蘭苑饎館

营业中

休息中

喜歡蘭苑饎館的中式飯餐、牛筋麵、甜品和自家製的賀年糕今次先和大家分享真材實料的中式飯餐，當天選了「豉汁蒸白鱔」$105，有靚湯、油菜、🍚(可隨意添加)1. 豉汁蒸白鱔，肉質新鮮和爽，豉汁惹味，還有陣陣的果皮香，鱔肉下面是雲耳，真好👏🏼2. 青紅蘿蔔瘦肉湯，湯裏還有其他的食材，真材實料的靚湯🍲3. 健康油菜，落單時說要淋，上桌時，菜心真的「淋」😍，不像坊間說了淋，最後都不淋；說健康是因菜裏不多油，而給的蠔油份量剛好，不太多，又落在碟邊，可按喜好點吃。菜質量好，不老不「鞋」一如以往，整個套餐都很滿意👍🏼，因好味😋，所以滿足和開心😄溫馨提示😉，繁忙時段(午餐和晚餐)很多人，許多時需等位，和可能要搭枱，全店坐滿時會有點擠迫星期一只提供甜品和龜苓膏，沒有飯餐供應

話說有個同事某日去左呢間食糖水，傳來一碗綠色糖水相片過來，完全唔係綠豆沙，問我地知唔知係乜東東😅我地估唔到啦🥴最後佢開估係開心果糊😅咁呢因為貪佢咁特別，而且我又未食過，所以決定去試下，就買左兩樣不同糖水(開心果糊 & 補腦合桃露)回來一齊與同事們分享🤗當我去到呢間糖水鋪，佢地鋪頭似食龜苓膏格局，但係唔止有糖水食，仲有套餐蒸飯食😅都幾特別！先講講開心果糊：聽說佢地係人手磨製，所以好夠味，開心果好香，而且唔會太甜，岩晒我呢啲怕甜的人😅補腦合桃露：又係好足料，濃郁合桃味，又唔會太甜，正👍🏻

今日食完lunch, 心癢癢想嚐甜~之前從openrice見到公司附近原來有間店食開心果糊!好特別呀!決定去試下!其實呢間野, 我出去食飯行返公司時經過好多次了..但一直都冇咩留意佢..唔知佢有糖水食, 更加唔知佢有飯食..睇佢門面, 以為只係食龜苓膠的~今日細看先見到,原來門外都望到佢有d甜品糕點可以買,色彩繽紛都幾吸引。ummm.. 入到去,其實睇佢裝修都勁似食龜苓膠的枱椅都係酸枝的~因為我今日入來只係打算食甜品,所以我只係睇左甜品個幾頁MENU全要都係糖水同甜糕點~但我一早要Target左: 開心果糊!開心果糊 $34好特別呀! 我未見過青bb嘅糖水嫁!!!menu寫, 係採用伊朗出品嘅開心果~伊朗出品嘅開心果係咪特別靚?其實我唔識但呢個開心果糊真係好好味!一入口, 濃濃嘅開心果味,顯然而見, 佢一定係落足料去磨!仲要磨到好細滑,成碗都完全冇顆粒!好香好滑呢個開心果糊, 真係好值得一試!

之前一直bookmark咗呢間餐廳，因為佢有冇味精嘅住家飯同埋自家製無色素嘅中式甜品，仲有中式糖水，今晚終於去咗同男朋友試啦！😁叫兩個餐怕食唔晒而且覺得價錢唔平，所以兩個人share一個餐(可以有兩碗飯送)再加個甜品自選醬汁加兩款配菜同一個主菜，我地叫咗豉汁配雲耳粉絲配白鱔，如果一個人食黎講份量都足夠既， 不過覺得個汁好似太濃，啲粉絲索唔到，白鱔就蒸得岩岩好而個芝麻糕真係勁香黑芝麻味！真材實料，同埋好煙韌，果然有水準！👍👍下次如果經過可以買啲中式甜品外賣😂😂

當一諗到去想食蒸飯我就一定會來到太子呢一間佢哋嘅蒸飯有好多選擇有雞有魚有肉有菜最緊要係真係夠入味，味道夠香、又冇乜落味精！其實他們最出名嘅就係龜苓膏，價錢係比出邊貴好多，但係真材實料，其實我都係因為食龜苓膏認識呢個地方，下次有機會試吓啦我最鍾意就係食佢哋嘅鹹魚蒸肉餅同埋金針雲耳蒸雞！屋企真係煮唔到佢哋嘅味道肉餅裏便仲有馬蹄，增加口感蒸雞蒸得10分滑，煮出嚟嘅汁真係想食多幾碗飯㗎！最後來一個他們的甜品開心果露，真材實料！

每次行完花墟經過都會見到呢間餐廳，見到門面裝飾得好特別，好有80年代嘅感覺，見到門口擺咗好多糕點，我估入面係食糖水為主嘅。。。不過每次行過都冇入去食。今日咁啱經過花墟買花，又落住雨喎，行過呢度又好想食啲甜野，就入咗去食啦🤪🤪果然冇估錯呢度好多糖水嘅選擇仲要全部都係中式嘅有我最鍾意食嘅桑寄生蓮子蛋茶，又有蛋白杏仁茶，我同朋友即刻嗌左呢兩款食住先🤤🤤🤤桑寄生蓮子蛋茶隻蛋好入色呀，不過嗌入去就冇乜味既，只要碗蛋白杏仁茶好好味呀好濃郁嘅杏仁底，食得出係即磨嘅杏仁，唔係用粉沖出嚟嘅。。。食完個甜品又覺得有啲肚餓，於是就打開個Menu睇吓有咩食啦，我哋嗌咗個牛展麵同菜，我想講呢碗牛展面真係好有驚喜，首先梗係要飲埋啖湯，完全冇味精同埋勁重果皮味，淨係飲碗湯都抵晒，真心無味精，然後佢啲面好爽，一啲鹼水味都冇，仲有，佢啲牛展唔係好似平時一塊塊咁，而係好似沙嗲牛肉嗰啲牛肉既切法，呢度啲牛肉真係好新鮮🤫🤤🤤🤤

好耐都無黎過食野啦呢度又有煲仔菜， 蒸水蛋， 白飯任裝係唔少人既選擇唔講咁多啦， 即刻睇圖啦。 沙茶醬蒸雞味道足夠， 唔會太濃， 食落算嫩口， 未蒸到太老，可以一試。 其次係蒸水蛋， 相當嫩滑。仲有蒸肉餅， 鍾意食肉餅既人一定要黎， 好多選擇。

叫左兩個套餐, 寫單個位阿婆員工已經不斷寫錯, 我重複左三次先落到單, 之後同佢講我地只要－碗米粉, 因為食唔晒甘多野, 講左兩次, 最後都係要黎兩碗, 甘我同阿婆講我叫左—碗, 佢立即發難話我叫左而家又唔要, 之後仲要掉張單落我枱面, 當日太子爺在埸亦啤住我地, 其實我唔知我做錯Ｄ咩要受氣食物好亦需要對客人有基本禮貌吧！

對於中式糖水有種固執，我好多時都係食芝麻糊、杏仁露，而男朋友好多時都食合桃露，好處係可以容易比較各店嘅分別。呢間蘭苑饎館明明喺公司附近，照道理就應該一早試過，但今次係第一次黎，好多時行過路過專登黎過都食唔到，有時食飯時間人地滿滿人潮，咁我又唔好意思話入黎食碗糖水；有時又時間太夜；有時又行過黎途中俾其他糖水店吸引左。今次係專程飯後行番過黎，留肚，一心衝著佢地嘅糖水而來黎到都仲有半個鐘就關門，眼見都有唔少客人食緊正餐，咁我地食左野，所以就冇留意正餐有咩食，但知道都有唔少人鐘意呢度嘅中式野，話哂都係米豬蓮餐廳。裝潢幾有中國風，木枱木櫈、傳統印花餐具。甜品供應傳統中式野，馬蹄露、雪耳、木瓜、西米露、杏仁、芝麻、合桃、開心果、甜湯等，定價18蚊至3、40蚊，另外有啲標榜不含香料味精嘅多款糕點，紅豆、馬豆、菠蘿、紅莓、桂花、馬蹄、開心果、藍莓糕等，迷你size定價$12-16。開心果糕 $16、藍莓糕 $14價錢都唔算平，都係預先整好嘅糕點，點單後拎入廚房倒番出黎，size就係正常麵包鋪見過嘅杯裝布丁咁上下。當你懷疑緊開心果顏色嘅時間，餐牌會替你釋疑，寫明出品不含香料、人造色素，採用天然材料製成。

尝试了这里的煲仔套餐，调料、主菜、配菜和主食任意排列组合，考验想象力，十分有趣。菜品量足味道好。我吃到的例汤是红皮莲子和猪肉同煮的，汤底应该还放了鳝骨，令生长在长江下游的我大开眼界特别值得一提的是服务态度非常好，小姐姐不厌其烦地向我解释菜单，绝不让我稀里糊涂地下单，而且不像有些餐馆一个劲地推荐贵价菜。收银的爷叔也很客气。那天若不是肠胃有恙，我本来还想吃糖水的。不过没吃到也好，留一个念想，以后再来。

係太子等打波，之前睇到都有唔錯既食評，所以入去望一望先！一入到去過都算係舊式裝潢，不都新淨同乾淨。係本菜單比較古式啲！原來呢道係食#龜苓膠 、#甜品 、主餐，主餐有粉麵飯咖👍🏼我叫左#咋喳 ，都係好足料，不過我唔鍾意佢咁多 #西米 ，但係味道係好濃郁，好香豆味既！我朋友仲話呢道既湯係一流的👍🏼 下次黎試下個湯先❤️#蘭苑饎館#中式齋#舊式食店

今日搵食搵到太子，呢度一出地鐵站行幾分鐘就到10分方便，不過平時呢條街就好少去，不過近期都多咗一些食店進駐今次來呢間老字號食lunch， 其實佢哋最出名就係龜苓膏，間唔中都會過嚟食，下次先介紹今次嚟食飯主要食佢蒸餸套餐，其實都有幾十款選擇，套餐都有跟湯跟菜！一個餐大約＄60左右雲耳金針蒸雞： 雞肉仍然嫩滑，金針雲耳味道出晒嚟，好香！好想食多幾碗飯鹹魚蒸肉餅：肉餅裏便有馬睇，口感豐富，當然一啲都唔老，旁邊啲汁精華出晒嚟，又係送飯首選他們的蒸餸好新鮮好香，熟到拿捏得好好！最後緊要食埋佢最出名嘅開心果路啦！絕對好食

星期六與同行友人外出吃飯，在網上找到一間健康菜館，決定前往太子一試。見係米之蓮推介人氣餐廳，雖然沒有星，但係為咗確保唔會白行，晏晝12點已經打電話來定位。同行友人先問今晚有冇得定位，接聽電話男職員話你哋幾多位，友人表明兩位之後確定可以訂位。然後友人就先訂了今晚七點。黃昏六點的時候，同行友人因為有另一個約會怕晚餐會遲到，所以決定打電話去晚飯時間由晚上七點改為七點半，接聽電話的男職員確定改時間冇問題，對方亦聲稱認得同行友人之前打過來訂位。門口有個安排座位兼收銀嘅眼鏡哥正在忙，而同時亦有其他食客等候「派位」，而當同行友人表明已訂位，眼鏡哥就問幾時訂，同行友人話「今日晏晝」，眼鏡哥哥竟然爆出一句「今日晏晝訂嘅就唔算訂位啦！」然後一副好厭煩嘅樣。不得了，本人即刻着火，今日晏晝訂位唔算訂位，那麼晏晝聽電話話可以安排的是人還是鬼？ ！覺得要幫我地安排座位好勉強佢咁！因為地點是油尖旺，同行友人貴免招致殺身之禍，唯有安靜坐下。投訴完畢，繼續食評....外面招牌典雅，入面的裝修也很仔細下單後已經提供更慘的禮堂，番茄薯仔魚湯，非常入味，應該冇味精。白鱔同白切雞已經沽清， 十分失望，唯有令作選擇。欖角蒸肉片豆

米芝蓮的賣點不就是美食嗎？ 攞到米芝蓮， 不代表全部野都好食， 但水準應該不會太參差吧~ 😂😂 飢詩咁樣寫得，好明顯今次又叫錯嘢食啦 😂😂😂飯後 想清潤一下， 點了雪耳木瓜糖水， 雪耳是爽耳， 木瓜正常，但就是很甜很甜很甜， 沒有滋潤的感覺， 食咗一半就要投降 😅😅😅開心果糕~ 質感似椰汁糕， 用伊朗開心果製造， 青bb顏色， 聽說他沒有加人造色素 ~ 關於呢一點，飢詩有保留， 如果製成品有呢個顏色，一定要用好多好多開心果，但是吃起來開心果味很淡， 有點失望~ 😆😆桑寄生蓮子蛋茶~ 聞起來有種中藥的香味， 好似煲個中藥嘅瓦煲咁 😄 ， 其實嚐起來是蠻不錯的桑寄生味， 唔知係咪煲咗好耐，啲龍眼肉變曬色，嗰隻蛋都老老地~ 😅飢Point : 4/10#hungermarch #飢詩 #非飢詩

早幾日同朋友晚飯後去左呢間懷舊既食店, 不過黎唔係食飯而係食糖水! 黎到一定要試呢道先有既"開心果糊", 男朋友就食左蛋白杏仁茶呢道既開心果糊寫係用伊朗既開心果整成, 盛惠34大元, 上枱望落去似三眼仔d口水噤xp 好傑身,一pet pet , 食苛口唔覺有咩味, 但唔叫難食一只係形容唔丁食緊D 咩, 因為冇開心果味,又冇咩甜味噤, 所以貪得意試過就算.....