蝦麵店 (荃新天地) (已結業)

去開荃新天地行街, 見呢間餐廳新開就試下。餐廳主打馬來西亞風味嘅蝦麵。同朋友一行三人叫咗個二人餐share, 套餐包括兩碗麵食、四款小食、飲品同甜品。$248再加一就價值錢合理啦, 未算性價比好高。其中一碗麵食叫咗’豬骨雞湯底魚片四寶油麵’。湯底清清地, 豬骨味唔算太濃, 但值得一讚嘅係烹燉過程唔似有落味精, 食完都無口渴嘅感覺小食嘅份量唔少。串燒係用雞脾肉, 肉質好嫩好juicy。炸豆卜配酸甜醬都好好食!整體食物質素唔錯, 但唔算好worth等30分鐘, 都係等下次無人再encore啦

今日同屋企人去左呢間鋪食，我就食左個蝦肉肉片麵（辣蝦湯底）。麵到之前都仲有期待，等到麵到時先發覺。。。。。。啲蝦超細隻，睇落以為有四五隻。蝦細隻都算，仲要一開三到四片左右。開頭一夾，仲以為係半隻蝦黎嘅。望真啲有幾片係兩面白色嘅，先知應該一開三至四，加加埋埋應該係兩隻細蝦黎。飲啖湯，啲湯得個辣，又無蝦味。其實個湯同以前細個時食嘅辛拉麵差無幾。心諗早知唔揀辣蝦湯底。屋企人就食左個豬骨雞湯底嘅，不過佢話個湯底一堆蒜蓉味。

平日晚7:00左右到達，現場只有一半座位是有人的好簡單坐低諗食咩諗好就叫店員落單店員示意等一陣，隔咗陣店員行過嚟，當我正打算落單之際，佢又叫我等陣話”等我拎兩個杯黎先”當店員拎住兩個吉杯 準備放低之際佢又拎返住兩個吉杯行開咗(當下我哋係超級無言)......隔咗1至2分鐘左右，店員終於拎兩個吉杯過黎之餘再幫我地落單點左兩個一人餐，上餐速度超級快5分鐘左右，麵加小食加飲品已經到齊，大蝦魷魚喇沙檬粉....只能說我係外面其他星馬泰嘅餐廳食既喇沙都比佢好食佢啲檬粉仲要碎到不得了，我唔知道呢啲係咪叫正宗，所以我就唔計教依點，味道方面真係真係好麻麻，唔夠椰香又唔夠花生香，勝在有少少辣朋友點了一個蝦湯底的四寶河粉，佢個河粉比我果杯更加碎，只可以用湯羹”不”來食,湯底方面蝦味好重，感覺用咗好多蝦頭去煲，味道唔錯，小食方面，每人可以點兩份各叫咗一人拼盤+雞髀串(2串)+雞翼(2隻)味道方面 5分鐘都唔使就上菜就知道所有嘢食都吾係熱，有啲係暖既，有啲係凍既，味道最好嘅就係雞翼雞髀串如果熱返啲都應該可以接受味道就不過不失但一開始小食到左，因為數量有啲奇怪，問店員，店員又話因為未到齊所以數量便會奇怪，咁好啦

蝦麵店-荃新天地午餐都幾抵食有一碗麵加一份馬來西亞小食🤔裝修非常之新，而且座位非常舒適咖喱喇沙海鮮河粉（$76）喇沙夠濃味！夠辣又夠香！ 唔會太咸海鮮包括有青口、大蝦、蟹柳、仲有豆腐卜朋友叫咗河粉！大大碗而且足料！勁有馬來西亞風情！蝦肉肉骨掺掺（$78）豬骨湯相對就冇咁重口味人士，如果有需要仲可以問佢哋拎自家製嘅辣醬點肉骨食☝🏻☝🏻兩大啖啖肉，煮到軟身晒嘅肉骨🤤加上佢哋嘅風味辣醬！馬來沙嗲雞脾肉串（2串）雞脾肉夠嫩滑🤤！馬來香炸雞翼香茅味勁重嘅咋雞翼外脆卜卜！榴槤咖央多士（+$16）一碟3片！除咗有咖央嘅甜味，仲有淡淡的榴槤香配香脆嘅多士冰糖檸檬薏米水（+$10）自家製薏米水健康又下火整體都幾唔錯嘅一間馬來西亞菜🇲🇾餐廳

成日經過荃新天地見到依間開左一段時間，上open rice睇先知原來依間食馬來西亞野都有啲名氣，今次就一於試下啦！夜晚七點幾黎到，唔洗等位～依到有個全日套餐，可以揀一個麵食，兩個小食，野飲或甜品，價錢就睇你嗌咩麵食，大約八十幾至一百蚊鬆啲，如果晚餐食嘅話我覺得都幾扺食！我嗌左咖喱海鮮喇沙，依到個麵底係可以揀！有米粉、河粉、檬粉、油麵同摻摻！我就揀左檬粉個海鮮喇沙都算足料，有青口、蝦、墨魚、蟹柳同豆卜。雖然話係咖喱但個湯好似又無乜咖喱味但個湯底好濃，幾惹味！個檬粉吸哂啲味，好正小食方面我叫左生菜同沙嗲雞脾肉串。我朋友就叫左通菜同雞翼。質素就正正常常啦，無乜特別，不過覺得個雞腿肉串肉質唔太嫩滑，麻麻地！另外最後太飽啦嗌左餐飲就算，無試佢嘅甜品！下次有機會再試吧整體黎講依間水準都唔錯，鐘意食喇沙嘅朋友一定要試下

左 冰糖檸檬薏米水右 亞參梳打一人餐 x 2咖哩喇沙 海鮮檬粉 好香濃 好好食福建滷湯 蝦肉肉片檬粉呢個望落去雖然唔夠咖哩果個香 但係佢味道超水準 你估佢唔到既好食馬來香炸雞翼馬來沙嗲雞脾肉串呢2個正常 夠入味 甜品 桔子香茅凍白胡椒肉骨茶油條係新加坡式既肉骨茶去濕一流一飲落去個人就開始出汗沙嗲醬雜錦魷魚秋葵樂樂食到呢個沙嗲醬直頭想買一罐番屋企整野食榴槤咖央多士好香既榴槤味 我以為半份係得一塊多士點知有3塊甘多食完個麵都真係食唔晒差d唔夠位放d野食張台同個肚都唔夠容量啦

咳咳咳是咁的，由於小妹家人係南洋華僑的關係，由細到大都間中會返南洋，對於南洋菜式更是熱愛。有時喺屋企爸爸都會整下喇沙或者蝦麵嘅，但都想帶佢出去食下，搵下有無正宗嘅味道呢次俾我搵到間蝦麵店，香港通常食喇沙多，好少有蝦麵，一於試下咁佢呢到有一人套餐或二人套餐，二人餐嘅麵就細啲，套餐包小食同野飲，仲可以散叫啲小食最後我叫左碗海鮮蝦麵湯底夠濃，夠蝦味，好正宗，有得俾你撚「侵侵」（即係油麵撈米粉），好大碗，足料好味至於友人就叫左魷魚喇沙，同樣湯底夠濃！魷魚爽脆飲品方面，選擇頗多，有馬來西亞常見飲料薏米水（bali冰）美綠冰小食黎講，都好多選擇，下次一定要同老豆黎試下

今日帶媽媽去食下午茶，因為我哋都好鍾意食喇沙面嘅關係，所以我哋就嚟咗呢間鋪頭試吓。環境：呢度環境都好闊落，吸光度足，而且仲可以望到出面嘅風景，不過呢個就真係要坐喺入少少嘅窗邊位先至望到！食物：呢度嘅喇沙湯底好濃厚，有好香既蝦味！一飲就知道好足料！！！由於係下午茶嘅關係，所以面嘅份量會少啲，但係因為佢嘅湯底實在太好味，所以我哋叫多咗一碗蔬菜喇沙面！！而且呢一度嘅下午茶套餐，有附上小食，有雞翼同埋雞串仲有炸豆腐，其實都好抵食架！

週未鬆一鬆又落咗荃灣嘆個LUNCH，放下空休息一下。區內人都知道荃新天地地下嘅食肆一到週未一定逼爆，唔想同人逼就行上兩層，都有唔錯選擇。今日食嘅蝦麵店，開咗唔算好耐，但人流KEEP住上升。攞飛等咗約5分鐘就入得。二人套餐有兩個麵／小食／飲品／甜品，幾抵食。招牌辣味蝦湯底配蝦肉肉骨檬粉。蝦湯鮮紅奪目嘅頻色，一睇就覺得吸引。呷一口蝦湯再配上檬粉，十分滋味。雖然叫做辣味蝦湯，但飲落唔嗆，啖啖濃郁蝦味感覺真材實料。加上兩大塊嘅肉骨煮得好腍好入味，濃湯配埋香蒜同食口感十足。咖喱叻沙配海鮮摻摻。叻沙湯底十分惹味，香濃嘅叻沙味中帶點椰奶香。材料亦豐富有大蝦／青口／魚片頭／豆卜／蟹柳等，配上摻摻－即係兩溝油麵同米粉，真係食唔停口。尤其豆卜收晒湯汁嘅味道，非常入味。馬來香炸雞翼。雞翼本身腌製得好入味，經油炸後黃薑味散發晒出黎。食嘅時候沾上一啲生磨粗粒花生醬，好好食。沙嗲醬雜錦魷魚秋葵樂樂。魷魚好爽口彈牙，配上黏滑秋葵別有一番風味。馬來沙嗲雞肉串。雖然得兩串但食落好惹味。沙嗲微辣配上雞脾肉，比起豬肉/牛肉更能顯示到沙嗲嘅香口。秘製囉吔。去過馬來西亞先知呢個係一款沙律小食，用上沙葛／菠蘿／油炸鬼粒及蝦醬等組

今晚同呀媽去撐枱腳 新加坡🇸🇬我地就去過兩次 相而馬來西亞🇲🇾就未去過 不過宜家係香港都可以食到地道檳城菜媽媽點自家製冰糖檸檬薏米水🍋 我就偷飲左啖 薏米好多 好有嚼口 檸檬酸酸甜甜 好清新 好岩依個天氣飲 正好驅走濕濕悶悶既春天我地當然要試下蝦麵店既主打 墨魚丸魚片麵配招牌豬骨雞湯底 湯底果然有驚喜 濃郁既豬骨雞味 湯頭好鮮甜 用左大量豬骨 鮮雞熬5小時而成 絕非味精湯能媲美 麵就簡左米粉 米粉爽口 墨魚丸 魚片同樣彈牙滋味白胡椒肉骨油條湯底好鮮甜 帶點辣勁 有幾條大肉骨 啖啖肉 油條脆卜卜 點配肉骨湯或者齋食都好好食 好有星洲地道飲肉骨茶既風味五香脆炸豆腐豆卜 豆腐豆卜炸得酥脆 外脆內軟 點埋酸甜醬 味道更吸引🤤特別提提 愛辣既人 一定要試下秘製參巴辣醬 可以免費問店員拎 配麵配小食麵好正 既香辣又惹味 甜品就叫左摩摩喳喳 香港真係未見過 唔知係咪馬來甜品 糖水底係椰香十足既椰漿 有紫薯 蕃薯粒🍠 香蕉🍌等配料 仲有煙韌既彩色丸子 好特別既甜品

聽講呢間係好出名嘅馬來西亞蝦麵店，所以就趁星期日放假黎試吓。我哋嗌左個檳城尋味二人套餐，有超多嘢食。自選麵食兩款，分別嗌咗咖喱喇沙湯底配蝦肉魷魚河粉，同埋福建滷湯底配海鮮油麵。佢嘅喇沙湯底睇落好似好辣，但係食落都唔算好辣，有好香嘅咖喱味，配料都好多。福建滷湯底好特別，份量好多，有多款海鮮。個餐仲包埋馬來香炸雞翼兩件同兩串馬來沙嗲雞脾肉串，雞肉嫩滑，香口得黎唔會好熱氣。四揀一嘅小食，我哋要咗白胡椒肉骨油條，啲湯好清甜，有少少胡椒辣，飲落好舒服。三揀一嘅小食，我哋要咗五香脆炸豆腐豆卜，脆卜卜但係唔會覺得好熱氣。甜品方面，我地要咗亞參脆多士，一共有三塊薄多士，上面有甜甜地、好特別嘅醬。另一款我地就揀咗摩摩喳喳，係熱食嘅甜品，有好多好香嘅芋頭粒係入面，好香好好食。佢嘅杏仁茶都好香好好飲，值得一試。

屋企人唔想煮飯，因為好熱，煮完又要洗，所以就近近地出荃灣食。最後我地簡左間馬來西亞菜黎試。呢度最出名係蝦面，所以我地就叫左個二人set, 都好抵食。$228每人有款面、四樣小食、兩杯野飲同兩個甜品。我地叫左一個辣蝦湯海鮮河同滷湯蝦肉肉骨檸粉。一上菜，碟滷湯蝦肉既肉骨超大條，有成兩三條，而且好入味，有淡淡既蝦肉味，肉骨唔會話超重藥材味👍🏻👍🏻另外，辣蝦湯海鮮河個湯底好飲，少少辣，又唔會話嗆親人個隻！而海鮮就有大大隻既蝦、青口同蟹肉。最期待既小食盤來了！有沙嗲雞脾肉串、五香脆炸豆腐、五香滷肉配一口豆腐、馬同來香炸雞翼😋😋沙嗲雞脾肉串最正😆😆本人認為係沙嗲都好正！沙嗲味好出，好香，點埋佢配既泰式辣醬就perfect👍🏻👍🏻甜甜酸酸咁，十分惹味！另外其他炸物都炸到剛剛好，唔會話炸燶左。所以好脆口，加埋佢配既三款醬，真係有好多選擇，唔會食膩！最後好戲在後頭，兩個甜品都好用心整，唔係hea整既雪糕球就算，而係好有地道風味既榴槤咖多士同摩摩喳喳🤤🤤🤤榴槤咖多士真係好正，淡淡榴槤香，多士飛邊薄薄地茶上榴槤醬，真係超香超好食😍😍😍連唔食榴槤既屋企人係唔小心食左一啖既情況下，都大讚好好食！摩摩喳喳材料足夠

灣仔嘅朋友應該熟悉呢間蝦麵店，因為始於灣仔區，它是以檳城第一代傳統方法烹調的，店裡有多個麵款選擇而我喜歡的是福建麵和咖喱麵我點左海鮮麵黎品嚐我的午餐；裡面有大蝦、魷魚、青口、蟹柳雖然加入少量的肉骨但湯已經充滿味道，再加入蝦殼同洋蔥等調味，再用熬湯煮超過7小時做成湯汁一起。我朋友就點左沙嗲咖喱河粉麵，沙嗲咖喱好濃郁，完全置身於馬來西亞食到嘅美食，不太辣夠香，同埋因為她是點了午餐，另外奉送雞脾肉串、馬來香炸雞翼、五香脆豆腐，但如果稍為食物熱辣辣就更好味啦，真是一個大滿足午餐 ！下次一定會再光顧！美好的午餐！

早前曾到訪此餐廳，並對它的蝦湯底念念不忘，今天逛街後便再與友人來此一試。由於時間尚早，我們能選到近窗邊的坐位。餐牌上除了單點外，套餐也是不錯的選擇，可是我們不算太餓，還是單點好了。我們先點了白胡椒肉骨茶，香濃的白胡椒湯底帶陣陣的肉香甜味，胡椒味又不會太嗆。份量充足，喝過後肚子都半飽了。我點了蝦湯蝦肉肉骨麵，肉骨煮至軟焾，中間的軟骨也能輕易咬斷。廚師把蝦肉預先開半，方便進食。我最欣賞他們的湯底，帶著鮮甜香濃的蝦味，是整碗湯麵的靈魂。友人則點了蝦湯海鮮麵，我倆都選了油麵作麵底，對比其他麵底之下，油麵最為適合。更可配上他們的秘製辣醬，配海鮮一流。最後點了檸檬薏米水和青檸梳打作解辣之用。總括來說，此店的肉骨茶及湯麵均相當出色，絕對值得一試再試。

早在這間蝦麵店未開之前，我已經和男人說等它開了一定要來吃。單是看著湯底的介紹，已經覺得吸引。這裡有一人或二人全日套餐，價錢也很相宜。2碗粉麵可自選餸、湯底及麵的種類，我要了蝦肉魷魚配辣味蝦湯河粉。蝦肉有點太熟，但魷魚爽彈好咬。用上蝦殼、洋蔥、辣椒和少量肉骨手炒熬煮超過7小時，蝦味濃有肉香，味道微辣鮮甜。順滑的河粉都把湯吸收了，味道更好。男人要了魚片四寶配咖喱叻沙湯摻摻，湯底以豬骨和雞熬製，加入十多款香料及適量椰奶，味道香甜帶微辣又不太鹹。配料份量也不少，魚蛋、貢丸、墨魚丸及腐角同好吃，豆卜把湯汁了更是美味。米粉混油麵，一啖入口有2種口感，和叻沙湯更搭。五香滷肉配一口脆豆腐，豆腐是香脆的，但還是滷肉更讓人難以忘記，因為這個滷肉和我所認知的有點不同，這個像是包著五香味肉餡的腐皮卷，單吃略嫌味道濃了少些，如果配淨飯麵應該很夾。馬來沙嗲雞脾肉串啖啖肉，燒得夠香又不會太乾，配上的沙嗲醬有粒粒花生，好咬感又香甜惹味。馬來香炸雞翼大大隻，炸得夠香口，內裡的雞肉又夠嫩，味道亦調得剛好。油菜可選當天有的菜，我們選了通菜，口感鮮嫩爽脆，有一角像是蝦醬的醬料跟著上，味道帶鮮味鹹香，略加一丁點已足夠。亞參脆多