蘭苑饎館

营业中

休息中

難得跟家人吃飯不是吃回憶中的Pizza，這次去到深水埗一戰久仰的天祥。可是菜點太多，兩人捧腹而去，忍不住要散個步休息一下。由深水埗走到太子，短短的距離，所需時間不長，但我們走得特別慢，也方便聊天了。去到太子，本要揮手道別之時，想起了友人們早前提起的甜點。那時候也是小菜聚後的時間，結果被中途的街坊自家糖水截停。　　之前我們本打算去的就是蘭苑饎館，這次剛好來到附近。剛才嚷著非常飽十分飽超級飽大概兩小時的兩人，又走到店門口看看餐牌。看完了，所以，就順勢登記，然後在店外等位，同場還有四五人。不過我們只有兩位，其他的人數比較多，因此我們等了十多分鐘就入座。　　以為這兒只有賣甜品，因為以往一直聽到的就是糖水甜品等。想不到是有正餐，而且食物款式亦頗多，只是價位不屬便宜，就不知道性價比如何。回歸正傳，甜品當中有很多是坊間常見的，如蕃薯糖水及芒果布甸。最矚目的莫過於我所點那兩款綠油油甜品……慢著！可不是綠茶啊！開心果糕　$16　　此為迷你裝，在店外櫥窗看到，原是一個個膠杯定型的，估計可以就這樣外賣帶走。另有大版，但要先預訂，沒有現貨，所以不清楚實際大小。開心果糕頗為細滑，彈性富足，不會輕易糊爛。店方指開

第一次去蘭苑饎館，睇其他食評話唔錯就去試下。餐牌除左有中式餸菜外，仲有中式甜品。龜鈴膠、芝麻糊、合桃糊、木瓜雪耳、開心果糊等等。最特別既係開心果糊，見其他地好少有我地一行三人都叫泥試下。 一上檯，同朋友不約而同地話：「咁綠既」 老闆好好人咁即刻拎樽開心果埋泥解釋：「開心果原本係咁墨綠色既，但氧化左之後就會變綠，所以平時係街買個啲開心果都會有青綠色架。」一食落口，好香開心果味，好滑，係唔會食到渣架。而且係熱辣辣，食落甜度適中，但又唔會淡味。個人認為好岩唔會食太甜既長輩食之餘，又岩中意試新野既年青人。

之前睇到食評見到啲環境好有懷舊感覺，正好配合我同十幾年既朋友慶祝生日飯，所以請book左黎慶祝，依度既菜式都係家常小菜，好有家庭既感覺個湯好有媽咪煲既味道，最欣賞個水蛋蒸得好滑，肉餅亦好鮮味，無好老既感覺，總括大家都食得好滿意，好適合我地依啲成日無住家飯食既人懷念既飯堂！

2016-3-3專程去咗呢間由同事推薦既菜館一嚐青BB甜品 － 開心果糕，作為我的生日蛋糕！按照openrice既資料搵呢間菜館並不困難。兩點未到到門口，見到一張枱員工用膳及一枱2位既客人，我用力拉門，但鎖咗，成枱用饍員工冇人起身招呼我同男人講：可能下午唔開，真無癮！男人一手拉開咗門有位阿姨係舖尾走出舖面招呼⋯⋯原來「員工用膳」係客人雖然為著試糕而來，但我倆隱若聽見個胃都打鼓就叫咗一碗雲吞麵及一碗鯪魚球撈麵＋杯黑豆豆䊢 呢間餐館既食物水準不容忽視，標明不用味精，真係食得出出色但又好放心！最後我當要柯打我既birthday cake啦！ 簡單但特別的一餐！下次進攻$300+既龜零膏！

話說上次帶著友人在蘭苑門外久候接近一小時，因店家安排失當最後發火走人一事，其實還是有點深深不忿.....因為想吃的甜品沒吃到。昨天有事到了旺角附近，想起蘭苑在星期一因厨房休息，只會提供甜品。因為我對傳說中的開心果糊有極大好奇，決定再去一探究竟。六時多進店，只有我一個食客。店主再次提醒「今日冇飯食播」 (事實上真的有數位專程來吃飯的碰了釘子)我回應「我知丫」，然後叫了一個開心果糊、開心果糕及菠蘿糕各一客，$62。如不是稍後在外用餐，真想將所有糕類都叫一客打包。先上的是冰凍的糕點。開心果糕味道偏淡，不會太甜，但質感偏硬之餘也不太吃得出開心果的味道; 相對起來，菠蘿糕的味道和質感比較清新爽口，不過甜亦不酸，感覺比較合我心意。吃完兩件糕不久，開心果糊上桌了。顏色的確很吸晴，不過跟開心果糕有著同樣偏淡及吃不出開心果味道的毛病，但相對開心果糕而言，賣相及質感都是比較好，但不是像其他評論般所說那麼好，還是有一定程度改進空間。也許，在有訂座及星期一只想吃甜品的前提下，有緣再來吧。

今日經過太子，想食晚飯，搵左一陣突然想起好幾年前到過呢間餐廳，於是乎就走去呢間餐廳食喇。餐廳個名有些少難記，但我只記得佢係標榜無味精既。我坐下後，看一看餐牌，用木造既，好重手啊，成本秘級甘樣。我點左一碟豉油清遠雞飯，有菜送埋。我見到即蒸既，過左約10mins 蒸好了。我食落去，感覺雞肉好滑，可能係清遠雞既關係所以雞肉特別滑嫩，而且蒸得剛剛好火候，好有雞味，好新鮮，絕對吾係雪藏既，雖然入面有紅血，但我肯定是熟的，因雞肉太熟會吾好食的。雞比好多肉，啖啖肉，算是大隻雞比了。此行都值既。

這一夜，在附近的戲院看過戲後，已到了晚飯時候，漫步來到這間以龜苓膠與中式甜品打出名堂的「蘭苑饎館」，見自己只曾在這兒食過甜品，但從來未吃過飯，便入內試試。這兒的賣點之一，是餸菜比一般的坊間菜館健康，不但不會有味精，而且全部都是蒸餸或煲仔，完全沒有煎炸的菜式。這天我本來是想食鱔的，可是店中的女侍應告訴我鱔只賣剩一份，只得五件，所以便只是叫來兩個傳統煲仔「柱侯蘿蔔牛筋腩煲」和「魚香茄子豆腐肉片煲」做兩夫妻的晚餐。「柱侯蘿蔔牛筋腩煲」是有一定水準的，牛筋腩夠入味，腩汁也可以，不過蘿蔔就只是普通，不夠甜，也不夠腍。「魚香茄子豆腐肉片煲」的味道可以，但不夠辣，惹味度稍遜，豆腐太細碎，肉片多而茄子少，如果可以有得選擇的話，我就寧可要多些茄子和少些肉片了。兩個煲仔，加上芥蘭生菜雙併，兩碗一喝便知完全無添加的「蕃茄薯仔瘦肉湯」和任添的白飯，便成為了這夜的健康煲仔晚餐。

今日我特意來這間餐廳，以為是買龜膠，原來有飯食，看到d報紙剪報，我知道呢間餐廳出而既係蒸餸，食左完全吾會熱氣既。呢度既菜式係無味精既，出面係街食既一般都有味精成份，呢度食完完全吾會覺得口渴既。佢地有例湯附送，湯望落去顏色幾濃，好似煲左好耐甘，但飲入口都係偏淡既。好重要，湯只是微暖，感覺ok咋今日就叫左一碟黑椒牛仔骨，呢碟黑椒牛仔骨肉質好新鮮，軟林林，咬入口一d都無味精既味道，只係有少少黑椒既味道，味道雖然係淡淡地，起碼吾同出面既牛仔骨甘野味係因為味精粉多，但肉質係新鮮既，好軟滑，有鮮牛肉味，原汁原味，不煎反蒸，冇油但充滿牛肉汁，撈飯一流，食落口真係係另一種風味。係一種清清地既黑椒牛仔骨，大家不防試下！

今日我特意來這間餐廳，我知道呢間餐廳出而既係蒸餸，食左完全吾會熱氣既。呢度既菜式係無味精既，出面係街食既一般都有味精成份，呢度食完完全吾會覺得口渴既。佢地有例湯附送，湯望落去顏色幾濃，好似煲左好耐甘，但飲入口都係偏淡既。今日就叫左一碟黑椒牛仔骨，呢碟黑椒牛仔骨肉質好新鮮，軟林林，咬入口一d都無味精既味道，只係有少少黑椒既味道，味道雖然係淡淡地，起碼吾同出面既牛仔骨甘野味係因為味精粉多，但肉質係新鮮既，食落口係另一種風味。係一種清清地既黑椒牛仔骨，大家不防試下！

今日我特意來這間餐廳，我知道呢間餐廳出而既係蒸餸，食左完全吾會熱氣既。呢度既菜式係無味精既，出面係街食既一般都有味精成份，呢度食完完全吾會覺得口渴既。佢地有例湯附送，湯望落去顏色幾濃，好似煲左好耐甘，但飲入口都係偏淡既。今日就叫左一碟黑椒牛仔骨，呢碟黑椒牛仔骨肉質好新鮮，軟林林，咬入口一d都無味精既味道，只係有少少黑椒既味道，味道雖然係淡淡地，起碼吾同出面既牛仔骨甘野味係因為味精粉多，但肉質係新鮮既，食落口係另一種風味。係一種清清地既黑椒牛仔骨，大家不防試下！

今日經過太子，想食晚飯，搵左一陣突然想起好幾年前到過呢間餐廳，於是乎就走去呢間餐廳食喇。餐廳個名有些少難記，但我只記得佢係標榜無味精既。我坐下後，看一看餐牌，用木造既，好重手啊，成本秘級甘樣。我點左一碟豉油清遠雞飯，有菜送埋。我見到即蒸既，過左約10mins 蒸好了。我食落去，感覺雞肉好滑，蒸得剛剛好火候，好有雞味，好新鮮，絕對吾係雪藏既，雖然入面有紅血，但我肯定是熟的，因雞肉太熟會吾好食的。呢間餐廳仲有龜零膏同糖水食，不過我覺得飽，都係留番下次先啦。

星仔父母難得來港，於是我們就到處尋食，知道老人家想吃龜苓膏，家母就提議到蘭苑，說二十多年前曾吃過，龜苓膏夠苦非常足料，誰不知這蘭苑正好就在星仔的美食表內。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊蘭苑位於旺角警署附近的一段西洋菜北街，雖然跟彌敦道只有一街之隔，但人煙可謂差天共地。由於很早吃完晚飯，所以來到時只是八時，店內已坐滿食客，而他們全都在吃晚飯。來到店前，我才憶起約十年前也跟朋友到過此店晚飯。食店走懷舊路線，桌椅全是木製，連餐牌都有木製外皮。餐牌內共有三款龜苓膠，價錢由$53至$160，分別主要是所有龜種和藥材的數量不同。鷹咀龜苓膠($53)龜苓膠顏色烏黑，味道帶應有的甘苦味。質地較稀，有點像啫哩，而非膏狀。雖然從餐牌圖片所見，這鷹咀龜苓膠質地都是啫哩狀，而較貴的金錢龜膠才是膏狀，但不明為何同是龜膠，但質地有如此大的分別。除了龜苓膠還有多款中式糖水，價錢由$18至$38不等。開心果糊($34)開心果糊顏色翠綠，總覺得這顏色除了出現在蔬菜內，感覺都非常詭異。但見店子牆上大大隻字標榜店內食品不加人造色素，而開飯網上也有不少人點這開心果糊就姑且試試。開心果糊濃稠適中，

在彌敦道某素食館因未有訂位被趕出來之後，因同行友人喜好清淡住家食物，決定走到隔街的蘭苑。之前已交待了姓名及人數，店家也記下了，當時，未有人在等候，但六時不到，店內全滿。等候不是問題，但當後來有的只有兩位、四位都可以入座，我們仍未可入座，追問之下，竟表示沒有本人的登記。好，我就當你錯，再等一會。等了大半小時，終於有一張「完整的」空檯，滿懷希望的準備入內，竟然叫了另外八人入內，理由是「對方已訂座」。如果是這樣的情況，你應一早講清楚，而不是一直耍弄別人。實在很不知所謂，就算餸菜甜品怎麼好食都沒用。如果，仍然想要來這裡貼錢買難受的話，請留意：如多人前來，一定要事先訂座。單獨或二人前來入座安排較快。星期一厨房休息，只供應甜品及龜苓膠。店內十分擠迫，攜帶幼童及嬰兒車者慎入。今次的感覺實在太差了，要吃類同的食物其實有很多更好的選擇。

之前試過星期一晚去 摸門釘 只供應糖水。然後一直擱置左 無去過。突然又想起 想食中菜 二話不說和友人去。家常小菜來說 我會給一百分 無味精 味道適中 食完是好滿足的感覺。$85一個套餐 包小菜 油菜 老火湯 飯面任食。除了伊面加$5。非常推介原汁牛根腩 炆得好軟綿綿 陣陣五香味飄浮著 好好食。非常正客家豆腐 係豬肉球在豆腐上面 即叫即蒸。豬肉球入面有馬蹄蒜頭 肉質彈牙 豆腐好滑 配上豉油 真是一流。我加了$5要伊面 真是回味無窮。湯底有淡淡瑤柱清香 伊面彈牙 無得彈。老火湯送完即止 是日蓮藕湯 濃濃味道顯示真材實料。我已經決定會成為它的常客！

出門在外，食滯是在所難免偶然想食得健康點、清淡些但又不想食齌朋友推薦了這間「蘭苑饎館」仲話想食好耐地點頗近太子地鐵站轉個彎就到中年姐姐叔叔招呼都算親切店裡有點古色古香的感覺木製的檯椅、木雕的餐牌該店應該是出名食龜苓膏（可惜小妹不好此道）菜式頗多，多數是蒸餸，套餐價錢大致一樣（部分餸加幾蚊）有飯有湯有菜見到「本店用新鮮雞」呢句諗都唔使諗，同樣價錢肯定要叫雞啦（新鮮雞貴定金錢龜貴，我不要龜我要雞，哈～）叫左冬菇雲耳蒸雞，數量有限，好在我剛好有得食上面有金針菇、冬菇、黑木耳雖然蒸的火喉過了點但新鮮雞始終係唔同冰鮮雞咬落去質感都唔同金針菇帶嚼勁配上冬菇雞汁撈飯一流！又叫左個「仁稔子薑龍脷柳」仁稔這東西我從未食過略帶微酸，感覺有點像豆豉，但沒有豆豉般味濃Search一下，原來仁稔原本是一粒粒綠色果子，具有消滯之效，配蒸煮菜式尤佳消滯正合我心意炖黃魚頭膠湯，養心安神、滋補肝腎，看到「滋補肝腎」即雙眼發光用套餐的老火湯抵20蚊，另加60蚊叫了一盅來share很有中藥味道，又黑又苦，幸好是share，不然一個人飲光一盅應該會「縮縮不行鳥」好快清晒全檯食物是時候叫甜品！早就知道該店「鎮店之寶」之一是綠油