蔡記小食

营业中

休息中

原打算去飲茶，然後搭船離開。然而，大街實在太多誘人的美食了，誘惑太大！見蔡記小食門前人山人海，座無虛席，我們也去湊熱鬧！煎釀豆腐一客$15，有五大件，頗為抵食兼飽肚。豆腐咬下未算十分香滑，豆味也較弱，幸一薄層釀魚肉煎得夠香口，且富口感，帶蔥花香和少許魚鮮味。魚肉翅$20碗，坊間之作，大都教人失望，故不寄以厚望。端上枱時，嘩！大大碗，翅中有不少大小均一的魚肉，以及粉絲，冬菇粒笸蛋絲等。搯一匙，味道鹹淡適中，滲出麻油的香味，質感較為稀薄，配以鮮鯪魚打製而成的爽彈魚肉同吃，煞是鮮美可口。

是日豆花系列第二站就是位於南丫島大街的蔡記老實說當地人是推薦車仔麵的，但也說豆花也不賴，所以張誇與友人才進內品嘗因是星期一的關係，南丫島人流已減去大半，友人與張誇得以靜靜品嘗南丫島的寧靜雖然店員都在忙著煎釀豆腐，但聽到我們下單要一凍一熱的豆花也很快拿了過來。豆腐花（熱/凍）：熱豆花比較滑，而豆味比輝記多少少；但凍豆花卻十分鞋口，豆花已凝結成一粒粒，好像放了雪櫃很久，十分難吃。糖水反而是亮點，有很出的薑味而且甜度適中，即使不加黃糖也足夠吃完整碗豆花。這次被當地人fake了，還好熱食豆花配好吃的糖水不賴（其實豆花要熱食才好吃啊！）期待下次到訪可繼續張誇的豆花系列之旅。

晚上8:30, 已經少左好多遊客 。舒舒服服食埋個晚餐先至離開 。好豐富的一個晚餐, 一口氣點了豆漿、魚肉湯、水餃麵、牛腩麵、車仔麵, 煎釀豆腐。豆漿: 冰凍, 少豆味魚肉生菜湯: 細細條魚肉, 都幾多, 生菜鮮。水餃麵: 未坐低已經有個食客問我哋食唔食枸菜, 話好好食, 菜多肉少, 麵彈牙牛腩麵: 除牛腩,還有其他牛的副產品, 牛腩冧, 麵爽, 估唔到, 但牛腩無專門店多濃味車仔麵: 配以冬菇、蟹柳、炸魚蛋, 冬菇好細隻, 蟹柳無乜特別, 炸魚蛋有雪味, 但爽口彈牙煎釀豆腐: 最快送上, 魚膠少, 豆腐香,配鼓油已很足夠

我本來去索罟灣.坐錯船去榕樹灣,我對榕樹灣的食店一無所知.最有記憶的都是呢間小食店.有飯.車仔麵,魚肉.碗仔翅賣.坐的是露天膠椅,幸好店員相當友善...煎釀豆腐:豆腐是食臭豆腐個種硬豆腐,我覺得一般.而魚肉5件得2件大塊一點.粉多.又細.幸好是即叫即煎.而且金黃色.都挽回不少分數.豆漿6元一杯:豆味相當薄弱.什至有點過甜.只屬一般...三餸米粉28元.....豬腸:乾淨.鹵得入味.一點肥膏也沒有.又彈牙,而且份量不少.已不俗雞翼:超細.而且肉梅.有點似隔夜,入口又鹹.差....餃子:是煎餃子.皮脆而香.材料是少量豬肉.大量菜,尚算新鮮,好食..湯底清無肥油,飲了也不口乾.離開前可以添多杯豆漿,2人.85元....都合理..因一個錯誤.要行2個鍾山.下一個食評就到索罟灣

係南丫島行大約三點幾肚餓,就去o左蔡記醫肚,因為未出糧所以唔可以食太貴我同朋友叫o左每人一碗牛腩幼麵同凍豆漿,另外都叫o左煎餃子同煎豆腐,食物都黎得幾快,餃子同豆腐賣相唔錯,錯落去都幾香口,最值得讚o既都係牛腩麵!牛腩麵黎個時已經嗅到好香清湯牛腩味,麵中有唐生菜做伴,其實伴菜未必會好食,因為始終唔係主角,不過個唐生菜煮得好霖,d牛腩味入晒落去d菜到,真係值得一讚,煮麵落唐生菜遠遠比菜心好~牛腩件件都肥瘦適中,唔會有一兩件偏肥或偏瘦,一碗美味o既牛腩麵我就已經愛上~豆漿都唔差,可能因為行得耐比較口渴,所以就覺得呢杯豆漿簡直係人間極品,冰凍度一流,直情想一次過飲晒成杯,若果唔係因為冇太多錢,我一定會一次過飲晒成杯後再叫一杯!

第二次入黎南丫島,都係搵唔到建興係邊見呢間都有豆花,又行到攰攰地,就頂住檔先啦!!叫左2碗凍豆花,幾滑,同埋個糖水有薑味不過冇乜豆香 整體黎講冇咩特別,加上岩岩先食完野唔太肚餓,2個人都冇食哂環境方面,咁岩坐左係檯煙民隔離,不時食左D二手煙..同埋都幾多小昆蟲飛黎飛去,所以坐都一陣都好快走

為了一試大興酒家的手藝,早早便入榕樹灣逛逛,先跟千里兄在附近食過燒烤,意猶未盡,見天氣實在太熱,一於再找個地方休息.蔡記賣的都是小食一類,順道來碗魚肉翅好了.翅當然是粉絲翅,幸好太白粉茨並非太杰,而魚肉比起其他地方算是認真,咬落真的有魚味,不過就有點腥,自己不太喜歡.天氣實在熱得要命,索性把衣服都脫了吹吹風,但汗還是不停的流,不如早點到酒家嘆冷氣.

同屋企人黎到南丫島行下.未到食lunch時間就行左陣,之後見口渴就黎左呢到叫左三杯豆漿飲下,解下渴.豆漿:原本只係打算解下渴冇話有咩要求,但係呢到嘅豆漿好香,好滑,又唔會話太甜,岩岩好.仲好過南丫島亞婆d豆漿!

因為係午飯時間, 都坐得好迫下2 個人只係叫左 2 樣野牛雜麵, 其實係腸加腩... 好肥膩, 食完成碗湯都係油...煎餃子... 北方風味, 厚皮, 但幾好食... 不過一樣比較油膩, 食完成個鐘都仲有陣味係口度...餃子配甜酸醬... 幾特別, 但唔係好 match...如果只作填肚, 尚算可以...

小寶寶在獸醫診所留院，知道情况並不太嚴重，便决定和契女由索罟灣家，行山徑往榕樹灣後乘船外出探望他。沿途遊人眾多，一家大小共享郊野遊樂趣。幸好；天文台今天預測得不大準，所以整日亦是風和曰麗，山水清澈。入到心臟地帶便看到一列各式各樣賣吃的。契女選這裏，fine。食物種類寫得一目了然，有牛腩飯、豬手飯本想試，但不想吃太飽，還是求其一碗車仔麵罷了。豬紅大腸牛腩栢葉雞翼魷魚都未見有特別，反而點的粗麵上桌時，变了個皮白煙韌類似上海麵的東西，這就較留印象。累了餓了，經過可以歇一歇，醫醫肚。

上次試過呀婆豆腐花之後，就即時耍手兼擰頭，口感好粉又散！今次就試下呢間啦！呢間蔡記既豆腐花好有誠意，滑到唔識講，口感唔粉都唔散。而且糖漿有薑味，加埋就絕配，食完仲想添呀！豆腐花都只係＄６碗，但係有咁既水準，抵啦豆漿一樣咁好，無渣，仲好滑添！不過就甜左ｄ。鍾意甜少少既人應該會好鍾意～仲有車仔麵，碗仔翅果ｄ一路咬下，呢間都唔錯！

在南丫島的黃昏, 我們已經非常飽, 但途經蔡記, 想起其沙嗲螺肉也好像也好吃, 所以也吃多一餐, 本想吃螺肉, 但售清, 目的是沙嗲, 只好轉戰沙嗲魷魚! 魷魚很爽,無甚魷魚味，沙嗲汁搭夠。沙嗲味沒有平時的那麼甜，應是自家制。魷魚不太入味，心想若果是螺肉應會更入味，較果更好。食完之后已夕陽西下，我們亦要抱著依依不舍的心情離開。

行到又熱又攰, 仲要等埋人入嚟才食午餐到到都爆滿人呀~ 見呢到有位又有風扇..當然入嚟坐坐~因為陣間要食飯呀~ 叫咗杯黑豆槳飲, 初時仲以為天氣咁熱一定不會冰凍怎料,放入口, wah~ 冰涼感覺...正呀~ 呢度既人服務態度很好... good

經過見到價錢平，與兩位朋坐低下來1. 碗仔翅 - 大碗又平，亦唔會太稀2. 豬紅+大腸 - 味道適中3. 煎餃子 - 雖然有好多舊，不過皮太厚了，加上一夾就皮與肉分開 ><

週六又往南丫島燒玻璃珠了。朋友遲到，抵達南丫島已差不多夠鐘，只有在就近的蔡記吃個凍豆花稍填一下肚子。豆花一碗滿滿的，而且頂部還如山般拱起，慷慨得有點驚人。可惜豆花味道較一般：不夠滑，豆香也只有微弱的一點；不過不澀不酸，吃下去教人舒服，已有合格水準。另一方面，薑汁卻做得很精采 - 有薑的香，卻沒有很辣，反倒有清甜之感 - 要是豆香再濃烈一點，與之相輝映，定是更加精采！只費六元就有這一大碗的帶清甜薑汁味的冰凍豆花，總比去便利店買一罐六元汽水要好。