蛇王兄

营业中

休息中

我幫襯開蛇王兄好多年，尋日見冬冬哋又去幫襯下食蛇，去到門口人多要排隊，就望下D伙計做嘢，D人好似唔同咗，而糯米飯又好好鬆散咁，D蛇羹又勁多木耳，總之怪怪哋……坐低食，發覺蛇份量少咗好多，而木耳真係好多，水汪汪之餘覺得有味精，隔離枱問個伙記係咪轉咗手，佢答話冇。總之就係極失望，返到屋企要勁飲水啦。

開心心好豐富 一人一個小蛇餐蛇肉啊!!!好緊張的我…湯嘛怕葯材味嘅我 表示: 好苦啊 朋友們就開心飲曬~自小… 我對糯米飯就完全無抵抗力~ XD中醫唔比我食, 但我真係好鍾意呀… 香糯糯 口感真係好滿足蠟腸鮮香甜 脆皮口感啱啱好潤腸我就真係食唔慣味濃咸甘得不得了…我要再快吞 2啖飯先過到陣味… 鍾意食啊~我食曬全碗, 仲得到用蛇羮交換番黎嘅半碗… 好開心~ 好多唔同款浸住嘅蛇酒…開眼界了…仲見有蠟腸潤腸可以買走架~佢地個蠟腸好食, 有刻心動了… 可惜跟住要去做嘢, 無辦法拎住佢地… 下次吖~ ;)

昨天朋友介紹我去太子蛇王兄試蛇汁雞飯，果然名不虛傳！一進店裡，就能感受到濃厚的地道氣氛，服務員熱情周到。點了招牌的蛇汁雞飯，雞肉滑嫩多汁，口感絕佳，特別是與薑蓉搭配，味道更上一層樓，薑蓉的香氣完美地提升了整道菜的風味。除了雞飯，我還點了龜苓湯。這碗湯的湯底非常濃郁，藥材香氣四溢，讓人感受到傳統中藥的精髓。每一口都能品味到深厚的滋味，喝完後不禁讓人感到心滿意足，似乎還能感受到身體的輕鬆。整體用餐體驗讓我感到非常滿意，食物的質量和味道都超出預期。這裡的價格也相當親民，讓人覺得物超所值。用餐後，我心裡已經暗暗計劃著下次要帶更多朋友來一起分享這份美味。太子蛇王兄絕對是一個值得重複光顧的地方，期待再次品嚐他們的招牌菜！

闊別多年，這晚趁著天氣寒冷，北風凛洌，兩夫妻來到這間「蛇王兄」吃碗熱氣騰騰的蛇羹做晚餐。多年沒見，店舖模樣變化不大，不過蛇羹、蛇湯、臘味糯米飯等物的價錢都貴了，盛載蛇羹的湯盅變靚了，本應放著活蛇，但現在已經不知道裡面放著甚麼的櫃子也變得漂亮了。兩夫妻都是吃「大蛇羹」（$105），蛇羹很大碗，材料也多，蛇絲、冬菇絲、木耳絲等一應俱全，羹不水，也不過於稠身，口感是不錯的。吃前先放點檸檬葉和薄脆（可惜沒有白菊花），再撒少許胡椒粉，趁熱舀來吃，吃過之後，渾身暖和暖和，舒泰舒泰的，確是禦寒恩物。雖然回家之後有點渴，令我不禁懷疑蛇羹中是否暗暗下了一點師傅，不過這是無從証實之事，況且蛇羹也確是味道不錯，那便忘了它吧！

前幾排天氣又凍返，同媽咪去食個蛇羹補補身～食完真係暖返好多！☺️叫左個套餐B（$173），一次過滿足晒三個願望～包一碗大蛇羹+細蛇湯+ 細臘味糯米飯，二人叫一份share食都得！😏🐍大蛇羹蛇羹功效多：行血驅風、去風濕、改善怕冷懼寒、壯腰益腎、暖胃強身，份量超足料！💕百份百只有蛇肉，每條蛇肉都見到有蛇紋，口感滑溜，冇溝入豬肉及雞肉，真材實料！😎食落啖啖陳皮香，配上木耳絲及冬菇絲，口感豐富，再加上薄脆及檸檬葉，味道更香。細蛇湯可以加$6轉細龜苓湯～龜苓湯加了靈芝、雲芝等20多種矜貴材料，熬足8小時，飲落好清甜，可排毒美顏。細臘味糯米飯 有臘腸、潤腸、花生及蔥花，潤腸和臘腸大件得黎，份量足！有成四件咁多！飯粒唔會太油膩，有咬口，臘味油香滲入飯中，好惹味。整體來說，全部都好正！個人最like蛇羹，啖啖肉好滋味～媽咪都好欣賞！💕🥳

太子蛇羹嚟講首選一定係蛇王兄 印像中呢度都已經有廿幾三十年歷史 剛剛出嚟做嘢就係喺佢附近返工 不過當年人工少而且又未識得欣賞所以遲遲未有機會幫襯🙈🙈 直到後來做過幾份工轉咗環境加咗人工兜兜轉轉又返返嚟附近做嘢之後 終於開始有機會幫襯😆😆😆蛇羹 蛇肉配料味道份量全部都充足 個人喜好先原味食幾啖然😋 後加檸檬葉食幾啖😋 然後加薄脆再食幾啖😋 然後再加胡椒粉又食幾啖😋 最後再加醋又再食多幾啖😋 臨尾一次過全部了再放一轉完成埋佢😋 數下數下咁就有六種唔同味道蛇羹嘅食法啦🤣🤣🤣🤣🤣🤣今日食咗個細蛇加糯米飯套餐 糯米飯軟糯足料好味😋😋😋😋 唔夠飽再可以另外加錢加潤腸臘腸😊😊厘到除咗蛇羹 糯米飯 仲有蛇湯 蛇酒 雞飯 燉蛇湯等等好多選擇㗎 😊😊

前排仲凍既時間出開九龍區做野忙完一個上晝又接左屋企人準備返屋企屋企人突然提出想食潤腸糯米飯當日有揸車梗係立即出發去太子嘅蛇王兄啦本人唔係太食臘腸所以食臘味糯米飯只係食潤腸所以我對潤腸特別鍾情同埋有研究蛇王兄既潤腸拍得住以前銅鑼灣一期旁邊嗰一間蛇店嘅脆皮潤腸蛇王興嘅潤腸入口外皮脆香～裏面嘅餡料潤而不乾油香滿滿再加上老闆娘俾左超多蔥花落我碟飯每一口潤腸糯米飯配上滿滿既蔥花齒頰留香～回味滿滿喺度分享一下嚟到除咗食蛇之外都仲有呢個潤腸飯係十分之吸引架😋😋

每逢秋冬期間都好想食蛇羹同臘味糯米飯，係太子這間蛇羹店就年年都會去食一次，真係食蛇羹的必定之選食物方面:細臘味糯米飯 : 有潤腸和臘腸各兩件，但我鐘意食潤腸，所以揀左潤腸糯米飯，腸皮煙韌，臘味油香滲入飯中，非常滋味大蛇羹 : 蛇羹份量足料，大大塊蛇肉配上雞肉絲、木耳絲及冬菇絲，再加上薄脆及檸檬葉，行氣活血，味道香濃又美味

對蛇羹一直都有條癮，隔一排就要食一食。因為呢間好近我上堂嘅地點，所以有陣時又唔想排隊，就會過去食返個晚餐。今日帶咗蛇羹A餐，包埋個蛇湯同埋臘味糯米飯，蛇羹好足料，寫玉道有咬口，再加埋啲脆脆，落啲胡椒粉，超正，唯一可以比較挑剔嘅係，因有時比較鹹同埋落生粉比較多，所以會有時比較糊口。今日夜咗叫唔到雞飯，所以帶咗臘味糯米飯，有潤腸和臘腸各兩件，腸皮煙靭，咬嘅時候有油出嚟，都算舒服，就算我呢啲唔太食臘味都OK，糯米飯豉油調味不錯，不知不覺就食晒成碗飯。蛇湯有老火湯嘅感覺，不過對於我來講， A餐嘅份量都算比較多，食到勁飽出門口，上述三樣嘢$130 ，都算係正常價。

涼涼的天，吃碗蛇羹就最好不過了，這間就近住處，那就一於試試吧。蛇羹套餐分A餐及B餐，價錢相差30元，主要分別在於蛇羹的大小。大蛇羮，多蛇肉但不夠幼細兼有點韌，配料有木耳絲和冬菇絲，湯底唔夠清澈。細蛇湯，據說具明目、解毒、降火的療效，味道清甜。細臘味糯米飯，米粒煙韌黏身，臘味油香完全滲入飯中，也是很滋味的。整體水準只屬一般，忽然想吃惟有就將就一下吧。蛇王兄地址: 太子砵蘭街377號地下D電話: 23987578

Hi.Hi~又是我喎 又來蛇蛇囉前幾天冷時沒時間來過了短暫的寒流慢回暖些在下才有時間來暖身上次來吃了碗大蛇羹今天在下貪人一點 點了個A餐裡面是一2碗細蛇羹一蛇細蛇湯和一碗小的糯米飯這裡另外有個B餐都一樣 就是蛇羹變了大碗今天試過A餐能吃得完下次要B餐了 哇哈哈蛇羹不變的超級多蛇肉和超級多木耳上次寫過一篇 今天就不多介紹了有興趣的朋友可以動動你的小手滑一滑食評區看看在下之前的食評或看看別人的也可以啊回來為大家介紹蛇湯材料同樣不會偷工減料有蛇肉 帶出香香的蛇味 更多的是不同的"藥材"味道有忌子 桂圓 有姜 雞肉 更有清甜的蔬菜味湯清澈純明香逸 營價值亦是相當高這裡的糯米飯比較軟軟的好多香脆塩粒花生 大大條臘腸潤腸糯米飯能補中益氣 袪寒補虛冷天氣中糯米可以補氣 也能滋補脾胃促進食慾 不過也不能過量吃啊少吃多滋味跟蛇羹一起吃可作為暖身補氣食療而在下每次吃完 整晚都能暖暖的希望大家多吃多補 都身體好啊 😆

在下似乎真的很愛吃蛇羹今天又忍不住要出來吃了蛇王兄 這家店在下很多年前就有光顧不過也只有一年一兩次這店一直以來都是真材實料蛇羹裡的肉爆多還有大量木耳絲 雞肉絲 冬菇絲加入一條條的檸檬葉各種的香味完全被帶出還有每一下放進口胸裡的感覺細嫩香濃 蛇香強勁味道也持續不退蛇羹可以補血氣 強筋骨 驅風濕 能養顏 通經絡長期服食功效更為顯著間中吃一碗也能感受到它的暖身效果今天這天時 吃完後2小時在下還是穿著短䄂衣服在街上而不覺寒冷（是在下身體太好嗎？）希望有時間在下也能多吃點補補身子這裡還有一個個的餐供選擇最適合在下這種有選擇困難的人不過今晚要回家吃飯所以在下忍著只點了碗大蛇羹$95店裡生意興隆 人來人往在下吃完也不久留期待下次有空再來

中秋過後，近幾日先至叫做微微變得有點涼意，終於可以去番轉太子地鐵站砵蘭街既蛇王兄食碗大蛇羹😋🥰🥣🐍！呢間蛇羹係好真材實料，味道又唔錯，碗碗材料十足；蛇肉，冬菇絲、木耳、竹笙⋯等，湯香又唔會太杰😋💯👏🏻👏🏻！

買個蛇汁雞飯食，諗住會好過一般燒味舖啦。但打開個盒一睇，骨多過肉，一隻雞翼尖斬開當三件上，就算果些少肉都係鞋嘅，以咁嘅價錢，買咗盒咁嘅飯，真係好失望，下次都係去返燒味舖。

本身好鐘意食蛇羹，所以見到有蛇羹鋪都會試下，食過幾間蛇羹，有啲自帶胡椒味唔太啱食，有啲個羹有蛇骨要食得小心啲食得冇咁爽…暫時食過幾間都係太子呢間蛇王兄最啱我食。見今日一家大細都放假，兩大一小就突登走出太子食蛇，個仔見到門口啲蛇都驚驚唔肯食…我就同太太食一大一細餐，個羹唔會自帶胡椒味又唔會有好重藥材味，個羹好多料啖啖肉食得好爽。個飯就可以免費轉雞飯，啲雞好滑個飯好好味，而個湯就重藥材味，湯有藥材味ok好好味。