蕃茄仔

营业中

休息中

位於Miki 的「番茄仔」係一間新開主打番茄濃湯的小店：有齊豬牛鴨雞海鮮素食。套餐提供多款麵條🍝或可以改拌麵🍜做基底。飲品有花茶/奶茶…。聴店員介紹湯底每日以幾十斤純新鮮蕃茄製作，同其他店舖加茄膏的湯底不同，純天然不含味精。牛魔王刀削麵套餐$130～厚切牛展，牛肩size正常。牛展肉味極為濃厚，軟嫰香口。牛肩肉唔韌充滿肉味。～本周特選小食～忌廉蟹肉薯餅，炸得外脆內creamy又唔油膩。～無糖蘋果茉莉大紅袍凍飲🥤～甜品蛋糕🍰爆趣吉列豬扒上海麵套餐$96～吉列豬扒好大塊，炸得香脆又保留豬扒juicy。～SAGE冷泡白桃烏龍茶脆炸芝麻雞翼（2件）$38，本地鮮豆腐$12，翡翠萵筍$12小食有多款選擇，雞翼外皮脆卜卜，雞翼嫩滑。鮮豆腐萵筍正常。

呢日夜晚同屋企人去左屋企附近呢間新開既餐廳食dinner，呢間餐廳係專賣蕃茄湯麵，完全係為我而設！打開餐廳，見到呢度啲野幾抵食！餐廳用ar code 落單，好方便。我地一人點左一個餐，首先係呢碗蕃茄輕煎三味鴨刀削麵，湯底係滿滿既蕃茄燶湯，仲加左啲蛋落去，勁入味吸引。另外，屋企人點左蕃茄鰻魚刀削麵，鰻魚好新鮮，肉質爽脆。套餐仲跟埋小食同埋甜品，好豐富。飲品方面，呢度都有幾多選擇，除左有汽水，仲有樽裝港式奶茶！

以蕃茄為主題的餐廳不多每區總有一間小編之前係銅鑼灣食過蕃茄仔都幾正 佢現在開左兩間分店一間係新蒲崗 一間係九龍灣小編就去左新蒲崗 貪佢巴士直達不論小編點咩配料的麵食重點都應該係個蕃茄湯底個湯底好香濃蕃茄味佢亦都冇特登隔晒蕃茄蓉因為咁樣更加可以掛到麵上面亦可以令到個湯有口感個湯係幾OK牛魔王(牛肩胛+和牛𦟌)配刀削麵牛肩胛肉味濃香和牛𦟌煮得好淋 一咬就開 而且因為肉味都好重刀削麵掛到湯汁之餘又有口感炭燒味風味雞扒配烏冬雞皮煎得好香脆 咬落去脆卜卜雞扒脂肪吾算多 雞扒肉都好淋烏冬幼細 完全融入茄湯之中小食麻香牛脷：煎到勁香，又淋，配埋小小麻多多香的麻香汗超正嫩滑雞胸：雞胸薄薄地煎到香脆，好似食雞肉脆片咁

蕃茄控attention🤩, 喺Mikiki樓下li間蕃茄仔主打鮮茄濃湯麵, 即係啖啖都食到蕃茄咁正~ 我揀左特級安格斯牛肩胛稻庭烏冬. 加左$就90蚊一碗, 都好大碗抵食, 牛肉大塊鋪滿碗, 驚喜係切得厚身肉味香濃易咬; 烏冬掛滿蕃茄濃湯好好味, 每一啖都充滿茄蓉會唔會勁健康呀. 成碗湯KO哂完全無口渴感,推介!🍅老公食麻香撈烏冬, 揀左加拿大無激素豚肉片, 好足料充滿麻香,係食落刺激味蕾嘅麻味👍🏻. 豚肉片一咬就食得, 加埋店家嘅特製激辛肉醬更加有風味呀.🍅長假期後收工特別餓, 嗌左幾款小食: 忌廉蟹肉薯餅必食係真嘅, 現炸薯餅好脆好味.🍅QQ芝士年糕好多日式鋪頭有得食. Li度都有得食👍🏻, 店家仲要細心為我地剪半.🍅本來order奶茶都唔知佢來頭, 原來係來自華富邨一間出名嘅冰室, MIHK C物奶茶特別靚！

超濃郁蕃茄湯麵專門店😆 銅鑼灣及九龍灣都有分店～餐廳環境乾淨企理，食物選擇豐富，質素很不錯，好受街坊歡迎，店員十分友善🥰 用QR code自助下單二人消費：$297（不設加一服務費）💖食評💖𝑭𝒐𝒐𝒅牛魔王 配上海麵 自家鮮茄濃湯 ($94)✨ 牛肩胛+和牛𦟌蕃茄湯底超濃郁，好好味👍🏻 麵條好入味，配上大大塊牛肉，好滿足🥰 和風豬軟骨 配稻庭烏冬 轉麻香惹味拌麵 ($78 +$8 +$3)✨ 十分推薦轉拌麵，麻辣味一流！🤤 👍🏻 鋪滿木魚絲 更惹味，豬軟骨份量好多，煮得好軟腍又入味🥰 Mini日式煎餃子 ($32/4件)✨外皮煎得好香脆，好味😍 65度有機溫泉蛋 ($12/隻)✨必點！溫泉蛋撈麵食一流😍𝑫𝒓𝒊𝒏𝒌SAGE冷泡茶系列-白桃烏龍 (+$18)✨SAGE冷泡茶系列-桂花烏龍 (+$18)✨Sanpe1legrino-法國血橙 ($22)✨

新一年第一日假，梗係要出外走走，今日去左新浦崗睇戲。買好飛就行左去對面Mikiki 搵食，最終比呢間主打蕃茄濃湯既🍅蕃茄仔吸引左。新年食豐富啲，叫兩個最勁既。🔥🔥呢度碗碗湯底都係橙紅色，真材實料，用左新鮮蕃茄、豬骨、洋葱等等熬出濃湯。可以掛上我地叫既葛絲同刀削麵，特別係葛絲，索哂啲湯汁。特級牛魔王，有加勢油香豐富既牛骨髓、juicy 既和牛丸、 蛋白質豐富既和牛展、軟腍肉香既牛肩胛。大滿足豚三寶，有膠質豐富的豬手肉、軟腍的豬扒及豚肉片。加多個嫩滑雞胸，豬牛雞我地都試哂，雞胸都好出色，煎到金黄色，脆口嫩滑。仲有滑滑蛋香溫泉蛋呢度飲品選擇多又特色，香甜桂花冷泡烏龍茶，清漉x老字號銀都冰室。經典茶走，茶香奶滑。😋蕃茄控絕對唔好錯過。

之前食過一次九龍灣店念念不忘那個蕃茄湯底同牛肩胛一直想再食「蕃茄仔」但自從轉工後一直都未有機會食到銅鑼灣店永遠都多人排最近又比較少去九龍灣工商區不過剛剛聖誕正日去新蒲崗發現原來喺Mikiki開咗分店反正果日又無預訂其他餐廳一於就食佢來慶祝聖誕節傳說中嘅蕃茄湯底幾稠身濃度有點像蕃茄蓉健康湯底　既不油也不咸舀起一匙蕃茄湯　先喝一口　幼細嘅茄蓉　質感非常濃郁入口茄味帶點鮮甜而不酸　口感有新鮮蕃茄嘅清甜　味道天然絕對係真材實料　果然名不虛傅最近又有改良版的蕃茄湯底 濃稀度控制更好//麻香牛脷(3件) $38//這個小食真心有驚喜　牛脷很軟腍　口感有少少麻但夠惹味　//Mini 日式煎餃子 $32//煎得非常香口　外皮煙韌　餡料足料　點酸甜嘅餃子汁吃味道更佳//大滿足豚3寶刀削麵 $90//刀削麵好掛湯　口感煙韌 同蕃茄湯好夾豬扒夠嫩醃得非常入味 係三寶入面最出色薄切豚肉片嫩滑　豬軟骨好入味　外面燒至微焦 肥膏位軟稔//牛魔王上海麵 $94//牛魔王有安格斯牛肩胛同牛展牛肩胛最正　牛味濃郁　肉質軟嫩而牛展亦有牛味 口感有入口即溶嘅感覺上海麵薄而幼身　食落軟滑可口　十分掛湯//千里烏龍 $18

中午去Mikiki食Lunch，見到新開咗蕃茄仔 Red Object。之前都有朋友去銅鑼灣店食過，話排晒長龍，估唔到會喺新蒲崗開分店啵😬！好彩平日唔算人多，一於同同事過嚟試試先💁🏻‍♀️！用電話自助落單📱，唔怕呀姐落錯單！是日餐單👇🍜牛魔王套餐 (特級安格斯牛肩胛+牛𦟌) $92茄湯偏向橙紅色🍅，睇落就知落足料，唔係稀lunlun嗰啲！而味道就酸酸甜甜，齋飲湯都唔會話好咸👌🏻！要讚吓佢個牛肉厚切得嚟都整得夠稔同入味，啖啖肉好滿足🤘🏻！我加咗8蚊將個麵轉咗葛絲，類似日本粉絲，幾Q彈又好掛汁，每啖都吸晒啲蕃茄湯🍅。不過好飽肚，堅飽！🐃麻香牛脷 (3大塊) $38佢用咗炒香咗嘅紅油，都有啲麻辣🥵大大塊牛肉，小食嚟講都算合理價嘅！🥟Mini日式煎餃子 $32 正路嘢！幾香口，不過不失！🍹白桃烏龍冷泡茶 跟餐+$18幾好飲喎🫶🏻！白桃味清甜又唔會太濃茶味，可以Refresh吓頭先啲重口味！我同事就嗌咗特級安格斯牛肩胛套餐$82🍜同法國血橙汁$22🍹。餐廳小店都可以嗌到枝裝血橙汁，幾好喎！見佢除咗麵食多選擇，飲品都幾有誠意，有茶、果汁，仲有樽裝茶走、奶茶、咖啡，樽裝先係好嘢呀👍！希望下次嚟有機會食

今日黎miKiki搵嘢食。見到red Object喺依度開咗新分店，即刻衝嚟試吓先。🥢慢火澳洲和牛𦟌刀削麵 - $124-加嫩滑雞胸-加翡翠萵筍-加熱蘋果茉莉大紅袍個湯底真係好濃郁，每啖都有新鮮嘅蕃茄用。牛展厚身，一咬即爛。雞胸係煎過嘅，有少少燶邊，真係好正，再沾一沾個蕃茄湯，更加好味。🍲炭燒風味雞扒刀削麵 - $172-加麻辣牛脷-加豆腐-加日式煎餃子-加有機西柚汁雞扒幾滑，個被濺到幾趣。豆腐都好滑，但冇咩味，要吸一吸個湯底先得。餃子煎得啱啱好，每一個一小口。麻辣牛脷唔算特別辣，係有少少麻，每一片都好入味，而且夠淋，推薦！

超濃郁蕃茄湯麵專門店，有3間分店，蕃茄湯控可以一試💛.✅番茄湯相當濃厚，質地似蕃茄蓉再濃啲，食到粒粒蕃茄碎，味道好蕃茄但酸少少，應該無咩加糖，原汁原味✅可以揀唔同麵底（上海麵/刀削麵/烏冬…)✅豚三寶有豬扒、豬肉片、豬軟骨；豬扒煎香左先放落湯✅ 刀削麵掛湯，好Creamy既湯底，夾麵食會見到細碎粒粒蕃茄.❌枱比較窄，如果唔多人就ok，多人就覺得有啲迫❌小食種類較少，好似得3樣左右款式❌飲品無特惠價，叫麵食都要以正價加配飲品，如果有Set會覺得抵食啲❌只得蕃茄同麻香惹味拌麵兩種款式湯底，唔食蕃茄既就無咩選擇了 .🍴Order左既菜式：大滿足豚3寶$90 輕烤厚鰻$90-烏冬(+$8)-轉麻香惹味拌麵(+$3)Mini日式煎餃子 (4件) $32清漉。咖啡$28SAGE冷泡茶系列-玫瑰烏龍$18

同朋友👱🏻一齊喺新蒲崗，行咗入呢個商場搵嘢食，經過呢度，店員姐姐🧍‍♀️介紹話有新鮮蕃茄🍅湯底好健康，咁我哋就決定入去試吓😆「自家鮮茄濃湯 牛魔王 $120 （加 特製激辛肉醬、轉烏冬、要多蔥)」：首先梗係要講吓個蕃茄🍅湯底，食到好多蕃茄蓉，有蕃茄🍅清甜味道，少少creamy 幾輕身😋；「牛魔王」係「和牛𦟌」同「牛肩胛」，兩樣都幾好牛味，亦都肉質軟熟😆；「烏冬」滑脫脫，掛滿蕃茄湯🍅，好味😋；「特製激辛肉醬」啖啖肉😆「自家鮮茄🍅濃湯 大滿足豚🐷3寶 $96 (𨍭葛絲)」：豚3寶🐷包括 豬扒+豬手+豚肉片，都好食，其中豬扒🥩煎香咗😆；「葛絲」亦都係 滑脫脫 仲有少少彈牙😋「翡翠萵荀 $12」、「健康鮮淮山 $12」、「秋葵 $12」：全部放埋一碟，新鮮、爽脆、簡單好食😋「清漉。奶茶 $28」：樽裝上，幾香滑😋「無糖蘋果茉莉大紅袍（凍）$12」：完全唔甜，清新😋

濃郁蕃茄湯底-蕃茄迷一定要捧場!十二月份涼浸浸，晚餐想找一些不是太貴又最身的食物，去到Mikiki地下近一田有很多餐廳，本身打算食譚仔，不過過節想有點驚喜，於是到隔離的小蕃茄Red Object 食，$100左右有一個套餐，價錢OK。.我和朋友都很喜歡吃牛，於是就都叫了牛牛套餐。見到湯底橙紅色的十分吸引，淡淡都有濃郁的蕃茄味，湯底比較稠身，感覺似西式的南瓜湯加入蕃茄，一口飲下去滿滿都是維他命的新鮮感覺。我們食的是特級安格斯牛肩胛刀削麵、慢火澳洲和牛牛𦟌上海麵、牛魔王刀削麵；最讚的是牛𦟌，超級超級超級厚切，厚厚的一片可比鋸扒更享受；牛肩胛牛肉味濃郁，而且都是選用比較瘦的牛肉，感覺更加健康。.套餐包一款小食，特製激辣肉醬辣得很過癮；法國煙燻芝士直接放在牛肉麵上，有拉芝的效果；忌廉蟹肉薯餅有2塊，脆香脆香的；其他選擇有是日新鮮沙津、濃厚蛋花湯底。當然也有其他小食包括Mini日式煎餃子 （4件）、野生雜菌。.套餐是包可樂及甜品，今日甜品是提拉米蘇。很full set 又維他命滿滿的一餐！

番茄仔的招牌番茄湯底，以新鮮番茄，加上豬骨及多款菜蔬及香料，長時間熬煮，攪碎再隔渣，番茄湯底濃稠得好像煮意粉的番茄醬，番茄愛好者不可錯過。番茄與牛肉是絕配，牛魔王已經包括牛肩胛與和牛展，牛肩胛大大的薄片，入口軟嫩，牛味十足。和牛展厚片炆得軟腍鬆化，最合對牛肉情有獨鍾的人。特濃煙燻芝士份量剛好蓋過牛肩胛及和牛展，煙熏香氣令牛味更為突出。稻庭烏冬口感較為煙韌彈牙，值得加錢轉食。萵筍切成厚片，清爽嫩綠，鮮淮山含有黏液，鮮味有營。香橙桂花龍井香味馥郁持久，茶色清綠明亮。

去mikiki行完一輪就搵左間食蕃茄湯底既餐廳落腳醫肚選擇款式同配搭多樣化，仲可以手機落單，方便快捷～同朋友各自點左一碗湯麵、一款小食、一份溫泉蛋同飲品；）我點既係「輕煎三味鴨」配葛絲～鴨肉香嫩，葛絲煙韌掛湯！！！每啖都充斥住鮮茄既酸甜滋味：）朋友既係「芝士澳洲和牛漢堡扒」配刀削麵，朋友話和牛漢堡扒有香濃既牛肉味，粗身既刀削麵條食落都唔差～小食就兩份share「日式煎餃子」不過不失，「麻香牛脷」反而有驚喜，惹味得黎，質感香軟～一致認為「有機溫泉蛋」是必選單品xpp呢款有機西柚梳打飲落好爽又解膩，正！！

今天去一田時發現位於新蒲崗的MIKIKI原來還有好幾間食肆, 一向喜愛食蕃茄的我就選擇了蕃茄仔午餐, menu 可謂應有盡有,琳琅滿目。點了雞扒蕃茄湯櫻花蝦米通粉,材料很足, 蕃茄湯口感順滑, 味道新鮮濃郁 和香煎雞扒 櫻花蝦很夾。這種口味是女生的最愛。 朋友點了即炒的小菜野菌,非常有鑊氣可口,食落新鮮,很不錯, 而淮生秋葵清新,加上涷蘋果烏龍茶剛好可以中和一下味蕾,這些健康食品對身體有益,又可以保暖。地理位置鄰近巴士站亦好方便。😄😄衛生: *****服務: *****環境: *****