蟹仙海鮮蒸氣鍋 (龍崗道)

营业中

休息中

親戚外國返黎，同左佢去蟹仙食蒸海鮮！點左419套餐，真係好有驚喜！呢個菜單上面嘅海鮮種類多到眼花撩亂，全部都係新鮮海產，令人垂涎欲滴。龍蝦揀左野生琵琶龍蝦，肉質鮮甜，肉質彈牙，真係一流！其次揀左饅頭蟹，雖然蟹膏唔多，但蟹肉鮮甜。另外，仲有台灣鮑魚、野生青口、野生海虎蝦同國斧山珍珠蠔。鮑魚鮮甜彈牙；海虎蝦夠大隻啖啖肉；珍珠蠔軟嫩甘甜。食完海鮮仲有有機雜菜拼盤，清新又健康。最尾當然唔少得海鮮！所有海鮮精華都蒸哂落粥底，個粥超甜！

最近同朋友嚟九龍城先發現有間蒸氣海鮮，望落幾吸引，一於試下味道如何！🦀野生膏仔蟹膏仔蟹肉質鮮美，蟹膏香濃，肉質細膩。清蒸是能最大程度保留蟹的鮮甜味，大推！🦀太平洋饅頭蟹這種蟹的肉質甜美且富有彈性，外殼堅硬，肉量豐富。🦞澳洲青年龍蝦肉質鮮嫩，味道獨特，搭配一點醬油，能夠提升其鮮味。🐚台灣九孔鮑魚九孔鮑魚肉質滑嫩，鮮味十足。🐚大西洋野生青口青口貝的肉質鮮美，帶有海洋的清香。🦐加拿大野生海虎蝦海虎蝦肉質甜脆，口感極佳🦪韓國斧山珍珠蠔珍珠蠔肉質滑嫩，搭配醬油及小小辣椒，味道更為出眾。🐚蟶子蟶子肉質鮮嫩，帶有淡淡的海味🐚蟹皇大元貝大元貝肉質鮮美，蟹皇更是精華所在，能夠讓每一口都充滿海鮮的鮮甜。🥬有機蔬菜籃食完海鮮可以食菜，鮮甜健康又美味。🥣鮮甜的海鮮精華最後煮成粥，清甜飽肚得來又好味！最後仲有甜品食，簡單畫上了完美的句號。📍九龍城龍崗道2-4號地舖 - 蟹仙海鮮蒸氣鍋

同朋友想食得健康得黎又有營養 揀左呢間海鮮蒸氣鍋試 叫左尊貴海鮮套餐 每位 $419 一共包左十款唔同種類嘅海鮮 超級豐富🤩全程有店員幫手計時蒸海鮮 仲會好細心介紹每種海鮮嘅來源地，特別之處同埋食法👨‍🍳🦀野生膏仔蟹 Wild Crab 🦀太平洋饅頭蟹Pacific Ocean Box Crab🦞澳洲青年龍蝦 Australia young Lobster🌊台灣九孔鮑魚Taiwan Abalone🌊大西洋野生青口Atlantic Mussels🦐加拿大野生海虎蝦Canada big wild tiger shrimp🦪韓國斧山珍珠蠔Korea Baby Oyster 🌊蟶子 razor clam🌊蟹皇大元貝jumbo Scallop with Crab Roe🥬有機蔬菜籃Organic Vegetables Platter🌽排骨粟米粥必食推介蟹皇大元貝 大大隻元貝配埋蟹皇鮮味十足🥰野生膏仔蟹超級新鮮上到枱仲識郁 蟹膏份量超多 食得勁滿足🥳

本身全程食飯都無乜野，間餐廳我係預咗貴，而且食物一般，但係當埋單呢一刻就令人十分憤怒原因係話一定係使用現金或轉數快作為交易。我唔明點解咁大間餐廳又冇信用卡俾錢又冇PayMe，又冇WeChat，只有現金或，但係問題係我訂位幫手，點解你唔同我講清楚？重點仲要係，埋單要轉數快/現金都算，但係唔明點解又要留電話號碼又要影晒客人嘅戶口資料嘅相嚟到留紀錄確認已轉數？你既然只可以安排得轉數快/現金，你就應該自己負責管賬人員自行check自己公司嘅銀行轉賬情況啦，邊有可能要求個客啲資料比晒你睇兼影相，涉及太多客人私隱問題又有帳戶號碼，做法實在太過不善，仲要侍應態度咁大聲，講緊銀行戶口號碼嘅嘢，係咪要全個餐廳嘅人都知道我啲資料先至安樂？實在令人太不愉快的一餐！

同朋友好耐冇見，就返朋友放工，就約咗喺九龍城食海鮮蒸氣鍋~兩個人點咗尊貴海鮮套餐，全程都有侍應幫手蒸，確保唔會蒸到過火成個餐已經包咗10款海鮮，太平洋饅頭蟹/野生琵琶龍蝦/九孔鮑魚/野生青口/野生海虎蝦/珍珠蠔/翡翠螺//大元貝/蔬菜籃每款海鮮都好新鮮，識落好鮮甜～唔需要特別點豉油已經好好味，食到最尾嘅時候，就有一個粥食，係由蒸海鮮嘅精華去煮，個粥完全吸晒所有精華蟹仙海鮮蒸氣鍋 (龍崗道)地址: 九龍城龍崗道2-4號地舖

今日家姐帶左我去九龍城食海鮮，平時喺九龍城食泰國嘢就食得多，海鮮真係第一次！喺門口已經見到好吸睛嘅招牌，有一隻大龍蝦🦞同一隻大蟹🦀公仔襯托，門前仲有啲蒸鍋嘅蓋做裝飾。呢間蒸海鮮係以套餐形式再追加為主，我哋叫咗$419套餐，入面已經包括咗9款海鮮+一個蔬菜籃+粥底，另外我哋仲叫咗一揸健康飲品。海鮮分咗兩輪上枱：🍴 海鮮1 ：野生奄仔蟹+太平洋饅頭蟹+澳洲青年龍蝦 🍴兩種蟹肉都超級鮮甜多膏，奄仔蟹肉質比較爽口，饅頭蟹有少少入口即溶嘅感覺；而蟹膏嘅味道方面，饅頭蟹就比較濃郁，整體嚟講，兩隻蟹都好好食。澳洲青年龍蝦好新鮮好新鮮好新鮮，要講三次，因為我真係見到佢啲肉嘅神經仲喺度彈吓彈吓，我哋嗰隻龍蝦蝦膏就唔係好多，但係勝在肉質有口感又鮮甜。🍴 海鮮2 ：台灣九孔鮑魚+大西洋野生青口+加拿大野生海虎蝦+韓國釜山珍珠蠔+蟹黃大元貝+蟶子 🍴鮑魚蒸得啱啱好，肉質爽口彈牙又煙韌，又唔會腥，清蒸保留咗佢嘅鮮甜味道，比起平時落咗陳皮蒸更能夠試到佢本身嘅味道；青口同珍珠蠔兩款都唔算大粒，小小的一隻，但係出奇地鮮甜，加上少少海水嘅味道，成為咗天然嘅調味料，鹹鹹地提升佢嘅味道。海虎蝦大大隻，望落去好新鮮，咁啱我哋

點佐個尊貴海鮮套餐：9款海鮮 + 1籃菜，仲有吸收所有海鮮精華嘅粥底，再送個甜品，鮮味十足。海鮮大滿足🤤，有饅頭蟹、琵琶龍蝦、鮑魚、蟶子、虎蝦、珍珠蠔、翡翠螺、蟹黃大元貝、膏蟹。海鮮真係夠新鮮嘅話，真係唔需要加任何醬料，都可以食到食材本身肉地嘅鮮甜，同埋肉質口感嘅嫩滑。服務嘅話，我覺得都幾OK啊，坐低之後就有服務員來幫手做餐具嘅蒸汽消毒。然後每一款海鮮係有人幫手去控制個蒸汽爐蒸好再夾到我地個碟度，仲有介紹小小海鮮出處。食完一款再到下一款，真係慢慢歎。🍻成個套餐按人頭收費，419每位，加粥底同醬料費15蚊，同埋加一服務費。人均500左右。

間餐廳都幾乾淨坐得幾舒服，好適合一班人慶祝生日過嚟食。店員每一台都會好悉心介紹，最後我哋揀咗尊貴海鮮套餐。尊貴海鮮套餐一開頭蒸咗啲餐具先咁樣食落就乾淨好多，店員一開始加咗啲足料喺個底嗰度。過多陣就拎咗今晚嘅主角海鮮出嚟啦，一見到都覺得勁開心，勁新鮮。野生海虎蝦爽甜彈牙，都幾大隻，好重蝦味。黃金翡翠螺俾我想像之中鮮甜，都好有咬口同埋彈牙。全個過程都有店員介紹，鮑魚好大隻好有唧口，口感一流。因為今日冇青口，所以轉左蟶子俾我地。聖子都好甜。珍珠蠔同埋大元貝都好好味，大元貝貝佢哋自己調咗個特別嘅海膽醬，配埋一齊食勁啱味。之後就到今晚嘅主角，龍蝦勁新鮮咬落去超彈牙同埋有好濃烈嘅海鮮味。第一次食饅頭蟹，成個樣都好特別好得意，同平時嘅差唔多味，最正當然係爆高嘅膏蟹，隻蟹勁實淨入面勁多肉。最後仲有蔬菜，同埋吸晒所有海鮮精華嘅豬骨粥，食到勁飽最後仲有椰汁燉雪燕。

1. 此乃佛心公司，全部餐牌已是半價。海鮮套餐連同粥底，二人埋單約1000元樓下。餐內所有貝類海鮮一人一個，例如沙白、蜆；蟹一人半隻；中型海蝦一人一隻；蒸魚兩人只有半條。可見貴公司秉承不浪費原則，從源頭減少，自然大大減少浪費情況的出現。2. 服務員態度拼搏，隔離座客人表示不升級另購海鮮，姐姐一直力勸顧客，莫因不懂而錯失良機。可惜事與願違，他們還是未嘗到只應天上有的「仙」味。姐姐苦口婆心的解釋，本人對其認真態度，給予讚賞。3.經理服務意識「良好」，顧客對服務人員說「唔該」，竟是折殺服務人員的行為，因為他們需要給予回應，一來易分心，二來會浪費口水。說話多了易渴，飲水也多了，若人有三急要方便，那麼便不能好好服務顧客了。此等用心教人感到溫暖。以上難能可貴之處，望貴公司繼續保持。在此用餐不過彈指時間，卻令人深思反省。好又一餐，唔好又一餐。眾生皆苦，何苦計較太多，有緣人能入此間，莫非不是因緣。忘記帳單，將所有煩惱融入一鍋粥，吃下之時，已是升仙之際。其名蟹字一仙，實在令人感慨，佩服。

我喺九龍城度食，一入到去已經想走，因為環境好差，裝修10分簡陋，這個不是最大問題，但是你感覺上很污糟。食物方面，很普通，不難食，海鮮份量很少， size亦都很少，你唔好期望自己會食飽，食完都唔知食過啲乜價錢十分之貴，如每個人要食飽起碼$700 ，但係講緊嘅係只可飽肚不是真的很飽，其實用咁嘅價錢食嘢，好多人起碼希望成個經驗係愉快，愉快來說，要包括環境，食物質素。但呢間餐廳只可以話好似一間舊式茶餐廳嘅感覺，但用來蒸海鮮，佢嘅價錢可以有更好嘅選擇，佢好多好評，啲好評我好懷疑點樣避的，香港人用咁嘅價錢食嘢比咁嘅質素，我唔相信會咁慷慨。

朋友生日，鍾意食海鮮，所以上網搵咗呢一間，有訂座，怕去到冇位餐廳唔算大，不過座位唔多唔會好迫，座位乾淨企理去到先揀咩餐，大部份海鮮都有，如果個餐冇預先同你講，唔會嚟咗先知比較驚喜嘅係就算唔當造嘅海鮮佢哋都有，而且質素唔差食咗幾輪海鮮，仲有一碟肉同埋菜，胃口大嘅朋友啱晒食完之後就係重頭戲，吸收晒海鮮精華個鍋粥👍🏻食完粥再每人送一碗糖水，包你飽到捧住個肚走值得讚嘅係員工好細心幫你睇住啲時間，唔會俾海鮮蒸過龍會回頭再食👍🏻

佢以粥底蒸海鮮為主打，位置又好方便，就係地鐵站附近。試咗一份419蚊嘅尊貴海鮮套餐，裏面有龍蝦、蟹、龍躉、鮑魚同埋青口等等。我哋仲另外加啲小菜。老實講，食物嘅味道一般，冇特別出色嘅地方。不過要特別提一提嘅係最後嘅粥底，吸收咗海鮮嘅精華，味道真心唔錯。食物新鮮度基本上係有保障，可惜服務員經驗唔夠豐富，幾次未煮熟食物，經提醒先有改進，服務效率有啲低，無論係點菜、飲品定係結賬都要等一陣先搞掂，可能服務員唔係好慣做呢啲，做事有啲馬虎，連包飯都搞唔掂，最後結賬先發現計錯數總括嚟講，呢間餐廳嘅粥底蒸海鮮味道普通，但服務真係好好。如果你想試下新鮮嘅海鮮粥底，可以考慮黎試試。不過如果你對食物嘅要求高啲，可能會覺得一般般。

好好service+新鮮海鮮🦞個staff一邊介紹海鮮一邊幫我地蒸海鮮😆啲蟹超多膏😍仲有一個超特別嘅琵琶龍蝦🫢印象好深刻嘅係大元貝 味道鮮甜 好新鮮 蒸出黎嘅汁好甜！真係好甜！

爸爸喜歡吃粥底海鮮，朋友介紹呢間係屋企附近有質素價錢唔會太貴既粥底鍋，今次食得飽飽岩灑爸爸口味了！ 揀了個一位369的套餐，有爸爸至愛既魚、蝦、蟹同海鮮粥底！平日晚上唔算太迫，坐底就見到好可愛的蒸蓋。原來點呢個套餐，店員會細心講解同幫我們放蒸盤，按住次序蒸熟d海鮮仲會調好時間去整，我地唔駛郁手整！爸爸見到有蠔、龍蝦🦞巳經流灑口水！🔶 加拿大野生海虎蝦幾大隻帶小小藍色，海蝦新鮮肉質夠灑爽口！🔶 台灣九孔鮑魚鮑魚蒸煮時間剛好，蒸熟後口感不錯，夠彈牙補下骨膠元。🔶 韓國釜山鰻魚魚切了件，蒸得剛剛好，魚肉夠滑又鮮味，加埋薑蔥一齊蒸，加埋wasabi 醬油，味道鮮甜。🔶 大西洋野生青口青口大大隻，肉夠厚，個人覺得唔使加咩調味都好食。🔶韓國大元貝蒸了大概4分鐘到，一開蓋熟透了，加左蟹皇醬作調味有驚喜，幾鮮味幾正！🔶野生羔仔蟹都幾大隻，店員巳準備好灑工具給我們刷蟹，好多蟹羔蟹肉很鮮味。🔶澳洲青年龍蝦好新鮮的，龍蝦肉質爽口，簡單不用點醬油已經好鮮甜好味，爸爸最愛！🔶 紐西蘭刀貝蚌這個刀貝蚌第一次見好肥大，d肉幾厚，味道帶有海水嘅鮮，不錯！🔶韓國釜山珍珠蠔帶有海水既鮮味，3分鍾蒸煮，好滑！🔶有機疏菜藍生

九龍城蟹仙海鮮直銷蒸氣石鍋，主打海鮮無激素。老闆係經營海鮮批發多年，依度嘅海鮮，每日都係空運新鮮到港，所以超新鮮好食！仲有好多刁鑽海鮮呢！一坐低，第一件事，店員就會將餐具放係蒸氣鍋消毒，店員亦會幫你睇時間去蒸煮 ，確保海鮮夠熟，夠鮮味！今日同朋友食尊貴海鮮套餐 - 一共10款海鮮($419/每位)野生膏仔蟹蟹膏好多，食落甘香又好鮮甜！啖啖肉，肉質較嫩！韓國釜山鰻魚人生第一次食蒸鰻魚，肉質超級鮮甜，好嫩滑，店員建議點芥末食！咁樣食，口感又高一個層次！澳洲青年龍蝦肉質爽口，龍蝦頭仲有好多膏！冇點什何汁食，因為夠晒鮮甜！台灣九孔鮑魚非常欣賞，內臟已洗乾淨及移除，好乾淨呢！店員控制得時啱啱好，鮑魚好彈牙，好有咬口感！好新鮮！大西洋野生青口充滿海水鮮味，好鮮！青口大大隻，唔使點汁已經好好味！加拿大野生海虎蝦肉質結實大隻，清楚帶甜！仲好多蝦膏！韓國斧山珍珠蠔海水味重，唔使點醬油食，蠔本身已夠哂鹹鮮味！新鮮新鮮！紐西蘭刀貝蚌刀貝蚌肥大肉厚，咬落口感非常！帶有海水嘅鮮味！冇點任何醬汁！蟹皇大元貝元貝上嘅蟹皇醬，係餐廳自己調製嘅，唔需要點任何醬汁，入口味道濃郁！有機蔬菜籃包括粟米，娃娃菜 ，生菜！淨係清