蟹仙海鮮蒸氣鍋 (龍崗道)

营业中

休息中

次次去九龍城都食泰國菜，今次想試下其他野，去咗蟹仙海鮮蒸氣鍋，真係超級讚！有好多套餐揀，揀左$419既尊貴海鮮套餐，入面已經包左好多樣海鮮，有野生膏仔蟹、台灣花尾龍躉片、野生琵琶龍蝦、台灣九孔鮑魚、大西洋野生青口、加拿大野生海虎蝦、韓國斧山珍珠蠔、紐西蘭刀貝蚌、蟹皇大元貝等等，每樣都新鮮又美味，已經係好豪華既海鮮餐！呢到嘅服務亦非常好，店員會逐樣講解同幫你蒸，唔驚蒸過火！最鍾意既係野生膏仔蟹，超多蟹膏，金黃誘人，入口即化，咬落去嗰一刻，肉質鮮嫩多汁，真係令整個套餐更加出色！另外，台灣花尾龍躉片同野生琵琶龍蝦都非常出色！龍躉片肉質厚實又鮮甜，一啖入口就令人回味無窮！而琵琶龍蝦肉質鮮甜又有彈性，真係一級享受！蟹皇大元貝同樣超級讚，元貝大大件，上面加左蟹皇一齊蒸，鮮上加鮮，本身元貝已經鮮甜，再加上蟹皇真係無得頂！一路蒸既海鮮汁，就一路會流到鍋底既粥入面，到食完海鮮後，就可以食到呢煲超級精華所在既粥底，真係大滿足！到最後已經好飽，仲有一碗冰凍既椰汁雪燕糖水，真係好正！總結係海鮮愛好者不能夠錯過，一定唔會令你失望！

九龍城除咗泰國菜仲有好多選擇，今晚就同朋友嚟食粥底海鮮蒸鍋🦀 就係為咗呢碗吸收晒海鮮精華嘅粥😍今晚食嘅尊貴海鮮套餐$419 總共有九款海鮮配蔬菜籃，好豐富🤩🔸加拿大野生海蝦🦐🔸台灣九孔鮑魚🔸黃金翡翠螺🔸大西洋野生青口🔸蟹皇大元貝粥底本身都好足料，有粟米、豬骨、芋頭粒等等，加埋蒸海鮮嘅精華必定好鮮甜😋🔸台灣花尾龍躉片🔸韓國珍珠蠔🦪特調嘅蟹皇醬好特別，更食到元貝嘅鮮味😋🔸琵琶蝦肉質爽彈味道鮮甜，比龍蝦更好味😋🔸罕有藻食綠膏蟹🦀店員話膏蟹係食藻類長大，所以蟹膏都呈綠色，啲膏又幾甜喎🤭最後就係份量十足嘅蒸粟米🌽同蔬菜🥬 超甜粟米好好食🌽🤤 最後當然唔少得要食埋碗海鮮粥😍最後仲有冰涼嘅椰汁雪燕作為今晚嘅甜品，食落好舒服😊店員熟識海鮮種類，服務熱情又有禮貌，真係值得一讚！🤩🐾貓奴足跡🐾🌐蟹仙海鮮蒸氣鍋 (龍崗道) (九龍城)📍九龍城龍崗道2-4號地舖

今日約埋三五知己嚟到呢間九龍城出名食蒸海鮮的 《蟹仙海鮮蒸氣鍋》食海鮮餐！ 店內環境寬闊 ，都坐得很舒適， 店員熱情推介各海鮮餐的價錢和特色， 最後我們揀了$419的套餐, 包含了十分不同的海鮮， 店員說他們的老闆經營了海鮮很多年，每天海鮮新鮮挑選運到～保證新鮮👍。 先來上了粥底火鍋的配料， 望落去有豬骨，粟米和芋頭等配料， 之後就上頭輪的海鮮盤， 包括了九孔鮑魚，野生大青口， 海虎蝦和翡翠螺， 還有秘製蟹黃醬大元貝。 海鮮入口全部都很新鮮， 鮑魚鮮嫩肉質有最爵勁， 翡翠螺肉質彈牙鮮甜， 野生大青口肉質肥美鮮甜， 海虎蝦肉質爽彈， 元貝啖啖肉配埋蟹黃醬 之後到花尾龍躉片魚皮彈牙，肉質紮實 珍珠蠔肉質肥美蠔味夠。 而野生琵琶蝦的肉質也鮮甜彈牙，第一次吃感覺比龍蝦還要好吃 值得推介 最後就是藻食綠膏蟹， 蟹膏是青色和綠色的很少見， 店員說我們今天很幸運因為不是經常性有貨， 這些蟹是在海裏吃了藻類後而令到蟹膏有一種獨特的鮮甜美， 真的很好吃很香醇，肉質也很嫩！ 跟住就係粟米時疏， 最後重頭戲就係所有海鮮嘅精華海鮮粥 真的很先甜 ， 最後彩蛋店員送上椰汁雪燕糖水， 很清新不會太甜， 完滿結束咗

一行五人，叫左個每人400幾嘅餐，每樣海鮮都唔夠新鮮，少少鮮甜味都無，仲要每樣得一塊，完全食完好似無食過野咁，最後個粥底無味道，同出面食嘅完全唔一樣，好失望，埋單食左25xx….一肚氣….

今日收工好想食蒸海鮮，同事話之前食過九龍城有間蟹仙海鮮蒸氣鍋，老闆經營香港海鮮入口商批發超過30年，每日新鮮直運最靚海鮮到店舖，提供唔同套餐選擇，可以根據海鮮種類揀餐，聽落好吸引，一於去試吓先！🥢野生膏仔蟹蟹肉鮮甜滑嫩又Q彈，蟹膏極為香鮮，味道濃郁，啖啖飽滿結實！🥢台灣花尾龍躉片魚肉透白偏厚身，爽滑又鮮甜！🥢野生琵琶龍蝦新鮮龍蝦肉質緊實有彈性，食落香甜多汁，就咁清蒸已經好好食！🥢台灣九孔鮑魚呢款九孔鮑魚比起一般鮑魚嘅口感更加Q彈爽脆，味道鮮甜有咬口！🥢大西洋野生青口肥美野生青口啖啖肉，肉質彈牙嫩滑，味道鮮甜，肥厚又多汁！🥢加拿大野生海虎蝦大大隻野生海虎蝦口感爽滑彈牙，肉質飽滿蝦味濃郁！🥢韓國斧山珍珠蠔斧山珍珠蠔帶濃厚海洋氣息，鹹鮮味濃，蠔肉清甜爽口，味道鮮濃爽滑！🥢紐西蘭刀貝蚌刀貝蚌寧舍大隻，味道鹹鮮，入口煙韌夠哂彈牙！🥢蟹皇大元貝大元貝味道份外鮮甜，口感極佳～特別加入自家製蟹皇醬，鮮甜甘香又不帶膩感！🥢有機蔬菜籃有娃娃菜、生菜、粟米，最愛粟米香甜又多汁！之後店員會協助煮海鮮粥，加入排骨、香芋粒、粟米等～粥品索滿蒸海鮮既汁，味道特別香甜！最後仲送上椰汁雪燕，冰凍清香，為晚餐畫上完美句號

想食新鮮靚海鮮，又懶得喺屋企搞一大輪又要洗🙈🙈梗係去📍蟹仙海鮮蒸氣鍋✨老闆係香港海鮮入口商經營批發逾30年，確保拎到最靚海鮮，更天天直接運到店鋪😋餐廳提供多款套餐選擇，價錢豐儉由人，今晚就揀咗個尊貴海鮮套餐，有成10樣嘢食，夠晒豐富🌟🔹野生膏仔蟹蒸完之後蟹膏呈橙黃色，賣相似蛋黃，超吸引🤩食落口感豐腴，鲜美軟糯，微微甜香超正🤟🏻🔹台灣花尾龍躉片肉質細嫩，魚肉嫩滑無骨，啖啖肉夠晒鮮美❤️🔹野生琵琶龍蝦新鮮龍蝦肉質細膩鮮甜，殼薄肉飽滿，龍蝦蝦肉質厚夠扎實，食落好滑脆👍🏻👍🏻🔹台灣九孔鮑魚第一次試台灣嘅九孔鮑魚，食落口感好紮實，Q彈得來好有嚼勁😍🔹大西洋野生青口野生青口大大隻，肉質嫩滑、鮮味無比，帶海水鹽香味，食落特別鮮甜🎊🔹加拿大野生海虎蝦野生海虎蝦脆嫩多汁，質感細膩彈牙，肉質富含高蛋白質，夠健康💗🔹韓國斧山珍珠蠔蠔肉軟滑、肥美飽滿，入口清甜多汁絕無腥味，食落好有口感✨🔹紐西蘭刀貝蚌體積夠哂大既刀貝蚌嫩滑爽口，含豐富礦物質，分外肥美，帶獨特海洋香氣🤟🏻🔹蟹皇大元貝大元貝含豐富蛋白質， 軟滑鮮香！面頭加入秘製蟹皇醬，鮮香味濃‼️🔹有機蔬菜籃有齊娃娃菜、生菜、粟米，有機食材更健康🥰最後由店員加入芋頭

今次同朋友一齊嚟到蟹仙海鮮蒸氣鍋，試咗佢哋嘅「尊貴海鮮套餐」，真係好食到爆！「尊貴海鮮套餐」有野生膏仔蟹、野生琵琶龍蝦、大西洋野生青口同紐西蘭刀貝蚌等等，每樣都新鮮美味！係超級豪華既海鮮蒸氣鍋套餐！「尊貴海鮮套餐」入面有好多新鮮海鮮，老闆係香港海鮮入口商經營批發30年經驗，確保拎到最靚既海鮮，天天直接空運到每間店鋪，所以全部都超級新鮮！當中最推介既係野生膏仔蟹、野生琵琶龍蝦、紐西蘭刀貝蚌！野生膏仔蟹係有超級多膏，又香又滑真係唔講得笑，蟹肉鮮甜到～～野生琵琶龍蝦同樣係出色，今次係第一次食琵琶龍蝦，食落有d似龍蝦，又幾鮮味，同樣有膏實在太開心！紐西蘭刀貝蚌就大大隻啖啖肉，厚肉得黎唔會蒸過火，好爽甜！當然其他海鮮都一樣出色，原汁原味，好好食！最後會有有機蔬菜籃、同埋唔少得既精華海鮮粥！入面有晒所以海鮮既鮮甜味，加左粟米、芋頭粒、排骨，食完好暖胃好滿足！店員細心幫忙蒸海鮮更係經驗豐富，樣樣都時間岩岩好，做到完美無缺，真係一個食物體驗！如果你都係海鮮愛好者，絕對推薦你嚟試下佢哋嘅尊貴海鮮套餐！

天寒地凍嘅日子，約埋朋友去屋企附近食海鮮蒸氣鍋。呢間係九龍城龍崗道嘅「蟹仙海鮮蒸氣鍋」，閒日唔算多人，坐得好舒服，有唔同套餐選擇，客人可以按自己喜好嘅海鮮選擇，豐儉由人，店員都有強調佢哋嘅海鮮每日新鮮到港，絕對優質。今次選擇左尊貴海鮮套餐。套餐HKD419一位，有十道菜：包左綠膏蟹、龍躉片、澳洲青年龍蝦、台灣九孔鮑魚、大西洋青口、野生海虎蝦、斧山珍珠蠔、刀貝蚌、大元貝同有機蔬菜。店員會按味道由淡至濃，將各款海鮮放落蒸氣鍋蒸煮，憑佢哋嘅經驗，每一款海鮮都蒸得恰到好處。今次呢個套餐大堆介係綠膏蟹、龍蝦同九孔鮑魚：綠膏蟹大隻有肉，蟹味香濃鮮甜；龍蝦夠新鮮，可以整條蝦肉脫殼，肉質結實而彈牙；鮑魚有佢嘅鮮味，毋需任何醬油調味，已夠鮮味，加上爽口彈牙嘅口感，唔錯。海鮮蒸氣鍋點少得海鮮汁煮成的粥底，粥水配上粟米、菜脯、香蔥等配料，鮮味又暖胃。最後，仲有甜品椰汁雪燕作結。大滿足嘅用餐體驗。

呢排天氣凍凍地，就約埋老友去佢屋企附近食海鮮蒸氣鍋。去到九龍城想食海鮮蒸氣鍋，就要去龍崗道嘅「蟹仙海鮮蒸氣鍋」。餐廳環境闊落，坐得好舒服。套餐由$400到$700一位都有，任君選擇。每款套餐都包左唔同嘅新鮮海鮮，而且餐廳標榜海鮮每日新鮮到港。今次我地就試左尊貴海鮮套餐。套餐十道菜式包左綠膏蟹、龍躉片、青年龍蝦、台灣九孔鮑魚、野生青口、野生海虎蝦、斧山珍珠蠔、刀貝蚌、大元貝同有機蔬菜藍。店員會幫手將每款海鮮按味道由淡至重放落蒸氣鍋同提示蒸煮時間。尊貴海鮮套餐 ($419/每位)綠膏蟹同龍蝦啖啖肉，龍躉片、九孔鮑、刀貝蚌新鮮彈牙，青口、虎蝦、大元貝、珍珠蠔爽甜。樣樣都好出色。海鮮流出黎嘅精華會流到煲內，再落米煮成鮮甜海鮮粥。另外，餐廳仲好貼心送上椰汁雪燕糖水，一解蒸氣鍋嘅熱氣。

呢間餐廳我同同事一齊去試，我哋一共有七人。佢嘅特色係以粥底蒸海鮮為主，而且佢位置都好方便，就喺地鐵站附近。 我哋揀咗每位419蚊嘅尊貴海鮮套餐，裡面有龍蝦、蟹、龍躉、鮑魚同埋青口等等。我哋仲另外點咗啲小菜。老實講，食物嘅味道係普通水平，冇特別突出嘅地方。不過要特別提一提嘅係最後嘅粥底，佢吸收咗海鮮嘅精華，味道都唔錯。 至於服務方面，店員都好友善，態度好好。佢哋樂於助人，好好咁照顧我哋嘅需要。 總結，呢間餐廳嘅粥底蒸海鮮味道普通，但係服務好好。如果你想試下新鮮嘅海鮮粥底，可以考慮嚟呢度試試。不過如果你對食物嘅味道有較高要求，可能會覺得普通啲。

完全不值此價錢，呃錢1200兩位食完仲好肚餓海鮮少，唔新鮮環境差，完全比人劏成個餐十八樣餸，每樣比一件人地食成個食物成本計埋唔洗兩舊水，劏客當人傻仔去的話捉你妳運

近排同朋友去食海鮮蒸氣鍋，餐廳環境闊落，有多款新鮮海鮮，價錢親民，服務亦貼心尊貴海鮮套餐(每位$419)野生膏仔蟹爆膏又多汁嘅膏仔蟹，肉質結實彈牙台灣花尾龍躉片食落魚味濃郁，而且香滑爽口野生琵琶龍蝦平時少食琵琶龍蝦，食落味道更加鮮，而且肉質細嫩台灣九孔鮑魚鮑魚肉質厚身，食落有彈性加拿大野生大赤蝦蝦身大大隻，蝦頭有膏，味道鮮甜大西洋野生青口青口肥美厚肉，有嚼口紐西蘭刀貝蚌刀貝蚌脹卜卜，食落冇沙又爽甜黃金翡翠螺食落Q彈爽脆珍珠蠔唔會有腥味，口感順滑有機蔬菜籃食埋粟米、生菜等蔬菜後，就可以食落咗蔥花、菜脯等配料嘅綿滑粥底，食落鮮味十足，最後食埋餐廳送嘅滋補椰汁雪燕糖水就剛剛好

蟹仙海鮮蒸氣鍋 (龍崗道) (九龍城).女朋友爸爸食過一次後就間中想再食，咁既然想食就帶佢再食尊貴海鮮餐，每次嘅服務態度都係200分！.蝦，鮑魚，蠔等逐個上場，味道由淡至濃對於我倆嘅重點重頭戲都係龍蝦以及蟹，可惜今日無饅頭蟹變咗龍躉片，不過唔緊要今日多左個白刀貝，從來未吃過，非常鮮甜蒸嘅時間仲要剛剛好.澳洲青年龍蝦每次都唔會令我地失望，肉質爽口實正又彈牙.食曬海鮮就可以食啲生菜娃娃菜粟米，再品嘗精華所在嘅粥底粥內加入排骨，粟米，芋頭粒等，芋頭令到個粥更加綿.甜品係好好食嘅椰汁燉官燕碎！

蟹仙海鮮蒸氣鍋 (龍崗道) (九龍城).老闆做批發海鮮，服務態度又好，全程都唔洗你動手🩶.▪️$419 尊貴海鮮餐▪️.先有店員蒸餐具，然後由淡食到濃.珍寶大蝦，蝦頭勁多膏🦐 肉質爽口鮮甜，完全唔洗掂豉油.鮑魚唔算大隻但蒸嘅時間啱啱好，唔會好韌韓國斧山珍珠蠔一拎上枱就好鮮，入口係充滿海水味，不過由於充滿海水味，所以有啲鹹今次最令我驚喜嘅係白刀貝，望落去普普通通，但非常之鮮甜肥美，仲有啲好似日本魚生嘅刺身感.野生青口咬住條草，平時食冰鮮嘅食得多，嗰啲乾水扁身，但呢個係勁脹卜卜.澳洲青年龍蝦，膏唔算好多，但肉質真係勁爽口彈牙！平日呢個套餐如果蟹新鮮嘅話會有兩款，但係由於呢度係咩海鮮新鮮就比咩你，今次我哋就試咗龍躉片！.最後就到精華所在，個粥都俾啲膏整到變咗綠色。食完粥店員仲送個甜品，椰汁燉官燕，滋補又養顏.📌 蟹仙海鮮蒸氣鍋 (龍崗道) (九龍城)九龍城龍崗道2-4號地下

蟹仙海鮮新鮮和蒸氣鍋聞名，每隔一段時間就很想回來再品嘗。青口味道鮮美，而且富含蛋白質。珍珠蠔肉質細嫩，而且有著獨特的甜味。鮑魚海螺口感爽滑，而且含有豐富的蛋白質和維生素等營養。很新鮮。龍蝦、膏蟹非常新鮮，充滿海水鮮甜，肉質鮮嫩，好想一吃再吃。這最特色之一就是粥底，這是一種非常獨特的烹調方式。粥底是用高湯融合而成，再加入海鮮等食材海鮮汁，一起蒸煮，讓海鮮的鮮味都能夠充分釋放出來，同時粥底的口感也非常豐富，非常綿密。蟹仙海鮮蒸氣鍋 (龍崗道)九龍城龍崗道2-4號地下