薩莉亞意式餐廳 (Go Go Mall)

营业中

休息中

薩莉亞可以話係慳錢一族的飯堂不過等位時間可能要耐少少可能因為太抵食，所以所有分店似乎都開設係偏遠地區，或者離市區好遠，要行一段路先去到不過想慳錢的人，係不怕辛苦一定會去到好耐無黎一排，招牌換左呢到食物真係好抵食，平均價錢$30-$40已經可以享用到一款美食，再加上點餐後+$13就可以任飲汽水，咖啡等飲料，又沒有時間限制，所以眼見都有不少年輕情侶，學生一族黎幫襯職員行動訊速，又沒有加一收費，所以整體黎講真係物超所值

每次經過餐廳都會掙扎，如果想食就要拎飛，拎飛就要等好耐，但入到座就可以有好多價廉物美的美食。今日經過時因爲已經過午飯時間，所以決定拎飛，等候大概半小時左右便可以入座。佢係每張枱都有按鐘，按鐘後會有服務員幫忙，不過等侯時間頗耐。一打開menu 其實已經決定勁叫，因為佢每碟分量唔大，所以可以試唔同既食物。首先叫卡邦尼亞意粉，小朋友至愛，但我就冇試，問小朋友佢話好食，但我覺得冇汁，如果要飽肚可以叫嘅。煎鯖魚，當然一定係雪藏貨，雖然有片檸，其實都有腥味，可以一試的。小食時間，叫左脆脆蝦，好味，點伴碟醬汁一流。蒜包，十分美口，好重蒜蓉味，熱辣辣，必食。焗田螺，好香口，抵食！其他小食不過不失，但因為不是我杯茶，所以就唔提了。如果要飲料，係落單時就要入單，自助形式，但其實佢汽水機，咖啡，朱古力都淡如水，不過佢茶包係唔錯的。事後再加單食布丁，不過唔係我的，小朋友話好好味！

今日係星期六，出街食飯既朋友仔比較多所以我都專程早啲去拎位諗住5點幾6點幾都差不多吧...唔會等太耐點知....勁多人兩人飛都要等左差不多一個鐘因爲個商場仔真係無咩野好行..行左三個字就行晒所以我打左場PUBG差不多一個鐘後終於有位啦好開心兩個人可以坐卡位，可以坐四個人我地兩個人可以鬆動啲叫好多野食放晒枱面都無問題我地兩個都叫左無限飲目標要飲三杯朱古力但今日既朱古力味道好怪男朋友繼續飲汽水🥤叫左我最鐘意既煙三文魚四片都好有啲肉地加埋檸檬汁帶出鮮味第二樣都係我既最愛法國田螺我真係好鐘意佢配埋一定份量的蓉粒，好香口芝士肉醬焗飯拉絲芝士好邪惡再叫多個鐵板（漢堡排）呢個都唔錯，漢堡排再配蓉粒，正我叫多個菜先健康啲芝士雞肉焗波菜好好味，同埋好飽因為太多芝士了我都有一段好長既時無食薩莉亞了但今次再食既時候覺得整體質素都高左除左杯朱古力

是日要同朋友慶祝轉新工，諗黎諗去唔知食咩，想食西餐但周圍cafe閒閒地都收一百幾十for一個dish，又唔知好唔好食，諗諗下就決定平平地去平價西餐飯堂：薩利亞，脆脆地食餐「豪」既意大利菜。前菜我地叫左法式焗田螺，岩岩去完法國番黎，呢味菜唔會輸蝕得過正宗法國菜，而且好香蒜味，令人食指大動。主食點左招牌菜肉醬多利亞，即係肉醬忌廉焗飯，濃濃既忌廉芝士味令人愛不釋手；煙肉波菜意粉不過不失，煙肉十分之香口；水牛芝士薄餅都唔錯，水牛芝士味好豐富。

今日黎到屯門雅都商場，好耐無食過薩莉亞，所以今晚就決定食呢間餐廳。一黎到要即刻排隊拎飛，呢間薩莉亞係呢度商場非常受歡迎，我地3個人拎完飛都要等左30分鐘先可以入座。一坐低就可以坐張4人台，比較鬆動，呢度係自助免費凍水或者熱水， 如果想飲有氣飲品，就可以加$13任飲。餐牌都有好多選擇，而且重點係好平，我地一口氣點左8-9樣菜式。首先上台係周打海鮮湯，味道都唔錯。8隻辣味雞翼，好夠味，而且係岩岩烤起。雞肉多利亞，味道麻麻地，因為食落去個汁酸酸地。墨魚汁意大利粉，味道唔錯，不過食到成個口都係墨汁。

薩莉亞餐廳真係超級超值，樣樣食物都係廿幾三十蚊，叫到成檯食物都係二三百蚊。今日一家三口去食，叫咗一個意粉，一個pizza，一個焗田螺，叫埋自助飲先係$120👍🏻

今日在女友去旅行前，入去陪佢食飯。之前食過幾次，一直都覺得唔錯。今次叫左煙三文魚，味道不錯，但份量如果多d我會更開心。仲有叫左我最愛的蜆，鐵板蜆其他餐廳好少有得食，所以我特別鍾意。另外我地叫左辣味雞翼，味道不俗，可以叫4隻或8隻都可。點左水牛芝士pizza，女友好鍾意食，而且比起出面食的話，算係超值之選。叫左一個海鮮意粉，但味道就在咁多食物當中最差的一個，雖然配料都算足料，但個蕃茄汁意粉味道真係好麻麻。整體而言，係真係幾抵食，味道也不錯，值得再試。

今晚想瘋狂叫小食就去出左名平，唔需要加一，又好耐無去既薩利亞。去到竟然要等15分鐘先有位，真係好受歡迎。2個人被安排4人枱，都算舒服。然後最恐怖既事出現了......枱面有4隻碟疊係枱面，最面既第一隻碟睇落去係乾淨既，點知一拎起，第二隻碟係污糟既，污糟既程度，並唔係洗唔乾淨，而好明顯係上一手食完野既碟然後第三第四隻碟都係咁污糟，真係好噁心真係第一次遇到尼種情況 (以前幫襯過幾次都正正常常)。心情已經好差，但又唔想再轉場，唯有叫侍應拎過新既碟我地叫左辣味雞翼、肉醬多利亞、黑椒蜆肉同照燒汁肉眼牛扒。辣味雞翼(8隻) ($32)$32有8隻雞翼真係好扺食。上菜既時候仲暖暖地，味道辣辣地，唔錯。不過攤凍左之後，ｄ肉好實，唔好食，要趁熱食先好味。肉醬多利亞 ($27)以前食過薩利亞既經驗，係唔好叫意粉，原因係上菜後d意粉好快會凍哂，唔好食。唔通係因為冷氣太大? 但食過其他餐廳既意粉就唔會有尼個情況。所以每次去薩利亞都會叫鐵板上既飯最穩陣，唔會咁快凍哂。肉醬多利亞既肉醬同飯既比例大概係50:50，每啖飯都有啖啖既肉醬，同埋芝士，真心推介尼款，好味！黑椒蜆肉 ($19)$19有咁大碟蜆肉真係好抵。”

同老公睇完戲，肚子又餓，立刻逛入商場揾食，一上到電梯見到薩莉亞即揾位坐底😍😍喱間出名快，平，正嘅餐廳正合我心意餐廳採用自助形式，按鐘叫服務員落單後，飲料都係自斟自飲，無限添飲㖭😍落單後食品好快就上枱嚕周打海鮮湯，濃郁足料煙三文魚沙律，三文魚入口肥美咸香辣味雞翼夠惹味，微微嘅辣味，令我回味，極推甜蝦粗管麵，忌廉汁味道非常濃郁粗管通粉口感唔會太淋，食落每一啖都吸收埋個忌廉汁，非常啱我口味☺️水牛芝士Pizza，薄身嘅餅底香脆，配上六款芝士再加水牛芝士，芝士香到不得了，啱曬我喱個芝士狂人☺️喱間性價比高嘅餐廳，真係👍🏻

同朋友行到邊食到邊，剛巧嚟到呢個商場， 傍晚時間六點左右已經有大約廿幾人等候緊，我哋最後都等了大約十五分鐘至安排入座， 餐廳內座無虛席，但是侍應都好快幫你落單，呢間連鎖餐廳食過都知道，照舊飲品自己出去攞，自助式慳返侍應上菜時間。今次第一次試鐵板炒蜆，好可惜可能因為人太多關係，上到枱，蜆係凍，鐵板只係微暖，叫侍應換過熱啲嘅，最後等咗差不多20分鐘至再上枱，都只係剛剛好熱，並不是好熱，有點失望，仲有肉醬多莉亞，俾侍應上菜時太大力整爆咗隻溫泉蛋，影唔到靚相，侍應咩都冇講，急急腳行開了，好衰。其他食物都不過不失，價錢絕對係抵食嘅，所以有不少家庭選擇，老少咸宜。

一裝修好就狗衝去食，因為應承過小朋友嘅野係一定要做，唔係佢會日煩夜煩，煩到你死為止......頭盤叫左沙律同粟米湯，三文魚都有四五件，是羅馬雜菜沙律，好爽脆，凱薩醬唔多，偏甜唔酸。湯好香濃，偏甜，小朋友係必定鍾意的。我地叫左兩款薄餅，水牛芝士是必須要的，大小姐指明要食晒，我就再叫野菌雞肉雙享薄餅，配料份量好多，每一啖都食到，但雞肉味太淡，被茄汁搶晒，而且唔知係咪配料嘅關係，呢款薄餅焗完都太濕，影響口感。點左份意粉，餐牌止有辣椒🌶️圖案，但食落唔辣，小朋友都食到，而且好多醬汁，好濃味，意粉亦見彈牙，成個組合都好好。肉食點左羶到不得了嘅焗羊鞍同黑椒焗蜆，個人唔怕羶，所以覺得唔難食，點佢係貪佢夠淋，比起呢度嘅牛扒好，差過一次牛，不了。黑椒蜆好夠味，一啲都唔腥，唔乾，份量又多好抵食。最抵就係飲品，任添任飲，係Nescafé 黎架，飲兩杯都回本啦，而且選擇多，cappuccino, latte, espresso, mocha, 朱古力，大人細路都岩飲。

以前不論午餐或晚餐都經常光顧薩莉亞，既可以以平民價享用西餐，又可以一次過點選多款食物大飽眼和口福，每次光顧都非常滿足☺️慢慢便成為了我家的飯堂。但由於近年愈來愈多新餐廳臨立屯門，為了試不同的新餐廳而漸漸遺忘了薩莉亞。當日突然忽發奇想 -「不如食返薩莉亞！」，所以當日中午重回薩莉亞回憶一番刀叉依舊放在枱上綠色的盒子，而呼叫店員同樣也是按下盒子旁的灰色按鈕當日並沒有加$12任飲飲品，只是到 drink bar 倒了2杯水，客人亦可隨意到店員枱拿辣椒仔和芝士粉💕辣味雞翼（4隻）- 這是我到薩莉亞必點的！本身我是一個雞翼迷，見到雞翼一定不會錯過，加上雞翼用辣椒仔腌製過，脆皮加上辣椒仔令雞翼變得野味可口雞翼的味道與size都沒有改變過😌黑椒蜆肉鐵板煮 - 實不相暪，雖說是薩莉亞的老顧客，但其實每次光顧都必定叫某幾種食物而忽略了其他食物😝蜆肉便是被忽略的😂今次終於點選了他試試，黑椒味不太濃烈，反而吃得出咸水的味道，蜆肉彈牙而且沒有沙，整體頗清淡，可以一嚐溫泉蛋卡邦拿那意大利粉 - 卡邦拿那意大利粉早在薩莉menu內，而新menu依舊有此意大利粉但加了溫泉蛋，喜歡食流心/溫泉蛋的我一定點選試試。溫泉蛋

焗芝士菠菜:芝士味濃辣味雞翼: 雞翼少少辣,味道不錯,必點.串燒帆立貝 : 其實炸得不錯的,佐口小食,好細粒,好像吃炸粉咁.羊架: 燒得不錯,少少羊羶,可以接受,老公鐘意.卡邦尼意粉:蛋黃汁夠香濃又 creamy,味道以價錢來說,一定好過係屋企煮.墨魚汁意粉:到成個無牙婆咁,笑死,黑蚊蚊既墨魚汁意粉,意粉質感煮得適中,雖然食到滿口都係黑色,但係薩莉亞應該係推介之選.焗田螺:勁香蒜味,佢唔係我食過既最好,不過呢個價錢你想點.鐵板蜆:都幾惹味,一口接一口,很快清曬成碟.

開左好耐一直都無試，因為見到出面條人龍即刻打退堂鼓😂，但朋友突然話想食，又加上要等佢收工，所以⋯嗯～ 等左約20mins左右吧，終於到我啦，可惜既係朋友仲未到⋯你知啦，有D食店要人齊先比入架麻，等到位都無用。點知哩間又比我入去喎～ 無無聊聊，唯有獨自睇住個Menu先。EE...第一個感覺係：都幾多Choice ～ 唔似得某Pizza店，黎黎去去得幾味，重點係，你望下個價錢，堅親民價。朋友終於到左啦，say hi 之後就同佢講— order 唔該。周打海鮮湯-味道調教得是可以的，同埋材料都好足，入面有細細粒：火腿、魷魚鬚、蛤肉等⋯⋯同時有湯又點少得蒜蓉包😏熱辣辣永遠係最好味的，用外脆內軟來形容就最合適不過了，仲有係最喜歡💕它濃濃的蒜蓉味，放下落湯又另一種口應，真係食極都唔厭。Pizza-水牛芝士：平時「隊」完舊pizza就已經開始食唔到好多，所以我係鐘意食薄批，因為可以食多D唔同野，至於哩個水牛芝士，老實說芝士味不太重，但是夠輕身，食完好似無食過🤣香脆三文魚塊-望落去都已經感受到脆皮～因為佢係熱左既三文魚，所以一早預左無生既鮮味，但都算係有另一番風味。哩排生的三文魚好似話有事，所以都係將

今日廿四孝爸媽陪百厭仔去睇多啦A夢大電影, 睇完百厭仔就話想去薩莉亞食PIZZA .除了羊鞍外, 基本上全部都係百厭仔發板意大利菜湯--試咗一羹, 酸酸甜甜幾開胃, 其餘百厭仔一個清晒.辣味雞翼--少少辣 夠惹味 每次嚟必叫香辣腸配薯角--唔辣嘅 普通芝士脆皮腸 反而欣賞佢嘅薯角 夠脆口邦哥尼意粉--少少辣嘅蕃茄汁意粉 蜆肉都夠鮮 意粉軟硬適中.香辣腸PIZZA--餅底鬆脆 燒羊鞍--呢個係老公食嘅, 我試咗少少覺得羶  佢話羊唔羶就唔好食.埋單$157.00