薄荷葉泰國菜

营业中

休息中

泰國菜again！！！今次同我嘅親親同事sss，嚟到呢間喺元朗劇院附近嘅薄荷葉。淨係睇餐廳裝潢，氛圍都好似泰國，我哋坐喺店外位置，除咗一般6人枱之外，仲有高少少嘅兩人枱，飲酒傾計一流！（重申：我係酒精廢人，唔飲酒）員工好nice，會介紹有咩好食，上菜嘅時候，會同我哋講果味菜要點食先好食👍🏻問咗我哋幾次好唔好味，我哋都講咗幾次真係好味。泰國嘢一般偏濃味，呢度真係唔會，所以會再encore👍🏻👍🏻多口問左餐廳可唔可以帶狗狗嚟，佢哋話可以，同埋最好唔好坐櫈小狗狗可以坐車車，好似我家Daisy咁🙈🙈

今次嚟到元朗食晚飯，想搵吓附近有咩好出名嘅泰國菜食，喺OpenRice見到呢一間薄荷葉好多好評，所以就決定來試一試有幾好食。呢間薄荷葉顧名思義雖然係泰國菜，但同事之間佢亦都係一間吧，地點好chill，有戶外同戶外，裝修亦都好靚，好適合同一大班朋友來談天喝酒。今次有四個人嚟食，我哋叫咗一個二人餐，因為好想試吓佢嘅椒鹽魔鬼魚，個晚市套餐好抵食，有肉碎生菜包，泰式燒牛仔骨，椒鹽魔鬼魚和炒時菜一碟，份量亦都好大份。生菜包好泰式，辣到適中，生菜亦都好新鮮，肉嘅份量都好多。叫咗一碟炒芥蘭，作為一個二人餐，都係一個好適合嘅份量，用咗一啲馬拉盞嚟炒，所以都有少少辣， 10分好吃。醬料都有好多款，每款醬汁用來舔唔同的食物， 10分特別。來到重頭戲，就是椒鹽魔鬼魚，唔係度度都有得食㗎，呢一條魔鬼魚炸得好入味，雖然有啲鹹，但是用來送啤酒是一流。依個牛仔骨，份量都好大碟，二人餐都有六七塊，而味道亦都唔差，同埋好入味。嘢飲揀咗椰青同埋泰國生啤酒。雜錦串燒，有六串，份量都好大，啲肉燒得好好吃。仲有呢一個泰式米子卷，呢個都真係幾特別，因為個餡係三文魚嚟，配合埋米子卷10分好吃。最後就係呢一隻火焰雞，睇圖都覺得佢好好

元朗一直都有好多泰國餐廳，稍為麻麻地嘅都好難留得耐，同朋友之前傾開計知道有間泰國餐廳都唔錯，氣氛好好，嘢食都好有水準，不過佢話佢已經係幾年前食過😂所以我就同屋企人一齊就去試下到底係唔係仲好似我朋友所講咁好食haha呢間餐廳就唔係雞地或者大馬路附近，而係元朗劇院後邊，對住一個住宅屋苑嘅位置，行入去都會經過車房果條街，夜晚都比較靜。行到附近見到d射燈同埋泰文嘅音樂，我就知道我地行到了。室內鋪面唔算太大，大概有10張枱左右，但佢同時都有室外嘅位置，有高枱俾人飲酒吹水，都有正常嘅餐枱。可惜當晚戶外位置都坐爆哂，最後我地惟有就坐室內，不過室內裝修都好有泰式風情，天花掛嘅燈籠五顏六色都好靚架！餐牌上邊食物種類都好豐富，仲有香港比較少見嘅魔鬼魚～～我地一見到就話一定要叫嚟試下，飲品方便除咗椰青之類，酒嘅款式都唔少，生啤同一D少見嘅水果味手工啤都有，好適合大家一邊食串燒一邊飲啤酒吹水！我地叫咗一份二人餐，再另加咗米紙卷﹑串燒同招牌火焰燒雞。二人餐份量比我地想像中多好多，先有一份肉碎生菜包，香辣肉碎嘅調味剛剛好，用嘅紙洋蔥都好新鮮好香（雖然食完會口臭haha）本身想揀燒豬仔脾，點知賣哂lu，所以就揀咗燒

食物還可以，但服務態度差強人意，加上隱藏式被逼消費實在壞左成日既心情。點菜時waitress 黑口黑面，想要杯水sorry只有氣水盛惠28蚊支...點左木瓜沙律，冬陰功湯，木桶飯，紅咖喱同薄餅。木瓜沙律一般，冬陰功湯好味，薄餅配紅咖喱都ok，至於木桶飯上黎時已經一早涼左...埋單時先知一入座時直接上左好細碟既開胃菜（？？）係要額外比錢...我地無點自動上又唔通知係會額外charge，餐廳咁樣做生意真係擺明揾顧客笨？疫情生意難做，但都唔曬咁gua？食物：3星服務：0星價位：0星，overcharge總結：第一次黎，無下次

My favorite Autumn 🍂 festival coming, i want to find some Thai food to eat. Covid-19 turns better, I dated my friend in this restaurant. The environment is super nice, embraced by beautiful lighting. The decoration has the strong feeling of Thai.The hygiene is very good too. You must take the temperature and conduct hand hygiene before enter the rest.This cost $12. You need to tell the waitress if you don’t want it.椰青～ fresh drink ! Cost $45 acceptable 班闌curry with chicken 🐔 ~ it is not spicy🍆茄子

除左日本之外，泰國係我第二個最掛住的地方，所以同朋友都想尋找好味的泰國菜試試。今次來到薄荷葉餐廳，餐廳分室外同室內，而裝修非常有泰國風味，店𥚃還播著泰文歌，氣氛很好呢！冬蔭公湯冬陰功湯酸酸辣辣，非常開胃。而且非常足料，蝦肉鮮甜彈牙，飲完想再飲呀！軟殼蟹咖哩加薄餅軟殼蟹不但份量多，而且軟殼蟹唔係得個殼，而係啖啖都是肉，炸得脆卜卜，真係好有驚喜呀！另外黃咖哩香口得黎帶點微辣，加埋酥脆而不油膩的薄餅，絕配，下次可以再encore!!!泰式炒金邊粉金邊粉賣相非常吸引，店員送上金邊粉時會建議客人把碟上的配料撈勻再吃。麵上插了一條大蝦串，麵質彈牙，辣味和甜味調校得剛剛好，好吃!!!薄荷葉真是一間性價比高的泰國餐廳，食物好吃，服務態度很好，環境不錯，有機會會再來試。

講到喺元朗高質素嘅泰國菜館又點少得呢間《薄荷葉》呢？呢間餐廳位於近馬田新開嘅元朗體育館對面由於播有強勁節拍嘅音樂 加上色彩繽紛嘅燈光好容易就會發現到餐廳嘅裝修非常有泰國風味掛有特色嘅燈籠 非常之有旅行feel喺疫情先下可望梅止渴餐廳嘅食物質素相當高 擺盤亦非常用心呢一個《泰式生蝦》採用新鮮嘅海蝦 生蝦要夠新鮮蝦肉才會彈牙爽口泰式生蝦上已淋上蒜蓉辣椒酸汁 非常醒胃醒神加上生蒜片更加惹味如果食得辣的話 記得加入少少青辣椒蒜蓉酸汁 食起上嚟陣間醒神再來一個醒神嘅《甜柚鮮蝦沙律》酸甜嘅西柚配上醒神嘅泰式酸辣汁加上爽口嘅銀芽 感覺相當之清新大蝦蝦肉鮮甜係一道相當醒神嘅開胃前菜另外嘅《肉碎生菜包》 亦同樣出色肉碎加入咗辣椒 蒜頭和九層塔同時亦用上咗大量紅蔥頭以及芫茜起來除咗口感豐富之外 味道亦相當具層次生菜非常新鮮 翠綠兼且爽脆包住泰式肉碎嚟食令人垂涎三尺味道令人印象難忘至於《泰式炒金邊粉》可謂每次食泰菜的必點項目這間餐廳的泰式炒金邊粉賣相高級用薄薄的蛋皮包裹住熱辣辣的金邊粉金邊粉用上咗羅望子醬汁食起來帶酸帶甜 非常開胃鍾意酸辣嘅朋友記得要加少少辣椒乾以及青檸汁食來會更加惹味加上韭菜和銀芽 除咗係

最近宅在家太久，今日聽朋友推介特意來元朗圖書館來嘆富濃濃泰國風情嘅泰式菜。餐廳分內室外室內，外面高吧櫈再加上店的佈置裝飾令人有在泰國曼谷芭提雅的錯覺，坐着坐着，聽着輕音樂，心情就舒暢起來。點了一個二人餐，出菜速度都頗快。先來了個泰式甜柚蝦沙律，廚師擺碟是有用到心的，碟邊還落了一度葡萄醋，大大隻爽爽脆脆的蝦，配甜厚一塊塊的柚子、切碎沙律菜再加上銀芽，口感層次變得多樣化起來，甜甜酸酸好醒胃的一度餐前菜。每隻豬仔脾都貼心地以錫紙包住免弄髒了手，每隻豬髀都燒到香噴噴，皮上該搽了蜜糖及泰式鷄醬而光亮光亮的，味道甜甜酸酸好有泰式風味，肉質控制得剛熟不嚡。主菜點了特色的椒鹽魔鬼魚，未食過，故要試試。魚炸得脆脆的，無魚腥味，肉不是太厚，不如黃花般碎， 削，骨軟軟的，店員說可以食埋的，感覺就如食鷄或骨軟骨那麼，椒鹽令味道咸咸香香的，感覺幾得意。菜選了炒茄瓜味道很正宗，用新鮮金不換，蒜，泰醬，彩椒同炒，色彩誘人，味道多樣，茄厚切，有咬口。最後，飲住石榴特飲及青檸梳打，邊傾計邊聽歌，坐坐下有種在泰國旅行的感覺，愉快舒心。

小妹最愛食泰菜，今日同友人黎到元朗呢間薄荷葉泰菜朝聖，環境時尚得黎不失泰國傳統色彩室內放滿色彩繽紛既燈籠，另有大熒幕同酒吧區，岩哂一班朋友黎chill一番服務員好周到即刻比餐具餐牌同埋前菜我地，好快我地就叫到成枱都係餸呢碟前菜係泰式辣汁配青瓜紅蘿蔔，酸甜辣味組合既味道好醒胃呀柚子蝦沙律🥗貌相精緻，微甜柚子汁配鮮蝦、花生🥜、車厘茄、洋蔥，口感十分清新鮮蝦冬蔭公湯 湯內放滿蝦、秀珍菇、香茅、青檸葉等材料，份量十足，湯味道濃郁，小妹忍唔住飲左三碗好惹味呀！泰式菠蘿炒飯有異於一般原隻菠蘿上碟既菠蘿炒飯，呢度用木桶做容器，份量夠哂多絕對唔會輸蝕肉鬆、腰果、紅蘿蔔、菠蘿好足料，飯粒充滿薑黃同菠蘿香味，好味到小妹停唔到口班蘭咖哩煮新鮮雞平時食泰式青、黃咖喱就食得多，薄荷葉呢度既班蘭咖喱賣點在於佢既班蘭香氣味道偏甜唔會好辣，岩哂唔食得辣既朋友新鮮雞唔會煮得好老，依然滑嫩菠蘿青檸梳打飲品方面，呢度除咗泰式餐廳必有既椰青水、仲有啤酒、特式mocktail,梳打水等，小妹就點左呢個青檸梳打，甜度岩岩好，好清新，解辣一流由環境至服務至食物質素，我同友人都好滿意薄荷葉呢一餐，推介比入黎元朗既朋友仔

星期五終於放工，同朋友約咗去元朗食好嘢。朋友介紹之下，嚟咗呢一間泰國菜餐廳食飯。佢嘅裝修係開放式，有種酒吧嘅感覺。入到去餐廳都播住一啲泰國音樂，都放咗好多泰國風嘅裝飾，個feel真係唔錯。店員好熱心咁介紹有啲咩好食，仲推介左幾款菜單冇寫嘅菜式（雖然我哋最後冇叫到）我同朋友講叫咗菠蘿特飲同啤酒，超大杯好抵飲。前菜叫咗炸雞翼同串燒，店員仲好體貼咁介紹串燒要點醬汁同放香草先好食。我哋跟住店員嘅做法去食，真係好味咗幾倍。特別推薦串燒，啲肉又多汁又嫩，好抵食。主菜食咗牛仔骨，牛仔骨都有特別嘅醬汁去配，醬汁甜甜酸酸好特別，加落牛仔骨更有一番滋味！仲有冬陰功湯，一上菜店員好熱心咁幫我哋分碗裝湯，真係好多謝嗰位店員既貼心服務！我朋友話冬陰功湯最好味，我都好認同，湯又多料又足味，下次再嚟一定會再叫呢碗湯！整體來講，呢間餐廳環境又好、服務又體貼、食物都好好味， 十分推薦各位嚟happy Friday！

前一排同朋友去開元朗，見到呢間餐廳人頭湧湧，所以就決定試一下，結果果然冇令到我哋失望，呢度嘅嘢食同埋員工嘅服務態度都好好😍😍😍冬陰功湯呢度嘅冬陰功湯10分足料，而且香草嘅味道亦好足夠，令人飲極唔停口炸蝦餅呢度嘅炸蝦餅十分彈牙，而且份量好足夠，配埋甜酸醬超惹味春卷呢度嘅春卷炸嘅時間啱啱好，所以咬落超級鬆脆，調味都啱啱好金邊粉知道既金邊粉份量超大碟，而且賣相好靚，真係啱晒打卡，令人好滿意泰式鳳爪呢度嘅泰式鳳爪做得好入味，令人食極唔停口，越食越開胃

無得去泰國，唯有食下泰國菜止癮。首選元朗既薄荷葉。環境舒適，坐得闊落，而且泰國菜都幾有水準。推介佢既炸蝦頭，一碟80幾蚊有8粒，炸到金黃色，熱辣辣又夠脆。肉碎生菜包仲係我必點，肉碎好入味，一啖生菜包放入口，好滿足!

上個月同男朋友去咗一間泰國餐廳慶祝我哋拍拖紀念日，7點左右到達，餐廳係開放式燈光偏暗另外餐廳裏面都會播着音樂，好有情調浪漫係約會既好選擇餐廳都有提供一啲開胃小食我哋叫咗兩杯特飲，一杯西柚味嘅corona,味道唔會太甜，又唔會飲到好苦嘅啤酒味另外一杯就係梳打利賓納我哋嗌左一條泰國青檸魚，魚嘅肉質好滑，而且唔會好似外面有啲肉質餐廳會好實另外菠蘿炒飯同埋馬拉盞炒芥蘭我好鍾意既，個炒飯裏面啲料好足，啲飯又唔會濕立立最後仲有一個雜錦嘅小食拼盤，最出色嘅應該係個蝦餅同魚餅完全冇油膩嘅感覺

自家制炸蝦餅 ($88)• 外皮口感香脆，油炸的程度剛好，没有油膩感，包裹著彈牙充實的蝦肉。• 內𥚃的蝦肉富有彈性，充滿蝦獨有的鮮味，跟香脆外層互相配合，口感豐富。廚師特色蝦醬炒飯 ($138)• 首先值得一讚的是賣相十分有心思，甚少見到這麼精緻的泰國菜。• 炒飯的配料甚多分成幾部份，最頂的是有機香草、一串三隻經過燒烤處理的鮮蝦、一片魔鬼魚乾，繼而是包裹著炒飯的網狀雞蛋，旁邊的是各式各樣調味配料，在吃之前需要自己動手把配料來個大兜亂。• 味道層次相當豐富，蝦醬的味道不會太突出，咸度主要來自那片魔鬼魚乾片，吃的時候要盡量弄碎配料才能均勻。咖哩大蝦 ($238)• 極力推薦這道咖哩✨香口的咖哩非常惹味，而大蝦亦交足貨。• 大蝦經過開邊處理，蝦肉吸收了香濃咖哩的惹味，加上彈牙有口感的蝦肉，相當滋味。• 把薄餅 (4塊 | $55)浸入香濃的咖哩之內同樣滋味十分。馬拉盞炒椰苗 ($98)• 椰苗口感爽脆，菜葉幼嫩，均勻吸收馬拉盞醬料的味道。

嚟緊有成個禮拜都冇得Happy Hour，把握最後機會，但係都要食飽咗先，俾我哋搵到呢間食完泰國菜仲可以慢慢飲嘢。好，坐低睇吓有咩好食先。椰汁雞湯，好足料，除咗有滑滑嘅雞肉，仲有淡淡芫荽味，酸酸辣辣嘅湯，好開胃。班蘭咖哩，咖喱配薄餅係一流嘅，咖喱配薄餅係一流嘅，薄餅又香又酥，配上咖喱汁，咖喱唔太辣帶少少斑蘭香味，正！什錦小食，泰國嘅炸物，真係炸得好好味，春卷皮薄餡多，蝦餅外脆肉彈牙，仲有四串串燒，好大堆頭。叫咗椰青同石榴特飲，個石榴特飲飲到石榴粒粒，仲好冰爽涼快，好味