蘇媽.蘇媽馬來西亞茶餐室 (已結業)

之前去深水埗時看過這間店，對懷舊的星馬門面入口留下印象。今日試銅鑼灣的分店。兩人點了棒棒骨玉骨茶、牛肉捞面、魷魚通菜、熱拉茶和凍拉茶各一。用barcode 點餐，所以無乜人會理你。水沒有上、調味料在隔離枱，要借用才拿到。肉骨茶的藥材味比較淡。肉骨湯和水也是要求才端上來。味道一般。牛肉捞面的花生碎充足，薯仔大大塊，牛肉算軟身，但整體只有咸味。魷魚通菜的通菜是乾貢，硬夾幼，無乜嘢食。星馬拉茶用練奶，意了之內的過甜。凍的有冰，比較好，溝淡啲無咁甜。只能說不過不失。

蘇媽蘇媽唔單止門面靚，入邊嘅裝修仲好有特色。一字骨肉骨茶要先飲咗個肉骨茶先，之後再食入邊嘅餸菜，記得要調校自己喜歡嘅醬油，之後再叫店員添返熱辣辣嘅肉骨茶，一字骨都算多嘅大概有四條，仲有豆腐卜，同埋金菇，肉骨茶嘅味道非常之濃，好飲。招牌砂煲老鼠粉，店員嚟到都提我地要趁熱攪拌，撈勻咗之後食，入邊嘅魚仔好鹹香，仲有老鼠粉好彈牙，撈埋一齊嘅口感係彈牙仲有魚仔嘅鮮味。馬來黑叉燒，叉燒半肥瘦，加上蜜糖嘅味道，真係難以抗拒，如果好怕肥肉嘅人可以選擇淨係食瘦嗰部份，不過我真係抗拒唔到，個腩肉係非常之油分豐富。馬來西亞串燒(6串)，串燒加埋沙嗲醬，簡直係好有馬來西亞嘅風味。甜品就點叫一個海南鴛鴦燒麵包，呢個麵包入邊有一塊厚厚嘅凍牛油，再配合埋熱辣辣烘咗嘅麵包，加上咖央醬，可以話係內冷外熱，仲要脆卜卜，真係減肥都要放埋一邊先。

Malaysia 🇲🇾 food is always one of my favourite Asian food choices. Today is the day I felt I wanted to have it again. MYL style milk tea can’t skip it, right if you are big friend of milk tea fan.Sweet Curry rice with chicken leg I order it almost every time when I go SemuaTong Cai with MYL sauce; no one will skip if you had their veggies before Pandan Kaya Toast is good for dessert at the end for closing.

入到銅鑼灣搵嘢食再入維園，謝斐道有好多嘢食，今次入咗間馬來西亞餐廳食飯🇲🇾。餐廳都幾大，但都幾多柱頭遮住個環境。我哋嗌咗三碗粉，一個肉骨茶，同埋一個甜品。檳城福建蝦麵 $66 4.5/5有豬腩肉🐖，通菜，魚片🍥同埋蛋🥚既蝦麵，湯底有濃濃既蝦湯蝦頭蝦油味🦐，油麵底彈牙煙韌爽口，配料入味☺️☺️😊，唔算太辣。檳城白咖哩麵 $62 4.5/5好香好濃郁嘅白咖喱味湯底，每一啖湯飲落去好c服，小編超喜歡。魚蛋同埋豆角到索晒啲湯汁，咬落去啲汁到爆曬出來😍😍。怡保雞絲湯貴刁 $62 3.8/5用了雞肉絲🐓配上都係一條條既貴刁，質感既配搭可以令小編咬落去都係幸福感，但湯底比較普通，只可以用正常黎形容。大雜錦肉骨茶☕️ $158 4.2/5豬肚豆卜棒棒骨雞腳五花腩肉🐖，首先要調製醬汁，豉油辣椒蒜蓉頭抽，再用啲肉沾上醬汁，辣辣地幾過癮，食完之後再飲啖湯，完成一整個流程。圓滿滿足☺️🙂。但係湯底既藥材味唔係人人都接受到，溫補既湯底飲到底既甘甜味係小編接受唔到🥹。椰香咖央多士 🥪 $35 3.5/5依塊多士夾咗咖央牛油，兩邊仲有烘底，但係比較甜，食一件就ok，食太多就漏。😏地點:食飽飽行去sogo行街又得，地舖一間，

一直想食蘇媽蘇媽好耐，今次終於有時間黎到銅鑼灣分店食。由於我地係平日嘅大約兩點去，所以餐廳都冇乜人，可以直接安排入座，唔洗等位👍🏻餐廳嘅環境都幾有特色，座位與座位之間都有一定嘅空間分隔，而且乾淨衛生，所以坐落都舒服，第一印象幾好😁入座之後，店員比左張單我地，叫我地用QR code落單，相當之方便😳🤡一字骨肉骨茶職員比左碗湯我地，湯飲完可以再fill，啖啖肉再配香濃嘅肉骨茶，點埋佢哋秘製嘅醬汁，再加多啖白飯，即時暖笠笠🤤🤡甲必丹咖喱雞鎚飯咖喱飯不過不失，個咖喱汁有小小辣，都幾香，但個雞鎚就有小小出事，層皮好厚好硬，我呢啲咁有牙力嘅人都食得辛苦😂而且我expect燒完嘅雞肉係會香，但似乎就冇咁嘅感覺，所以最後個飯都只係食左一半多啲🫣🤡椰香咖央多士至於個多士就真係值得推介👍🏼👍🏼10分滿分我會比9份‼️首先，個多士好脆，時間掌握得啱啱好。第二，估唔到個醬同牛油咁夾！又唔會太甜，真係會食上癮，食完一舊又一舊😍大家去到一定要食🙌🏻🙌🏻🙌🏻🌟飲品方面有個溫馨提示，馬拉飲品比較甜，我叫左少甜先等於我地平時嘅正常，所以叫飲品個陣要留意📍銅鑼灣謝斐道483號-499號新城大廈地舖

剛剛食完晚飯,想要杯熱水都完全沒有,點樣回覆話公司指引規定唔會畀熱水理由（會淥親客人）,只有室溫水,但是當日只有12度,12度的室溫水,但是我反而去問一大碗肉骨茶是否也會淥親客人？到最後,深水埗總店叫我問回銅鑼灣分店作回覆,唔合邏輯（滾熱辣嘅大大碗肉骨茶可以給客人,但一杯熱水都唔畀給客人 ）是什麼道理！！

This place serves it fast and delicious at a cheap price. I would recommend it to anyone love Malaysian food. The nasi lemak is definitely great. You can order it on lunch menu. I chose beef Rendang to accompany it. The rice was fluffy and you can taste rich taste of the coconut milk. The beef Rendang was not too spicy, The texture of beef stew was tender and flavourful. Mixed it well with the side dishes — cucumber slices, shrimp chips and the anchovies, you can finish whole dish easily!這個地方以

蘇媽蘇媽絕對係一個鍾意食東南亞菜既人既平價之選，亦係每次我一個人要係銅鑼灣食飯既心水選擇～點解？因為一班人去一定好難有位，但一個人食就完全唔使等～當然，一班人食就可以叫多好多野食我每次去蘇媽蘇媽既必點：砂煲老鼠粉鍾意重口味同食野有豐富口感既朋友應該都會覺得好啱心水老鼠粉用砂煲上，入面有老鼠粉、肉碎、豬油膏、魚乾，再打左一隻蛋係頂，慢慢撈，就會食到少少焦香，好香口！如果唔鍾意食呢啲脆脆口感既朋友就要快快手撈勻了～

今日諗住去食肉骨茶，假期前夕當然要排隊，我哋兩個排咗大約15分鐘就準備入去！排左好耐都冇人叫我哋入，但係亦都有好多人不停埋單走，之後見到有一Pair直接衝入去就即刻有枱!我見狀當然都即刻入去啦！我問收銀嗰位肥員工，我話等咗好耐都冇人叫我！佢話呢度係茶餐廳嚟㗎，唔需要排隊直接就可以！我聽完都覺得自己可能搞錯，於是就見到有兩個位，直接行埋去坐！準備坐低嘅時候另一個員工之後叫我出返嚟等一陣！其實一開始已經有啲興，我唔明點解大家完全唔會配合，已經揼咗冤枉好多時間，又話茶餐廳叫我自己搵位又唔俾我錯，我真係第一次😡所以決定唔食！唔會再有下次😡未食，已經咁唔開心掃興！

突然之間好想食肉骨茶同咖央！就選擇咗去蘇媽😝之前食過覺得唔錯 今次去食都冇令我失望😆- 魚仔醬撈啦啦之前食過有啲沙 今次就好好只係得一兩隻有沙撈埋啲醬汁好好食😆- 棒棒骨肉骨茶鍾意佢個肉骨茶可以任添啲肉好好味😝初頭諗住會冇乜肉食 但係啖啖肉😆- 招牌砂煲老鼠粉我鍾意食比較乾身少少既老鼠粉 佢都比較乾身 但係覺得有少少淋左啲- 椰香咖央多士每次必食咖央多士！新鮮熱辣辣食 真係好好味呀！食完一件掛住傾計 點知第二件就凍左建議真係一上就好即刻食啦😝

檳城福建蝦麵😍😍😍😍😍最初以為係一般laksa，原來係濃蝦湯底，好味到要飲埋啲湯😍，隻蝦都很新鮮。沙嗲沙嗲醬甜甜哋好好味，好濃沙嗲味。食完雞串都要食埋個醬😍👍。雞肉雖然不是炭燒，但勝在肉夠腍，夠雞肉鮮味。白咖啡唔錯，幾好味。

📍地址: 銅鑼灣謝斐道483-499號新城大廈地舖✿😋味道😋：3/5✿👀賣相👀：3/5✿🏙️環境🏙️：3/5✿🤵🏻服務🤵🏻‍♂️：3/5✿💰價位💰：3/5↠⏰時段：Tea 15:00 ↞ Cash Only😑🍚🟢❝辣死你嗎配仁噹牛肉❞ $66☞ 呢個飯就不過不失，綠色嘅嘢椰漿飯好吸睛，不過椰漿味無乜，參巴醬汁唔算辣， 件碟仲有魚乾仔、花生、青瓜同埋蝦片。🍢🍢🍢🟤❝馬拉沙嗲串燒 3pcs❞ $52☞ 串燒就正正常常，有雞、牛、豬三款揀，仲有3串或者6串揀，沙嗲醬嘅花生味都幾濃。🍞🟩❝ 椰香咖央多士 - KAYA TOAST ❞ $35☞ 呢個咖央多士，多士幾脆口，咖央醬椰味幾重，加埋半溶嘅牛油，都幾creamy，不過有啲甜。

原味肉骨茶任飲👏🏻肉骨茶煲豬手：有肉味肉骨茶係好味D😗豬手淋庋剛好咬落有口感👍🏻羅白糕唔太粉口、配上自家製X 0醬好味足料，咖哩豬頸肉👍🏻👍🏻咖哩有點帶酸，個人口味－般、豬頸肉爽口、不肥，會再去

其實已經唔係第一次去食，今日一去到諗住開門話比亞姐幾多位，我都未講野，佢就鄒曬眉咁拎隻手擋住我，語氣又唔係好好咁話出面等等先，咁我亦好合作行番出去啦，之後出黎問我幾位，問我齊人未，我話齊喇，之後問完另一個一位既客野，就同我講話齊人話佢知，個位客人都忍唔住口幫我答話佢齊人啦，不過其實都係未有位住。有野食唔曬想拎走，問個侍應拎個盒，其實我問得好好語氣，但佢既回應態度都係唔太耐煩，我明白服務業係辛苦既，唔係需要你卑躬屈膝，但起碼保持正常講野態度都得掛，我又唔係食緊大排檔茶餐廳，不過呢度野食係好味既，希望下次去D侍應心情會好番D啦，另外就冷氣好凍，所以野食好快凍曬。

人氣食店蘇媽·蘇媽終於開到嚟銅鑼灣啦！佢係主打馬來西亞菜式餐廳係用南洋茶室嘅懷舊風格設計，牆上嘅壁畫勁有馬拉風味！不過我想講啦呢間餐廳雖然食過幾次，我發覺店員嘅服務態度每次來都好差！明明當時有好多張吉枱，又無咩客，都係要你坐張二人枱或者搭枱，每次都坐得好唔舒服又迫！同佢地講要求換枱佢哋又西面唔理人！又會吹你落單，好似趕住做下一台客咁🙄真係呢種咁嘅服務態度令人好討厭🤬🤬🤬幾好食嘅嘢食都冇用😡懷舊復古嘅茶餐廳文化令到你好似置身喺馬來西亞嘅小店一樣，好特別！魚仔將蘿蔔糕 $52魚仔醬有少少微辣和胡椒香，個醬做得好好食！蘿蔔糕係偏淋身嘅，食出嚟個口感好煙韌，當一個小食都唔錯幾開胃！招牌砂煲老鼠粉 $92呢個老鼠粉做得超好食每次來食必點！因為佢加咗大量花生，肉碎和豉油去炒個銀針粉，加埋佢個蝦乾炒得好香脆，撈埋一齊令到個味道好濃烈，係馬拉娘惹菜嘅感覺，甜甜地加小小辣正！個咖喱汁好好食！佢落咗好多花生同沙嗲醬，好濃既沙嗲味，雞肉串同豬肉串好食啲！牛肉比較老就冇乜特別咖映多士呢個係每次嚟食必點嘅甜品！個咖映斑斕醬真係好濃烈，唔會好甜！配埋個香脆既烤多士和牛油，個斑斕醬爆曬出嚟，真係好好食😋！