蠔魔

营业中

休息中

今年情人節晚餐揀咗喺呢度食，一來想食生蠔，二來見佢食評好高，三來貪佢近屋企當晚去到，全餐廳滿座，好難得另一半今次好乖咁早三個禮拜前訂位，如果唔係真係冇得食！全晚只得一款情人節套餐供應，我哋好自然就點左兩set，頭盤係兩款唔同品種嘅生蠔，其中一款係韓國，而另一款就唔記得啦，但兩款都好好食同一時間，我聽到隔離枱點菜，原來可以只叫一份情人節套餐或者可以散叫其他菜式，而唔需要指定食情人節套餐，只怪我地唔一早問清楚，否則我哋可以試多啲唔同嘅菜式，唯有下次再試啦！食完嗰兩款生蠔，我哋仲聽店員推介點多咗四款不同品種嘅生蠔，主要係來自法國、西班牙同澳洲，全部都好新鮮好好食除咗生蠔外，佢哋其他菜式都唔錯，但當然以生蠔最出色啦，而且佢哋嘅店員都好好禮貌及友善，價錢又唔算貴，如果下次近近地想食生蠔，呢度係不二之選

9/10.有時真係諗邊度有好質數嘅生蠔都唔容易。有一兩間係港島，但係諗下要過海又唔想去。所以就試下新嘢係元朗嘅蠔bar 啦。果然抉擇冇錯，可以講係我試過嘅蠔bar 之中數一數二嘅餐廳。😍😍點解要影餐包？因為由頭到未佢做得好好，麵包味度唔錯，重點係佢暖粒粒，最啱呢d 天氣暖下個胃warm up!呢幾隻係西班牙、愛爾蘭同法國生蠔。見到都流口水🤤非常新鮮同肥美，味度同口感都💯最重要係佢雪得夠凍，能夠更帶出佢嘅新鮮感！由侍應介紹嘅海膽刺身。。。。🤭🤭🤭真係好好食，無言！！！如果你黎要問下有冇啦，因為menu 冇但係超級推薦！海膽刺身係包左黎做兩度菜，呢個龍蝦risotto 配海膽刺身真係好正😍rissotto 味度比較濃，配上清甜嘅海膽真係冇得頂💯最後黎個10oz steak, 牛扒口感好好，唯一係牛味比較小。以上嘅portion 兩人食啱啱好。超級滿足的一餐🤤

偶然一次於網上看到這間餐廳，就係自己屋企附近於是便試一試。估唔到一試便愛上。食左超過10次以上，平時絕少寫comment俾feedback既小弟今次真係忍唔住要開account讚下佢哋！先講食物，生蠔一定係呢間餐廳最殺食既地方。今晚食左Namibia, 西班牙, 法國生蠔各一。前兩隻超級甜！我同女朋友都鐘意食辣，餐廳非常貼心地因應我地鐘意食辣既喜好而係白酒煮青口上面加少少辣，超好味！蒜蓉包係全個烤過既蒜頭俾你用刀茶落去的！我地次次都係叫一個set dinner 然後加menu上面唔同既side dish。餐廳會貼心地將餐湯分開兩碗, 跟餐加$25既龍蝦湯亦係一絕。員工服務態度一流。有講有笑。地點並非大街大巷令我地每一次走進呢間餐廳都有舒適既感覺。漸漸地轉眼間呢一年基本上每次想適放壓力/有值得慶祝既日子/要tum番女朋友都會同佢黎呢度食飯。

同舊同事聚會，因為同事喜愛食蠔，找了間蠔魔，完全岩晒佢。 鍾意佢環境細細，好寧靜既感覺，成晚都有唔小客，但大家都好享受傾計 ，唔會覺得好嘈好侷促。 桌上既餐紙係印有唔同蠔既口感同質感，俾我有機會學多點如何品嚐蠔。餐廳員工好專業咁推介唔同配搭，每次上蠔時都會簡介一次唔同既蠔 ，要點食，出產地係邊特性係咩，亦會注明有幾多隻係同一產地，相當專業同認真，都係今次我先試到原來法國蠔係咁好食，清甜飽滿，真係一試難忘。 啤酒夠晒冷凍，超值一讚。牛扒勁足安士， 八成熟都好有牛香，唔太鞋口。 第一次食蒜容包係咁食，用新鮮蒜容加欖油去焗，超香，又勁蒜香，好有驚喜既食法。羊架嫰口，滿肉汁，高質。蕃茄pizza就失色左小小，太咸，唔太推介。 最後佢既石榴雪糕超濃香味好滑身，心太軟都係水準之作。但總括黎講呢間食蠔真係好正，又有機會學點品嚐 ，又嚐到新鮮好味既蠔。

Quite possibly some of the best oysters in Hong Kong with a great international selection along with delicious main courses and don’t forget to always treat yourself to a dessert! A gem of a place.

慶祝生日當天，男朋友預先訂好枱，帶左我去間食蠔專門店。入到去好有情調，搞到我受寵若驚🙈。浪漫🌹，不是真火。店內客人少，侍應在旁邊都好似觀察住我地一舉一動，隨時好似要行過黎加水、落單咁。兩人決定各人吃兩款生蠔，再加些主食。餐單上有介紹不同國家生蠔我特性，例如：重海水味、重蠔味等。最後，揀左French Gillardeau 和 Spanish Arousa。 此外，單點鵝肝蟹肉燴飯和一款Dinner set (牛扒）。後來，侍應推介特別製作的蒜蓉包，我們也點了。上菜喇！煙肉磨菇湯（前鏡）+ 蒜蓉包（後鏡）值得一提的是蒜蓉包，最高的一層放了完整的蒜蓉，估計是經高烤/焗，一粒粒蒜蓉可以一粒粒拎出黎，而且我地仲發現輕壓蒜蓉粒成泥狀放在包上，包很脆，一齊食，味道更加好味。新鮮蒜蓉❤️檸檬右面是Spanish arousa,左面是French Gillardeau。 法國生蠔最令我深刻，第一啖會感覺都味道係咸，食到後面有清甜的味道！ 有層次感！鵝肝蟹肉燴飯好滋味，因為鵝肝甘香！💕唔好睇佢細細地！真係好飽😆😆！侍應推介食法：先將鵝肝壓碎，鵝肝精華與飯混合，非常香。最後，食到一粒飯都無。哈哈！

本身係朋友介紹黎食蠔 話啲蠔好鮮好甜又creamy之前食過幾間都無乜料到 足知今次終於滿載而歸入到去份menu都好多選擇 花多眼亂但係店員好好會因應你既口味黎推介仲有教埋你去食 2個人 total $1047每人食左6隻 每隻都好出色食完蠔叫左個輕煎帶子配雞翼帶子好滑好甜 雞翼夠熱多汁 整體唔錯食完頭盤有啲唔夠 再叫多個 黑松露牛菌闊條麵闊條麵唯一美中不足係太硬 但整體來說都好味最後叫左蘋果撻配雪糕 好正好脆又唔會太甜食物環境服務再來

我和先生昨天是第一次光顧，整體來說都很滿意👍🏼！生蠔多選擇又夠新鮮，而且會排列好食嘅先後次序，很細心！龍蝦湯很鮮味、西冷牛扒🥩也很好味、白酒煮青口也好味、環境氣氛也相當好 ，不過有一點就形响了整體上的完美而且也是敗筆之處👎🏼⋯⋯就是發生在最後的甜品環節，當侍應為我們逢上朱古力mouses蛋糕時，就跟我們說因爲今天是我們的紀念日特意逢上雪糕，心想呢間餐廳真喎心(雖然是味道不太好的雲呢嗱雪糕），當其時他們沒有跟我們說淸楚是不包(需要額外收費)，但當埋單時一看才知道是他們自行決定拿雪糕🍨而原來是要收費的👎🏼👎🏼👎🏼，而且味道還不値呢個價錢🤢🤢🤢，真係好嬲😤😤，但我們沒有跟他們理論，免得影響我們紀念日的mood，各位往後如果再光顧的話，都要每樣問清楚，免得有同樣事情發生。

呢間食店已經食咗兩年，係某次好想揾生蠔嘅情況下就入咗去食。蠔嘅質素比我想像中好好多，仲有廿幾款蠔揀，全部都好鮮甜肥美試埋其他嘢食，簡直係正都停唔到口。雖然試過嘅嘢食唔係好多，但食過嘅包括：36個月黑毛豬火腿、法國鵝肝蟹肉燴飯、安格斯肉眼扒、深海大蜆、蟹肉龍蝦湯都非常完美。仲有熱辣辣嘅原隻蒜蓉包，蒜蓉好甜又唔漏自此之後，雖然繼續周圍揾好嘢食，但間中都會返嚟呢間食。因為佢無論食物、服務、環境都係無懈可擊。暫時仲未揾到間好食過佢嘅蠔餐廳，誠意推介

難得朋友揸車，就入元朗依間比較偏僻啲既餐廳食下飯一坐低就會有人嚟介紹食咩蠔，好多選擇同佢講想食咩類型既蠔，佢就會介紹番，唔使自己揀小試牛刀，每人嗌左三隻嚟試下依3款都好新鮮，又啱我同朋友既口味，無介紹錯可以先嗌左蠔食住先，再嗌其他嘢食蒜頭法國包(半份 $32)見好多人嗌佢，我地都嗌左嚟試下幾得意，個蒜頭焗到好軟身，再將佢搽落個麵包到麵包夠脆同熱，朋友話蒜頭味唔夠重，不過對於我依啲唔鐘意太勁蒜頭味既就覺得啱啱好之後我地兩個人就嗌左一個dinner set share~個set加$25可以轉龍蝦湯味道濃郁，好好味知道我地係share，就好細心咁先將碗湯分左兩份先上枱主菜就揀左肉眼扒~會切好晒先上枱，方便食會有岩鹽同黑椒嚟點番個扒不過整體嚟講，個扒就一般般，肉味唔係好夠最後就再嗌多個鵝肝野菌意大利飯侍應教落整爛個鵝肝，等啲鵝油撈埋落啲飯到就會更加香確實係好香，但食到最後就有少少太油膩既感覺🙈好彩份量唔算太多，都食得晒兩個人加埋都只係$683，如果將依個餐廳既服務同食物質素放係有靚景睇既地方，肯定就變左每人$683🙈🙈🙈不禁要再提多次，依間餐廳既服務真係一流好用心介紹，又夠體貼照顧客人需要地方

The restaurant provided good services. The food was great and the oysters were fresh with lots of choice. Prices are very reasonable. There are some great drinks and again with high good quality. Car park outside of restaurant. Environment are quite and nice music.

其他呢間餐廳開咗都有一段時間，行過好多次，無入去試，卒之今晚入去試菜，叫咗三個 set dinner , 餐湯 + $35 可轉龍蝦湯，味道好好，主菜係肉眼扒，份量足，但略嫌咸咗d，點解會醃過嘅，乜牛扒唔係食原味嫁咩？加唔知幾多錢又可食個原粒蒜包 👍好好味，加幾拾蚊又可以食特式甜品，我揀咗蘋果派雪糕，好味😋 再揀個蕃石榴+薑汁雪糕球，真係自家製嘅特式嘢，好嘢，我好滿意，今晚埋單七百幾，食得開心，環境都好舒服，絕對有下次 😍

一行8人食蠔一蠔生日飯，本來是訂了另一間蠔吧，但原來沒有試先訂定蠔，他們是沒有蠔提供的，於是我們就離開這間只能提供20份蠔的蠔吧！我們即上open rice 再找蠔吧⋯⋯就找到這間蠔魔!😃於是就決定試下這間餐廳。這間蠔吧有大量不同的蠔提供（最緊要沒有試先訂定都有蠔提供）服務員細心介紹、教我地食由淡味至濃味既蠔，我們叫了8款不同的蠔，再encore 法國同西班牙，6個大人每人食了一打生蠔😋😋😋簡直係正👍🏻我們掛住食都忘記影相，佢地既和牛、西冷、蒜蓉包都好好味，而且甜品焦糖蛋好滑又唔係好甜👍🏻小朋友食既帶子蕃茄意粉都好味，唔想小朋友食咁濃味，服務員會主動叫廚司整淡味些而適合小朋友的口味😍真係細心 👍🏻👍🏻我地仲叫了2次這個意粉😊

這間餐廳位在家附近，晚市就未試過，我知這裡主打蠔不過也想試試西餐的味道，固此就趁這天中午陽光普照，就試一次休閒午餐。先上一個龍蝦湯，味濃，口感幼滑，由口腔溜入喉嚨暢快舒服。煙鴨胸沙律，菜新鮮煎鵝肝，非常肥美飽滿，加上底下的紅菜頭一起吃更是絕配，因為太肥美，需要這個菜頭去道致一個美妙的平衡，酸爽夾著肥美即溶的鵝奸。是口腔的交響樂。這個是燒豬扒，四個字洽到好處。肉質幼嫩，大大塊食得好滿足雪糕是清爽的柚子味，為這個炎熱的盛夏中午劃上完美句號。這餐廳環境空間感很好，室內光線偏暗，但就非常舒服。望著外邊的陽光，感覺就像在外國那樣。

平時唔多去元朗，星期日見落左8號風球，個風又咁細，就遊下車河。難得黎到就走圍行走圍食，行行下經過見到有蠔食，原來係Oyster More！之前試過九龍城分店，非常好味，雖然巳經飽飽地，但都入去食蠔喇 入到去人唔算多，環境幾靜，但食食下就愈來愈多人。店員好細心咁問我地既喜好，亦推介新返既韓國蠔，可惜冇晒我地有情意結既澳洲蠔。我地兩個人每人叫左6款，包括Cherry stone clam, Osole (Korea), Ostra Regal (Ireland), Fleur de Eaux (France), Black Pearl (France), Isigny (France). 4/5 我地照住店員介紹既，由蜆食起，去到最濃味既Isigny. 當我抱有好大期待食我好鍾意食既生蜆時，一食落去就失望了 佢都好爽口，但冇乜鮮甜味。之後食未試過既韓國蠔，有驚喜喎！肉質爽得黎好甜～～～ It gives a very good start! 到Ostra Regal 我地就覺得冇咩特別。但之後個幾隻法國蠔都好新鮮，一隻比一隻重海水味，到最後個隻個body好creamy, 條邊好重銅味，超好