，突然間好想食餃子🥟😋咁就去左「蒲公英和牛專門店」！一去到都已經有好多客人，等左一陣位就有位啦😊雙併蒸水餃🥟(韭菜+白菜)$55/15隻韭菜味非常之香，皮薄餡靚😋 白菜味亦好香😊亦都非常好味！鹿兒島黑豚薄皮韭菜煎餃$55/12隻煎餃一放上枱，煎餃嘅味就已經湧哂出黎了😋日本拉麵x2 $6/包豬骨濃湯$6/包日本拉麵 同 豬骨濃湯都係$6/包，小編係諗住買返小小，返屋企自己煮黎食下😂日本綠茶$10/支

#跟住我食唔中伏 #和牛.呢間勁屈機！上星期我同阿女去 #觀塘 #駱駝漆 睇小朋友野開倉。行到勁肚餓，阿女見到食牛衝咗入去😂 #點知原來高手在民間.經過無留意我真係唔知原來有堂食，我以為係賣凍肉🙈下午茶時間入到去都幾多客，原來除咗牛肉仲係食餃子嘅餐廳望到好多枱都係order餃子🤤咁我地都試下，痴線勁好食！.［100％鹿兒島黑豚肉粟米餃子］皮薄爆餡多汁即包餃子！黑豚肉真係香濃過平時啲普通豬肉🙈#真心唔係心理作用😂啲餡嘅調味天然唔油膩，重豬肉香，食好多隻都唔會漏！個皮超薄，但唔易破皮，食落亦有少少咬口唔會散，真係好堅👍🏻.除咗餃子，仲有心心最牛肉，響雪櫃揀好心水靚牛#即刻煎俾你食 🤤🤤🤤肉質入囗即溶，有少許筋位，都唔洗點調味😋落少少岩鹽已經好正！.推介去觀塘一定要食！勁正！又掋！😆❤️...#ca師奶餐廳_觀塘

👧🏻😋👅🍽✨蒲公英和牛專門店 (駱駝漆3座)駱駝漆好滋味🤤-❤️黎過幾次一直念念不忘, 今次的起心肝介紹下俾大家❤️姐姐永遠都係坐係度埋頭苦幹咁包餃子, 需求之大係食客一人一兩碟都家常便飯, 仲有人突登黎買生餃返去自己整❤️平民地方有高質野食, 出菜快轉流快, 趕時間快食一流, 重點係一樓唔使等𨋢行樓梯都好容易-🍲🥬🥟水煮薄皮白菜餃12隻 $48✨100%採用鹿兒島黑豚肉, 係真係鮮味D✨全手工製粒粒飽滿, 大小相稱, 咬開見到入面油份均勻, 白菜絲索晒D汁勁正-🔥🥬🥟生煎厚皮韭菜餃12隻 $55✨咬開爆汁! 一邊生煎, 另一邊係軟身, 感覺食落冇咁熱氣, 仲有多個層次✨韭菜好香, 韭菜豬肉真係perfect match, 仲要煎餃既油好鬼香口, 有一邊白皮又平衡返個口感-🇯🇵🍎🧃日本小岩井蘋果汁 $15✨唔係講笑除左鹿兒島黑豚肉, 成個雪櫃都係日本野飲, 真係原裝日本入口果隻, 貨架仲要勁多日本酒✨食油膩野就想飲返清甜D就揀左蘋果汁, 入口清香唔會太甜, 正-不設加一服務費-

好朋友介紹觀塘有一間食和手餃子好好食😋所以我今日去開觀塘就即刻去嗰度試吓。如果唔係好朋友介紹🥢自己係好難發現到咁正嘅餃子嚕👍..❤鹿兒島黑豚肉粟米水餃 🥟 $55/12隻..☺️店長簡單用水煮嘅方法去煮，原汁原味，皮薄餡靚👍基本上唔使，「點」任何醬汁都非常之好味😋你可以選擇坐喺度堂食😋🥢今次我就揀左堂食試咗白菜餃、黑豚肉粟米餃同埋韮菜餃，我最鍾意嘅係黑豚肉粟米餃，味道新鮮又大粒，好抵食又好食呀。佢仲有外賣🥡你可以買返屋企自己煮都得架，我見到好多人都黎買外賣，好多仲係熟客仔添👍👍天氣開始凍打邊爐就啱晒嚕👍👍..🥢鹿兒島黑豚豬肉眼扒 $94..😋除咗好味水餃🥟之外，佢仲有好多靚黑豚肉扒，今次我食個塊塊扒靚到不得了🤤店長唔使「融雪」就就咁攞去煎香，我食嘅時候亦唔需要落任何調味料，煎完塊扒肉又香又林，真係好好食😋👍👍推介🥢

星期日放假。我同男友去左駱駝漆大廈行下街，行行下見到有間急凍食品店，仲有餃子食，一於試試佢。店內大概有20個位，好彩我地入得早，之後就開始多人。餃子有4款口味，仲分左厚皮+薄皮；可以揀用水煮定係煎2種煮法。水煮粟米餃﹙12隻﹚：薄皮真係幾薄，入面粟米同肉既比例大概係一半一半，餡料食落好juicy冇雪味，配上粒粒粟米增加口感，我係點胡麻汁食，都幾好食，不過如果有埋湯飲就更好。生煎白菜拼韭菜餃﹙12隻﹚：煎餃煎到單面金黃色，咁樣可以冇咁熱氣，食落好脆口，入面就係多汁飽滿既肉餡，呢個可以點店家自製既辣椒醬食。食完後覺得好好味，我地買左2盒餃返去，店員仲提我地記得要煮夠7至8分鐘，咁就會岩岩好。

以前喺觀塘人嘅我，都已經有嚟過呢間小店，佢位於工業大廈入面，估唔到呢到都有咁好食又出名嘅舖頭🥟白菜湯餃🥢💰$55/15隻清清哋嘅味道，調味唔重，唔代表唔好食，反而幾鐘意呢種撲素嘅感覺，食多幾粒都冇罪疚感，菜肉比例均勻，仲可以揀厚皮或薄皮🥟韮菜煎餃🥢💰$55/12隻一上枱已經好香，韮菜味濃、其他饀料唔太鹹，沾上醋一齊食味道好好，今次我哋揀咗薄皮呢到有好多醬料俾客人任揀，有芝麻醬、醋、辣醬... 都好多醬料、凍肉、生餃、熟餃賣，見都好多人買～價錢合理又好食，我都會再幫襯～💰$110/2ppl🚩 蒲公英和牛專門店 (觀塘)📍 觀塘開源道60號駱駝漆大廈3座1樓F室

運動過後 朋友說想吃餃子當然要帶她去駱駝漆內的一家餃子店小店內的餃子全部人手包 即叫即包內有6-7張枱 可供堂食當然也有外賣可以帶走..店內標榜以日本鹿兒島黑豚肉製餃子分厚皮/薄皮 水煮餃/煎餃蔬菜餡料方面 分為白菜/韮菜/粟米隨意選擇另外除了餃子也有冷藏肉、海鮮等食品連日本酒都有售而肉也可以現買即煎 在店內進吃------------------------------🥟水煮薄皮餃 12隻 $55貼心迎客之選 當然是雙拼水餃而且選薄皮水餃一咬落下 肉汁四溢非常Juicy店員貼心介紹吃法:1. 先吃 原味口味 (即不沾任何調味)2. 沾自家製辣椒醬 (另外有售)選了白菜韮菜雙拼水餃2款餃子 皮薄而不透口餡豐富 餡料充滿湯汁而且豬肉鮮香 沒有雪藏味白菜味淡淡 調味恰好另外韮菜餃 味道比較濃但同樣鮮味多汁🥟生煎白菜薄皮餃 10隻 $55生煎餃皮脆肉嫩不失肉汁醮上店內自製辣椒醬少少辣好惹味白菜豬肉餡 口感清爽鮮甜多汁🥩美國prime 頂級牛小排 $129 (0.175KG)原味生煎牛小排 簡單配上 鹽花 或胡椒已經很能把肉味帶出而且而且 肉質 花紋 價錢 重量店內一一有提供只怕你吃不下 不

之前喺觀塘工廈嘅蛋糕店訂左個蛋糕去攞，順便同朋友試下呢間出名食餃子嘅蒲公英和牛專店 呢度嘅餃子肉係用100%鹿兒島黑豚肉，可以揀薄皮或者厚皮，水煮或者煎。我地揀左白菜餃拼韭菜餃，兩個都係水煮薄皮。餃子大細適中，皮真係夠薄有少少似雲吞皮，食落好滑。 兩款餃子都好出色，juicy到咬開即爆汁，調味唔會太鹹，肉味夠濃，食得出新鮮。我朋友仲買左粟米嘅生餃返屋企煮黎食，佢話都超好食，粟米好甜。等我下次再去會試埋佢嘅煎餃。 除左餃子黎度仲有好多和牛，牛扒俾大家可以外賣返屋企煎，或者叫佢即時煎俾你食都得，好多選擇。整體黎講喺一間好唔錯嘅小店，推介大家試下。

係駱駝漆買嘢見到哩間小店有餃子食就決定入黎試下，全部即叫即整，即場包餃子，堂食同外賣都有！不過除咗餃子佢哋仲有好多高級和牛、海鮮等既急凍食品，就連日本酒都有得賣。喺度食又得，買返屋企食又得🥰100% 鹿兒島黑豚肉手工水餃黎，有得揀薄皮同厚皮，有白菜餃、韭菜餃同粟米餃。🥟水煮薄皮水餃@15隻 $65第一次見有得揀薄皮同厚皮，好貼心去迎合唔同客人嘅口味。佢哋啲水餃雖然唔係湯餃，但係都非常Juicy，一入口就爆哂啲汁出嚟，好鬼正😆🥟生煎厚皮水餃@12隻 $65生煎就比較脆，好鐘意醮佢哋個自製辣椒醬一齊食，少少辣好惹味。但咁樣就無咁食水餃嘅原汁原味😂個人黎講比較鍾意食薄皮白菜餃！水餃低卡路里，減肥人士都食得嫁😆

有時晚餐唔想食太多，見到呢間觀塘餃子店係用日本鹿兒島黑豚肉整嘅餃子，好似好吸引咁，而且都係$50左右一碗，抵試！餐廳其實係一間食品批發店，有6-7張枱，可以堂食餃子，即叫即煎，仲有一個位放咗美國prime牛，可以現買即煎，除咗餃子仲有其他選擇，價錢都唔貴，只係$100頭就有交易。叫咗一份雙拼水餃，一份薄皮雙拼煎餃，各有特色。水餃就比較清，有個員工行埋黎介紹食法:1. 先試咗原味 (唔加任何調味)2. 如果覺得唔夠味可以加 自家製辣椒醬 (有得買走)3. 如果想再濃味啲可以加埋餃子汁個人覺得其實淨餃已經夠味，辣椒醬偏韓式，有小小泡菜味，點咗味道幾特別。煎餃有肉味，食落唔油膩，可以揀厚皮定薄皮，唔錯。Overall: 隱世小店，如果鍾意食餃子，可以一試，價錢都唔貴，食完可以買走返屋企自己整。

隱世工廈一樓，服務有點混亂，見好多枱都要不停吹單，漏單等，雙拼餃子（白菜/韭菜），最後等咗半個鐘先上六隻，再分開兩次上。味道非常一般，不是新鮮水餃的味道，個人認為試一次就足夠。

很喜逛歡駱駝漆大廈，很有尋寶feel.得知有間賣凍肉的店子可以堂食手工水餃，餃子控豈可錯過？店子內有多個雪櫃擺放凍肉，冷凍海鮮及生水餃，店員姐姐正在店面包水餃，內裡只有數張摺檯以供堂食之用，不說不知這裡可以吃水餃，好隱世。這裡的水餃標榜是用鹿兒島黑豚肉包製而成，分厚皮/薄皮，水煮餃/煎餃。蔬菜餡料方面，分為白菜/韮菜/粟米（聽說是新口味）。隨意選擇。初來報到，點了粟米水餃（薄皮/水煮），韮菜及白菜煎餃（薄皮/雙併）粟米水餃（薄皮/水煮）薄如蟬翼的餃皮，透現內裡淡黃淡粉的餡料。好像煮得太軟，稍嫌欠缺柔韌的口感，下次還是試試厚皮的。餡料方面，豬肉鮮香，沒有雪藏味及豬羶味，加分！粟米爽脆，水份豐盈。可以吃到餡料是充滿湯汁的，好吃。韮菜及白菜煎餃（薄皮/雙併）雖然點了「薄皮」，但外皮好像仍然煎得不夠脆。如果煎脆一點會更好吃。白菜豬肉餡特別清爽，鮮甜多汁，是我最喜歡的口味。韮菜味道則比較霸道，同樣鮮味多汁，多一分辛辣，好此道者不要錯過。