蘭香麵家

营业中

休息中

對仔女返學啦! 上半場打掃完畢已快到12時, 拿拿聲執吓個樣到蘭香去.之前看食評說蘭香的雞腸麵超讚, 就趁今天蛇出來品嚐一下! (其實無乜必要, 我唔食午餐嘅, 吃了午餐晚餐只吃仔女的剩飯剩菜, 好可憐ga....)要了一碗鷄腸豬手麵($25) 和 熱咖啡($6)本想食冬菇 & 油菜, 但我怕吃剩, 下次再嘗吧.12點15分, 蘭香未有太多客人, 只有幾枱熟客, 他們不分客人或伙記, 一直在開心談笑, 說說近期熱爆的明星結婚問題, 很好笑.廚房不用3分鐘熟練地做好了我的鷄腸豬手麵, 收銀, 傳菜, 清潔一腳踢的女士快速將麵端上, 這時咖啡也送來了.喝一口湯, 沒鮮得嚇人的味精味, 雖有油但口味清清不會很咸. ok.吃一條短短的鷄腸, 沒有肥膏殘留, 樣子還可. 沒點豉油, 無乜味, 也沒臭或怪味, 其實這是我第一 次吃鷄腸無從比較. 但我以為鷄腸會有鮮味, 原來是沒什麼味道的.豬手, 沒太多肉, 但入味軟腍, 真的很不錯啊!只有 2 件太少了呢....麵很幼身, 爽口無鹼水味, 很好啊 !一直吃下去.....救命呀 !!!!! 鷄腸有沙, 不想形容那可怕的感覺, 我是不應選吃

地點佐敦三角廁所附近,有點偏遠!!舖頭細細,無什裝修,但食物出色!!麵的湯底清甜可口,一點不膩,什至會上隱,味精就一定有!!這裏招牌的黑牛栢葉,雞腸,冬菇都很出色,特別是冬菇,大隻肉厚,用秘制的醃料來燘,很入味也很美味,不會死咸,令人停不了的吃!!黑牛栢葉--很爽口彈牙,這裏切得較細,入口容易!!雞腸--份量多,洗得很乾淨,爽口,吃完全部也不覺肥腻!!鮮蝦球--很鮮甜,蝦味濃,也是爽口彈牙,正!!豉油--一碟送的豉油,味甘而鮮甜,據說用了些中藥製成,實在好味得很!!!!一個4餸麵,食曬以上食材,41蚊,飽到反肚,正!!!

點咗個豬手冬菇飯，仲有菜墊底添，豬手又夠諗又入味，冬菇好厚呀，一開二我鐘意！($33) 另外點咗個雞腸黑柏葉幼麵，雞腸LEE個餸好特別，其他地方好少有得食，黑柏葉就切得糼咗少少，個麵都幾爽呀！ 未食野之前，我去咗餐廳個厠所，唉.............破壞哂一切呀，個地下有油，好滑呀，我超慢咁行，都差D"線"親呀，超扣分呀！(其實如果我嗰刻唔係超急，我都唔想去架！)有人話如果唔想破壞間餐廳喺你心目中既形像，最好就唔好入佢個厠所，否則會好扣分，LEE句說話我好認同呀！

蘭香除左雞腸及柏業己外, 原來佢既豬手及云吞都好好食.豬手-好淋-好香(不過一定要叫阿叔比舊淋既你)云吞-係大大粒個隻, 好爽口, 蝦多過肉, 我食過佢既水餃, 始終覺得云吞好食好多. 食完佢既云吞好滿足.可以叫阿姐幫你加蔥絲, 加埋豬手一起食無甘膩, 正

又再來到「蘭香麵家」，今次拒絕清湯而改投濃郁的柱侯湯懷抱，最後完全沒有令我失望，實在是精彩。軟骨及牛筋是自己其中最愛的食物，所以點了一碗「牛筋豬軟骨麵」($28.00)。湯底充滿濃郁的柱侯醬的顏色與味道，湯面鋪滿了韮王，馬上呷了一口湯，果然與眼睛看見的沒兩樣。清香的韮王跟濃郁的柱醬味，實在匹配，令我也忍不住一口麵再一口湯地吃著。麵質如常地彈牙，只是今次麵香有點被湯底蓋過，但仍無損它的彈牙爽滑。牛筋彈牙有嚼勁，不會過於黏口，入味之餘不會過咸。豬軟骨小小一片，腍身得來又不會散開，軟骨的軟硬度適中，不用使出咬碎銀牙的力度，與肉一起放進口內，感在是一種小小的幸福感覺。食清所有食物及配料，最後只喝剩三份一碗湯。

十年前自己仍是中環的上班族，於午膳時間經常到威靈頓街的「關超記」吃「黑葉鵝腸」粉麵，喜歡的程度甚至在假日也會專程乘巴士光顧，除了「黑葉」與「鵝腸」外，「冬菇」也是常點的食物。但其後來突然結業，而在同區也找不到一間令自己滿意的同類型食店，在脫離中環上班族後，原來已不經不覺與這款「黃黑食品」分開了十個寒暑。今天來到「蘭香麵家」，就是為了尋找失散已久的味道。距離晚市尚有一段時間，店內只有數名食客，坐下來沒有細看餐牌便立即點了「雞腸柏葉麵」($26.00)，不一會便跟一小碟豉油一同送來。一眼看上去跟「關超記」的有九成相似，清澈的湯底，加上由雞腸分泌出來的油份，在湯的表面鍍上了一層閃亮的油光，馬上喝了數口湯，有清甜的感覺，味道濃淡適中。跟豉油一起送來的安排亦一模一樣，因為「黑柏葉」本身沒甚麼味道，只能帶給口感上的享受，要跟豉油一起吃才夠惹味。這裡的「黑柏」當然亦是一樣，同是爽而不韌，豉油只帶微辣，對不太受辣的我來說實在是合適不過，豉油的味道夠鮮夠香，不是一味死鹹的調味料。「鵝腸」已由「雞腸」代替，若論肥美度，仍然是前者勝一籌，但此處的雞腸也符合肥美的水平，同樣是爽而不韌，雞油香而濃郁，入口後甘香

同男友再次黎幫襯了, 今次怕肥無嗌到雞腸... 炸醬雲吞麵($25): 炸醬偏甜有少少辣, 幾開胃. 雲吞大大粒, 入面d蝦好大隻好爽!!冬菇黑柏葉麵($26): 黑柏葉十分爽口, 不錯! 冬菇比上次來吃的遜色了, 炆得不夠稔size也沒有上次般大隻... 有點失望! 還是覺得這裡的雞腸最出色! 麵質依然爽口無梘水味! 但總係覺得湯底無上次0甘鮮甜... 食完再次捧住個肚走! (睇到牆上面貼住既雜誌報道譚校長一個人可食四碗冬菇麵... 實在太強勁了! )

友人食過好多次極力推介雞腸一於去食下去到人不多即刻有位叫左雞腸豬軟骨米粉感覺上雞腸豬軟骨同米粉會比較夾(其實係本人鍾情於米粉多d哈哈哈哈)豬軟骨就無乜特別有少少鞋鞋地不過個雞腸就真係唔錯有豉油伴食,雞腸份量多最緊要係夠爽口夠鮮味點埋豉油食一流可惜太多抽喇希望可以剪開少少,可方便進食睇黎下次食要自備剪刀哈哈哈哈

食左黑柏葉麵，加碟淨雲吞。黑柏葉爽，唔會韌到咬唔開，蘸辣豉油食一流，麵就差少少，無水味但係亦唔爽。聽班老客人係度講野，大家紛紛講新年快樂，突然間，好有過年Feel。

同學話帶我食一間地度好味麵店~ 那天就是交完final project，真要好好的興祝！同學推薦 : 雞腸雲吞麵！我就好鍾意食冬菇，所以點了冬菇豬潤麵！最興奮還可以點最愛凍奶茶！上來寫食評先知我無叫錯~ "冬菇豬潤麵" ，冬菇極大隻又"林"，豬潤似乎被牛柏葉蓋過氣勢，豬潤很爽又新鮮！雞腸不用多說吧！點一點豉油好味至極！ 坐得都ok舒服，晚上不太多顧客，可以邊吃邊慢慢傾計~

呢間鋪頭既位置都幾難塭, 好彩有男友係度0者 ^ ^入到去嗌左:冬菇蝦球麵 - 冬菇有三大舊, 有舊真係大過我隻手掌! 好誇! 不過真係好好食, 好厚, "火文"得好入味好淋! 不過其實都幾濃味, 淨係食菇都飽左一半喇. 蝦球就覺得較普通, 點左豉油好食d, 但都幾爽口. 麵無梘水味, 湯底好清甜, 我飲左好多 ^ ^ 雞腸豬手麵 - 黎果陣都嚇左一跳, 因為個面有層雞油, 男友開頭仲以為係另一種湯底添! 但係d雞腸真係幾正, 食得出好新鮮, 點左d豉油真係perfect match! 不過有d都幾肥下... 男友話有d覺得越食越膩. 豬手就麻麻, 味道淡亦不夠淋, 又無咩肉. 男友怕左d雞油唔敢飲d湯, 哈哈鍾意食呢度既麵, 因為個湯底真係好甜好好味! 但食完真係幾滯下, d菇真係太巨型喇. 見到有個男人食完一碗麵再encore左碗冬菇麵, 真係好勁呢黑柏葉應該都唔錯, 好多人叫, 又想試下豬軟骨, 我諗遲d都要黎多次喇雞腸愛好者絕對要黎試下 ^ ^

今日收工後, 漫無目的地閒逛, 經過這裡時剛好肚餓, 於是入去吃東西醫肚.周日的中午一時, 店內人客不多. 坐下後, 才看到牆上貼著店子的招牌貨: 雞腸和黑柏業. 本來也想試試雞腸, 但一想到腸內的肥膏, 立即打消了吃雞腸的念頭. 結果點了碗黑柏業麵.黑柏業麵很快便送上, 看起來也不錯, 只是比介紹圖片的那碗份量少得多, 接著還送上豉油一碟. 正當覺得奇怪, 為什麼要另外送上豉油? 枱面不是有一樽嗎? 看著牆上的介紹, 才知道這碟是特製的豉油, 有中藥成份! 黑柏業很爽口, 但本身無甚麼味道, 點了豉油吃會好一點, 因為豉油有點辣! 至於中藥味則吃不出來. 麵也不錯, 沒有鹼水味, 麵質也爽. 見鄰枱的冬菇麵也不錯, 冬菇很大塊, 下次再來時會試試.

這裏的雞腸肥美、黑栢葉新鮮爽口,湯底鮮甜,很多人也知道!其實它的鮮蝦球也很鮮美,很爽口;至於冬菇,我第一次吃時都覺得好食,但不及柏葉!但現在越吃越喜歡這裏的冬菇,很入味,有時會好大隻,很厚肉,看你有沒有運!還有還裏的豉油,很好味呀！在3角廁所附近,上午3點鐘関門!

好鐘意食黑牛柏葉，爽爽脆脆的口感極佳，居港初期即被它的主打黑牛柏葉招牌吸引，如果與荃灣的彬記比的話，彬記的也很不錯且有花生，而蘭香的牛柏葉下層則是有許多芽菜，此彬記比較抵食!因鐘意食淨米粉，二家的淨米粉是彬記勝出，但蘭香勝在服務親切!

看題目不要心邪, 我所說的北菇是吃的北菇啦.相約朋友吃個夜宵, 因為將近午夜, 所以想吃的公和關門了. 於是朋友推介到這店吃馳名雞腸麵.尋尋覓覓之後, 終於來到店門前, 真艱辛呢. 由於二人均對另一馳名黑柏業無興趣, 所以都想點雞腸冬菇雙拼麵. 商量之下, 點了雞腸和冬菇麵各一碗分來吃.麵的湯底很清甜, 麵條沒鹼水味, 好. 雞腸爽脆, 因為沒清除肥油, 所以吃到滿咀香口雞油, 點些秘製豉油更能吊出鮮味哩. 可是眼見肥油黏附的血管有點可怕, 還是動手把它除掉......冬菇哩, 吃過後認為它是招牌菜!!!! 冬菇大塊頭又厚身, 一般食店很少用到如此貨色. 用秘製醬汁炆煮, 味道濃郁, 但較魚娘用蠔油炆的清新一點, 更能吃出獨特的菇菌味. 吃到差不多的時候, 還差點想買個冬菇外帶回家給家人分享哩.後加的白灼牛肉, 不要以為牛肉份量很多, 碟底舖滿銀芽就是了. 肉質是腍, 可惜無什肉味, 失敗失敗. 不過牛肉加生薑生蔥吃更為討好. 附加一句, 喜歡吃生蔥的朋友呢, 可以找老闆伙計添加, 他們都會一小碗拿過來讓你吃的, 好不濶卓. 食店位置雖然不方便, 但最好就是晚