蘭香麵家

营业中

休息中

過到尖沙咀，蘭香係其中一間便宜又好味的店。通常都係吃黑柏葉麵或冬菇麵。黑柏葉不用多說，就是爽口又天然，極有𡁻口。冬菇超大隻又厚身，夠晒冬菇味。麵爽滑彈牙。湯清清淡淡。絕對係快靚正之選。

我是麵精,好想試好耐,進店時時間算早 18:45 點了鵝腸 + 黑柏葉麵. 味道不錯這個麵. 不過主角鵝腸不夠爽失色子一點,黑柏葉是沒有味道的,所以特加上一小碟(薑蔥豉油) 這樣可以令大家有爽口感之外還有味道上滿足朋友點了雲吞麵算合格吧油菜有小昆蟲送來這裡一定要點"冬姑麵" 果然沒有失望. 沒有拍照(因為太好吃了)冬姑夠入味,份量十足.總括 : 喜愛吃麵的我是一個不錯的地方,價錢算 ok但店內有點熱,可能無咁多人沒開齊冷氣

周日訓到日上三竿，本來諗住去行下山都係要cancel。搭車出尖咀，帶左食家去上次食過令我念念不忘的美味小店﹗蘭香麵家，地點在尖咀柯士甸道﹗店子少少，座位得十幾個，由於我地四點幾先來到，唔洗等位﹗呢啲精緻小店通常特別多雜誌介紹，呢間真係好野黎，不要錯過﹗見佢係特別推介，梗係試下啦，冬菇麵﹗呢度既冬菇以厚肉味濃見稱﹗食家點了冬菇河粉﹗冬菇有五六片，唔好睇佢好似好少咁樣，件件都好似我咁超厚肉﹗有相為證呀﹗菇味出眾，香味濃郁咬落多汁，軟韌度適中，食家食到點哂頭﹗我可以咁講，係有鮮冬菇的軟腍質感，卻有乾花菇的濃郁味道﹗蘭香的主角來了，馳名黑柏葉麵﹗柏葉份量足，佔了大半碗﹗柏葉做得爽口彈牙，片片煙韌有緻，全無皂水味，那種口感真係一試難忘，與其他地方吃到的柏葉截然不同﹗記緊要蘸上蘭香自家出品既豉油，裡面加入咗陳皮，輕蘸下香氣悠揚，引出柏葉的鮮味，特色出色﹗食完兩碗麵後唔多夠喉，兩個人叫多個碗淨鮮牛﹗牛肉經過處理，夠腍身，色澤雖殷紅味道卻偏淡﹗還是冬菇及柏葉最好﹗呢間小店還有出名的雞腸，好此道者可以來試試﹗埋單都係$70，能吃如此美味，尖咀來說好抵食呢﹗更多資料: http://hk.myblog.y

沿柯士甸道走，右拐進柯士甸路再走上數分鐘即到三次光顧, 發覺此店用料新鮮, 水準穩定, 每次用餐, 伙計們嘻嘻哈哈, 如一家人般, 雖然於星期三和六都會聽下"馬仔" , 大叫"上, 上,上", 但耳聽八方, 從不會待慢人客, 再且曾多番邀請他們喝酒, 都被婉拒, 只因不在開工時喝酒, 而 影響服務質數!老字號, 質量皆佳, 當然受到各傳媒或名人如譚校長, 發哥, 小鳳姐幫襯!The boss冬菇豬手進食冬菇能增強身體免疫力, 各位要多嘗呀! 這裡冬菇超厚身的, 而且色澤光亮，爽口稔滑，咸甜適度,，顏色潤澤。聞一聞，菇味清香濃厚的。豬手做得肉質幼滑, 肉汁豐盈, 每一口感到骨膠原在按摩口腔。 牛肉餅 雞腸麵食髓知味, 雞腸爽脆彈牙: 這裡用上並無雪藏過的新鮮雞腸，帶點脂肪，師傅即場將之輕輕灼過，一堆金黃色的雞腸剛好灼熟，口感爽而不韌，剩下點點的脂肪被熱湯溶解，透著雞油的香味, 留低一層薄薄的濃味雞油將麵條沾上雞香吊味。請留意在碟上右邊的兩塊牛肉餅, 有嚼勁, 有手打牛肉的咬口, 淋上腩汁, 無論賣相, 食味都滿分毫不手軟的薑蔥絲 , 鋪天蓋地的灑滿 爽、脆、滑的鹼水麵祕製辣椒油, 有

繼續重溫身患腸胃炎的一天，實在慶幸自己身處的尖沙咀座廁林立，和「七仔」一樣，總有一間響左近，當日我便先後幫襯了 The One，Royal Garden 及 Eaton 的洗手間，如果有「廁評」網站的話，應該可以寫番兩三篇「交水費推介」！有出必有入，但吃甚麼都會刺激腸胃，還是去價錢相宜的粉麵舖比較妥當，位於柯士甸路的蘭香麵家正好是一個選擇。蘭香麵家其貌不揚，其實這裡的黑柏葉和雞腸甚為有名，可惜實在沒胃口，想放肆也不行，遂改要了牛腩河 ($24)。牛腩份量甚多，大約一半筋、一半腩，前者入口很爽，不會硬掘掘的，很有水準；後者肉質雖偏瘦，卻煮得甚為入味，湯底亦十分濃郁，只可惜當我吃了三份一後，肚內再次咕咕作響，唯有棄權。女友要了黑柏葉冬菇麵 ($29)，麵條帶爽勁，黑柏葉部份腍身，部份有點韌，而冬菇則帶來驚喜，大大粒之餘又 keep 到陣冬菇味，值得一試！雖說有病在身，但浪費了大半碗粉麵，真是罪過，亦暫不評論蘭香的好與壞，留待下次番兜再說吧！

蘭香麵家在佐敦只是一間唔太起眼的麵舖，位於柯士甸路的一旁，可是店舖提供的食物卻是馳名的很，主打三樣食材：雞腸、黑柏葉及冬菇。雖然這裡售賣的不止這三樣食物，還有很多食物可供選擇，每次經過時，看見每人都吃著以上其中一種，個個都食得津津有味，可是次次都不能進內品嚐，店舖內外皆是人，食一碗麵都要大排長龍，令我十分鼓譟。前幾日，終於找到一個平凡的下午，店內有大約8張圓枱，只是有幾位客人，當然第一時衝入內霸個靚位食麵，周圍看了一看，全是報導它們的剪報或雜誌內頁，篇篇都大大隻字寫著雞腸、冬菇、黑柏葉，我當然不執輸，要了一碗冬菇雞腸麵，本來想要三拼的，可是又不覺得可以三拼，就是這樣，三款食物在我腦海內不斷搏鬥，最後勝出的就是冬菇及雞腸。點了之後，阿嬸遞上了一小碟鮮味十足的黑豉油，目的是用來點雞腸的，麵上枱後，只見一大堆蔥花、雞腸同一隻隻超巨型的冬菇，隻隻都半隻手掌大，好嚇人。急不及待先試雞腸，果然非常之新鮮，爽脆彈牙，黏滿了肥膏，食落有鮮雞的味道，配上蔥花及特製的黑豉油，完全升了一個層次，非常美味。上街食飯時，冬菇都只是細細隻，如手掌般大都是第一次見，開頭以為是鮮冬菇，可是又食到乾冬菇那份特別的濃縮味

叫了雞腸 + 柏葉 + 豬潤麵...價錢好似係$34.柏葉同雞腸麻麻地, 只有柏葉較為爽一點, 兩者都無咩味道, 無雜誌寫得咁好...附上的豉油很香..用來點柏葉及雞腸味道才稍為加分....反而豬潤味道很好, 淥得剛熟....咬落很軟...

看到今期的飲食雜志有篇專訪，是關於尖沙咀的“蘭香麵家”，說此店的雞腸黑柏葉麵好吃，我這個為食鬼最愛吃內臟，再加上營業時間是早上八點，對我這個下午要留在家中帶孩子的師奶來講就再合適不過了，馬上出發！ 店子不難找，沿柯士甸道走，右拐進柯士甸路再走上數分鐘即到。甫坐下，餐牌都不用看，就叫了個雞腸拼黑柏葉麵，問過可以再加菜，便添了冬菇（加五元），因為据介紹冬菇麵也很受歡迎。不一會，麵來了，很足料，蔥絲也有很多，可吃了幾口雞腸和黑柏葉，發現除了爽口的感覺就沒其它味道了，雖然店家提供了一小碟的醬油，可是我蘸了下，味道怪怪的，說不出的感覺，是否用了很差勁的醬油呢？實在是太淡了，我又再加辣椒油，誰知又是不夠辣，無奈只好接著吃下去，偶爾還吃到有沙的雞腸，還好後加的冬菇挽回少許好感，炆得夠火候，又大大的一隻，早知吃冬菇麵好了！說真的此店的雞腸、黑柏葉外面不常見，可我喜歡吃有調味的，而不是如同白灼一樣，是我不懂欣賞吧！

9月1日, 今晚呀菲有事嚟咗尖沙咀, 我嚟到等呀菲搞掂後, 就嚟到附近麵檔食個晚晚飯~ 呢一間門面光鮮, 但係內裏枱枱櫈櫈以及裝修等都顯出歲月嘅煎熬, 應該都歷史悠久~ 店舖出名食雞腸同黑柏葉, 嘩好冷門的, 一定要試一下~::: 雞腸黑柏葉米 + 忌廉 ::: $28 + $8未上米粉前先附上一碟豉油, 老伯伯話係用來點雞腸食嘅特製豉油~ 再上米粉, 好大一碗, 毫不手軟! 雞腸同黑柏葉已經蓋晒成碗米粉, 仲要加上大量蔥絲, 足一人半份量~ 先喝一口湯, 好清甜, 淡淡嘅清湯底加少少雞油已經好吊得出d味道, 應該落咗唔少心機, 易入口而冇味精~ 而米粉索咗湯底意外地好食, 雖則我平時都唔係好食米粉, 不過今次覺得係叫啱咗~ 雞腸爽口彈牙, 冇肥膏黐住, 再點一點特製豉油, 更加添幾分鮮甜味, 好夾~ 黑柏葉亦十分爽口, 冇漂咗嗰種味, 又可以點雞腸嘅豉油, 就咁食亦都好原汁原味! 不過又食雞腸又食黑柏葉, 要知道2樣野都比較難消化, 所以都係要慢慢食, 咬多幾下先吞就好d~雖說$8一枝只有192ml嘅忌廉確實唔平, 但係食粉麵配上玻璃樽裝汽水就別有一番風味~ 仲要平時冇乜人飲, 枝忌

第一次來到「蘭香麵家」，第一次食「雞腸」(鵝腸就食得多)。看到餐牌有我至愛的「牛筋麵」又想試「雞腸」，終於叫了個雙拼。看到「雞腸麵」$23，「牛筋麵」$24，問老板娘雙拼幾錢？也都是$29!一來已是大大碗，鋪滿荵花於面，原來下有乾坤。三大條肥美牛根，加上「一搾」雞腸，真係雞腸多過麵~!雞腸外皮爽滑，內涵肥香，配上獨家特製「葯材豉油」，簡直一絕。(其實配麵，和肉，都很好味。)麵是「鹼水幼麵」，但無鹼水味的留下，只有鹼水麵的爽、脆、滑。湯是濃味的上湯，未及問用甚麼材料餚製時，已被我喝光。真的很久沒有吃過一碗那麼好味的「麵」。離開時，口內齒間還留有那「葯材豉油」的甘香。

1. 白灼黑柏葉$45 ~ 一上枱便很開心,一大堆蔥絲,栢葉底下還有很多芽菜仔,豉油碟上再加點店中特制的辣椒醬油,好味! 最後二人還食剩一點點柏葉.2. 雞腸粗麵$22 ~ 雞腸入口有少少"壓"味,不過麵底無梘水味,雞腸份量都很多.3. 鮮牛肉米粉$23 ~ 牛肉沒有花巧的醃料,湯底又沒有重味精,幾好.

出街搵食 最緊要係好味 其次係物有所值一直都相信 好味有好報 好鋪就要齊齊吃 吃出個未來咁先係路呢間小店隱藏在尖沙咀柯士甸路近三角公廁 ,不起眼的店舖位置但出品絕對不賴個人喜歡這裡的黑牛柏業和雞腸,呢兩樣東東同樣是膽固醇的黑星但試問香港有幾多地方有呢d咁好味的東西呢湯被黑牛柏業和雞腸的油滲出來,喝起來有種豐富的感覺(如果你唔怕肥的話)店中特制的辣椒油也是一絕,只有一邊點,一邊吃,才有口感 下次吃的時候,一定要叫老細多蔥,他真係會成碗滿滿的給你 好滿足不過要彈的係麵底真係流左少少,我個人會偏好吃米線/米粉 多一點 尖咀區 $30 樓下就有既美食 邊到搵丫 ~ 呢度唔會因為你只係幫襯一個麵就黑晒口面,相反重同你講洗唔洗畀多個碗仔呢d就係人情味囉

平常都會吃湯麵的,但有點餓,於是就叫了牛柏葉撈麵。棄用蠔油,用了腩汁,看看是否有所不同。才加5大元,量就多了一倍!!牛柏葉仍然爽口,麵條也有蛋味也彈牙,腩汁的味道就不太突出,不過也好,好像沒有那麼的油。下次要吃粗麵試試看。

12-4-2010屋企繼續無煮飯, 唯有繼續自己搞掂. 是日忽然想食冬菇, 諗起呢度有供應, 收工專程過嚟試試, 簡單叫了冬菇 + 黑柏葉米 ($28).先飲啖湯, 係牛骨湯? 味道清甜, 又好似帶點鹵水的味道, 唔知乜嚟?冬菇有 3 件, 肥大肉厚到呢 炆得入味, 食落多汁濃香, 正 黑柏葉質地十分爽脆, 食到「束束聲」, 不過供應的豉油勁鹹又唔多夠香, 可以更好的; 仲有薑蔥絲, 不過我覺得作用不大, d 蔥太硬了.米粉就淥得剛好, 份量仲好多, 食完勁飽 原來想叫埋呢度另一「名物」白灼雞腸, 不過食晒成碗米粉都飽了 7 成, 下次再試吧.$28 埋單, 尖沙咀嚟講十分平了, 值得一試的.

食左碗牛筋豬軟骨麵, 我個FD 食左碗黑柏葉麵D 牛筋豬軟好軟同入味, 我個FD D黑柏葉好爽, 蘸D豉油好鬼正都係唔錯的一餐