蛇王兄

营业中

休息中

每年去到寒冷的冬天，都極有衝動食蛇補補身，可惜所有的蛇店也不在我經常出沒的範圍，於是拖下拖下懶懶閒閒，冬天都過了成個多月，直到今天難得出街去太子睇戲，終於可以下定決心去砵蘭街食蛇啦！因為遲收工，去到蛇王兄都已八點幾好肚餓，店內的人多到呢…門口亦不斷有條小人龍在排隊買外賣，好彩大家都很合作，迫迫下搭下檯便立刻有位。我們坐下研究了那五款套餐一會後，決定點大蛇羹餐和雞飯餐，這樣就可以一次過試哂店內所有的‘經典’菜式。點好菜等了幾分鐘，眨下眼全部的湯羹飯餸已滿滿地放在桌上，上菜的效率確實驚人。先講今晚的主角大蛇羹，份量龐大得絕對滿足到我許久沒食過蛇羹的慾望，而且蛇肉大條條很足料，加上脆脆爽口的木耳絲，以及任加的薄脆和清香檸檬菜，非常美味；唯一我覺得差少少的是湯底不夠‘杰’，少了些‘羹’的感覺。食完蛇羹再飲蛇湯，我最喜歡便是飲老火湯了，湯底十分鮮甜濃郁，帶少量的藥材味，很容易令人接受。不過人人讚好的龜苓湯味道卻很古怪，從它黑漆漆的外觀，已令人感受到一定藥效強勁，而飲落更像在飲一碗又甜又苦的涼茶，我實在不太喜歡。飲完所有湯類後都已飽了五成，也是時候開飯啦！臘味糯米飯非常出色，飯粒粒粒分明，軟糯適中

暫時應該是踏進2012年後, 最冷的日子...放工覺得好凍, 走去食蛇保暖!! 知道蛇店一定越凍越多人, 不過估唔到一個人去都找不到位子坐下!! 晚上近七時, 放工後時間: 全店滿座 + 店外買外賣的客人絡繹不絕!! 店員都做唔切!!等了五分鐘, 終於有個位...叫了個蛇餐A: 細蛇羹 - 蛇肉多, 唔鬆散, 酒味少, ... 最喜歡加香草及脆脆; 細糯米飯 (走花生) - 好黏, 好熱, 米唔硬, 蝦米算多; 細蛇湯 - 好熱, 好多杞子, 好辣- 夠薑, 非常暖身!! 越食越熱, 要除羽絨... 吃掉這三碗都唔算飽, 不過好溫暖, 荷苞就乾D... 下次買埋外賣返家給家人吃先~

今個冬天都食左好多次蛇^^呢間又收得夜又足料,又好味糯米飯又整得唔會太硬唔會太軟剛剛好~而且仲有得加油鴨添不過就要加多十幾蚊~個蛇湯ok~不過龜湯仲ok~!!細蛇餐+油鴨+轉龜湯

晚上天氣特別冷 特別大風吃一碗蛇羹暖暖身最愛加入那『脆脆』和香草攪和了 吃起來更加有咬口和對味不消10分鐘就給我消滅掉了蛇羹補身又暖身每個冬天我都要來十年來的味道還是不變我愛她

又係o係雜誌得知,蛇王兄,有蛇肉粗的蛇羹,而且除左蛇,仲有雞食!同老公食左豌細蛇羹(其實份量都唔少架!),很多木耳絲、冬菇絲,蛇肉唔算十分多,但的確幾粗吓!可能太耐無食蛇喇,所以覺得好好食!不過老公覺得,都係蛇王協蛇羹好食D。蛇汁雞,有好多薑蔥蓉,雞件好滑!雖然蛇汁撈在飯中,唔係好出,但此豌飯,出色過好多燒腊店出品呢!糯米飯,店員會問,要唔要蔥、花生。我唔要,賣相係會失色D。飯係,齋豉油撈糯米飯,但飯面上,有兩節腊腸,和兩節潤腸,都幾多架喇!整體,腊腸餸糯米飯,感覺好滿足!

今日天氣轉冷，來個蛇羹補下先見有雜誌介紹應該食得人啦！馬上試試蛇羹 x 2 細碗 $60糯米飯 $20 + 潤腸、臘腸 $8雞飯 $20蛇羹的蛇肉又粗又多，雖然我們是吃細碗但份量都不少。當中還有木耳絲、冬菇絲、瘦肉絲等等。唯湯底偏淡，否則味道必定更好。糯米飯好吃，飯質軟硬適中帶有臘味甘香味道，花生脆香脆。再伴上蔥花，凍天暖胃之選。臘腸和潤腸味道都不錯，油甘又不至於太肥。雞飯的雞是比較普通，但特別在於蛇汁的味道伴於飯上吃，食落別有一番味道。

上星期天氣極凍，所以同阿媽兩個去咗食蛇羹。因為已於大家樂打邊爐，所以兩個人叫咗一個a餐share 食。蛇湯加錢改了龜苓湯，有一個蛇羹同一碗臘味糯米飯。龜苓湯超濃郁，味道強烈，但唔會好大藥材味，清毒素一流。由於我唔食蛇嘅，所以只係試咗一啖無蛇肉嘅蛇羹。味道唔錯，又有好多木耳絲。個糯米飯雖然唔係生炒，但蒸都一樣好味。糯米飯米粒粒粒分明，軟硬度適中。味道偏淡，食慣咸嘅人可能要加豉油先夠味。臘味味道ok嘅，不過好肥，好多肥肉。天氣一凍，呢間野就大排長龍。生意好到不得了。

北風起，氣溫降，最好就係食冬日四寶----羊腩煲、蛇羹、煲仔飯同打邊爐。1）打邊爐----前一排試左。2）煲仔飯----前幾日剛剛試完。3）羊腩煲----搵日試下。4）蛇羹----無食成年，好，一於今日近近地去蛇王兄幫襯下。嘩，乜天氣一凍，真係咁多人呀！爭d無位，好彩有人剛剛食完走啫。老婆大人唔係幾肚餓，就叫一個大套餐（包括大蛇羹一碗、細蛇湯一碗同細臘味糯米飯一碗），加$5轉大碗糯米飯啦！呢度d蛇羹仍是老味道，藥材味較濃，蛇肉都幾多，不過比較稀，蛇味比較淡。蛇湯就ok啦。至於個糯米飯，老婆話好食喎，雖然係蒸的，唔係生炒，但佢話無新志記咁油，d飯夠乾身，係d料唔夠多，得臘腸+膶腸共三舊同一小舊臘肉啫，不過都算好食。埋單$88，兩個人晚餐，食到成身「暖笠笠」，都算唔錯！

都未試過大熱天時走入去食蛇羹,突然間心血來潮走入去食,叫咗個蛇羹同糯米飯.蛇羹都幾多蛇肉,蛇肉亦幾大塊,不過略嫌比較稀,食到最後好似飲蛇湯咁.至於個糯米飯,要讚的是有半條臘腸同半條膶腸,不過要彈的是碗底比較多油,糯米飯亦比較肥.

上班被困「扮工室」，沒法子蛇，放工後又冷又餓，就點都要（食）蛇！對比灣仔蛇王燊，這裡的蛇羹明顯大碗，每碗平二元，但較稀，水份多一點。小弟覺得蛇肉沒問題，算足料，幾好，不過...進食時，鄰座的太太投訴蛇肉太硬，咬不下去，「早知叫蛇湯好過」...最後見她食剩成碗底蛇肉。

相對別處的蛇羹, 這裡的湯底稍稀和藥味重. 熟優熟劣難有定論, 反正賣30大元又比人家大碗一點, 沒少了吧.

今日去"蛇王兄"食係一位杭州朋友价紹我地這位杭州朋友每次到港必食.....所以我地今日去食,一試就知真才實料同好想再去食我地食兩個套餐A-細蛇羹+細蛇湯+(糯米飯&雞飯)一個餐$63,先講細蛇羹一食就淡淡蛇肉,而藥材味濃淡適中而蛇湯更為進補佳品,糯米飯味道OK,而雞飯味道一般,可能因不是主打所以必食推介

成年未食過蛇羹，路過太子，想起有間蛇店好耐之前幫襯過，心血來潮走去食蛇。嘩！冇來一年，原價$28蚊嘅細蛇羹加到變左$30蚊。見唔係幾肚餓，唔叫六十幾蚊，有蛇羹、蛇湯同糯米飯嘅貴價套餐，散叫一碗細蛇羹。蛇羹端來，都幾足料，蛇肉夠粗，羹也不稀不杰，加d薄脆同檸檬葉，味道都算唔錯！呢度地方細細，都算ok乾淨，偶然天氣凍凍地，入來幫襯吓暖吓胃都唔錯！呢度睇食評話糯米飯都幾好，下次肚餓嘅時候經過試吓先！

近來工作壓力極大 放工時已是晚上接近九時，突然好想食臘味飯，記得or食家話呢度d臘味糯米飯幾好食，所以就專誠兜來買度碗外賣，返家一邊食，一邊繼續做埋d又趕又煩既工作...放工返家繼續OT...人生幾悲哀都有......$ 20 一碗既糯米飯...真係好似細左少少 得大約 2cm 既臘腸同潤腸各兩粒......食左兩啖......好彩d糯米飯都幾好味~ 味道不至於太濃，糯米又夠軟身，唔錯唔錯但我喜歡食臘腸同潤腸多於d糯米飯 一定會再幫襯~~~~~~~

食完志記糯米飯，又試吓呢間ge糯米飯先。當然不是生炒啦，是蒸的。夾埋兩條短短的臘腸同一條短短的潤腸。臘腸同潤腸都不是超肥，幾好。糯米蒸得一粒粒，很有咬口。香味當然不及生炒咁香，但都唔錯，唔肥又夠味。