蟹點

营业中

休息中

今晚下班後跟朋友去了鴨脷洲吃海鮮餐。位置：近地鐵站，在街市樓上，在後樓梯上去。環境：樓上全層都屬於餐廳，面積夠大，大排檔的桌椅，但有冷氣享受，不用在悶熱的天氣下吃熱辣辣的小炒。有一個角位擺有生猛的海鮮，連接是廚房，對面是收銀櫃，裝潢用藍色為主打，牆身裝有漁船物品，充滿漁市場的風格！服務：入座後會送上餐具和熱水，來清潔食具。晚市：有多種海鮮供應，粵式小炒、潮洲打冷菜、泰式菜、滋補湯水、各式特飲、啤酒⋯⋯應有盡有，選擇困難症開始發作了！招牌白胡椒蟹$498我們決定吃招牌菜，一斤半的蟹絕對份量十足，呈上時，店員會將白胡椒醬汁澆上鐵板，香氣頓時撲鼻而來，是濃濃的白胡椒香。師父用上很多薑蔥蒜來炒蟹，味道濃烈，而且鑊氣十足，蟹鉗跟手掌一樣大小，肉質絲絲入白胡椒味，賣相和味道都不錯！椒鹽九肚魚$88我從未吃過九肚魚，今次第一次，首先是一點魚腥味都沒有，炸粉內的魚肉保持細嫩，炸粉香脆可口，唯一的敗筆是椒鹽曬得不夠平均和炸蒜很少，這一碟反而是味道較淡！金沙鮮魷$108金沙即是鹹蛋黃，我發現鹹蛋黃真是無敵的牆料，煮甚麼都好吃，尤其是海鮮，絕對推介這一款，因為白魷魚外層的炸粉充滿鹹蛋黃香，醬汁是完全鎖緊在表

鴨脷洲的西邨街市翻新後,多了很多食肆,其中一間就係呢間大排檔風格既餐廳早上飲茶,午市食粉麵飯,晚市食海鮮加工,火鍋雞煲打冷泰國菜選擇豐富,價錢合理,食物水準高今次食左招牌白胡椒蟹同炒菜+小炒隻蟹$498足斤半,啖啖肉,十分鮮味,加埋鐵板上,再淋白胡椒醬汁,煙霧迷漫全場都震撼,鐘意食海鮮不要錯過,仲有好多新鮮既海產選擇,可蒸可炒,配搭十分之多泰國菜或打冷都有得食,滷水拼盤三拼一碟都係$200左右另外仲有小炒,兩個人食,叫多碟菜同埋薯仔牛柳粒牛柳粒配以三色椒同黑椒汁爆炒,牛肉仍然嫩滑多汁,牛扒切粒而成,好厚肉個汁夠滋味,連3色椒都食曬!!白飯15蚊一個,大大碗!可樂12蚊,另外加多杯冰沙$42,好抵飲大大杯鮮芒果肉泰式炒什菜,有幾種蔬菜切碎炒成,食爽脆口感,辣左少少,太多辣椒,但好夠香辣好開胃鴨脷洲鴨脷洲橋道322號西邨街市1樓1/F, APIER, 322 Ap Lei Chau Bridge Road, Ap Lei Chau

位於鴨脷洲新開的中菜海鮮館，主推中式粵菜、潮州菜及泰國菜，菜式種類選擇很多。中菜那邊主要是吃小炒、海鮮等，旁邊有潮州打冷；而泰國菜那邊由泰籍廚師主理，廚房入面的都是泰國人。另外，還可以在附近魚市場買自來海鮮，再給廚房烹煮。潮式打冷：滷水豆腐外皮煙靭，內裡豆腐細滑。滷汁入味，加上淋上豉油，令整體鹹鹹的。泰式小炒：鹹魚炒椰菜苗椰菜苗本身是重味的蔬菜，以更濃烈的調味料如泰式鹹魚烹煮椰菜苗，更能提升及突顯其味道。菜苗幼嫩翠綠，厚身有口感的菜。鑊氣小炒：蒜蓉粉絲蒸元貝一共四隻大元貝，粉絲沾盡油及吸盡蒜蓉味，很惹味，大大粒。帶子肉黏實了貝殼，十分新鮮。鑊氣小炒：鐵板薑蔥焗生蠔 大概有6隻左右，每隻蠔都飽滿、脹卜卜，一咬下去，肉汁溢出，鮮味。先蘸生粉略略煎炸過，再加入薑葱焗，味道更突出。必食招牌菜：招牌白胡椒蟹（大蟹）平日通常都是大排檔風味的避風塘炒蟹，這款白胡椒更獨特且少吃。蟹在熱的鐵板上，再淋上白胡椒調味醬汁。這隻肉蟹巨型，尤其是蟹鉗位置，肉非常肥美、結實，味道帶鮮甜蟹肉且胡椒香辣味。泰式甜品：芒果糯米飯芒果切好一片片，果肉不算甜美，可能不是當做季節。有兩色的糯米飯，紫米較生，未煮透，口感偏硬。

呢日同兩個朋友夜晚入咗鴨脷洲西村街市嘅<蟹點>食飯，餐廳佔咗一樓全層，裝修新淨企理，又夠晒冷氣！八點未夠已經人頭湧湧，座無虛席，皆因呢到真係抵食夾大件！除咗有不同嘅海鮮供應，仲有潮州菜、泰國菜同多款小炒；食物有海量嘅選擇，好有驚喜！生蝦刺身 $108先嚟個開胃前菜，生蝦夠凍，入口彈牙鮮甜，生蝦醬汁惹味開胃，好有泰式風味！風味豬手粒 $68另一個頭盤小食，無骨豬手粒，食落啖啖肉，豬皮鬆化有彈性，麻油香味濃郁。招牌白胡椒蟹 $498嚟到蟹點又點可以唔食蟹！鐵板蟹上枱後，店員再淋上白胡椒汁，鐵板滋滋聲響，白胡椒香氣四散，色香味俱全！白胡椒微辣，十分惹味，而且甚具提鮮供效，我地三個食到舔舔脷，蟹肉多，而且肉質結實，好有鮮味！而且店員俾埋手套圍裙同食蟹工具，夠哂細心！瑤柱粟米魚肚羹 $128非常足料嘅魚肚羹，粟米爽甜，魚肚棉滑彈牙，仲有鮮味瑤柱絲，味道好有水準！虎皮尖椒炒牛柳粒 $108惹味小炒，一上枱已經聞到鑊氣！牛柳粒易咬，肉嫩冇渣。鐵板薑蔥田雞 $98田雞大大件，肉質滑溜，啖啖肉！加埋鐵板薑蔥嘅配撘，惹味香濃！食到停唔到口！椰汁西米糕 $38雖然我哋三個食咗唔少野，但依然有

其中一名友人吃過這間餐廳，我們決定聽他的意見試一試。店內的人流頗多，離座時也有不少人在等位。招牌白胡椒蟹 - $498必叫的招牌菜式，鐵板上能保持新鮮熱度，再淋下白胡椒汁啫啫聲，比較少多餘的醬汁，味道香香辣辣的，較能吃得出肉蟹的鮮甜味，蟹鉗的肉質特別肥美。泰式爆炸虎蝦 - $198虎蝦就是肉厚又清甜，有四隻炸得酥脆，旁邊以炸蒜、腰果、炸香茅等調味，好惹味。滷汁掌翼 - $88滷汁好入味，清爽而不油膩，肉質好有嚼勁。燒大頭蝦 - $108單是蒜蓉開邊燒烤已經夠惹味，再沾泰式辣椒醬反而有點搶味。泰式鳳爪 - $78無骨的鳳爪方便得來特別有快感，味道酸酸甜甜帶辣，爽口彈牙有點清香。椰青 - $48好大個椰青，裡面很多清甜奶香的椰青水，果肉薄得來好軟嫩，輕易刮出。芒果沙冰 - $42濃香的芒果味，還有少許果肉，幼滑的沙冰入口綿密。龍眼冰 - $32特別多的龍眼粒，有龍眼的清甜紅豆椰汁冰 - $38充滿椰汁的奶香味，唯紅豆略厭不夠軟糯。

驚喜處處走入鴨脷洲食小炒細佬好食得可以食唔同款式好幸福.招牌白胡椒蟹（大蟹） $498 我們鍾意食蟹，一齊share~一上台店員即倒白胡椒汁落鐵板，咋一聲，正！大大件新鮮蟹肉，蟹鉗位好鬼正，啖啖肉，微微辣！.燒豬頸肉 $68配上泰式醬汁味道不錯，份量都幾多。.燒魷魚 $88燒得剛好，軟而易咬。.椒鹽九肚魚 $88炸粉包裹九肚魚黎炸好香口，好大份，抵食！.椒鹽金磚豆腐 $68外脆內嫩，好滑嘅豆腐，推介！好想自己炸到咁靚仔。.川味辣子雞 $128微辣麻香，夠惹味，一口接一口。.芒果糯米飯 $68芒果鮮甜，糯米飯配搭椰漿，甜而不膩。細佬都讚好！.泰式奶茶 $32茶味濃，喜歡！.椰青 $48.龍眼冰 $32

鴨脷洲聽落好似好遠咁，其實係銅鑼灣搭巴士/地鐵好快就到，假期去行下都幾chill架☀️~蟹點位於鴨脷洲邨一個翻新過既街市入面，環境唔錯，光猛乾淨👍🏻我地閒日去到係排晒隊，7點度就爆場，睇黎好受街坊歡迎🔥叫得蟹點當然主打食蟹🦀亦有不同既海鮮、打冷、中菜、泰菜等。一個地方可以試哂唔同菜式，非常多元化‼️如果我住附近都想成日去食啊🤣☑️招牌白胡椒蟹 ($498)超大隻‼️好厚肉‼️蟹肉新鮮，唔痴殼，肉質一梳梳👍🏻 醬汁惹味，白胡椒好香🤤餐廳提供埋即棄圍裙、手套，平時怕麻煩既男朋友都拆殼食到lam lam脷😝☑️蒜蓉粉絲蒸蟶子 ($168)好大條蟶子王‼️經典組合果然無令人失望😚蒜蓉粉絲調味恰到好處，唔會太搶味，幾鮮甜😋☑️避風塘海生蝦 ($108)蝦肉緊致彈牙，料頭香味十足😍送酒一流🍻如果蝦殼炸得再酥脆啲就好啦~☑️辣椒膏炒花甲 ($98)醬汁超惹味，配上九層塔既香氣‼️女朋友超鐘意😍整體幾辣下，令人食唔唔停口，撈飯真係一流😋☑️紅燒脆皮BB乳鴿 ($58)即叫即炸，size雖然迷你，但油脂豐富👅肉質嫩滑，非常juicy🤩☑️燒豬頸肉沙律 ($78)豬頸肉份量幾多，仲有啲生菜、紅蘿蔔絲、洋蔥絲等🥗調味酸甜開胃，清新

父親節早一天提早慶祝預約六時提早5分鐘到達直接入座雖然是街市，但非常整潔。人手不足，但員工態度好好，上菜好快，叫啤酒白飯也好快到。食物有父親節特別收費，每款菜色加$10-$20，蟹沒有加價。雖然有意料之外的收費，不過開心的日子，加上它們是C類運作模式的餐飲處所，所以可以光明正大6人一枱，所以無所謂啦!白胡椒醬汁惹味，蟹肉有少許鮮甜味味道較淡，蛋黃不夠香，蝦沒有味粉醬薄，夠脆，但冇魚味，椒鹽也唔夠味滑，味道適中，不太咸惹味，牛仔骨不會太淋肉小小鞋，味道可以，但食唔到蝦醬味肉淋，味道唔錯麵炒得夠香，唔多油，龍鬚好味回到家都幾口渴，飲罐可樂減減味精。

講開食海鮮，蟹是我的最愛之一。今日來到鴨脷洲，就專程來到食蟹再出名的蟹點。餐廳裝修企理寬敞又舒適。Menu有很多款式，有潮州菜、泰菜、中菜……招牌白胡椒大蟹每隻約一斤半重$498我不用考慮，當然就點了個我最愛的蟹，蟹這裡都有多款食法，最後與朋友一致揀了個新口味，招牌白胡椒大蟹。廚師真的很快手，白胡椒大蟹很快就上枱，並且用鐵板裝上，上枱後侍應再將秘制醬汁淋上蟹的面上，令鐵板發出滋滋的聲響，香氣撲鼻，加上蟹透著橙紅橙紅的顏色，更是令人垂涎，蟹鉗非常大隻，差不多有大半個手掌大，入口帶著白胡椒的香，味道香香辣辣的，蟹肉鮮甜，白胡椒及薑蔥，令蟹更鮮甜及惹味！豉椒鵝腸$98豉椒鵝腸份量也不少，炒得很香豉味，入口爽味鮮！鹵汁掌翼$88鹵汁掌翼，配菜有芽菜，掌翼皮帶點爽的口感，啱曬愛食咬口的我。濕炒海鮮河粉$98河粉裏面有很多海鮮，有青口、魷魚、蝦仁，還有芥蘭、金菇、粟米芯 ……等等。河粉名副其實的濕炒河，掛著濃濃的海鮮湯汁，口感帶點煙韌，真的越食越滋味！椒絲腐乳炒通菜$78平時食嘢都比較均衡，所以都要了個蔬菜椒絲腐乳炒通菜，通菜炒得很入味。豐富的食物，當然少不了飲品，而飲品都有很多款式，我們要了椰青

住附近既朋友話帶我食好嘢，原來係去位於海怡半島站既蟹點到用膳，餐廳除咗有海鮮之外，原來仲有泰國菜，潮州菜及粵菜，選擇都好多，實揀到樣岩食😀 🔸️招牌白胡椒蟹（大蟹） $498 隻蟹好大隻😍 用鐵板上，熱辣辣，職員再係我地面前淋上醬汁，香味飄埋黎😋 蟹肉非常鮮甜，同埋廚師已預先敲碎蟹殼，食起黎非常方便 🔸️蒜蓉粉絲蒸蟶子 （4隻）$168 職員話蟶子唔夠貨，用扇貝代替，粉絲吸晒味，呢個配搭無得頂，海鮮新鮮，啖啖肉，食落又冇沙，處理得乾淨👍 🔸️椒鹽九肚魚 $88 呢味餸自己整唔到，見到有就叫黎食，入口香脆，大排檔必點 🔸️生菜包（雞）$78呢碟份量好多，香料味濃嘅肉碎，辣度頗高，用生菜包住食，中和返少少辣度，我同朋友都食到😀 🔸️紅燒脆皮BB 鴿 $58/隻1人食半隻，皮脆肉嫩，用手撕黎食，最過癮 🔸️芒果糯米飯 $68香甜軟熟既雙色糯米，配上帶一點點鹹味的香濃椰漿，加埋多甜少酸既芒果，好食 🔸️飲品 椰青 $48，鹹檸樂 $32少有既椰青同鹹檸汽水，好解辣

鴨脷洲的西邨街市翻新成充滿風格的新式街市，海藍色的外牆充滿活力。是夜我們去了街市的蟹點吃海鮮大餐～ 餐廳佔了一樓全層，裝潢和街市一樣充滿漁市場的風格，非常熱鬧。除了生猛海鮮外，菜式的選揀也很多元化，有潮州打冷，鑊氣小炒和正宗泰菜等，而且全日免收加一脆皮炸大腸看看外層的那道油光，太吸引了～大腸外皮酥脆，內裡軟滑甘香，口感很好難得這裡有泰國菜，我們也點了一份生蝦刺身～冰涼的蝦肉很緊實彈牙，沾了醬汁非常香辣惹味一場來到必點這裡的招牌白胡椒蟹，推廣價$498，每隻約斤半重，份量完全沒有在客氣，真的很巨型🦀 店員將白胡椒醬汁澆上鐵板，香氣頓時撲鼻而來有的餐廳會用重口味的醬汁掩蓋不新鮮的海鮮，但這個真的能吃出蟹肉本身的甜美，很新鮮將碩大的蟹鉗扒開，挖出嫩嫩又雪白的蟹肉，非常鮮甜！連蟹腳都很好肉，可以挑出來慢慢品嚐～完全滿足了對吃蟹的渴望最後點了蒜蓉粉絲蒸蟶子，蟶子份量很大隻紮實，蒸的時間剛好，吃起來清爽脆甜，肉質嫩又不失嚼勁，搭配蒜蓉粉絲很合拍呢。飲品點了椰青和西瓜沙冰，夏日炎炎之選～

近年嚟由基滙成立嘅「民坊」不斷翻新舊式街市，例如以貨櫃為主題嘅長沙灣麗閣商場。今次去到翻新咗無耐嘅鴨脷洲西邨街市，成個街市用咗碼頭風格，原本空置咗好耐嘅上層變成一間以蟹為主題嘅「泰－潮－粵」式菜館，感覺類似高級大牌檔！值得一提嘅係佢嘅菜單可以話係世界級地豐富，而且海鮮嘅款式都好廣，的確係幾有驚喜。生蝦刺身（$108）估唔到除咗好多熟海鮮之餘呢度仲有泰式生蝦食！生蝦上碟夠凍同都幾新鮮，不過嫌佢粒辣椒辣咗少少，但個醬調得幾好，連埋粒生蒜片食味道都幾正宗。招牌白胡椒蟹（大蟹－$498）一路行上樓已經俾佢好多款唔同大肉蟹嘅poster吸引住！呢道菜特別在蟹係用鐵板上，上檯嘅時候店員先會淋上白胡椒醬，有種鋸扒感覺。味道方面胡椒味唔會好搶，少少辣而且好香口，蟹亦都啖啖肉，如果budget許可仲可以嗌特大蟹，應該有排食！要一讚嘅係店員會俾埋圍裙同手套方便剝蟹，真係幾貼心！蒜蓉粉絲蒸蟶子－4隻（$168）四隻大蟶子隻隻都好厚肉，蒜蓉同粉絲嘅量好足夠，可以帶出蟶子鮮味。唯一可以進步係蒸得熟咗少少，如果僅熟應該會仲好。酥炸生蠔（$188）呢碟酥炸生蠔唔講得笑，隻隻美國桶蠔手掌咁大（自己睇圖！），上碟仲有成

疫情後多次旅遊氣泡失敗，很想到東南亞旅行，越南、星加坡及泰國啊！自從南港島綫通車後，十年都不會到一次的南區遊近年都變得很輕鬆。到南朗山遠足後天還未黑，意猶未盡想有更多節目，想到海怡半島有戲院，直接坐港鐵即到很方便。看戲後晚飯時間，找到這間菜館，很有驚喜！蟹點於海怡半島站 A 出口過天橋就到，就算是出名路痴的女友都很輕鬆找到。這個魚蝦蟹組合具備優質蛋白質，而且脂肪比率相比豬牛羊低，很健康。招牌白胡椒蟹，一入口已經覺得自己身處星加坡老巴剎，那個白胡椒醬很均勻，胡椒味不會搶走蟹肉的鮮甜，正所謂寶物沉歸底，吃蟹肉後不忘後多點紫洋蔥，又甜又爽脆夾雜著白胡椒醬好正。配個清甜冰凍椰青去油膩，爽！大蟹有約一斤，單是看到雙鉗及蟹身啖啖肉就好似聽到隻蟹學三哥講句：知我咩料喇！菜館亦會提供手套、圍裙及食蟹工具，食得乾淨又衛生。明爐烏頭（酸子）好大條，有香矛及多種泰式香料，烏頭魚脂肪相對較小，肉質較結實而且入味。透過火爐保温令烏頭保持鮮味。再來一碟蒜蓉粉絲蒸蟶子，當然要配一支勝獅泰啤，更有戰鬥碗提供，飲勝！吃蟶子前重點當然粉絲，盡吸蒜蓉及蟶子的鮮味。蟶子已經完成吐沙，入口乾淨抵讚。再來一客乾逼薑葱粉絲蝦煲，

同閨蜜慶祝生日，佢鐘意食蟹和海鮮，我選蟹點因有粵菜、潮州菜和泰國菜可選擇。我們首選招牌白胡椒蟹（大蟹）$498，用鐵板上抬時店員淋白胡椒汁香氣四溢，蟹約一斤半重，蟹鉗很嫩滑，大大隻蟹好厚肉帶少少胡椒香和辣， 味道鮮甜又香濃十分惹味，閨蜜都大讚蟹很新鮮又好味👍👍👍蒜蓉粉絲蒸蟶子皇$168有四隻，蟶子皇真的超大隻，肉厚又爽極鮮甜。😊😊😊紅燒脆皮BB鴿$58，皮脆肉嫩，很可口超正。蒜蓉粉絲蒸元貝$138有四隻，味鮮甜，啖啖肉。豉油王中蝦$148，蝦🦐肉爽，味道香，夠鑊氣。芒果糯米飯$68，黑、白糯做成球形狀，十分靚靚，椰味香。椰汁西米糕$38，味道清甜。椰青 $48 菠蘿沙冰$42總結：海鮮新鮮，價錢實惠，免加一，值得推介。蟹點地址：鴨脷洲鴨脷洲橋道322號西邨街市1樓