蝦麵店 (荃新天地) (已結業)

又到優閒既星期日, 瞓醒去咗近近地荃新天地行下街, 未食野梗係醫咗肚先, 想食麵就喺openrice搵下有咩餐廳, 好耐無食娘惹菜就揀咗"蝦麵店"。我地叫咗個檳城尋味二人套餐, 除咗有兩碗麵, 仲有小食, 前菜沙律, 甜品同飲品等, 都有幾多野食。🔸咖哩喇沙海鮮摻摻好香咖喱味, 揀咗摻摻有油麵加米粉, 有青口蝦蟹柳魷魚豆卜芽菜等等, 少少辣夠哂惹味。🔸辣味蝦湯蝦肉肉骨摻摻湯底夠哂濃郁, 加埋蝦肉同肉骨茶既肉骨, 感覺好似去咗馬來西亞咁, 肉骨一食就離骨好淋同入味。🔸香炸雞翼同沙嗲雞髀肉串雞翼炸徥香脆, 肉質嫩滑。 用得雞脾肉夠嫩滑, 沙嗲汁似自己整, 勁多花生粒, 好惹味。🔸秘製囉吔名字好特別, 第一次品嚐, 有脆油炸鬼, 蘋果, 菠蘿, 花生粒, 小蝦米, 加埋獨特既醬汁, 確實係幾開胃。🔸是日油菜我地揀咗通菜, 蝦醬超濃味。🔸亞參脆多士 & 桔子香茅凍亞參有點咸咸甜甜咁幾得意, 而桔子酸酸甜甜我又幾鍾意食, 原來香茅用喺甜品又幾好味👍

以前聽過喺灣仔番工嘅朋友介紹過，難得喺荃灣行街又見到有呢間餐廳，把握機會試下。同朋友等咗好耐先有位...因為員工根本無主動去執枱..今次叫咗二人餐($248)，雖然話係二人餐但食物都好多，有麵、小食、飲品同甜品! 我碗選了‘’蝦肉肉片辣味蝦湯底配油麵‘’。一見到個湯好深紅色又有好多辣椒片，有啲驚太辣食唔到。好彩食落口又ok，不過蝦味唔太濃，啲蝦片好薄好薄...整體我又未覺得好吸引，可能我始終喜歡新加坡式嘅蝦麵多啲><但小食方面就有驚喜呀！首先份量以二人餐嚟講算唔少，‘’馬來香炸雞翼+沙爹雞脾肉串‘’一啲都唔油膩，肉質仲燒得好嫩！另外我好鍾意‘’白胡椒肉骨油條‘’，好夠味而且好足料！甜品比較有surprise嘅係‘’榴槤咖央多士‘’，又薄又脆，榴槤控可以試試過下口癮！呢個二人餐份量都頗多，建議可以叫多個朋友一齊食=)

我一直都好鍾意食好濃好濃湯頭嘅麵，如果你同我一樣嘅話，呢間蝦麵店都幾適合你，佢哋個湯頭香濃到我喺門口等緊入座都已經聞到。我同朋友各叫咗一人套餐，包一個細份嘅麵、兩款小食、飲品。辣味蝦湯底 - 蝦肉肉片麵 $95 我揀咗少辣，menu上面提醒咗如果呢個辣味蝦湯底嘅麵揀少辣嘅話，蝦味會無咁鮮，的確比起我聞到其他人嘅蝦湯淡啲，但唔緊要，仍然係好香。麵底我揀咗摻摻，即係mix咗油麵同米粉一齊，口感豐富一啲。咖哩叻沙湯底 - 海鮮麵 $106 海鮮款式唔算多，份量由於係細碗，對男友人嚟講都偏細份，但勝在湯底濃郁，好有地道風味，豆卜吸收哂湯底後超正。五香滷肉配一口脆豆腐 $68 再加埋套餐小食：馬來香炸雞翼、馬來沙嗲雞髀肉串，呢四款入面，我最鍾意五香滷肉，外皮炸得香脆，裡面嘅肉應該混埋咗馬蹄，食落爽口，惹味而不膩。脆豆腐亦整得出色，乾身脆口，點埋醬食好比零食咁，另外嘅雞翼同雞串略嫌較乾，而且唔夠味。需加一服務費，埋單2人約$300。如果你鍾意睇我嘅食評，不妨關注我，支持吓我，謝謝你☺️💕

今次就同朋友嚟咗荃灣食蝦麵☺️主打三款湯底，分別是辣味蝦湯麵、咖喱喇沙湯底、豬骨雞湯底，款款皆濃稠富霸氣，各有千秋🌚作為粉麵店，濃湯味厚足料好有特色，價錢合理

今次特登入黎荃灣食一間路過就已經聞到濃濃既蝦湯味我同朋每人各叫咗一個麵我今次叫既係咖哩叻沙海鮮摻摻摻摻其實姐係所以麵底每樣都摻啲所以叫摻摻 應該係除非唔係 我依個係套餐黎 配個五香滷肉同一口脆豆腐先講依個五香滷肉 面頭係炸脆咗入面肉質似超多汁既貢丸 食一兩舊係完全唔夠 完全係會食上癮 跟黎既仲有甜酸醬 花生醬 同蒜醬油 馬來炸雞翼 肉質剛好 雞腿肉串配埋汁一流另外講翻個麵既湯 超級濃郁 可以拎黎飲朋友叫既係辣蝦湯 蝦肉片 我偷食左少少可能因為小辣既關係 蝦味未夠岀 不過蝦肉好爽

蝦麵店一睇就知食蝦啦，對於我呢個海鮮愛好者黎講，就一於嘗鮮🤤🤤 店舖環境舒適，座位都闊落而且樓底高，唔會有壓迫感。唔講唔知呢間蝦麵店係專賣馬拉檳城既必製蝦麵，有4款唔同既湯底麵係傳統既馬拉口味，十分特別👍🏻👍🏻今次我地試左兩人套餐，分別叫左「辣蝦湯麵」同「咖哩喇沙湯麵」。辣蝦湯麵飲落好濃既蝦味，十分鮮甜，不過辣味都幾重，唔食得辣既朋友就可能覺得太辣，但個人認為十分惹味👍🏻👍🏻咖哩喇沙湯麵都一樣，除左蝦味鮮甜，仲有多左喇沙既香味🤤同樣惹味👍🏻套餐包「雞翼」及「串燒」，兩款小食都十分出色，燒得唔乾而且好香香茅味又唔會太咸🤩🤩另外仲有小食4選1，我地簡左「胡椒肉骨」，白胡椒好香，唔會淨係得個辣味無香味，份量都好夠，有三舊排骨，胡椒湯唔係死咸重味精，正👅👅甜品都有兩款可以簡，我地簡左「榴連咖央多士」同「摩摩喳喳」。咖央多士好食，而且榴連味都頗濃，榴連粉必試！摩摩喳喳原來係芋頭椰汁🥥，芋頭味香，椰汁唔會太甜，正👍🏻👍🏻

Afternoon tea with a friend hereThey have decent noodle laksa set for just $4x Portion is said to be smallerBut I think it’s very good even for late lunch or early dinnerNoodle is well cooked and Not clamping together Chicken wings are my favourite All crispy and hot when servedBean curd is a bit tasteless and suggest to provide extra soy sauce or spicy sauce dip

行過荃新天地，未見到餐廳已經聞到陣陣蝦湯香，非常誇張! 就係呢間蝦麵店👍👍 香味濃郁到我都忍唔住同朋友入左去試餐廳除左散點都有一人同二人餐，幾經濟實惠可能因為太香，真係啲人經過都會黎望兩眼，好彩我地黎個陣岩岩有位，如果唔係有排等雞脾肉串燒，雞肉燒得好juicy，最正係佢既湯嗲醬😍花生粒夠粗身，個醬食落又香又甜超開胃黎得食星馬野，無理由唔食個肉骨茶，呢度肉骨茶白胡椒味超香，而且真係啖啖肉，煮得香濃入味，油條浸湯食，完全吸哂湯既精華魷魚辣蝦麵!! 雖然佢無清蝦湯，但辣蝦湯同樣清甜! 除左微微帶辣仲飲得出蝦既甜，魷魚同蝦既份量都算多，麵可以加底，男仔應該唔太夠食

Bean curd tofu is crispy enoughBut can slightly add in more salt and pepper to increase the textureSuddenly craving for laksaThe noodle is cooked really wellWith a not spicy soup pasteChicken is tender overallLove the chicken wings So crispy and juicy inside2 is definitely not enough and we ordered 5 more for the afternoon!

環境清爽宜人，滿有風味。先前吃過檳城尋味二人套餐，覺得豐富又划算，今次再來也是點這個套餐。馬來白咖啡 (+$10)味道焦香，入口順滑，甜度得宜。是日油菜選了腐乳通菜，通菜翠綠爽脆，又不油膩，味道不錯 。沙嗲醬雜錦魷魚秋樂樂把沙嗲醬拌勻後一起吃，香甜又惹味。馬來香炸雞翼，皮香肉嫩，香脆可口。馬來沙嗲雞脾肉串用上雞脾肉，口感嫩滑美味，配上沙嗲醬一起吃，香口惹味。(左) 雞絲雞蛋咖哩叻沙米粉 (右)魚片四寶咖哩叻沙米粉湯底味道濃郁，材料豐富，份量十足。桔子香茅凍口感像蒟蒻，Q彈滑嫩，味道像柑桔檸檬，很清新。摩摩喳喳呈粉紫色的，面層還有幾片香蕉，甚具特色。味道好像喳咋，不過沒有豆類，但加入了軟糯的番薯和芋頭。芋頭味道突出且質感鬆軟，略帶椰香味，甜味適中。

今日天氣都仲係好熱，真的沒太大胃口，只想吃點惹味的食物，便找到你了 - 蝦麵店。來到蝦麵店，原來他始於2000年總店在灣仔蘭杜街以傳奇的檳城秘方蝦麵傳承至今，4款傳統工藝手工湯底作主打：辣味蝦湯麵、咖哩叻沙湯麵、豬骨雞湯麵、福建滷麵。店舖以白黃色簡單的裝潢，再加上其特別的黃色白色窗口，以及三燈泡的吊燈，甚有特式。而另一邊以落地玻璃設計，顧客可清楚看到商場內的花園，令人感覺舒適。最後我地選擇了全日二人檳城尋味套餐。沙嗲醬雜錦魷魚秋樂樂魷魚及秋葵配上香濃惹味的沙嗲醬一起吃，味道帶點微辣且甜，而魷魚爽口彈牙。是日油菜 - 腐乳通菜通菜鮮嫩爽脆，點下腐乳更添味道。馬來香炸雞翼外皮香口，而內裡的雞肉還很嫩滑。馬來沙嗲雞脾肉串配上醬汁更好吃，雞肉香口、有口感。咖哩叻沙湯底 - 雞絲雞蛋/魚片四寶(魚蛋、貢丸、墨魚丸及腐角）咖哩叻沙湯底惹味，散發著陣陣的咖哩芳香，微辣帶甜，顯得更有層次。其中配料中的豆卜吸收了湯汁的味道，更顯美味。馬來白咖啡(凍)馬來白咖啡口感順滑、香味十足。桔子香茅凍桔子香茅凍像啫喱般輕盈清爽、滑溜溜的，加上粒粒的蘭香籽，口感有趣，且有清新的感覺。

約了朋友在荃灣吃飯，看到有一間新開的東南亞餐廳，是蝦湯麵，所以我們就嘗嘗鮮！ 我點了 辣味蝦湯魷魚麵，麵底揀了油麵，湯底夠辣, 而且由很多蝦乾熬製而成，蝦味很濃👍🏻👍🏻👍🏻油麵有蛋香味，味道十分夾！ 魷魚🦑爽口，份量也不小。朋友點了豬骨雞湯底配蝦肉肉骨面，湯底有淡淡的豬骨味，肉骨的份量也不小，味道清淡，清淡之選👍🏻👍🏻小吃我們點了 沙嗲醬雜錦魷魚秋葵，因為我不太喜歡沙嗲醬，所以走醬，因此這雜錦魷魚秋葵看上去略微單調。但魷魚很爽口另外點了 馬拉盞通菜！馬拉盞很香，配上通菜飲品我們都點了 青檸梳打，因為天氣太熱了，所以要喝點清新的飲品

—好耐之前喺灣仔總店食過等咗一陣位就有得入座檳城尋味二人套餐($248)蝦肉肉骨辣味蝦湯底河粉少少辣幾惹味 平時自己屋企整冬蔭功都會炒香蝦殼先個味會出好多肉排都腍身 蝦橫切面切到一片片海鮮豬骨雞湯底檬粉有蝦 魷魚 青口 腐角 蟹柳湯頭顏色幾清徹 但肉味香濃馬來香炸雞翼/沙嗲雞脾肉串雞肉本身都夠味 可以蘸沙爹花生醬五香滷肉配一口脆豆腐/馬拉盞通菜一個小食有兩款食物 好似抵咗咁幾鍾意食stuffing摩摩喳喳/桔子香茅凍最後上埋甜品 份量都幾多———————————————蝦麵店荃灣楊屋道1號荃新天地一期1樓108及110號舖

荃新天地好多美食選擇，今晚行行下街見到呢間馬來西亞餐廳蝦麵店有二人套餐幾抵食就決定試下食啦！二人套餐$228包左兩碗麵，小食雞翼+串燒，兩款自選菜式，兩杯飲品同兩款甜品！🔥自家製冰糖檸檬薏米水(凍)餐廳好貼心自動走冰，咁唔會出現冰溶左搞到杯飲品淡左嘅情況！檸檬薏米水感覺幾清新！🔥辣味蝦湯底蝦肉肉片摻摻摻摻即係油麵加米粉，想食到兩種麵嘅揀呢個就最岩！值得一讚佢個辣味蝦湯，飲得出用好多蝦頭去熬製，好重蝦嘅鮮味！👍🏻🔥咖哩叻沙湯底魚片四寶摻摻呢個湯底比較濃郁同埋咖喱味好重，不過略為偏辣，四寶每款有一舊，魚片有兩塊，重點係豆卜會索晒個湯底，好好味！🔥另外加左個炸魚皮$20勁脆冇油益味，點兩個濃郁湯底黎食一流！🔥白胡椒肉骨油條肉骨大大舊，浸落碗咖哩湯麵到索埋個叻沙仲正！反而個胡椒湯比較咸，好重胡椒味。🔥五香脆炸豆腐豆卜+雞翼+串燒配上沙嗲汁、青檸汁、酸甜醬，食起上黎不會太油膩！🔥榴槤咖央多士🔥摩摩查查(熱)入面有香蕉、芋頭、蕃薯加椰奶食到好飽好飽，$228有咁多款唔同野食真係好抵食！

去到荃新天地一期食lunch，之前都知道呢度嘅最頂層有好多嘢食，但就唔係好熟路所以就好少嚟呢層搵食，不過之前見到呢度有間蝦麵館都幾出名，所以就決定嚟試下喇。鋪頭都幾企理嘅，仲有幾把風扇吊住牆添，有興趣仲可以望住個花園景食麵。睇睇菜單，其實加左一之後食碗麵加個小食都要$70，抵唔抵就大家兩睇啦，值得一讚就係小食好多元化，難得嚟到，我當然要揀返個辣蝦麵，加埋小食拼盤。小食拼盤先嚟到，真係幾有誠意，有炸豆腐，雞翼同埋串燒雞，但佢真係做到每一種食材都有佢嘅醬料。椒鹽豆腐就脆卜卜幾好食，香茅雞翼都非常入味，反而串燒雞嘅肉質比較嚡身，一般般。到主角出場喇，辣蝦麵，今次我揀咗四寶丸嘅。湯底非常濃郁，睇個色水亦都知道係好辣，其實食落個辣度非常適中，辣得嚟亦都有濃濃嘅蝦味，碗麵亦都有幾片蝦肉，不過蝦肉就比較乾身嚡身，但我覺得重點係個湯底度，辣蝦湯同蝦肉感覺就有啲似平時老火湯同埋附送嗰嚿瘦肉嘅關係。 至於四寶丸就有魚蛋，貢丸，魚腐，墨魚丸，都係中規中矩，印象中墨魚丸就好彈牙嘅。飲品叫左凍奶茶，茶香奶滑，食完辣麵飲就非常好。