蒲鍋日式燒肉火鍋專門店 (已結業)

肉類樣樣都好細粒同好薄,無之前食家影出黎果D比較大件.全部都"散收收"咁.. 小小失望. 食物將貨就價也不大問題, 最主要係佢刺身只出了一客我地一行5人, 叫了好多次話仲差4客,佢望完又望,CHECK 完又 CHECK.. 都係出錯.. (只補返海膽).好似我地呃佢咁.. 我真係有諗過放棄唔再理論..叫一叫個經理, 佢就叫第二個做.. D伙記都唔太得閒..今次想寫呢個食評其實主要都係講呢個經理, 睇住佢成日鬧D員工,我係度消費聽完都無咩胃口食. LAST ORDER 又無講一夠2小時就即刻遞左張單黎.. 毫毛心理準備下..想加 ORDER都唔得了.有位小姐都肯幫我地加..不過經理見到佢就係度鬧過左兩小時仲幫人落單!?戥那小姐可憐..原本我地坐底笑笑口介紹我地點煮野食..到我地加野食野飲小姐都做到無停手..仲要比人係咁鬧見到佢都目無表情.. 我都唔好意思再叫了..九龍城仲有好多平野好野食..未必再黎呢間 食到背脊骨落.希望那個經理服務同態度有所改善, 員工士氣係公司最重要既資產..仲有..唔好9點後先去食..實唔夠時間同D人趕收工無咩人會理你..我地仲叫左個芝士蛋糕 $180 +

最鐘意打邊爐及日式燒肉的我，經過九龍城廣場見到廣告寫全香港最大日式燒烤店，入去超超！我們一行人當中有身形比較健碩人仕，6個人經理安排我們一張8人枱，有2個爐，每邊4人用，對此食店的第一印象不俗！有多款罐裝汽水任點，我點了青檸，因未試過。當各自點選心頭好後，大盤刺身自動送上，速度之高令我一讚！正所謂看Concert，票價亦分平貴，送的刺身都是大路貨色，質素當然不能與貴價貨相提並論，但與其他放題店相比，這間蒲鍋刺身都算好些少。主菜上場，大佬！佰零蚊有和牛食？我不抱太大期望。已點的二大碟食物紛紛上桌，一輪狂風掃落葉，發現食物比想像中好。D和牛真係入口即溶，牛舌好爽，五花腩好香，好似一些高級燒肉店的食物一樣(盛X) (我班FD都覺)：因價錢問題去(XX)的次數不算多，但食材質素卻絕對騙不了作為燒肉粉絲的我 ！但蒲鍋的爐是電爐，效果OK，比較慢，不過我都是喜歡用明火燒肉，點都香D，老婆話電爐比較健康，我都無辦法！以下是我認為最好的： 豚五花腩：燒後表面香脆，中間肥瘦相間的肥膏位非常甘香，一口咬下，油香肉汁即刻爆發，瘦肉帶有香濃肉香，簡單加些鹽巴肉味更形突出，強烈建議要配白飯同吃。(推介)和牛舌：

不樓都覺得日式燒肉是貴價玩意，食到飽往往數百一個人先可落樓，search Open Rice見呢間蒲鍋食評不錯，同埋我姑母一家差不多隔二個星期去一次 (絕無跨張，除了她一家住九龍城外，我兩個表妹又鬼咁鍾意食呢間店D燒肉)，是姑母推薦我去，因她認為食物質素不俗，價錢合理(她以買專家角度評價)，終相約三五知己試下囉，我們選星期一閒日去。 一坐下waiter哥哥已經有禮問我們喝茶定汽水，汽水有7款選擇，不俗。沒多久已上刺身拼盤，內有一板海膽，無乜擺設，不過很新鮮，海膽大塊無腥味，魷魚非常好吃，送的又幾OK喎！ 吃罷前菜，大碟肉類上檯，服務效率不俗，不過望著一堆堆肉和蔬菜，又真係放得好求其，無美感之餘重有小小趕客好吧，入主題了：先說個爐，很掂，有D似屋企隻易潔獲：油煙少，食物上的肥油全流走了，有種感覺食落去個人唔會致肥 ~~ 有籍口大吃了！hee hee 另外，燒時對火喉的掌握亦全無難度，不過可能多數係我燒的原故，之後雙眼很乾我們逐樣逐樣燒，食了4-5 round，又不停飲汽水，大聲談天！(現場環境較街坊，沒什麼裝修，又黑黑地，不用顧慮，感覺蠻好！) 因為個爐，我們完全不用理燒得如何如何食物

現在天氣最好吃燒肉，素來是無味精食物fans，可惜多數燒肉店的肉類都是醃過的，當然其中的醬汁有些確是可口，但很多都是醬汁味多過肉味，不然就是醃過了頭，肉變梅了。這都不是我的一杯茶終於有朋友介紹我來這間蒲鍋試試，148加一，不貴，就與bf晚飯吧！不想喝汽水，只要了熱茶，一邊吃燒肉，一邊喝口熱的綠茶，蠻享受的。送來二人份的三文魚及其他刺身，份量不多，新鮮程度OK。第一次order我們點了牛肉，蝦，帶子，雞子。牛肉入口溶化，牛油味充滿口腔，雞子非常鮮味，粉粉的，口感很好再來我們試其他的食物，今次點了很多款式，有十多樣，我落單時強調每樣只要2件，但送來已經一大碟，很飽，我們慢慢燒，個爐效果很好，食物沒燒焦之餘食物油份都滴下水盤中，油煙亦少。不過燒肉少不免都有燒烤味，身上總不能避免地沾上少許Bf飲了4罐汽水，他笑說他好少喝這麼多，因有些汽水他沒試過，又免費所以試了，之後他即多了個「汽水肚」我們再點第三round時只要求單點牛肉及白飯，這間店的食物選擇不算多，亦沒有熟食，但用料明顯經過挑選，各款食材都很新鮮及素很高，尤其牛肉，我只撒上一把鹽作簡單調味，燒到五成熟，鋪在白飯上，白飯都充滿烤肉滴出來

剛剛出新車, 集中揾有位泊d商場揾食....居然俾我見到呢度openrice食評唔錯, 就同咗我老公 (係好鍾意食燒肉嘅佢), 嚟呢度試下, 由於我老公通常唔鍾意任食, 因為通常d食物quality會好差, 所以我預先冇俾任何期望佢, 不過居然有驚喜首先聲明: A5和牛唔係任食, 要額外加$$, 不過.....霜降牛肉/ 牛肉粒: 好正, 好好feel, 完全冇根, 牛魔王(i.e.我)最愛 牛脷: 我食過全香港食燒肉最好食嘅, 好過好多要逐碟計錢嗰d好多! 無根+唔un雞翼/雞軟骨: 落咗d日本salt調味燒, 好味茄子/粟米: 香甜, 冇渣/核海中蝦: ok, 有d "chi" 殼, 好似係代表唔太新鮮, 而且d蝦唔同order 個size有大有細, 分別好大多春魚: 冇特別, 都係急凍d貨仔la, 不過都ok 大條汽水 (百事/雪碧/忌廉) 任飲Asahi啤酒買2送1 仲有好新鮮刺身拼盤做頭盤: 每人2塊三文魚, 2塊吞拿魚, 2塊北寄貝, 1執魷魚最多坐2個鐘, 不過d野食嚟得好快, 2個鐘一定夠食...唯一美中不足: 唔覺得係無煙燒肉, 因為燒燒下覺得眼好"挾", 同埋走個時

第2次去食燒牛肉連男朋友都覺得今次好食左好多。比起第一次,今次d牛肉同刺身明顯新鮮左,刺身多左好多,牛肉比上次有肉味,上一次無肉味x_x。食左3轉,大家都滯到想嘔,真係覺得自己好折墮。哈哈 牛肉片 - 好食,新鮮 牛肉粒 - 同牛肉片都係 必食!!! 花枝片 - 新鮮,唔霉。爽口鮮味 吊片 - 魷魚乾 , 燒一燒,更香口 牛仔骨 - 不過不失 , 可惜有d開始變黑。 雞肉串 - 都唔知用乜形容先岩 冬菇 - 燒耐d , 咬開有汁好味道 翠玉瓜 - 食幾件牛肉再食件瓜,清一清口入面d油味 牛肉腸 - 普普通通 秋刀魚 - 腥到喊

每到大節日都頭痛諗去邊度食飯, 見平時bf成日都話要去"浦鍋", 今次終於如願啦!其實未到之前, 都有d驚同之前食過果間"燒魂x"一样咁失望, 故且抱住一試心態! 由於第一次黎呢度, 所以每样都係叫少少試下, 點之食左第一round之後, 發現食物水準唔錯, 之後我地不停encore食唔停, 終於食完第4round爆肚前先識停. 而係我地食唔停呢段其間, 待應生亦都定時幫我地清理枱面, 其實都應該贊下佢地服務, 手脚快之餘, 重好有禮貌添.....唔講咁多, 係時候講下食物先:1) 霜降牛肉 - 好易燒有肉汁之餘唔un2) 安格斯牛粒 - 比牛肉片難燒d, 但食落有肉汁唔un及有口感, 比霜降牛肉好味3) 鱔片, 雞腎, 鴨舌 - 新鮮爽口, 一個字形容"正"4) 雞肶菇, 茄子 - 燒完之後, 原來係勁多汁既5) 牛仔腸 - ok, 有口感6) 羊架 - 比較so, 唔係好岩食7) 牛仔骨, 豚肉五花腩 - 比起霜降牛肉及安格斯牛粒好似失色d, 試下冇訪8) 中蝦, 帆立貝- 一試冇訪9) 剌身(送既) - 質素只係一般, 百幾蚊,汽水任飲,真係幾抵食. 之於環境可能一般, 但食物

有聽FD講過蒲鍋D下午茶壽司勁抵食，但一直都無時間去試。為食既我終於搵到一日得閒無野做，自已一條友去呢間蒲鍋食一趟。(無食lunch)門口個廣告寫明$3兩件三文魚壽司，邊有平成敢！我唔信就企係門口問左個姊姊仔幾次… 自已都覺得過份。一坐低，即刻就有個Waiter放低杯熱茶俾我，唔錯$3兩件壽司始終驚驚地，平野無好喎:黎住1客三文魚壽司試下先1) 三文魚壽司：壽司出得好快，用料好到我唔信，"賣飛弗" ~~~三文魚實在太肥美太抵食 (好似三文魚腩邊位) ，無法，信心番晒黎，即刻狂叫多4客壽司2) 照燒鰻魚壽司：上檯鰻魚真係燒過，重暖的，燒汁味道濃，連舊飯頂都有少少焦焦地，very nice $7兩件3) 北寄貝壽司：頗鮮甜，可惜比較乾身，有點硬。4) 芥辣八爪魚壽司：OK鮮味5) 大蝦壽司：比較普通，蝦真係幾「大」囉又乾味道一般6) 魷魚鬚壽司：賣相得，比預期中鮮口 7) 赤貝壽司：赤貝新鮮味甜，呢個算係幾好既選擇。8) 蟹籽沙律壽司：食得出新鮮做，勁正，仲要$5兩件！9) 甜蝦壽司：細細隻，幾甜，都新鮮食曬所有野，13碟壽司，褲都幾乎爆！(後尾有D飯無食到) 呢度既壽司可能多人食，去貨

聖誕就到，我班fd有幾個都住樂富，見得閒咪同佢地過九龍城廣場HEA下，個場都幾多運動品牌嫁喎差唔多8:00，個個都有D肚餓，經過一間叫蒲鍋既日式餐廳，入面好似好大咁，門口個到既廣告牌寫明$148一位日式燒肉，又唔係好貴，加上被佢地門口個大Display櫃吸引住，仲要櫃內既靚牛肉都係任食，嘻嘻我係牛魔王，即刻拿拿淋衝入去一坐低，先黎個刺身拼盤連一板海膽，D刺身都OK新鮮既，不過北寄貝就好似硬D咁囉終於主角上檯喇，牛肉就預無醃，但係其他都無醃，覺得幾騎呢D咁，算把啦！話之佢既，大食特食，不過真係完全無雪味，而且加埋上既調味，椒鹽呀七味粉呀咁，又OK喎~~牛肉又幾好，侍應哥哥提我唔好燒咁熟，牛味好得，仲要任食喎！我一個人食好多好多(差唔多全程淨食牛肉) ，連豉油都無點，飽到想嘔~~順帶一提：佢地個燒烤爐效果好好，無乜油煙，D肥油全部滴晒入爐入面。我試過其他任食燒肉店，又熱又焗，食完成身臭味。~~澳洲羊架幾甜，肉又淋；雞翼初初見白雪雪，心諗：做咩唔醃？點知加椒鹽and七味粉後離奇地好味，我吃左4隻。~~牛仔腸，鴨舌，多春魚，帆立貝，中蝦….點左很多唔同款式試下佢地有度好，乜都無限制

未入去之前係門口睇下MENU有咩食...經理好好口介紹...就咁俾佢呃左入去...~~其中一位侍應姐姐超無禮貌...埋單時...多謝都無句...我俾VISA佢...佢碌克之後返黎俾我簽名...撞正我同FD傾到興高彩烈...無為意佢...佢即刻好晦氣咁嗌'小姐'...尼樣野已經唔得啦...到我簽完名之後...我問佢攞返張手寫單同泊車單...跟住佢拎完返黎就咁擺左係臺面...咁就走左去我最唔鍾意...埋單明明係$715.1...但係佢有一項叫微調$0.9...跟住就收左我$716...我覺得好唔公平...仲咩要無啦啦俾多$0.9...4捨5入都仲話姐..果$0.9我捐左去做善事好過啦~~大家如果想去試既...留意下微調果項收多大家幾多錢!!!我一定唔會再去囉...D野食好多都無醃過...又無味~~

看廣告選定這間蒲鍋燒肉店慶祝生日，一行8人，浩浩蕩蕩入場，黑黑的。我們2天前預定了一個生日蛋糕，免費的，想像一定是一般貨色吧！誰不知真的很驚喜，是Blueberry Cheese Cake，大大個！非常好味，酒店級的貨色，竟然免費？真的很開心，覺得這間店用心用誠意，很感動！他們不限數量點食，汽水任飲，(我們飲了2打半，佢地仲有禮的問我們要不要，未遇過咁好的服務)試過去其他燒肉店，限你點幾樣食物，每只得2罐汽水，不清不可再Order食物，這間蒲鍋就明顯大方得多，這才是我心目中的任食放題店吧不過上食物全部無醃過，有些怪，(因其他的燒肉店多數有汁醃製)，他們的經理Tony說這種食物的素才好，也是對的，我去韓國或日本旅行時，的確貴的肉是不醃。第一round：牛肉，安格斯牛粒，澳洲羊架，豚五花腩(燒後肥肥的，超野味)及其他腸類，中蝦及帆立貝，秋刀魚一共吃了4 round，飽到極限！侍應服務佳，動作很快，經理Tony招呼好得根本不似吃任食放題！鴨舌很好口感，南瓜清甜。鱔片我個人4 round都點，燒後鮮鮮的，加小小Salt及黑椒，居然是最好味的，不醃反而很正，看來我的食味要改改。霜降牛肉，

前幾日個frd生日同佢呢間蒲鍋（其實想試下好耐，終於有機會xd）好多正野好平就食到！係幾年前個價！可想然之平過宜家個d幾多！好似我地叫左個$148大牛肉+$18可以食到原本$24一客既魚生拼盤，認真抵食！個魚生有甜蝦呀，三文魚呀，吞拿魚，章紅魚，魷魚，大牛肉呀咁，仲有仲有d牛肉牛味濃，又冇渣，認真超值呀…跟著我地仲叫左雪蟹，加左$18叫碟原本$200幾既A5和牛…未叫之前以為咁平應該係一般貨色，點知望落去雪花均勻，食落又冇渣，$18真係幾超值…8個人平均都係$250到！抵！誠意推薦俾大家呀！

睇雜誌見到148任食,仲話無煙燒烤,咁就去左食。坐低即刻比左刺生,不過不失。一張紙可以落3次食物,幾環保。 三轉入面叫左必食牛肉同牛肉粒,仲有青口 帆立貝 芝士腸 豬腩肉 豬頸肉 冬菇 蝦->唔新鮮,甩頭 羊鞍->好so,咁係未叫靚?我就鐘意打邊爐果種羊片多d。仲有好多,最好味都係牛。食開韓燒可能會唔岩胃口,因為d食物無調味,連雞翼都係係雪櫃拎出黎咩?仲有雞柳(其實係雞脾肉黎,都係無味)整體都算過得去,不過成身都係燒烤味。同埋感覺好怪,背脊涼浸浸,正面 ..... 整到對眼好乾服務唔夠細心,見到隻碟好多殼唔會主動幫你換,抹左燒烤板果張黑媽媽紙巾唔會幫你執

一入到鋪頭時, 一D都唔覺得有平時去韓燒果種燒烤味.全場所見都係sofa卡位, 但係窄左少少坐底後職員就清楚解釋點菜紙同燒烤方法. 唔鍾意佢地用固定人頭去安排份量, 唔係全枱人都會食同一樣野. 都係鍾意自己去拎食物多D, 可以控制分量.職員手腳都算快, 汽水一叫就即刻拎過黎. 食物由交紙後約5分鐘就送上.個爐非常好, 唔會點痴底. 同埋唔大煙, 食完都唔會好濃油煙味.轉頭就放底一碟賣相及味道唔得既剌身.主打既霜降牛肉好牛味, 落D鹽燒仲正, 入口即溶.海中蝦就唔係咁得, 唔新鮮, 一夾落去燒個蝦頭已經甩甩地.帆立貝細到冇朋友.鴨胸尚可以, 但再大塊D會好D.南瓜同粟米都好好味汽水任飲, 我個人就食左5罐美中不足係衰在冇前菜, 生果, 甜品及雪糕等等.每位$158 +10%都仲算過得去.有機會會再去.

我(叮噹食神)和3位好友, 一行4人去食,認為這店質素好過一般的放題 ,,我們4人食, 有一盤送既"整板海膽刺身和4款刺身, 大路款式各數件, 不過不失啦整板海膽刺身, 難得唔腥, 送既來講真係幾好的了座位是卡位, 坐得舒適, 食完後, 身上沒油煙味, 食過此店後朋友們都說不去食韓燒所有食物都沒有霜雪, 不是水滴滴, 可見預備食物認真待應服務態度良好, 向我們介紹怎樣燒, 落單快, 出食物亦快人入座後食計2小時, 但我們7:30pm 食到9:30時先結帳,可燒至10:30我們才走,沒有趕客情況, 很好食物方面, 款式40多種,還有白飯主打霜降牛肉, 入口即溶, 好有牛肉味, 喜歡食牛的朋友一定啱哂:安格斯牛粒, 有口感, 點秘制芥辣, 合配羊架, ,不so大海中蝦, 好大隻,抵食爽口,沒雪,牛舌,腎片十分之爽口, 鱔亦都好脆, 個人都覺得呢兩樣值得推介鱔片 : 幾新鮮 ,爽脆, 雞子,好大粒，燒後非常鮮味燒日本南瓜，粟米,加味鹽，好香口 , 好甜狂飲汽水，好在任飲, 4人共飲1打 雞軟骨, order都黎好多, 又好食, 出面叫一碟仔都收你廿幾蚊, 所以好抵 秋刀魚燒後, 好食過在日本