裕泰牛什越南河

营业中

休息中

係關注組入面成日都呢見到有人講裕泰，今日去開金魚街買魚 行遠少少去試下呢間野，係太子站出閘旺角警署反方向行去大埔道，行10分鐘左右見到間野就係大生旁邊餐廳名：裕泰牛什越南河地址：太子大埔道70號太子中心地下一入去到間鋪好細 睇落只有7 8張細台，一般粉麵鋪格焗，多數都要搭枱坐牛三寶越南河 連凍齋啡走甜$55加 腐乳通菜 $10碗麵一黎到好有越南feel，有一堆辣椒粒同蔥，唔食辣記得走左佢，仲有片檸檬係面，仲有d洋蔥D牛腩正正常常，不過牛腩係唔會太琳又唔會太硬 岩岩好，牛筋就夠哂淋好正，牛肚夠爽口都唔錯越南河份量夠，唔會食到尾都覺得有空虛感，湯底有佢自己特色腐乳通菜：份量正常，10蚊抵食，腐乳有咸香味凍齋啡走甜：有啡味，唔太多冰，茶記水準合格有突未食過我都會推介你試一次既，但係叫我特登由港島區再過黎食就未必啦#裕泰 #裕泰牛什 #牛什 #牛雜 #牛腩 #牛腩河 #凍齋啡 #太子 #深水步 #大埔道

話說今日行開太子地鐵站呢頭有要事去辦理.順便行過嚟大埔道裕泰食個崩沙牛腩河粉.崩沙牛腩河連汽水都係$43元.底食之選.上次嚟食記得係10月尾或11月頭甘上下.裕泰係大埔道出名三間牛什粉麵之一間.全部我都食過.我比較喜歡裕泰.入到去坐底.連忙叫兩碗崩沙牛腩粉.點知阿姐話.最後一碗剛剛比前面嗰個阿叔要咗賣哂.真係幫你唔到！咁樣為有改選叫其他。點餐如下：1. 牛筋腩河粉 X1 $30元 配：可樂汽水 X1加$3元2. 牛什河粉 X1 $30元 配：玉泉忌廉汽水 X1加$3元🚶🏻‍♂️👉📌裕泰牛什越南河 (太子)太子大埔道70號太子中心地下

前排睇咗個講「執雜佬」嘅節目，挑起咗食「新鮮」牛雜嘅癮，即刻上網搵吓邊度有得食，呢間係其中一間。淨招牌牛雜（$80）原來新鮮牛雜真係唔同㗎，口感完全同之前食嘅係兩回事。牛膀：粉、綿，入口用少少力已經慢慢融化開。牛肺：彈牙得嚟並唔係死死實實，咬落去有回彈感覺。金錢肚：爽口，咬落去又係有回彈感覺。草肚：軟腍，入哂味。竹腸：有大量肥膏（大愛），勁香牛脂，腸皮夠腍唔韌。粉腸：少量肥膏，加埋粉粉哋嘅口感，腸皮煙韌。全部都煮得好入味，兼且處理得好乾淨，冇任何臭味，整體味道不錯。而且份量對得住個價錢，最緊要係用新鮮牛雜，絕對值得番兜。崩沙牛腩河（$40）汽水（+$3）崩沙腩牛味足，肉位夠軟腍，筋膜位（？）夠爽口，而且一啲都唔肥，完全冇痴牙，好味道。河粉唔糊口，頗滑及有彈性。湯底好清唔肥膩，但味道偏淡。如此價錢有如此份量及質素，絕對高性價比，推薦。

深水埗呢區其實好多好嘢食.就係大埔道已經有三間牛什粉麵舖.最出名有（嵩記.明興.裕泰）裕泰三間之中最新.我哋今日就去呢一度試吓先。 📌 裕泰牛什越南河 (太子) 太子大埔道70號太子中心地下食牛什最出名就係食崩沙腩.其次就食牛坑腩.崩沙腩係最好食.每一隻牛都係好少崩沙腩唔多.所以價錢比較貴啲.唔係到度度都有食.裕泰就有得食.價錢都唔貴👍👏 今日點餐如下： 1. 崩沙牛腩河粉 X1 $40元 配餐飲：罐裝可口可樂 X1 $3元 2. 牛什河粉X1 $30元 配餐飲：罐裝玉泉忌廉 X1 $3元崩沙腩食落好嫩滑.牛味唔太濃.湯底唔會好鹹.河粉係細條河粉.入口軟滑👍😋😋😋牛什河粉裕泰啲牛什食得出全部係新鮮牛什。

以前有間牛腩牛什我好鍾意食，但佢出咗名之前質素大大下降，而且立場不同的問題，已經好耐冇幫襯了！期間一直周圍去試不同的牛腩牛什，仍然未搵到一間心水好店🥲直至師傅試咗一間牛什好食，就帶我去試🥰一試就決左之後都係食您啦！第一次就即刻試哂牛腩同牛什🐄🔸牛腩米粉 $30牛腩少少肥膏位，好香唔會好流！啲肉亦都唔會好柴，但好果煮啲再淋啲我會更加開心😂🔸淨牛什 $80上菜時候嘩咗一聲，因為真喺超大份，重點係有擺碟😂食都食得開心啲！用嘅新鮮牛什同平時的冰鮮不同，口感會較爽口同冇咁梅🫣我自己食牛膀就最能分辨到不同～牛腸同樣好正，入面嘅肥膏真喺不得了，好香的牛油味🤭但注意不宜多吃啊！最後想講佢嘅什全部都處理得好好，唔會有內臟唔好嘅味道👍🏽整體嚟講食物質素好好，價錢又平！30蚊食到碗高質麵，依家真喺好難🥰我會keep住去幫襯，因為牛腩牛什再在家處理真喺好多步驟💛📍 太子大埔道70號太子中心地下#美食 #食評 #香港美食指南 #香港美食推介 #食好西 #小店 #hkfoodielife #hkfoodgram #hkfoodie #hkfoods #太子美食

大埔道牛什粉面3寶之一，強調係用新鮮牛什，曾經係3寶入面最出色，連草肚同金錢肚都可以有唔同味道，牛胃好香又夠味、最出色係佢膀，而且個湯底更加係無敵不過，每次行街經過門口，都會俾佢嘅強烈香味引咗我入去，可惜⋯ 一切已成往事⋯首先而家經過已經冇咗，個陣攝人嘅魅力同味道，真係唔知點解，而佢湯底亦冇以前咁好味，至於D牛什係咪仍然用新鮮牛什，我又唔大清楚，不過已經唔再以前每個部位都可以有唔同味道係層次，真係只有懷念惜口嘅味道，食咗一半已經食唔落去⋯⋯

so i saw this video on three places where you can eat beef intestines. I tried two of the three, and also tried.this one. this was by far the best. I ordered intestines, brisket and tendons noodle. the soup is just good enough, not to heavy not light. the brisket is very tender and fatty, which i like. The intestines are.good, a bit on the gamey side. But overal a good place

【#牛雜專家🐮 】#裕泰牛什越南河每日都有人講依間，係一日有幾個postsssss🤣 都唔洗點介紹啦😄其實我未係度寫野之前已經有食過幾次，反而開始咗之後就冇再去過🤣 最初係因為「一條街有三間牛雜」而開始認識，應該係一年前左右。價錢我諗真係非常抵，一碗粉連飲品以前$30搞掂，冇錯係以前，而家要➕$3，都係好平啦🤣是日兩點幾去到，竟然冇乜人😃 拿拿聲叫碗 #牛雜河 ，因為剛剛飲咗野，所以就冇叫野飲。牛雜件頭都幾大，同樣金錢肚草肚都有唔少，牛膀牛肺都齊全。最皇要既，係有三大件 #竹腸 😍都留意到經常有谷友叫竹腸麵🤣 暫時未接受到🤣湯都夠味，河粉係粗身果種，都夠滑，不過牛雜同湯既味道未索到，可能要比少少時間吸收吓😄 又或者連湯一齊食。有好多人都會爭辯邊間好食，我就覺得各人口味不同各有喜好，鍾意食邊間咪食邊間囉👍唔知明興有冇加到價呢🤔裕泰牛什越南河太子大埔道70號太子中心地下@foodiehck2022 #港飲港食平靚正 #牛雜 #太子美食 #深水埗美食 #抵食 #河粉 #hkfoodie

新開優惠，送冷熱飲品30$牛雜河＋10$拼牛腩＋10$炸魚皮雜樣樣都齊，份量都正常，有草肚有金錢肚呢樣好（有d店只比一樣）牛腩6件，正常牛腩粉麵分量，無話只係＋10$比3,4件你牛雜處理的還好，無異味，鹵得入味，牛腸有d肥膏，牛腩唔柴，夠淋睇人話係新鮮雜，但我覺得自己係吃唔出，因為始終少食，只吃過幾次水記新鮮雜但呢個價錢，新鮮定雪藏野都好，真係吃過算最平而味道分量可以普通一碗雜河連飲品，真係抵過街吃兩送飯餓d既拼埋牛腩，叫埋魚皮／菜包飽要彈係炸魚皮搵個袋入住，碟上，要自己打開放上碟，感覺唔係噤好，我諗個阿姐打開放碟拿比你，都差唔到幾多功夫，唔係話要咩服務，但真係去街吃24$碗，叫碟魚皮都唔會係噤上由旺角到太子都大把做平價牛腩牛雜粉麵，競爭大，小市民得益

大埔道由太子到石硤尾有三間牛雜粉麵店，呢間算係最較貴的一間。其實$30一碗牛雜河， 加一罐可口可樂，咁就叫做抵食。牛雜河湯底濃郁，牛雜包括有牛蒡，牛肚，牛肺，牛腸及肥腸。味道亦十分濃郁，重口味。各款牛什都好腍，河粉亦不算少。下午茶時段，有嘢飲，去嗰啲連鎖店，大乜乜，大乜乜，都唔止咁嘅價錢啦。睇吓佢個餐牌，除咗有本地河粉之外，例如豬手，魚蛋，魚片，及其他立立雜雜的河粉外，重有越南河粉。下次再來試吓佢啲越南式河粉睇吓攪邊科。

深水埗區食野出名平，但靚正既話就要用心發掘下，睇米紙既片知道呢間先有新鮮牛什，就揀左呢度試試。同朋友嗌左一碗牛什河同牛三寶河撈亂食，先試一口湯底，無太濃重既色水，稍為淡味。本身都有啲怕食牛膀同牛腸，但係一食落就知真章，新鮮牛膀係唔會食落沙沙地一口渣咁，反而係溶係口腔內。見到腸既肥膏其實有啲不安，但咬左一啖發覺並無異味，仲幾有油香，真係推翻晒平時既不良感覺。最入味係牛肺，食落都唔會太韌，而金錢肚同草肚都唔錯，好怕食到攝曬牙罅，呢度夠腍身就唔會了。牛三寶就有齊牛腩牛筋牛肚，牛腩痴住一層肥膏，未算係好入味。牛筋食落入口即溶化，幾好，而牛肚就大致同牛什河一樣。結論係為左個牛膀可以值得再黎食，因為膀既處理頗為麻煩，唔容易食到有質素既，仲有飲品都係送埋，感覺抵食。

太子大埔道裕泰牛什，之前其實已經試過几次，今日經過，當然唔會錯過⋯$30牛什米粉連飲品，呢個價錢，應該冇第二間可以做到！不過今日啖湯好似淡左，不過好在一樣都係唔口渴⋯傳聞佢哋用嘅係新鮮牛什，係唔係我唔敢講，牛肚會有草肚同金錢肚，好淋唔好唔好咬唔到！但佢個牛膀，真係同出面好唔同，爽脆2個字！而個邪惡大脹更加不得了，一口咬落D油脂即時充滿口腔，真係3高致命物！而且每次行過門口，已經有大陣牛什香味，真係好難唔入去⋯

網上牛肉牛腩群組多人推介，趁經過入去試。時間下午四時，只有幾枱客，唔使排隊等候。舖面不大，係一般粉麵鋪裝修 ，環境尚算清潔。呢間據說以鮮牛什著名，但小弟更愛吃牛腩，尤其是砂腩，牛什要待下次試了。小弟叫了一碗砂腩河全走，好快就有得食，河粉外表對眼，食落牛腩嫩滑，惜牛味不濃，個人覺得大埔群記同埋天后華姐更合胃口。湯稍偏淡及多肥油浮面，河粉薄滑好吃。結論係值得再去，勝在九龍人方便去。價錢$40包飲品，凍飲不加錢，以吃砂腩來說係超值，性價比頗高。

早排在嵩記食過二次牛雜，味道唔錯可以連湯都飲埋，正所謂抵食又好味雖然境環麻麻地，今次就試下同在大埔道太子/深水埗段的裕泰。今日12時点半來到，見到没有太多食客，坐底就叫崩沙米粉，女伙計有禮貌話一早俾人買晒，失望之餘她推介牛三寶，就試下啦 , 仲加多碟芥蘭。牛三寶米來到都算大碗，牛根有4、5件但是偏淋顯然是炆了很久，毫無咬口，牛肚有4件，都是偏淋吃不出是新鮮牛雜貨色，失望對一間牛雜店而言，最後試埋牛腩，吃咗4舊都有渣，同枱對面阿伯更加吐到滿碟牛腩渣，可能無牙啦😥。唯一可取的是放在枱頭的辣椒油，味香辣得黎有味道。食肆環境整潔的，伙計招呼ok的，但大埔道還有其他兩間牛雜店，有得揀我就唔會再去裕興了，加上價錢貴過人！評分方面，環境、服務、衞生是三星，顯示乎合要求，扺食二星低於水平是因給嵩記和明興比下去但還是抵過其他區的，因喜歡吃牛腩和雜的人最注重食物質數和好吃程度多過其他因素，裕泰只能得劣評了。

曾經係網上話係深水埗一條街有三間食 #牛雜河 既小店，兩間老字號一間新開（都係其中一間老字號拆出來），之前試咗其中一間，味道較淡，今日就有機會去試裕泰。去到剛好有位，發現都有幾多野食，連越式都有，當然我梗係叫牛雜河啦。落單時阿姐問我飲乜，我見餐牌食飲品➕$8，就話唔洗住。$30一來到，睇色就知湯唔會淡，料都多，依個價錢算大碗，都幾抵食。味道相當唔錯，見佢質素幾好就叫埋杯凍檸茶當比佢做多幾蚊生意。杯茶都幾好，茶味都夠唔會淡，比某D 茶記仲要好，喜出望外👍好滿意，見阿姐一直冇加單，埋單時同佢講我加咗杯野飲，點知佢話係包埋既🤤 我真心驚訝，即時爆咗句「乜咁好既」，阿姐話一開張已經係架啦😍我今次係第一次來，我相信一定有下次👍