街邊檔車仔麵 (已搬遷) 新店位置

叫左個公仔麵，芝心丸，蟹粉丸，豬紅。店員不慎把芝心丸掉在地上，之後用夾，夾起芝心丸，用水沖幾沖，放返入個麵。我立刻喝止，但店員辯稱有沖洗過就無問題。後來換過新的芝心丸，但跌過落地的芝心丸就俾下個客食左

翻夜晚 要買宵夜食 而家d車仔麵愈黎愈貴不過搵到尼間車仔麵 價錢合理叫左個烏冬 要加1蚊 不過每個餸都系7蚊炸😬豬腸系必中既 因為又好食又多 良心鋪呀佢既菜肉云吞都好正 有3粒 不過夜晚好快無雞翼吾會太硬 好易就甩到舊骨👍🏻👍🏻👍🏻車仔麵中 算好抵食

車仔麵是香港特色小食，中學時代食唔少，最鐘意它可以自由配搭不同配料和麵底，價錢又相宜。位於深水埗福榮街有幾間車你麵，細個時有食過街邊檔車仔麵，第一毎反應就入左去。由於剛放工又唔想食咁飽，我只叫了豬紅和魷魚兩個餸，粗麵底，$22!物超所值吧。老闆把麵煮得剛剛好，魷魚爽口，我要求加了秘製辣汁，好有懷舊車仔麵味。懷舊呢家野，每個人心中都有個定義，可能你唔認同我，但我覺得原始車仔麵在我心中可以用懷舊形容。要多杯豆漿都只係加＄6。食車仔麵飲返杯凍豆漿，一樂也。咁都只係$28，呢個可能就是我愛深水埗的原因。餐牌上列明各食材價錢，明碼實價。門口的左手邊師傅在製作食物，客人先要排隊講出要什麼配搭，之後付款，就會有專人把碗麵送到你面前。

之前到深水埗黃金和高登先😝....買電腦用品或手機配件，後在附近吃劉森記與公和；夏季劉森記的麵食鹼水重，怕了！所以今次選車仔麵。街邊檔車仔餸點評逐個數：菜：是日有生菜丶菜芯與通菜～全部都新鮮無黃葉！火雞腎：鹵水汁幾入味，又不會過硬，但入味不等同於好味啦！牛腩： 燜得很淋和入味、本身腩汁的味道調校的不錯，但一份的份量實在太少了！羅白/豆卜： 是很難唔ok 的～冬菇： 應是下了雞油之類去燜的，就是一貫粉麵檔的做法，這樣能令冬菇更香。雖然冬菇size略小，但味道不錯兼好吃！魚片：正正常常、交貨standard、ok！瑞士鷄翼：我今天沒吃鶏翼，但同行告訴我，鷄翼是這裡味道最好。沙爹辣汁：是個辣到令你頭頂冒汗的自家製辣汁，我賜教了...

看見一格格不同款式的車仔餸，除了揀餸之餘，另一感覺是乾淨和企理。揀完餸，俾完錢，有專人拿俾你，好方便，自己入去就可揾個靚位坐底。堂食地方ok。冷氣夠，有電視。食完出來，個身無油煙味。這間我會再來幫襯的。希望這間的豬腸和酸齋，可繼續保持水準!

之前去深水埗買野，都無留意過呢間店。如果唔係男朋友帶我黎，我都唔知有間車仔面。呢一碗係豬皮 、魷魚 丶蟹子丸丶牛根 丶蘿白米粉配上沙嗲汁、辣汁 及腩汁。而我呢碗係魷魚丶貢丸丶魚片頭米粉配上沙嗲汁、秘制辣汁 及腩汁。一碗平平無其的車仔面，因為佢個秘制辣汁而添上光彩。非常好味，而價錢亦相當實惠及親民。

以前在深水埗工作多年，成日會在呢間街邊檔車仔面叫外賣自取，依家轉左工來黃金買電腦零件，都會經常黎，始終以前食得多，慣左呢種味。呢度叫車仔面，我就叫法係要魚皮餃、牛腩、牛丸、要加辣汁和河粉。食得辣必食係要加辣汁，佢個秘制辣汁真係夠辣又夠味，做到畫龍點晴作用。另外牛腩亦係必點，炆得夠淋又入味，而且多數係牛輾和牛根，膠質好重，好味。河粉夠爽，軟硬適中，好易入口，好好食。價錢方面好大眾化，通常叫四樣野3x蚊，夠晒抵食。

因為成日會去深水土步呢一間街邊檔車仔麵我就成日都會幫襯因為真係好好食 都有好多款既餸揀我推介要嗌豬大腸同羅白（+腩汁）因為佢個湯好惹味羅白除左本身都好甜之外重可以索晒湯既味道⋯好正！1麵3餸都係$30都算係幾抵食架喇最重要份量都唔少唔會每樣得兩三粒~非常夠飽!重可以叫埋一杯冰凍豆漿~(都係幾蚊)正!

是日又到午餐時間, 又去到深水埗搵食, 今日心血來潮想食車仔面, 我工作既區分只有一間車仔面檔, 而且味道不太合我口味, 所以都係去返我平時幫襯開既呢一間車仔面檔, 題外話一下, 街邊檔車仔面正正隔離都有一間好出名既車仔面檔, 每次都見到外面大排長龍, 但我始終都鍾情街邊檔車仔面. 雖說係街邊檔, 但係佢一D都唔街邊, 而且係係舖入面, 衛生情況都尚算OK.講返今次我叫左豬腸豬紅牛肚魚旦幼面+腩汁, 4餸1面盛惠$39(抵!!), 平時我只叫2餸面再加一碗3溝(生菜魚肉翅), 但因為上兩次D<翅湯>都未煮溶就上菜, 搞到好似食糊仔咁, 所以今次決定唔叫而改叫4餸面, 先講講分量, 餸既分量十分充足, 每樣都有成5/6件, 面就可能多返少少會好D, 但對女仔黎講都一定夠飽的. 豬腸 - 永遠唔會令我失望, 好入味又易咬, 唔會好韌. 豬紅 - 最近有D失水準, 今次食到有少少腥味, 可能下次暫時唔會再叫. 魚旦 - 口感彈牙, 但味道不是太突出, 一碗有成5/6粒, ;都算抵叫.牛肚 - 又係非常好咪, 入味得黎又唔過鹹, 又有腩汁香味, 口感都好淋.呢碗係同事叫既, D

今日同事帶左我黎深水埗食車仔面, 見到隔黎哥間排哂隊, 但係我同事都堅持黎依一間..點知都幾有驚喜我叫左個豬豚牛腩牛肚面加辣個湯底本身甜甜地加上個個辣汁都幾香甜幾惹味, 不過都幾刺激, 吾食得辣既朋友叫少辣好啦, 豬豚魯得好入面好有咬口, 牛腩亦都炆得好林身, 肥瘦適中, 牛肚吸哂D湯汁~~正加埋杯豆漿都係31蚊~~抵食之選

深水埗以前好多走鬼檔,也有車仔麵,好多都入左店,呢間唔係又係唔係,就入去試下,先點菜,後付費再送到,算一條龍,見個個人都豬腸,本應唔食得都點了,再加豬皮,雞翼尖,牛腩小辣.河粉,豬腸有點肥但十分入味,雞翼尖比較硬,牛腩很好味,夠淋,豬皮就一般,河粉幾好,用湯河,不會吸太多水,總結平,靚,快

平時食開隔離果間，突然有一日發雞盲，見人排隊就排埋一份，甘就出事啦! 排錯隊! 入到去先發現唔對路，只好繼續叫啦! 烏冬加3個餸，價錢同隔離差唔到，但可惜味就唔係我想要既野! 成碗晒完全唔覺得好味! 大腸，好好好淋，同好肥! 牛腩非常的硬，仲要無味! 個水餃好厚皮，同俾水浸到好霉，唔駛夾都知會散! 個烏冬亦都係好好好硬，好似無煮，只係浸開左個烏冬而已。我相信我唔會再食!

收工後到深水埗join朋友，原先想食小炒，但3條友仔顧住吹水結果吹到9點。路過見到這間<街邊欄車仔麵> 見不斷有人行入叫外賣，決定一試。 果然深水埗多隱世美食，簡單如一碗車仔麵也很好吃！菜肉雲吞，牛根腩，黑椒牛丸，黑柏葉烏冬 $39叫了小辣。如果你是愛辣的人，一定要試！但小小好了，我食開傷心酸辣粉同譚仔中辣，都覺得好辣。但辣得來很惹味，是會上癮那一種。份量很足料，每樣餸都不像其他店般得兩三舊。菜肉雲吞最美味，應是白菜豬肉餡，皮也很薄，有衝動買一打番去打邊爐。牛根腩切得較細，但食極都仲有。而且很爽口~~黑椒牛丸是很懷念的粗丸。黑椒粒粒很大粒，雖帶點粉。但$8有3粒而且味道不錯，很抵。黑柏葉爽口，但我浸得太耐，食到尾有點硬。朋友們點名說雞翼，翼尖，大腸都很好吃~~總括而言，一間豪不起眼的車仔麵店，隨便亂點都很好吃～好想再番去食呀！

由我小學開始，車仔麵開始流行。車仔麵店開得滿街都是，有令人回味的，也有令人卻步的。這天剛好走進深水埗的這一間，卻是讓我想一再回頭的車仔麵店。沒有什麼裝修，很地道的風味，對某些人而言可能是比較髒亂的環境。選了平日也會選擇的菜式，不以為然，咬下去的那一刻，卻滿載著驚喜。非常鮮嫩又肥美的瑞士雞翼，一讚。非常入味的豬紅，二讚。滿滿的水餃加上菜汁，三讚。辣醬加湯底，四讚。彈牙有嚼勁的鮮魷，五讚。不會讓人失望的雞翼尖，六讚。再配上一枝小小的洛神花茶，酸酸的茶味中和了辣度，七讚。這絕對是我吃過最美味的車仔麵！

又到星期六搵晏食，今日揀食車仔麵，車仔麵相信係好多香港人童年回憶，尤其真正街邊檔。呢間街邊檔車仔麵有幾間分店，最近係同一條街斜對面再開多一間，但就無舊舖咁多人即刻有位。裝修同舊舖差不多，即是無咩裝修，全部圓檯膠凳，店舖採用先到麵檔揀麵及餸，付款後坐低就有人送到你面前。揀野食先，揀了油麵($6)，豬腸($7)，魷魚($7)，魚蛋($6)，豬皮($6)，再配細樽可樂($6)。會問你是否加辣醬，此店辣醬算辣吃落香味濃，有蒜/沙茶等味，豬腸有咬口不會太稔，魷魚爽脆，魚蛋用細細粒夠實夠質感，豬皮亦不會過稔帶爽。此店已幫襯過多次，今次第一次寫食評，雖然有朋友話附近車仔麵檔比呢檔好，但我始終終情呢間，整體食物有車仔麵風味，好食。