蛇王兄

营业中

休息中

邊個話女仔唔敢食蛇🤔偏偏又鍾意睇波又鍾意食蛇😂今日仲要捉個好姊妹嚟陪我🥰呢間蛇王兄係地鐵站附近，好方便menu好簡單，大蛇羹比細蛇羹set貴$30我咁鍾意食蛇，梗係叫個大喇我😋冬天凍冰冰，梗係食轉蛇羹補補🤤套餐包一碗大蛇羹，一碗蛇湯同埋一個糯米飯大蛇羹好足料，大大條蛇肉，仲有好多木耳絲雞絲冬菇😍蛇湯@夠哂清甜😋臘味糯米飯@糯米飯軟糯加上香蔥炸花生相當有咸香，臘味亦肥瘦相宜有油香🤤食蛇行氣活血嘅效果，食完立即覺得個人暖笠笠，感覺好warm呀🥰

昨日出太子雀仔街買雀糧，跟著係花墟行下睇下有甚麼靚年花，準備遲些再來買過年。行行下覺得有些肚餓，天氣都幾涼，於是醒起去太子蛇王兄食碗蛇羹及臘味糯米飯。蛇羹 - 整碗蛇羹足料，木耳，蛇肉，瘦肉絲，薑絲。配上自己任加的薄脆及檸檬。食完全身暖哂，果然係此店王牌。臘味糯米飯 - 臘腸，膶腸，蝦米，脆花生，蔥粒。糯米飯係我的至愛，尤其是此店的糯米钣真係好好味。食完蛇羹，糯米飯，跟套餐有一碗蛇湯。內有子，圆肉，黨參。這碗湯好香濃，飲完更加暖身。

這間位於「砵蘭街」的蛇肉蛇羹類食店「蛇王兄」，屬於接近太子那一邊方向的食店。由旺角徒步經過「砵蘭街」走上太子的最大難題，就是「砵蘭街」中途會被一電話公司機樓所阻攔，食客需要繞過機樓才能繼續前進。結果我又需要繞過那間機樓，才能到達太子路段的「砵蘭街」，最後才能找到我想光顧的食店「蛇王兄」。「蛇王兄」的格局跟很多蛇店都差不多，門口在所難免一定會有「蛇籠」跟「蛇」坐鎮。不過，由於真正的毒蛇，都是被食店安排放在密封的木箱裡面，所以估計「蛇王兄」門口鐵籠放置的活蛇，極有可能是無毒，或者可能已經被事先拔除毒牙的活蛇。不過，即使「蛇王兄」門口鐵籠裡面的蛇沒有毒，但是我進入「蛇王兄」裡面，坐下之立刻看到數個同樣嚴密鎖上的「毒蛇」木箱，放在「蛇王兄」的樓面旁邊，我享用「蛇羹」期間仍難免有所擔憂。另一方面，我知道原來「蛇王兄」也有兩款「蛇肉」套餐，食客食到「蛇羹」之餘，還可以品嚐到「蛇湯」跟「蛇肉糯米飯」，加錢的話還附送「龜苓湯」一碗。不過我自問試食「蛇肉」的經驗不多，對上一次已經是在新蒲崗，「九龍貝爾X酒店」裡面的自助餐餐廳「潮食X」，「潮食X」專人親自為食客製作，提供給食客享用我「蛇羹」。由於我暫時只

今天氣温得十二度，著了羽絨防冷，剛巧要去太子，又豈能錯過去蛇王兄食一客保暖應景的蛇套餐。多年來，也在各區食過我的冬天至愛~蛇羹。但始終只有蛇王兄的味道，用料最合我意。所以巳成為小女子每年冬天例必潮聖的蛇店。薄脆及檸檬葉~很多蛇店巳不提供了，又或當日食完便不再補給。唯獨蛇王兄多年不變，日日提供，不斷補給。抵讚蛇羹~啖啖肉的蛇羹。木耳，蛇肉，瘦肉絲， 薑絲。食後身體即刻熱辣辣。果然名不虚傳。臘味糯米飯~臘腸，膶腸，蝦米，蔥粒，脆花生。 混和口感非常有嚼口的糯米飯龜苓湯~味濃，清熱去毒，飲落便知龍與鳳。若自己煲，又多功夫，攪足一日，可能煲出來都冇咩味。套餐A/$130细蛇羹，细腊味糯米飯，蛇湯。加$6可改龜苓湯

天氣話涷就凍，突然間好想食蛇羹，今次來一個B餐：有大蛇羹、細蛇湯及蠟腸糯米飯！蛇羹有蛇肉一節節，木耳，瘦肉絲等材料，加埋薄脆及檸檸葉，夠晒口感；蛇湯亦充滿藥材味，熱辣辣飲幾舒服；糯米飯夠色口感煙韌，加埋花生粒又係好味嘅！唯食完成個餐有D口喝！

$38 每次去蛇王兄都係食糯米飯 今次決定要有啲新意於是揀左蛇汁雞飯 ☺️估唔到呢個雞飯都咁正!!首先雞皮好薄皮下脂肪好少 而肉又好嫩滑 😆但係重點係個蛇汁 原來係鹹中帶啲甜味的 😙係咪真係蛇汁我就唔知不過我覺得個味係好正的 🤘🏻成個飯都佈滿左蛇汁 今次薑蓉都唔洗點 🙈

去年冬寫蛇羹食評，言猶未盡。從小在深水埗長大，行走龍蛇混集之地，結交雞鳴狗盜之徒。蛇王是英雄，地位足與功夫授徒的師傅比擬。隆冬苦寒，蛇羹最能慰藉鐵骨。家貧物匱，全蛇宴席是山珍佳餚。前文曾說工業社會是蛇店屹立的溫床，工會的蛇宴是主要盈利來源。蛇羹是象徵著傳統手工細作的食品，物以罕為珍。工業式微，蛇店仍有存在空間。去年個人愚見：以就腳，蛇羹質素，價格三者論蛇王優次，依次為業，協，芬，林，二，良，娟，燊，善。今年補評蛇王兄，認為可列為第六位，合共十大蛇王。原因如下文。😞蛇羹比不上四大家族蛇王兄位於太子港鐵站C2出口3分鐘步程內，地近深水埔，但不算老字號。店名有玄機，可能標示只屬「兄長」，不是元祖級別，與業，協，芬，林四大家族的百年基業有差距。蛇羹細碗賣58元，大的賣90元，價格定位與芬，林相近，偏貴（蛇王業只賣48元）。質素則比不上四大家族。 食材舖滿碗面，木耳特多，但切工粗糙，賣相欠佳。蛇羹的基本材料有薑、陳皮、蛇肉、火腿和老雞，但肉味欠濃，皆因店內各類食物均「重手」，「重味」，食後有口渴感覺。座位十分逼，亦影響評分。優點是有套餐優惠，食客多叫A,B餐。我點選B餐，即平均每樣食品需50元。

$120早幾日天氣真係好凍 除咗煲仔飯之外最想就係食糯米飯💁🏻‍♀️ 蛇王兄嘅糯米飯做得幾唔錯 最緊要粒粒分明唔會一pat野咁 味道亦都唔會太濃太淡 加埋臘腸潤腸花生蔥花真心正 蛇羹亦都足料 會食到好多一片片嘅蛇肉 蛇湯都好好飲 一入口就feel到好多藥材嘅味同埋嚟自圓肉同杞子嘅甜 👅

秋風起，三蛇肥，天氣凍，最好食蛇補補身。今晚我和老公叫了一碗$58細蛇羹和一個$150套餐已經吃得很飽了。套餐包括一碗大蛇羹、一碗細蛇湯和一碗細臘味糯米飯，蛇羹非常多蛇肉，蛇湯很重藥材味，糯米飯還有半條潤腸和半條臘腸，非常美味。

天氣忽然轉冷, 又係食蛇羹既好時機, 一向食開呢間, 買完花就好自然行過去店內坐門客就唔在講, 門口左右出現兩邊隊 (等位/外賣), 好彩唔駛等好耐就有得坐低食見到有A/B套餐, 分別再於加多$30就可以有大蛇羹, 諗住2人分享, 一於叫個B啦為免食物變凍, 會先上蛇羹, 枱上有檸檬葉及我最愛既薄脆, 自由加配講返碗蛇羹先, 材料有蛇肉, 都幾大塊, 唔怕食唔到, 爽口木耳絲, 肉絲及薑絲!  入口夠晒熱, 加埋薄脆食增加口感, 湯底調教味道適中, LIKE呀!食到一半, 送埋碗臘味糯米飯, 包臘腸及潤腸一條, 各切開2件, 仲有脆花生! 鍾意呢度嘅臘味唔會切到好碎, 由於我唔"好"臘味, 所以唔駛再花時間"挑"返出黎, 直接比友人享用!  糯米飯軟硬度比起之前食既略為軟左D, 自己比較喜歡硬身有嚼口嘅, 不過總括黎講都係好味嘅!食到尾聲可以叫阿姐"起"埋碗細蛇湯, 上枱未飲時已聞到好濃郁藥材味, 源自杞子, 圓肉, 黨參等!  熱辣辣飲一口, 暖熱直達腸胃, 飲完面色都紅潤左, 嗚呀.............!!呢個套餐真係不得了, 食到暖笠笠行出門口離開都唔覺凍, 堅呀

秋冬起，三蛇肥，做了多年的忠實Fans,每次想食蛇羹，這間在太子區街坊型的蛇舖必是我的首選。蛇羹啖啖蛇肉，再配上檸檬葉，炸薄脆 ，絕配。再來一碗龜苓湯，再加食埋有潤腸，臘腸和大量葱粒嘅足料糯米飯，簡值人生大滿足。

以前都食過都覺得幾好食又足料，咁岩同女友附近食完正餐就順道過嚟回味下，但有啲失望，蛇羹keep住足料但味道比以前清淡，糯米飯口感唔夠糯。希望下次食佢時回覆水準啦。

蛇王在廣東話裡是偷懶的意思，自問工作上不算蛇王之人，對吃蛇也沒什麼好感，即使冬天是吃蛇的好時機，還是把所有與蛇有關的選擇剔除。從來沒吃過油鴨，又見價錢不便宜，最終買了臘味糯米飯。臘味糯米飯小碗$34，大碗$44，小碗的份量大概只有一碗飯而已，目測大碗至少比小碗多一半，只是相差十元，選了大碗與家人開心share。我欣賞這裡處理糯米飯的做法，店員先打開蒸鍋把疑似豉油的液體倒在我要的飯量上攪拌，飯裝碗裡後才加上花生與蔥花。這做法能使花生保持香脆，蔥花也不會因為在熱氣裡悶太久變黃，調味料的味道保持鮮明。我認為花生是糯米飯不可或缺的部份，可是一般吃到的做法是花生早混在飯裡，吃起來不夠脆。這裡的花生給很多，又香脆，香脆程度更是快速引起身體反應，飯後喉嚨出現輕微不適感，可見它的香脆度......糯米飯雖然泛着油光，吃起來並不膩，口感反而是乾爽宜人，飯粒嚼頭十足，是難得的好質素。然而臘腸及膶腸不好吃，臘腸過咸，沒有咸得吃不下去，但都是趕快吞掉算了，來不及理會有沒有其他出色之處。但臘腸還是比膶腸好，膶腸有着陣陣苦味，而且口感有點像濕泥，不喜歡總括而言，份量相對價錢偏貴，平常糯米飯的配料還有蝦米、冬菇，這

帶屋企人嚟食蛇禦寒一下。唔使等位，環境幾乾淨，坐得舒服。點了套餐$140：大蛇羹，大大碗，好足料，而且條條啖啖蛇肉，好味！仲有細蠟味糯米飯同蛇湯，一樣好夠份量，足料。點套餐的話不防叫姐姐遲啲上蛇湯，唔係就凍左冇咁好！

一人開飯啦…仲要復活節得果十幾度去食燒夜，當然找些暖到肚又補補身最好啦！今晚2選1 ， 但最幾日已食了蠔仔粥，所以就擇食蛇吧！！叫了一個細蛇套餐A ，蛇湯外帶（因自己吃唔曬，可留明早飲）。蛇肉一如以往，都是粗條。腊味糯米飯就好軟屬但又感覺到是一粒粒的。有數段腊腸，軟硬適中，味道剛好。