蕃茄仔

营业中

休息中

味道非常好，特別喜歡佢個炭燒雞扒！好嫩但皮又帶有焦香味。個雞扒外皮好脆卜卜，入面既肉質嫰滑又多汁。唯獨係麵既量唔多，如果係依個價錢會想可以再豐富少少個量。湯底方面，番茄就更唔洗講！但我個人更喜歡佢拌面，因為味道更濃郁，微辣又帶有點鹹香味。不過價錢就真係越黎越貴，覺得都dd over price…🐝 味道：10/10環境：8/10整體分數：8/10🍊Flavor for Today | 今天的味道 | 🐝「還在煩惱今天的味道」What’s the flavour Today ⠀⠀⠀🍽Food | 🍀 Lifestyle | ✈️ Travel

叫咗個牛肩胛刀削面，袐製豬扒上海面，同豚肉片上海面，有驚喜嘅，個茄底濃香，又唔咸，好似落咗cream同南瓜咁，份量唔算好多，不過飲埋個湯，膩膩地，就啱啱好，面有咬口，浸係個湯到都唔係好冧，厚豬扒亦唔見好鞋，整體唔錯，不過價錢偏貴嘅。諗住食面搭啲小食，叫咗手工餃，結果係伏伏伏伏。正確黎叫應該係臧姑娘手工餃， 味同外型簡直係孖生，仲要24蚊3粒，我買成pack啪都得喇！茄底係like嘅，不過食過一次未必有下次lu

下午茶時間經過餐廳嗌左爆脆吉列豬扒上海麵個蕃茄湯雖然貌似淺色少少但係飲落去真係好濃味唔會過份地酸或者鹹而且配合上海麵食都唔會溝淡左個湯既味仍然有好濃既蕃茄味好少食到咁出色既湯底而且個吉列豬扒都好有意外驚喜真係好夠鬆脆豬扒都十分juicy好少餐廳可以炸到咁既效果整體黎講質素十分好份量都十分多對於我黎講食左三分之二就開始飽而且店員態度都十分好我同朋友大約於下午茶時間開始前幾分鐘經開餐廳店員有介紹下午茶優惠同埋先邀請我地入去睇menu等到夠下午茶時間先落單感受到店員態度十分好呢個都係我一開始選擇食呢間餐廳的主因有機會會幫襯其他分店同埋試食其他menu

番茄仔比其他連鎖麵鋪定價貴，但係絕對物超所值。和牛𦟌番茄刀削麵和牛𦟌切得好厚身，煮得好淋，富肉香味。番茄湯好濃郁，食得出有用番茄打成蓉黎做湯底。至於刀削麵嘅麵質滑得黎有彈性，而且好掛湯。輕煎三味鴨番茄刀削麵三味鴨用咗鴨胸部份，煎得香嫩，鴨皮嘅油香提升咗整碗麵嘅味道。飲品方面點了“茶走”，以玻璃樽盛載，設計特別，細看發現原來係聯乘銀都冰室嘅出品。奶茶嘅茶味香濃，加埋奶嘅絲滑，絕對係港式奶茶嘅代表之一。

蕃茄仔原來已經有第3間分店啦！！餐廳位置喺mikiki底層，好易搵。我地兩個人叫左個特級牛魔王、大滿足豚三寶同兩件忌廉蟹肉薯餅，嘢飲叫左土耳其桃茶同coke zero，大家share食。特級牛魔王(配上海麵)$128配料有牛肩胛、和牛𦟌、和牛丸同牛骨髓。朋友第一次食牛骨髓，用小匙「筆」黎食覺得非常有趣，牛味相當濃，加埋滿滿牛油香味，衝擊味蕾；和牛丸好彈牙；牛肩胛同和牛𦟌都好軟腍，好有肉味。大滿足豚三寶(配刀削麵）$90有齊豬扒、豬軟骨同豚肉片，豬扒同豚肉片有驚喜，煎得好香；豬軟骨就炆得軟腍。蕃茄湯底非常濃厚，甚至濃到接近沾麵湯底。我就覺得上海麵會比刀削面掛汁。至於薯餅就正常發揮，嘢飲方面特土耳其桃茶好香，唔甜好健康！甜品有一小塊tiramisu，睇個樣冇咩特別，但好好食！無論係湯底，肉質定配料都值得再試，下次要來試吓啲特色小食！

平日Lunch hour 黎唔太多人，大約等左5分鐘就可以入座，沙發同枱都新淨😇蕃茄湯係標配，咁通常要揀嘅係個protein. And they got 豬牛雞鴨to choose from 🐖🐂🐓🦤🥬今次我地試左豬排🐷，醃得夠味，煎得剛剛好唔會乾晒。但係我個人覺得可以再煎多少少咁會再香口D!😋不過！蕃茄湯🍅🍲先至係重點！呢個要大讚特讚，湯好「杰」，有好多煮溶左嘅蔬菜（洋蔥、西芹、紅蘿蔔、蕃茄🥕🧄）令到個湯頭好甜，而佢係偏清甜but not咸甜果種 which is very good!Like it very much and definitely will come again!

主打蕃茄湯嘅蕃茄仔 之前食過本店一次原來佢哋而家喺新蒲崗同九龍灣都有分店前幾日去開新蒲崗見到附近有分店 就坐低咗✌🏿原來而家除咗主打嘅蕃茄湯 仲有埋麻香拌麵!______________________________/ 特級牛魔王•麻香惹味拌刀削麵 / $88 特級牛魔王有齊- 牛骨髓•和牛丸•和牛展•牛肩胛 牛骨髓原條骨上 油香十足 睇得又食得另外牛肩胛同和牛展都好出色 牛味濃郁特別係肉質超級軟淋 入口即溶嘅感覺 不得了拌麵方面 麻香椒味辣度唔算高 但麻得好惹味鋪上大量炸乾蔥酥及木魚花 個拌麵都好正🔥______________________________/ 炭燒雞扒•自家鮮茄濃湯刀削麵 / $83番茄濃湯呈橙紅色 偏稠身而且帶鮮甜 特別鍾意佢個汁力好好 連埋刀削麵一齊一流另外炭燒雞扒好似都係舖頭另一款招牌菜之一炭燒雞扒外皮煎得好香脆 而且仲帶微微脆口中間嘅雞肉仲好嫩帶肉汁 調味亦都啱啱好🔥超級鍾意佢嘅炭燒雞扒 高質______________________________/ 麻香牛脷(3件) / $38另外見其他人有推介過呢款麻香牛脷小食好彩有叫埋 連小食都做得好好 好有驚

佢地既自家製蕃茄湯真係好濃郁好似飲緊西式蕃茄湯咁 仲食到好多蕃茄碎湯底偏橙色 酸酸甜甜 特別醒神開胃 Mikiki呢間分店環境幾好 座位都好舒適✎特級牛魔王 $128 米通拌櫻花蝦 +$10有成條牛骨髓 牛丸 牛肩胛 牛𦟌 賣相已經好靚牛骨髓火炙過 中間既骨髓好香口 牛丸彈牙爆汁 牛肩胛肉比較薄身 煎香之後 食落有油脂香牛𦟌都好腍好入味 有筋既位都唔會太韌強烈推薦大家要試下米通 食落有彈牙既口感仲加上大量櫻花蝦同乾蔥 令湯底更加香價錢雖然唔係特別平 但真係物超所值 好大碗芝士澳洲和牛漢堡扒 $82漢堡扒好大塊好厚身 食落牛味香濃 肉質又唔會嚡 係優質既漢堡扒上面仲有片半溶芝士 勁惹味 配左煙煙韌韌既烏冬都好掛汁 麻香牛脷 $383大塊厚切牛脷 外表微微煎香食落就好腍身 配埋麻香醬真係好滋味蘋果茉莉大紅袍/香橙桂花龍井 $12呢度既冷泡茶加入左果香 無額外加糖飲落都比起普通茶多層次 可以一試

一向都鐘意食番茄，咁啱朋友推介”蕃茄仔”，一於試試佢😍一碗嘅份量都好多，有多款麵底可以揀，朋友揀左刀削面，我就揀左烏冬，都好煙韌彈牙👍🏻 番茄湯底濃郁，食面個陣掛汁程度直逼撈面😂😂😂 啖啖香濃番茄味🍅，啱晒我口味🤤佢哋嘅餸都好吸引，有鰻魚，和牛𦟌，和牛漢堡扒，雞扒，豬扒等等，仲有多款配菜可以加配~ 朋友揀左輕烤鰻魚，一上台有俾佢嘅份量supprise到~ 有兩大件鰻魚😍 烤到略帶焦香，齋睇顏色已經好吸引🤤 味道真係唔錯👍🏻我揀左牛魔王，牛肩胛同和牛𦟌嫩滑，牛味都算濃~ 鐘意食牛嘅仲可以揀特級牛魔王，除左有牛肩胛同和牛𦟌，仲有牛骨髓和牛丸，啱晒每樣餸都想試下嘅人👍🏻

我自己好鍾意食蕃茄🥫湯底，呢一間蕃茄仔喺九龍灣都有分店 蕃茄湯底極度濃厚，我本人勁鍾意，今次就帶朋友試吓新蒲崗呢一間分店！蕃茄仔主打係蕃茄🍅湯底，用上大量新鮮蕃茄、洋蔥、西芹同豬骨 熬製而成， 再配上唔同種類肉類 同面底 ，再加上蔥蒜而成晚飯有晚市套餐，除咗麵食之外，仲包含飲品同小食，更加豐富！我叫咗特級牛魔王配烏冬有安格斯牛肩胛、澳洲和牛展、和牛肉丸同牛骨髓 牛骨髓油香十足 好滑溜 配上彈牙嘅烏冬 同埋超濃郁蕃茄湯底 又甜又好飲 忍唔住飲晒成碗蕃茄湯！小食~忌廉蟹肉薯餅 外脆內嫩，新鮮熱辣，正🌹至於朋友叫咗個大滿足豚三寶 配刀削麵小食要咗煙燻芝士 增添鹹香味道豚三寶有豚肉片、豬扒同豬軟骨 最欣賞豬軟骨 燒得有啲焦香 肉味十足！飲品叫咗可樂同埋無糖果茶～配上熱辣辣嘅麵，正❤️甜品係朱古力蛋糕，飯後一甜甜～！

餐廳門口紅卜卜，用自家鮮茄🍅濃湯嚟做主打。未食就已經feel到好健康。Menu📜 主食都算多選擇。麵底更加有上海麵、刀削麵、葛絲、稻庭烏冬、米製通粉拌櫻花蝦。影張全家幅先📸特級安格斯牛肩胛🐮（$154）稻庭烏冬甜品：朱古力蛋糕🥧湯底堅係濃湯，食到擔擔番茄肉🍅。安格斯牛肩胛有4大塊，真係想講食牛肉🐮有牛肉味🐮🤣🤣特選小食：忌廉蟹肉薯餅🦀唔好睇佢細細嚿，食落口好creamy。 完美咁將忌廉同蟹肉🦀mix 埋。輕烤厚鰻🐟（$90）刀削麵估唔到厚身鰻魚🐟放喺番茄🥧湯度係咁夾。啖啖肉好滋味。脆炸芝麻雞翼🐔 / 2隻 （$38）雞翼永遠係小食嘅靈魂。脆口得嚟又夠芝麻味。SAGE 冷泡茶系列：白桃烏龍（$18）青漉 茶走茶味濃，飲落口夠哂滑。----------蕃茄仔 新蒲崗太子道東638號Mikiki地下層7A號舖

鋪頭主打用料靚，用上安格斯。Lunch 一行4人食，呢個牛魔王牛肩同牛𦟌各2片。牛肩肉質結實，肉味亦濃。刀削麵一般，冇人講到好煙韌，同埋份量唔算飽滿，女性或者會岩岩好。或者可能換下轉葛絲會好d，會吸收個蕃茄湯底既精髓。餃子一般，一碟4隻，一人一隻好快食左，個皮唔夠乾爽，少少濕身。蕃茄湯底雖然望落去好稀咁，但飲落清甜，唔似大牌子有好勁既茄膏味。總體價錢頗高，或受啟德發展影響，mikiki 食物價錢有上升鄒勢。如果將來考慮推出午市套餐應該可以吸引到多d人。

鍾意食蕃茄嘅朋友千祈唔好錯過呢間餐廳，人如其名🫡經過餐廳已經聞到超濃郁嘅蕃茄味😍真係好吸引😋之前已經食過，今次想食佢嘅拌麵😉Menu唔算好多選擇，但每款都好到位，豬，牛，雞，鰻魚同漢堡扒都有得揀👍🏻非常好！叫左個小食-日式煎餃子🥟開一開胃先😚細細一隻易入口，而且即煎好香口🥰重點黎啦😳特級牛魔王，呢個有齊牛肩胛，和牛𦟌，和牛肉丸，牛骨髓，樣樣真材實料🤤啖啖肉，個牛骨髓好正，真係原骨上🫡另外，我哋揀左麻香惹味拌麵，勁惹味，辣度又剛好！仲可以揀配料多少（例如乾蒽、香蔥）呢個真心值得讚🫶🏻再黎多個芝土澳洲和牛漢堡扒，和牛漢堡雖然好日式，但原來都好襯麻香惹味拌麵，我仲叫左多乾蔥，多蔥😉勁香勁好味！餐廳仲有本地製嘅飲品，叫左清漉。茶走同清漉。千里烏龍，兩個都出色🤭大家經過一定要試吓啦❤️

難得見到有新鴻基商場係今日目的地附近，當然要入去消費啦！呢排大魚大肉得多，今日選擇食麵～牛魔王 $94蕃茄湯底杰身，揀刀削麵非常掛湯！蕃茄湯唔似大部分餐廳嘅味道，我覺得似餐湯味，我比較喜歡這個！有三塊牛𦟌同好幾塊牛肩胛，好不姑寒肉非常多！加左$12特濃煙燻芝士，d芝士好香～大滿足豚三寶 $90都係刀削麵，+$3轉麻香惹味拌麵，唔係好麻好辣，岩晒我呢d想食呢陣味又唔食得辣嘅人！好惹味！本身蕃茄湯果個加左$12嘅65度有機溫泉蛋，諗諗下試下放呢邊撈麵，成個味道提升左更惹味！肉有一大塊豬扒切條，好幾片豚肉片，二舊豬軟骨，豬軟骨好大多肉，好腍好入味！豚扒好香，係茶餐廳煎得好香嘅味道，又腍，飽到死我地都想食晒佢啊！反而呢個可以唔洗加芝士，因為成個味道好到不得了！凍無糖蘋果茉莉大紅袍 $12似係平時買開嘅樽裝茶，好飲，解濟一流～我覺得因為有呢杯茶令我食晒成碗麵！凍奶茶$28係銀都冰室產品，茶味比較濃，唔會太甜，不錯！兩碗麵味道都好好，竟然食完之後三四個鐘一啖水都冇飲過，都冇口渴過！出門口飽到一個點😆回頭指數：⧭ ⧭ ⧭ ⧭ ⧬抵食指數：⧭ ⧭ ⧭ ⧭ ⧬環境指數：⧭ ⧭ ⧭ ⧭ ⧬

👫 RED OBJECT#JM九龍 🪬推薦度：8/10 👁️‍🗨️ 燒雞扒蕃茄湯刀削麵💸$68 🧸性價比：8/10OMG‼️望住個蕃茄打成蓉再變成面前呢碗蕃茄濃湯🍅感覺好新鮮好天然🍃雞扒燒到無哂肥肉🐥雞皮脆卜卜😍最後係飲左大半碗湯😂超級推介，真係好好味☺️鍾意食蕃茄嘅朋友，值得一試🥸📍 蕃茄仔 (新蒲崗)新蒲崗太子道東638號MikikiLG層7A號舖⏺️⏺️⏺️⏺️⏺️⏺️⏺️⏺️⏺️⏺️