薈麵館

营业中

休息中

o甘多好食評，同朋友來一試，點知一齊給味精KO!我地每人叫o左一碗粥同汽水/豆漿，無其他食物。我食食下已經開始有反應，嘴唇乾同口喝。返到屋企飲o左接近1L水... 真係無下次！

好似初起腸胃炎，少痾又肚痛，想食得清啖啲，但對於星期六仍然在金鐘上班的我，實在無啖好食。而且我想食到，就一定要食到，上網查詢到最近的粥店在合和中心「薈麵館」我叫了個粥套餐，有粥加一樣少食，價錢都低食。我叫了爽滑肉丸粥及蛋煎蝦米腸粉。粥十分綿，最正是肉丸真的很滑，而且肉丸內仲有冬菇及蝦，真的是又爽又滑又鮮味。至於腸粉十分有蛋味，而且新鮮煎，外層有點趣。而且粥和腸粉的份量也十分足夠，我還食淨打包了。可以星期六下午，人流不太多，環境靜靜的，十分舒服。

流沙包, 撕 開 包 皮 ， 甜 味 如 火 山 爆 發 、 流 沙 狀 的 奶 黃 如 熔 岩 湧 出 ， 立 即 引 起 口 腔 內 一 陣 騷 動, 傳 出 香 香 甜 甜 的 奶 黃 味 ， 入 口 也 甚 香 滑 ， 而 且 吃 完 不 會 有 甜 膩 封 喉 的 感 覺 爽脆薑蔥鯇魚皮, 晶瑩半透的魚皮，撈了些麻油與醬酒，拌薑葱紅椒，爽的滑的脆的夠嚼勁的, 鯇魚皮，集爽、脆、滑三重口感蘿蔔糕, 煎的蘿蔔糕質感卻較實在，兩邊煎至金黃，配惹味的醬蘸吃，味道更易滲入糕身，二來帶點香脆惹味, 美味食完香口野, 配個雪耳燉木瓜就最適合飲用了, 雪耳燉至軟滑，味道香甜且滋味, 大滿足

近年愈開愈多呢類新派點心店 今日黎到灣仔合和中心上面呢間薈面館 自己一個飲茶都唔怕尷尬 下午茶時間嚟唔太多人 設計偏向中國風 有啲園林嘅擺設 幾有趣蔥油叉燒撈麵 麵質煙韌彈牙 上面叉燒肥瘦適中 唔會韌夠晒冧 加上蜜汁一齊燒 香口惹味 仲有兩條油菜 夠曬健康呀 哈哈 蝦餃皇 有四粒大大粒 個皮係半透明 而且比皮薄餡靚 師傅手勢一流 入面有兩三隻蝦 大大隻夠曬新鮮 爽口彈牙 加上有啲爽脆嘅蔬菜(唔知係咩嚟)整體嚟講好好食 絕對係高質嘅蝦餃有蝦餃梗係要配燒賣 燒賣同樣係四粒 都幾巨型 不過略嫌肥肉太多 唔太健康 但係富有口感 入面同樣地有蝦肉豬肉

響灣仔想搵一個環境舒適嘅地方好好享受中式點心嘅話，真係每次都會不自覺諗起薈麵館。呢度環境寧靜，而且坐位又舒服，好適合同朋友慢慢邊傾計邊食野呢度晚市可以叫套餐，我今次叫左鮮蝦雲吞麵加白灼郊外油菜，呢度嘅鮮蝦雲吞用料好好，食落好鮮味好正湯底清清淡淡好好飲，另外順帶一提，除咗雲吞，呢度嘅蝦餃都一樣係我嘅至愛，同樣都係皮薄餡靚，剔透出淡淡粉紅色鮮蝦，真係好好味食過蒸嘅點心都要試埋煎炸野，我今次另外仲叫左兩個點心，安蝦咸水角，同埋板煎家鄉鯪魚餅，咸水角幾惹味，鯪魚餅外皮亦香脆可口，所有點心上菜果陣都熱辣辣，食落好滋味最後食埋個糖水，清潤雪耳燉木瓜，清熱潤喉又對皮膚好，今餐相當唔錯

吃過劣食点心代表後真的欲哭無淚，還是價廉物美的薈麵館點心，炒飯較討我歡心，只是一個自選套餐A已經令我和朋友媽媽吃得飽飽的，連晚餐都不用吃。爽脆薑蔥鯇魚皮不是到處都吃到，這裡有當然要點呢。新鮮的鯇魚皮燙煮，沒有殘留的魚鱗，處理得乾淨。如果喜歡薑蔥的人，會更愛那種和鯇魚皮一起入口的味道，鯇魚皮爽彈無比，作為餐前小食多可口。自選油菜方面，我們選了娃娃菜。娃娃菜以上湯滾煮，然後淋上濃而不膩的腩汁，使原本鮮甜極致的娃娃菜，更為滋味爽脆，很快被我們吃光。久違的蛋煎蝦米腸粉，吃過点心代表的劣質貼紙腸粉後更想吃這裡的蛋煎蝦米腸粉。朋友媽媽說蝦米腸粉的份量比想像還多，經滑嫩的煎蛋點綴，蝦米腸粉風味不絕，脆脆的蝦米微微鹹香，讓我們愛不惜口。我第一次來這裡吃蟹籽燒賣皇時，已被它的鮮味吸引，所以今次又吃。朋友媽媽都覺得蟹籽燒賣皇很新鮮，重點是用純瘦肉的比例較多，不是那種爛爛的肉末，可以明顯吃到紮實有彈性的肉餡。燒賣皮蒸起來仍有彈性，蟹籽脆甜，真材實料。這次我們最推介蘿蔔絲煎蝦餅，金黃香脆的表面已稱讚不已，裡面的內餡全部都是爽甜的蘿蔔絲，蝦肉完整，都不是蝦膠。蝦肉非常彈牙，可感覺到食材的鮮美，吃完這蘿蔔絲煎蝦餅

今日渣車出門去灣仔，咁岩架車無乜電就去左合和差電，既然泊低左架車，就係合和食埋野啦！誤打誤撞去左合和中心7樓薈麵館，環境十分闊落，餐廳裝潢十分有中國風，用鳥籠黎做燈罩幾特別！呢度有個自選套餐非常抵食，$258就可以食到好多不同種類既食物。食點心既話，我一定會叫奶皇包，呢度重係招牌既流沙奶皇包，一咬落，柔滑既奶黃充斥著我既口中，味道唔會過甜，奶黃唔會有結塊，香味四溢！馬蹄魚肉釀一字椒，師傅手勢非常好，外薄釀得好令，唔會爆哂出黎，外皮煎到稍脆，魚肉打到好滑，點埋醬油 味道剛好！星洲炒米，用料十足，炒到乾身唔會成碟油 值得一讚！蝦肉彈牙，好味！最後我仲叫左椰汁馬豆糕，椰汁既香味十足，可以清清口腔，好味道！

竹昇姨甥女過境三日兩夜，特意帶他到灣仔玩具街閒逛，黃昏時分問他想食什麼，佢竟然話想Yam Cha ，即時想起薈麵館，轉過彎合和中心，電梯按7字就到了水墨的竹葉畫，懸垂的雀籠都非常中國風，半開放式的設計擺脫了傳統酒樓嘅老氣，傳統得來又有點西餐廳的格局。我的ABC姨甥就好鍾意，未坐定就指定要食叉燒包。即叫即蒸，輕輕揭開，滿滿的义燒破壁而出，流出甜甜的密汁，這時必須手口並用，將整個包摺合咀嚼，哈哈😄真係好好食呀幼滑的蔥花蝦米腸，沾上均勻的蛋漿，煎得香脆微黃，軟心內層夾著蛋香、蔥香、蝦米香，QQ彈牙，係大熱點心之一圓圓的、滿滿的充滿着整個蒸籠，肥嘟嘟的很有團圓的感覺，軟綿綿的口感，回彈力強，味道不會太甜，雖是簡單的食材，就是愛吃。我們點了套餐，除了點心之外還有自選油菜，特色小食，最後當然還有炒粉麵飯，整個配搭完整，只要選好心水食物，輕輕鬆鬆的飲下茶、傾吓食吓， 完全係港人嘅飲茶文化。呢個絕對係廣東小食嘅皇牌，酥炸鯪魚球碌滿米粉再炸，脆脆外層包着彈牙鯪魚球，足料魚肉不會一口粉漿，而當鯪魚球遇上蜆芥，一牒六粒、兩個人食實在唔多夠呢個時候再來碟乾炒牛河，係飲茶嘅完美終結，牛河係改良咗嘅少油版，令立立

對於我呢啲成日去到餐廳，好想咩都食嘅人最怕係睇menu🤫因為好多餐廳嘅menu選擇都非常之多🤣而我最鍾意佢哋有個好大彈性嘅自選套餐，所以我哋今次叫咗呢個258蚊，二至三位嘅分量，而且佢哋入面嘅選擇都非常之多嫁！一齊睇下先🤠見唔見到右手邊嘅廚點自選套餐呢🤤我哋今日就叫左a餐，而且佢哋唔會因為你叫嘅係套餐而減少咗個份量，非常之抵食㗎👍環境非常之清幽👏👏帶點古色古香既中國風味❤️本身諗住叫炸雲吞點知誤打誤撞，就嚟左呢個豬手❤️就咁咬第一啖好香嘅甜椒味，而且非常Q彈爽口夾有咬口🤤食落一啲都唔油膩，再點佢哋嘅酸酸甜甜嘅汁更加開胃呀😍菜心偏向林身，個汁唔會太鹹，就咁食都好好味😋雖然有少少油，但係咬落去非常之香脆，腐pi好香豆香味，而且配埋入面好爽口嘅鮮蝦 同 其他配料，香脆可口嘅口感double up😂龍躉如果可以再多啲就好喇😁😁不過呢個飯真係炒到粒粒分明，好夠鑊氣❤️最重要嘅係我諗要四個人先食得曬🤠因為真係好大碟呀！！而且一啲都唔油膩tim😋叫飯我就最鍾意叫辣椒油👍姐姐本身拎咗豆瓣醬畀我，姐係左邊個個，但其實呢個唔係辣椒油黎嫁❤️之後再問多次姐姐想要係辣椒油而唔係豆瓣醬，就係右邊果果喇🤤佢哋個辣椒油好野

繼年初到訪後就對呢間餐廳念念不忘，晚飯時段唔洗等位，環境清靜，係同朋友情人食飯傾計嘅好地方。 餐牌大致上同上一次黎差唔多，亦都因為之前黎過，好快就揀到想食咩野。漂爽海蜇皮伴香辣順風耳小青瓜 : 呢碟前菜有三款小食： 有海蜇、雲耳同埋青瓜，賣相非常精緻，海蜇拌左麻油之後非常香，至於青瓜，醬汁香濃而入味，入口微辣，好開胃。叉燒鮮蝦雲吞撈麵 : 既然餐廳叫「薈麵館」，咁當然出名食麵架啦。今日試嘅係叉燒鮮蝦雲吞撈麵，叉燒軟身鬆化, 配埋蜜汁同埋皮薄餡多嘅雲吞, 味道非常夾。脆皮蝦春卷:即叫即炸嘅春卷外脆內軟，蝦肉亦都好多，入口無咩油膩感，唔錯香軟懷舊馬拉糕 :馬拉糕熱辣辣，入口層層鬆軟，亦帶香濃嘅蛋味。 流汁叉燒包 :比係一般酒樓，呢度嘅叉燒包入口鬆軟，餡料好足，甜而有肉感，輕輕搣開叉燒包，餡料就會慢慢流出，的而且確係「流汁」。 蟹籽燒賣王 :燒賣皮好薄，豬肉比例剛剛好，加埋蟹籽同新鮮嘅蝦肉，入口非常爽。 食咗咁多野，埋單都唔駛300蚊，可以靜靜地同朋友傾計又唔洗趕住埋單走，咁嘅價錢，真係非常超值。

今日又到灣仔PP工作，下班時間跟同事走著走著肚子餓了，不經不覺走到了胡中大廈，再抬頭看看原來合和中心都開了不少餐廳，而且都有不少人識搵食到這裡，於是我們又上去搵食。發現了這家較經濟的粥麵店，而且還有晚市點心，驚喜！但吃不下點心了，所以沒有點份量多又抵的2人套餐，只每人點了同樣抵食的單人套餐。我點了《巧製南乳豬手撈麵 + 糖水$68》豬手十分入味又軟腍，啖啖膠質很美味！本身不夠喉想另點一碟淨豬手再嚐嚐品嚐，但8.30餐廳已經收爐，唯有留待下之！糖水有芝麻糊、紅豆沙、木瓜燉雪耳等等，我點了芝麻糊，不太甜膩對我口味。

發現合和中心附近或者直情合和中心樓上都開了愈來愈多射食肆，雖然該地段入夜後人流不多，但食肆都大多坐得滿滿的。今晚下班後因爲想方便泊車，就泊了在胡中大廈然後到了合和中心找吃的（因為有泊車優惠哦）。看到7樓有薈軒集團旗下集團的薈麵館，合心意今晚想吃清清地的。（照片拍於餐廳收舖時）地方坐得舒服，套餐又抵食，怪不得餐廳7.30已坐得8成滿。個人套餐選擇算多，配搭又自由，價錢清晰易明。《瑤柱水餃麵 + 糖水 $52》麵條好彈牙而且零皂水味，湯底又清香，水餃皮薄餡鮮，不錯的水餃麵。配了木瓜燉雪耳，甜度適中，又潤又滋陰。《枸杞黃沙潤粥 + 油菜 $58》黃沙潤粥很香及咀嚼下會起沙，咩感爽而且香口不會腥，另配上油炸鬼粒增加口感。配了油菜一碟，選擇了芥蘭，大碟新鮮無渣。又一吃粥粉麵飯的好選擇。

週末喺灣仔探完親戚之後，周圍行睇下有咩食，行咗去合和中心附近，見到有點心食，於是就決定去試下。呢間餐廳叫薈麵館，位於合和中心7樓，我哋見到有一個廚點自選套餐，適合4至6個人食，好似幾抵咁。自選炒粉麵飯兩款乾炒牛河唔會好油，牛肉好稔，河粉味道啱啱好；個銀芽肉絲炒麵真係冇得彈，個麵餅炒到好脆，咬落去脆卜卜，上面又多肉絲。自選點心五款蟹籽燒賣皇，入面有好彈牙嘅蝦肉；脆皮蝦春卷，外脆內軟，唔會好鹹；蛋煎蝦米腸粉，蛋煎成金黃色，腸粉好滑；招牌流沙包，熱辣辣，流心效果一流；蘿蔔絲煎蝦餅，個口感幾特別，好多蘿蔔絲。自選小食酥炸蜆蚧鯪魚球，鯪魚球大大粒；五柳醬酥炸雲吞，雲吞真係炸到非常脆，係我食過最好食嘅炸雲吞。唐生菜福果腐竹糖水、滋潤紅豆沙呢間薈麵館果然性價比超高，大家值得一試！

呢排都好忙，所以都冇乜點樣出街食飯。趁着父親節，上星期就咁同老公約咗阿爸阿媽簡簡單單去薈麵館食個飯慶祝。我哋叫咗原隻龍蝦蚊伊麵、雲耳蒸魚頭、燒賣、炸子雞、揚州炒飯同菜芯。👆🏽原隻龍蝦蚊伊麵，誠意推介😍成隻龍蝦好友份量，肉質爽口彈牙，上湯汁唔太結或過鹹，伊麵條煮得啱啱好，放咗枱面一段時間都無淋哂，好食👍🏽👆🏽龍蝦個蟹鉗好大隻，肉感爆棚又入味，正！👆🏽燒賣嘅豬肉好新鮮，又係大大粒，而且多冬菇粒，增加咬口，好食🤤👆🏽雲耳蒸魚頭嫩滑，估唔到有咁多件，抵食👍🏽👆🏽楊州炒飯又係另一推介😍好耐未試過食炒飯係咁粒粒分明但唔會過硬，充滿蛋香，叉燒粒都唔少㗎🤤原隻龍蝦蚊伊麵同唔記得邊樣餸係套餐嚟，所以價錢非常抵，埋單都係大約每人百三蚊，食得咁豐富邊到揾！

因為怕父親節正日太多人，我們特意早一天慶祝，父親喜歡吃點心小炒，我們便來到合和中心的薈麵館！餐廳環境雅緻，天花下的鳥籠是掛燈，佈置充滿中國風！這裡的套餐性價比甚高，我們選了4-6人餐，內容很豐富，炒粉麵飯2款、點心5款、菜1款、小食2款和甜品4款。銀芽肉絲炒麵自小已經好喜歡吃肉絲炒麵，不過不是每一間弄得好，這裡的是我近年吃過最好的，把麵炸到好鬆脆，吸了獻汁，好好味！乾炒牛河牛肉好嫩滑，牛河不會太油，有穫氣！蟹籽燒賣皇、脆皮蝦春卷大大粒燒賣，裡面有爽口蝦仁！春卷卜卜脆！招牌流沙包這個流沙包質素很高，香滑的蛋黃流沙，鬆軟的包。蘿蔔絲煎蝦餅、蛋煎蝦米腸粉蘿蔔絲清甜，吃到粒粒蝦肉。腸粉沾甜醬麻醬一流！酥炸蜆蚧鯪魚球大大粒鯪魚球，炸到好彈牙！五柳醬酥炸雲吞脆卜卜炸雲吞，一口一個，五柳醬酸酸甜甜！唐生菜糖水