蠔站 (永昇中心)

营业中

休息中

朋友話佢住的炮台山, 新開了一間食蠔西餐廰，主打每日新鮮入口即送生蠔，朋友話雖然開業只有短短時間，佢已經幫襯了幾次。次次主打吃$10 生蠔，絕對是愛蠔者佳音。餐廳以沒有花巧的裝潢，以暖色為主調，亦有令人適服的空間感， $10 隻南非 Saldanha Bay 生𧐢行過食一打都唔肉赤，𧐢仔圓潤，肥嘟嘟，隻隻入口超 creamy ，微微的海水咸香, 令鮮味更突出，性價比咁高，絕對可以生蠔當飯食 。其實除了生𧐢吸引，估唔到連熱食都做得非常之好。「自家製焗蟹餅」$138依個蟹餅肯定係我食過最好食嘅三甲之內，蟹餅有厚度夠圓大。蟹餅面烘得小許焦香，十分乾爽。一切開，立刻被那一絲絲的蟹肉吸引着，蟹餅內還配有青紅椒粒、洋蔥粒，還有黑魚籽點綴，口感相當豐富，鮮甜美味 ，私心推薦！主菜選了全素「荷蘭大啡菇配黑松露野菌意大利飯」$138我喜歡較軟較稔的意大利飯，這個完全乎合我的要求，意大利飯完全吸收了忌廉汁，飯粒粒飽滿，加上飄香的黑松露香氣，確實令人難以抗拒。而煎過的荷蘭大啡菇更顯 juicy , 入口軟熟，加上各式各樣的雜菌，更添不同的香菌層次。我們吃完整碟 risotto 已經感覺十級滿足。大大杯的 「

9 0 後 的 味 蕾.Oyster Station 係香港已經有好幾間分店，佢哋舖頭嘅啅頭係$10一隻時令生蠔，仲要係任叫呀！😮.開頭聽到覺得伏味甚重，直至公司附近開左呢間新分店，膽粗粗入去試完先知係咁抵食，CP值極高。.📸塔斯曼你亞澳洲生蠔今日餐廳既生蠔款式，好似日日都唔同，咁隔幾日黎一次都可以試到唔同產地既蠔。.非creamy 類型、非重金屬口味、新鮮、淡海水味、肉身比較實淨、零腥味、蠔邊肉爽口、蠔中間就軟滑，師傅處理得乾淨、零蠔殼散，好味😋.蠔Size係屬於Normal，食6隻已經好滿足，$10真係抵到震，網上速遞一盒返屋企自己開，圍番一隻都要$15蚊以上，呢到幫你開埋，唔食多幾隻對唔住自己😂.📸蟹餅 賣相非IGable，但真係真材實料，冇加入薯仔，全部蟹肉，頂頭放上魚子醬吊味，鹹鹹地，入口一條條鮮甜蟹肉，抵食！.📸炸軟殼蟹蛋黃意粉炸軟殼蟹好大隻，肉含量好多，又新鮮唔梅，每條意粉都掛起蛋黃醬，口感幾好，入口蛋黃粒沙沙地既口感😋.今日叫咗呢三款菜式都好食，值得大家一試，最抵食就一定係生蠔咖啦！😇

有時侯，我自己一個坐係蠔吧睇住師傅開蠔果陣，我覺得自己係孤獨，我覺得呢個世界係冇人明白我。我叫左一打生蠔…感覺彷彿連蠔殼都嘲笑緊我，我望唔清究竟呢個世界仲有幾多野我係掌握到…我好迷茫，I am lost…👇📌The world is your oyster - ▪ Ireland · Oyster - $10/pcs▫ 一黎到第一件事必定係嗌返一打「愛爾蘭·生蠔」先咖啦，10蚊一隻作為生蠔控當然抵食啦。而來自愛爾蘭既生蠔味道比較平衡，海水味唔會太重；Aftertaste層次豐富，如果有埋杯白酒咁就perfect池啦。📌P I Z Z A -▪ Mixed Seafood Pizza - $78▫ 熱食方面可以一試佢地既Pizza，而選擇都算多，最後揀左「超級海鮮·薄餅」。就咁睇賣相就知餡料十足，當中包括魷魚、帶子、鮮蝦，再夾雜住大量芝士，鹹鹹香香；加埋餅底口感爽脆，相當滿足。📌S N A C K S -▪ Garlic · Bread - $48▫ 呢個「香脆·蒜蓉包」每一塊都有一定既厚度，入口蒜蓉味突出，外層鬆化無比，飽肚又好味，唔錯。

今日同朋友經過天后餓餓地咪諗住去揾間餐廳食晚餐，去左周圍都有分店嘅oyster station, 裝修非常有fell，座位亦相當闊落。話明oyster station,緊係要食蠔。我叫左六隻愛爾蘭Garbhann生蠔。$10一隻，好有驚喜，海水味好濃，又夠肥美，值得一試，性價比好高。主菜叫左個carbonara 。上菜時仲有一隻生蛋黃要自己撈。好濃味，意粉又夠彈牙，果然高水準。之後叫左個海鮮pizza。好足料，又焗得啱啱好，唔會太燶。餅皮好脆，正！最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左$400。以咁高質素嘅食物黎講算係物超所值。所以整體黎講我對今餐嘅評分係9分！

今日陪朋友去完上環買野 行到好肚餓得朋友告知天后Oyster Station開左新分店🥳咁岩朋友同我都好想食生蠔 而且上環去天后都順路🧐 所以決定嚟試下 朋友之前喺其他分店食過 大讚佢d生蠔超得😍最重要喺Oyster Station現正推出精選生蠔HKD10隻😵超抵食。IRELAND Harty ( HKD10/一隻)店員推介今日精選 愛爾蘭生蠔味道口感如下:『中庸的海水味 味道鮮甜 而口感紮實 屬傳統歐洲蠔味』 聽完佢介紹 完全喺我鍾意食嘅種類😲即刻點左12隻食住先😚生蠔十分鮮甜 帶有微微海水味😌同朋友每人6隻 大滿足❤️。蕃茄水牛pizza🍕(HKD168)即叫即焗 熱辣辣新鮮出爐 餅底選用左我最鍾意嘅薄餅底 每啖咬落口 好似食緊餅乾咁 脆卜卜✌️拉絲芝士配搭蕃茄醬 再加埋羅勒葉獨有嘅味道為整個pizza帶來有層次口感的清新味道😈 。白桃乳酸梳打(HKD38)好香白桃甜味 配搭乳酸梳打的微酸 好好飲🍹。青檸梳打(HKD38)新鮮青檸配梳打 清新又開胃 消滯解膩一流🍸。店員極力推薦「泰式生蝦刺身」「蘇格蘭深海蟶子刺身」「日本扇貝刺身」全部都喺用新鮮海鮮作為食材 絕對吾喺急凍貨 好吸引啊

蠔站 - Oyster Station今日介紹一間海鮮專門店，主打抵食高質的生蠔，而且有多間分店，今次終於在港島東開設分店，可以即刻蠔一蠔！$10限定精選生蠔 限定的生蠔優惠，只係$10就有1隻，有著海水味的鮮甜，蠔肉大小在這價位絕對可以接受，性價比很高，還可以加配三文魚籽和圓鰭黑魚籽，鮮味更加提升。香芒牛油果大蝦沙律 超甜的芒果加上軟樂腍的牛油果，配上新鮮即叫即剝即大蝦，爽口彈牙。朱古力心太軟暖笠笠嘅朱古力心太軟，有着流心的效果，配上草莓味雪糕。超級靚靚茶杯的伯爵茶。

喺街坊口中知道，屋企附近開左一間新嘅西餐，係集團出名10蚊生蠔🦪🦪！同老公冇野做就走去食，當時佢地仲係~試業中~！因為驚會中伏，所以10蚊同中等價錢既生蠔，我地都有叫！點知食落口發現~10蚊衹係細隻少少，質素完全冇問題！🥳🥳最後兩公婆食咗三打🦪🦪另外再叫左個正常嘅午餐~牛扒拼急凍龍蝦尾~完全超出期望，200蚊都唔駛嘅午餐，牛扒竟然無渣👏😋真係喜出望外｡另外再叫左一個軟殼蟹意粉🍝正常質素🤔但份量有點少🤔兩公婆食左800幾蚊，大概兩個小時，坐得舒服！不過鋪頭入邊嘅枱數唔多，.可能遲啲正式開張之後要訂位！生蠔 🦪🦪真係絕對超值｡

見到之前食開嘅蠔站喺天后開咗新分店即刻要來試吓睇吓會唔會同其他一樣咁好食等遲啲有個新嘅落腳點一入到去餐廳環境雖然唔算太大 但勝在樓底夠高 空間感十足座位都坐得舒服一嚟一定唔使講係叫咗佢哋最出名嘅特價蠔我哋就叫咗半打先嚟到果然冇失望 $10隻做到咁嘅水準真係我冇嘢可以多講 蠔肉又甜又大 食落好creamy 即刻忍唔住叫多一打食完頭盤叫咗卡邦尼意粉同佢哋特色嘅手工薄餅意粉一睇就知分量充足而且配料都好多芝士絕不手軟 食落扁意粉夠彈牙 唔會煮得太軟而薄餅我哋叫咗皇室同埋招牌雙拼一次過試足兩個味道巴馬臣火腿 鹹香十足 加埋招牌嘅手工餅底 唔會好似連鎖店咁厚食落仲係脆卜卜而最正嘅係 因為餐廳暫時未批酒牌 竟然可以自己帶酒 店員仲會貼心提供冰桶同杯 服務冇得頂

對於生蠔，我覺得性價比最高的地方是澳洲🇦🇺，但因為疫情關係，令我久久不能飛澳洲。不過最近，我發現炮台山和天后之間，有間新開主打生蠔的餐廳，當然要一戰！🥰🦪愛爾蘭Carlingford蠔 $10/一隻「先來半打生蠔！」難得$10一隻，當然要品嘗一下。它是愛爾蘭Carlingford蠔，所以海水味濃🌊，肉質清甜，吃完之後仍有餘韻，性價比甚高！🤣🦀🍝黃金軟殼蟹扁意粉 $158扁意粉配上了咸蛋黃🍳，味道很濃郁，再配上軟殼蟹，以及紅椒、青椒，確是出奇地夾。不得不讚嘆，軟殼蟹炸得很香脆，咬下去很Juicy!🇮🇹🍚荷蘭大菇配黑松露野菌意大利飯 $138碟上的大菇🍄很搶眼，菇上有芝士碎🧀，撈勻一齊食，令味道昇華了。黑松露意大利飯也很香濃creamy，飯粒軟硬適中。總捨來說，$10一隻生蠔真的抵到爛（開蠔費都蝕了），最後我們再翻兜半打生蠔🦪😋。

如果手頭緊，但又想食返幾隻生蠔慰勞一下自己，呢度就有十蚊隻生蠔， 每日都唔同， 是日生蠔係愛爾蘭嘅Carlingford， 點了半打都只是$60因為價錢平，一開始都沒有太大期望， 唔算好大隻， 外表修長，肉質清甜，味道較為爽口， 最緊要新鮮，帶點香甜和海水味，呢個價錢，呢個質素，已經唔錯再點主菜，荷蘭大菇配黑松露野菌意大利飯($138)， 意大利飯煮得有咬口， 菇菌味濃，不過黑松露味道較弱， 整體都ok白酒香蒜辣椒蜆肉($158)比我想像中的辣，辣到蓋過了其他味道，不過蜆肉很肥美新鮮， 煮得剛好唔會很乾身， 可見餐廳的海鮮是有一定的水準

呢幾日放假Staycation,勁去平時想去嘅餐廳，蠔站有好多分店，不過我都未食過⋯朋友話佢地嘅蠔好食又抵食，就去左最新開嘅天后分店！因為我主要想食蠔，所以其他都係叫少少淺嘗，蠔吧每日都有$10@嘅生蠔，我去嘅果日係Ireland - Harty，開頭見平少都驚唔夠蠔味，但嚟到之後見佢地每隻都少少肥，食落蠔味唔係好重，肉係脆身的，細細隻都好鮮甜，after taste有礦物味！$10隻真係好抵食，食完6隻再叫2nd round,其實佢都好多刺身提供，不過我食得太多蠔，只再叫赤貝&蟶子刺身試吓，赤貝味道鮮美，肉質爽脆，非常清新，蟶子就無謂口感定味道有啲似象拔蚌，都係一樣新鮮清甜，非常推薦～虎蝦柏士圖意大利飯有2隻大大嘅蝦，而意大利飯亦非常足夠二人享用，份量非常大方😊Pesto sauce令個意大利飯無咁膩，呢個一定係澱粉怪精選～值得盛讚係佢地嘅店員超級好禮貌，對話充滿熱誠唔造作，對食材介紹夠哂詳細，成餐都食得好開心🥳本身諗住呢餐係輕食，但因為叫左幾round蠔，結果都係飽肚而歸～蠔站其實重有好幾間分店，想試嘅真係梗有一間喺附近💛

最近鍾意食咗生蠔，之前唔鍾意食，可能係因為食咗酒店嗰啲任食嘅質素，所以唔識食！呢一間餐廳主要做$10 隻生蠔，仲要唔同季節有唔同限定嘅生蠔，所以包保你每次去餐廳都可以食到唔同質素嘅生蠔！今次我同朋友嚟食就非常好彩啦，食到來自澳洲tasmania嘅生蠔，都有手掌咁大隻，超級重海水味，就算唔落醬，真係想一啖接一啖咁食，仲要$10真係一啲都唔貴！食生蠔梗係要配一啲主食啦，呢間餐廳除咗有意粉之外，亦都有其他小食或者Pizza等等，我自己就嗌左個自家製蟹餅，成個蟹餅入面都係蟹肉，仲有啲青椒粒，如果覺得太dry仲可以配他他醬。另外佢嘅黃金軟殼蟹意粉，蟹肉炸完之後唔會好乾，炸皮唔會好厚。黃金意粉即係鹹蛋黃，配埋扁意粉成個菜式一流！

星期日按慣例老公去完踢波就揾好野食來食lunch, 知道天后oyster station有新分店開，而老公又想食生蠔，就來到天后有抵食愛爾蘭生蠔$10@, 十分超值，先來一打再慢慢考慮lunch點什麼吃二人分享一打生蠔剛剛好，生蠔十分鮮甜帶有海水味道，每人六隻好快就食完，十分滿足。食完生蠔就上餐湯，南瓜忌廉湯，配上牛油餐包，順道可暖暖胃。 湯十分creamy, 入口香濃幼滑，一口接一口。海鮮南瓜溶天使到麵$108海鮮有大蝦跟青口， 帶有南瓜溶配上幼幼的天使麵十分掛汁，南瓜味入口濃郁帶有甜味。瑪嘉烈蕃茄薄餅$148辣辣辣新鮮焗出來，簿餅是簿餅底，每啖也卜卜脆，簡簡單單有幾種芝士配蕃茄，已經好好食， 重點還有羅勒葉配合，帶來清新味道，帶來多層次口感。另有甜點是焦糖燉蛋和小蛋糕，特愛焦糖燉糕，脆脆外層，蛋香十分濃郁幼滑，入口滿滿的幸福感，十分滿意。飲品有凍咖啡跟熱檸茶，值得一提檸檬茶入口很順口，一點也不苦澀。會推薦朋友再來

近期蠔癮起，除咗買返屋企自己開，懶起黎會搵啲抵食嘅鋪頭爽下。食蠔最緊要搵可靠嘅鋪頭，減少食完肚屙嘅機會，見oyster station都多分店，又有$10蠔，就揀佢啦！🍴$10生蠔 $10一隻蠔，仲要開埋比你，乾手淨腳，邊到搵😳每日嘅蠔款都唔同，當日係拎過金獎嘅L’huitre de Tatihou。雖然平，但唔會太瘦削，食落爽甜。🍴八國聯軍（連一杯白酒）$199呢個set好似得星期2/3先有，又係好抵…一個set $199有齊8款蠔，包一杯酒，其中一隻仲upgrade左做gillardeau。上菜時，侍應會介紹每款生蠔產地，又好溫馨咁提我地要順時針食，淡味食到濃味。呢set生蠔頭4隻比較creamy，食完對南非蠔好有印象，即刻記得佢個名！師傅開蠔除咗快，手勢都好好，無蠔碎，食得好放心。🍴冬蔭公海鮮長通粉 $158除咗蠔，都要叫啲熱野落肚😂見到有冬蔭公，就二話不說揀左，除咗長通粉，仲可以揀扁意粉或者天使麵。由於當日太多客，加上餐廳新開，呢碟意粉都等咗陣，好彩無失望。雖然色水上唔太冬蔭😂但食落酸酸辣辣，惹味。長通粉質地好，al dente，加上海鮮都唔會太Hea。唯一唔太好，係個汁太稀，