蓮香棧 (已結業)

我前輩好念舊，雖然賴低我哋另某高就，耐不耐都仍會搵下我哋食飯update 下。上個月，佢又升職喇，所以，又請我哋食飯慶祝，地方都搵埋添。都估到佢架喇，佢分人咁念舊，食飯都會搵下啲老字號。呢間酒家雖然是新開無幾耐，但其實係老字號搬遷過嚟延續佢個江山的。你睇，啲杯杯碟碟同中環嗰間一模一樣架。連啲茶都係一樣，係靚嘢。前輩問我哋想食咩隨便叫。我哋跟官咁耐梗係知佢心意啦，就點咗幾個懷舊菜。蜜椒牛仔骨 $78、雞蛋焗魚腸 $70、鹹掛骨大芥菜 $88前輩讚我哋醒目，點中晒佢想食嘅菜。之後，佢知我鍾意食藕餅，所以叫多個生煎蓮藕餅 $88，氹我開心。【雞蛋焗魚腸】色香味俱全，雞蛋無焗老，蛋香和魚腸融為一體，每一啖都充滿蛋香和魚腸鮮味。【鹹掛骨大芥菜】前輩解釋點解佢鍾意芥菜煲，因為佢覺得芥菜嘅少少甘苦味，充份反映佢人生，要抵得苦，才會成功。我哋又被授了一課。排骨預先醃鹹，跟芥菜滾埋一齊，味道啱啱好。【蜜椒牛仔骨】點解無蜜椒嘅? 只得洋蔥汁。味道OK 的，但係有啲唔離骨，食起來有點狼狽。【生煎蓮藕餅】煎得好香，蓮藕夠爽，味道適中。呢餐當然要多謝我前輩，亦要多謝一班廚師們將懷舊菜式傳承下來，讓我哋班後輩繼續

懷舊的茶樓，好有風味。現代興門口取票等叫入座，好久沒有站在別人身後等位。等了15分鐘，終於攝到兩個位。第一眼就看到玻璃枱上熟悉的餐牌，就是用過膠卡顯示點心種類和價錢。店鋪面積不大，侍應，點心姐姐，等位的客人都站在我身後轉來轉去。點心姐姐推住點心車在叫賣，侍應都是拿住金色熱水壺沖茶，其實好好氣氛，哈哈侍應走過來介紹：今日有鴨腳包，要不要試？我真的以為是用鴨腳做的包點，是一件一件落單，早少要兩件，好吧，就試試。等了15分鐘來了，上枱原來是兩件蜜汁燒鴨腿，好新奇。鴨腿裡面塞了鴨腳，鴨腸，鴨肝，鴨腎，叉燒。就像金錢雞的同類。一啖咬落去，大大啖肉夾住鴨內臟，連蜜汁甜甜的，喜歡吃什的朋友必試千層糕：有四五層，咬下去好有層次。咸蛋黃味很重，熱辣辣，好味。糯米雞：好大份！一整粒咸蛋黃，冬菇，雞翼，切條火腿扒，非常足料，荷葉包住蒸到香噴噴。雖然剛剛端午節食了很多粽，但用大荷葉包糯米飯感覺完全不一樣，值得一試。潮洲粉果：粉果皮好煙韌，最重要食落口夠熱，否則個皮就硬了。辣椒油比較平時的較辣，但好香口

網上介紹荃灣有間食懷舊菜，於是走上一試，雖然小弟完全唔知懷舊菜是甚麼，就當試下新口味。一上枱就以為上錯了東坡肉，原來是醬燒骨，不過食落十分似東坡肉，一樣是五花腩，十分林同入味，但太大舊，頭兩啖都還可，之後就。。。服務員會幫忙切之後是蓮藕餅，要快食，香口，放耐了偏油。又一肥仔食物，入口金香，一試還可。普通，唔夠蛋香，魚腸夠多。普通。其實今次享受唔到懷舊風味，主要因為人少，但食物份量多，小弟同另一半兩個人，每樣菜色頭兩啖都十分好食，但之後就十分淒慘，食物都十分肥膩飽肚，唔夠一會已經飽上心口，所以強烈見意大家人多先好來食，如果唔係，兩餸白飯便算。最後小弟都打包兩盒回家，唔會浪費。整體感覺唔差，上菜速度快，味道雖然一般，但份量十足，價錢中上，都值得一試。

蓮香樓分店 ~蓮香棧~ 喺荃灣已經開業多個月...所以特登搵咗個星期六中午帶埋家𥚃老人家去試吓啲懷舊點心!因為知道佢哋地方唔太大, 而且不設攞飛系統, 要自己入去等位; 為咗避免要老人家企得太耐, 所以已經預早啲過去, 去到時大慨11:15...冇諗到要等成個幾鐘, 等到12:30先至有位😖雖然人多, 點心一出啲人就擁過去點心車搶點心! 不過佢哋refill得好快, 出爐熱辣辣既點心大慨每隔幾分鐘就出一車! 讚👍叫咗差不多十個點心, 我會覺得最正就係個古式黃糖馬拉糕...咬落去鬆軟又唔太甜! 其次喺蝦腸同蝦餃...皮做得好薄而且啲蝦又大隻又多! 芋角同牛柏葉做得相當都唔錯! 最可惜既係食唔到老人家最想食既雞球大包🙁PS: 佢呢到係唔收加一服務費! 但有老人家同行就要小心啲...因為通道旁邊沖水沖茶位置地方非常濕滑!

今天和家人到蓮香棧吃中午，此酒樓採用自己找位的方式，說實非常落後，遲來可能有位先，前來可能等餐死。好啦到左就照搵位，見枱枱都好似坐底無耐咁，去到一張大枱，見到佢放左個留座牌，但我地照問職員可唔可以等架呢張，個職員就話可以不過你地4個人，呢張大枱就要搭枱喎，咁無問題。都等左前後20mins，大枱既人走啦，咁我唸住坐，之後其他職員竟然話留左枱喎，你唔見有留座牌咩，我話我問左先等喎，佢地一個二個話我無講過，完全唔理，照執枱，照叫人唸住o黎坐，仲要有一個男既，話我地唔駛做生意咩，意思我阻住，我咪叫佢地叫經理來傾囉，但完全無人理你架。我堅持唔走，後來我家人搵到第二個位，勸開我先行開，但所有職員無人認講張大枱過可以等，無人理你，無經理出來，完全係不可理喻。因有小朋友就照食，說實食物普通，無咩特別，但就有特別差的服務態度，只能說，等下一手酒家再試吧，相信日子不遠!

今天一家人去蓮香棧飲茶，早前姑奶訂了14人枱，已問職員有沒有訂枱服務?接線職員回答有便留下她的電話及姓氏。 今天姑仔已早半個鐘攞位，怎料要等半個鐘,已經問其中一位侍應，有張大枱差不多走了，是否可以行上前等呢？她回應：「不用的！」後來這張大枱有人走了，怎料有新客立即坐上該枱，但該侍應不見了！我們立即問另一位職員，為何我們已訂枱，但卻沒留枱給我們？他們説今天是沒有枱訂的？😱我們覺得不對勁，立刻找店長或經理處理，結果不知道是店長或是經理，見到我們的情況下都扮見不到直行直過，最後大家大小一等再等都差不多等足一個鐘才有位給我們。這點已經算吧！執枱的職員真的很有問題，初時話執唔到枱，我們都就位置給她處理，她竟然都話執不到，我們是坐大枱，她只是企一個角落當然清不完全啦！已説讓一個位置給她清理，怎料她還發晦氣説話，難道今時今日的服務，竟然是要我們顧客去執嗎？😤唉~這間茶樓服務態度很劣，恐怕我們再沒有下次光顧了！👎👎👎👎👎👎👎👎👎👎

蓮香樓進駐荃灣綠楊坊，名為蓮香棧今日星期日和家人嚟試試原來係頂成舊式茶樓自己搵位環境都幾擠迫，本人唔係太習慣自已揾位呢！燒賣一般千層糕小有，好味鮮竹卷入味蝦餃皮唔算薄，麻麻春捲椒鹽魷魚鬚一般

蓮香樓前幾個月剛剛開業時，想有位都好難，今日中午12點半去到，剛剛有位，應該係附近無乜office吧，或者吾多合後生口味，大部分都係呀叔呀嬸。論味道，沒有普通酒樓的只吃到醬料味論特別，很多點心其他酒樓都無得食論份量，真材實料，每蝶都好大，並無好似其他酒樓用什麼芋頭，蘿蔔墊底。論地方，真的地方濕滑，比較吵，但就是要這個味道論懷舊，哪裡還有推車仔叫賣 ，拿大水煲沖水。。。。總結，真材實料，值得支持。

訂了這𥚃的懷舊六人套餐吃晚飯，金錢雞唔夠味义燒唔鬆化還有點硬，算是一般貨色，古汁白肺湯侍應只能分到五碗半湯水，一人只得半碗，亦沒有為我們張湯水平分成六碗！ 霸王鴨上枱時唔夠熱，生炆班頭腩肉質粗鞋，整碟只找到半件破爛的豆腐！蓮容布甸是像吃蓮容糊似的。 但最令人沮喪的是這裡的環境，懷舊原本沒問題，但連舊式茶樓的嘈雜、擠迫、污糟及粗枝大葉的服務態度也複製過來，就是沒有進步了。說到厠所就不吐不快，當我推開男厠門口時，就見到裏面的地板是滿佈水清非常濕滑的，用水浸來形容也不算過份，惟有改往外面商場的公共廁所。

本人今日慕名去幫襯這間傳統洒樓！真係只有失望、失望、都係失望！咸水角皮厚、蝦蛟、蝦腸粉啲蝦唔新鮮腸粉又難食！鴨腳扎又唔新鮮，馬拉糕叫做傳統味道都還可以！鮮蝦粉果一夾啲皮散晒，义燒包冇特別、之前去食過一餐晚飯！已經唔對路！諗住俾多次機會佢點知仲差因為已經冇乜酒樓推點心車，所以想懷舊一下小時候飲茶的感覺！點解一間咁出名的傳統酒樓可以做到啲點心失色到咁，是將租金將就材料、人工嗎？荃灣朋友都話幫襯一次以後都唔會再去!

中環有間蓮香樓係老一輩既人都認識，我去過一次，環境食物都不錯，是很傳統的酒樓。聽到荃灣開左間分店，即想帶爸媽來試，因為佢地都好少出港島區。星期日，11點，酒樓係自助搵位，一入到去無人會理你，你就自己等位，店鋪地方唔大，但就擺滿枱，環境真係可以用惡劣來形容傳統風扇睇落係有特色，但配合埋燈光，光線閃下閃下。。加上咁嘈吵既環境，令人好頭暈蝦腸粉同金錢肚，腸粉既蝦唔好食。。口感好奇怪金錢肚就唔錯，幾淋同入味奶皇包，無特別。。唔係流心。。失望呢個左面係金錢雞，右面鴨腳包，初時見好多人叫鴨腳包，於是我又叫來試，個侍應話金錢雞都好正，於是我又抱住試下既心態試。。。結果係失望我地都唔識欣賞，肥肉同雞潤。。。完全唔好食最後食到唔想食，都要試試佢有名既馬拉糕，係全餐最好食既野，但無話好驚喜。。總結係。。。我唔會再黎呢間野第二次，食物普通，環境十分不舒服。。。我有好多地方可以坐得舒服點

今晚提早造節，一次過慶祝晒家姐生日、父親節和端午節，原因係家姐月中會去東歐旅行。家姐提議來這裡吃晚飯，試下啲懷舊菜得唔得。好彩一早訂了位，外面仲有人等緊位。人山人海，感覺好嘈，冷氣又唔夠。我哋一共8人，店員極力推介我哋食個懷舊6人餐，話好抵食，又唔收加一，加番兩件窩貼大明蝦都只係每件$16，嫌唔夠食就可以加多個菜。見佢咁有誠意，卒之俾佢氹咗落搭。無幾耐，另一位店員就拎張上菜紙來，雖然餸菜是一樣，但係飲品就唔一樣囉。佢話本來呢個餐是跟一枝啤酒的，不過未領到酒牌，所以就話換兩罐汽水俾我哋。不過，明明張菜單是寫明跟三罐汽水的，點解依家只跟兩罐! 佢話一切跟電腦入單喎….我話你都痴嘅，你個咩電腦我唔理，我亦唔係貪多一罐汽水，我只是唔明菜單和上菜紙會唔一樣啫，咁唔老實。卒之，佢都係攞多罐汽水俾我哋。茶位收13元，都幾貴。啲茶沖多兩次水就無晒茶味。【金錢雞叉燒燒鵝】叉燒OK，燒鵝麻麻，金錢雞比唔上得龍嗰啲，失望!【馳名貴妃雞半隻】肉質嫩滑，味道OK，不過略嫌斬得大件。【川貝杏汁燉白肺】搵唔到豬肺，免強搵到件排骨。湯係無川貝味，亦無杏汁味，劣品!【窩貼大明蝦】落單時，講得好清楚要加多兩件，點知都係嚟

擇日不如撞日，適逢今日突然間好想飲茶，就沖咗嚟呢間新開張嘅茶居。首先要自己揾位，全場可以撘枱，有姐姐推點心車賣點心，有人揸個金色大水煲加水，完全係兒時回憶。由於太多人，所以d推心車無辦法出到鋪面。個牛肉球好正，食得出唔係一般嘅貨式，黑椒豬肚、咖哩鮮魷、鵪春蛋燒賣、炸芋角、鮮蝦銀針粉.......其實樣樣都好正，下次要試吓d炒粉麵先得！

叉燒飯的叉燒冇切片一舊上, 咬到死死下,  伙記見到都唔理。 每一枱客食完走左, 伙記就用塊布抹一抹張玻璃枱(係冇枱布同柸碟的), 就將d 新筷子同新柸(柸口方向) 放在喺枱上, 我想衛生D 拿個筷子架, 個伙記就話做咩你拿筷子架呀?我要收返你10%錢, 冇免茶!  態度衰到不知所謂。噪音超大, 衛生環境差。不會再來。one warm reminder to all: if you prefer to start a day with noise, bad food and bad attitude, try this restaurant. 

幾年前到過上環的蓮香樓，知道荃灣開了，特地黎試叫了蒸羅白糕，淋淋地，幾易入口，但入面的蝦米略腥，材料不靚。馬拉糕，正常。粉果，皮略厚，味道很似落咗味精，雖然我食完唔多口喝。豬潤燒賣，最期待亦是最失望，落單差不多等了半小時，豬潤鞋到成舊柴皮咁。幾年前蓮香樓的好好味架。蓮香賣點係有點心車，都有特色，但無人同我地講除了點心車,還可以落單order 點心，係我自己主動問才知的。