裕興咖啡 (已結業)

【早起的鳥兒有蟲吃🐛】芝士鹹牛肉炒蛋三文治🥪（$45）等左九個字先有得食 好多白領幫襯 三文治用了麥包 不普通喔 再烘的 有椰菜🥦花生醬🥜芝士🧀鹹牛肉🥩炒蛋🍳 聽起來就覺得很豐富 ❤️花生醬超多 一攞上手就流晒出嚟😱喜歡花生醬的人必食 呢個組合好夾😋不過就同想像中嘅味道差唔多 不算太大驚喜 下次會再試佢啲麵🍜呢度仲有炒蛋公仔麵都好出名😌不過如果好早好早到 建議大家食咗三文治先 因為上次 #🍋👧🏻 10點鐘到已經賣晒 凍奶茶提議少甜☺️仲有一點要提提大家就係⚠️呢度一星期只開四日營業時間係八點至一點四十五分－－－－－－－－－🍴餐廳名稱：裕興咖啡 (中環)📍地址：中環士丹利街82號舖

同朋友講左好耐好耐 一直都好想試裕興於是一早出去 8點半決意食佢早餐8點半已經好多人係度落完單老闆娘話要等一個鐘唔緊要啦 應該值既我地叫左招牌菜午餐肉炒蛋出前一丁午餐肉非常脆口 炒蛋份量十足好好食!另外叫左花生醬咸牛肉多士估唔到甜咸咁夾架 所以好好食多士好香好脆咁早黎食係值得架 我會再回頭

數中環早餐，裕興相信係最特色之一，終於夾得啱個時間黎試試。傳聞中嘅特色就係慢功出細貨嘅多士三文治，而今次試食結果亦乎合其他食評嘅口碑，加我自己少少個人意見，就係鹹牛治幾鹹，除此之外別無挑剔。新鮮出爐嘅多士夠脆，餡料夠多花式夠爆汁夠温度，有咩好食得過呢份坐等左40分鐘先等到嘅新鮮熱辣香噴噴三文治？仲有果杯凍檸啡，實在係驚喜，估唔到係可以咁夾。以食物質數嘅角度，43蚊係超值，但係食嘢並唔係唯一嘅重點，因為食嘢10分鐘，等待係40分鐘，呢40分鐘點運用就係另一個重點。好在有秋天涼爽嘅天氣，否則相信街邊檔環境坐40分鐘並唔會咁好受，呢個天氣啱啱好，一邊啜檸啡，一邊感受同其他一齊都要等幾十分鐘嘅朝聖者果種眼神上同精神上嘅連結，就好似一個集體街頭冥想嘅聚會，素不相識嘅人，焗住要圍爐幾十分鐘，各自修行，自尋仙境。有情侶打手機game而爆粗，有OL静讀有關compliance嘅study notes, 有眼不離手機嘅上班族少少心急咁等嘢食，仲有好有禮貌又出貨好有條理同次序嘅一腳踢姐姐，當然仲有好多路人。冇人催促要快d, 因為一早講明要30,40,什至50分鐘。食好西，就係要花時間，心甘情願先好坐低。叮

裕興咖啡，是港島區少數碩果僅存的鐵皮茶水檔，隱身在毫不起眼的陋巷內。是日到訪，眼見茶檔外恆常有排隊等候的人龍，老闆娘説：「要等一小時，可以嗎？」坦白說，等一小時為一個早餐，很多人未必接受得到，但一場來到，那就等吧！老闆每天只營業至中午時段，只供應早午餐，今天早餐時段，早在九時許就結束了，令不少遲來的食客模門釘！老闆有幾大堅持，堅持人到落單、不設留座、不設外賣，及堅持每份早餐，由老闆自己一人用心制作，所以即叫即做，是需要點時間及耐性！咸牛肉炒蛋三文治(烘底)這裏的烘底不另收費的。三文治賣相澎湃，烘得十分金黃香脆，咬下去咸牛肉的肉汁流出，而且不會過鹹，炒蛋更是剛好到位，沒有過火，夾雜著花生醬和椰菜等配料，層次複雜，但味道出奇的夾，多了椰菜絲，令整件三文治多了一份均衡，少了一份膩感，整個配搭確是不俗。唯一敗處是進食期間，花生醬不停擠出來，吃得有點失儀狼狽，幸好老闆娘提點吃完可以在旁邊洗手，這是貼心的服務，值得加分！裕興的三文治即點即製，這份新鮮以及特別的食材搭配，是值得特意造訪的。加上老闆出品均屬誠意之作，值得支持！

中環邪惡炒蛋雙拼三文治 🥪· 大排檔真係買少見少，聽聞呢度既三文治堅好食，所以要來見識下，大約9:30已經到，好彩有位唔洗等，聽同枱老顧客話我地好好彩唔駛等，好多時都會好多人，一坐低，二話不說就點左個招牌炒蛋鹹牛肉椰菜花生醬三文治加芝士烘底，由於得老闆一人製作，落單前都會通知聲要預40分鐘先有得食，同朋友傾吓計啲時間就好快過，咁岩同枱既都係老顧客，佢哋話平均一個星期來都會幫襯1-2次，我地唔洗等半個鐘就有得食，比預期中快好多，未食睇個樣已經流晒口水，啲芝士慢慢咁樣流出嚟，已經忍唔住要快啲試吓，冇諗過喊牛肉配花生醬個味道係咁格夾，夾左椰菜，又幾好喎，記住要加芝士呀！味道非常豐富👍🏻👍🏻👍🏻👍🏻👍🏻👍🏻👍🏻👍🏻👍🏻—————————————————————呢度除咗啲嘢好食之外，真係要讚下佢地幾服務態度，雖然小小既大排檔，但非常之貼心，上三文治時，提議我們要加少少黑胡椒食，味道會更香，果然真係好好味，雖然炎炎夏日，又沒有冷氣，但這份美味已掩蓋一切，正當想走之際，正下著大雨，唯有等細雨啲先走，老闆娘(👈🏻我估係掛）竟然話免費再幫我地加啲檸檬茶，叫我地慢慢飲等停雨先走，真係好窩心😍·如果想食好西

[ 超邪惡早餐 | 訓少兩個鐘都抵😍]••記得仲係返緊學個時，男朋友成日叫我陪佢食早餐，我都唔願早起身🙅🏻‍♀️到到依家變返我叫佢陪我食早餐，就係為左食裕興👅逢星期一佢都係上環返工💼佢返十點半都會陪我八點去食早餐😚⋆ ⋆ ⋆ ⋆ ⋆🔹三文治炒蛋餐($40/凍飲)⭐️9.5/10呢度既三文治用麥包，烘底後特別脆口🥪我揀左咸牛肉，另外加芝士(+$5)🧀預設有椰菜，食落爽口，仲有重點花生醬‼️熱力令到啲花生醬同芝士溶住咁流出黎，勁吸引🤤花生醬真係無論配咩都係咁好食架🥜真係好好味，訓少兩個鐘都抵❤️-🔹一丁湯麵餐($48/餐凍飲)⭐️7.5/10我地揀左炒蛋系🐣配料揀左司華力腸+五香肉丁🤤其實係變左司華力腸炒蛋，蓋住五香肉丁，肉丁唔係平時咁一粒粒，而係一絲絲🐷司華力腸炒蛋煎得好靚，都幾好食👍🏻不過一丁煮得有啲淋，我比較鍾意硬身啲😌-▫️望見隔離食餐肉炒蛋，好似好正啊👅PS. 好鬼大碗，同男朋友兩個都食唔哂🙊-🔺一人製作，即叫既整🔥我8:15am去到，好少人都要等大約20分鐘以上，所以要預早時間去食😴-📢由於小店會不定期休息，我摸過兩次門釘📌有人提我可以睇佢地fb page，休息會係個度講💁🏻‍♀️-

超人已退, 但力牆未退, 原以為會打8號風球, 結果天朗氣清嬲嬲地走去裕興食過好D既早餐如果大家想食裕興記真係建議早D 去,  一嚟唔洗排甘耐隊 二嚟佢出名既三文治好快賣晒不過自己對麵食更加有興趣, 所以對我影響唔大, 叫左超級無敵公仔面 (個名我自己幫佢改既)麵底偏硬身小小, 唔會太淋我中意, 午餐肉煎得夠脆, 如果可以厚切肯定加唔少分, 至於司華力場就中規中矩, 最抵贊係炒蛋下仲有椰菜絲, 平衡番個口感, 但份量可以多D 就好由於一個人製作, 要有心理準備等耐小小奶茶就無特別, 建議大家可以試下其他由於戶外關係, 怕熱既建議大家冬天先去啦食飽啦, 再上路啦

裕興既三文治好出名，成日都想搵機會黎試下第一次黎到十一點左右，面包已經賣哂，午市又未到所以即使間舖開住、老闆係到，因為係中場休息時間，都係冇野食賣既第二次黎到，臨近歲晚，原來已經收左爐第三次一早黎到，發現又冇開，對面店既老闆見到我同朋友，話裕興老闆去左旅行第四次，依照對面店老闆講裕興再開既日子同時間，終於食到啦！朋友話裕興既三文治係早上限定，所以相約8:00係上環等去到已經有好多打工仔食緊，接近滿座啦！早起的鳥兒有蟲吃，我同朋友分別叫左一份雙拼三文治咸牛肉炒蛋三文治（烘底） $36三文治餡料超豐富，除左咸牛肉炒蛋，仲有椰菜同花生醬三文治烘得好脆，又唔會感覺好乾香濃既花生醬令成件三文治既香味提升左，豐富左個層次感芝士五香肉丁炒蛋三文治（烘底） $41加左芝士要加＄5椰菜中和左五香肉丁既油膩感五香肉丁既咸香同花生醬既細滑昇華左成個包反而唔太食到芝士味終於食到呢個大排攤既三文治真係好滿足雖然坐係摺櫈，戶外又熱，食起上黎花生醬會滴有d狼狽但三文治既美味令呢一切都超值！臨走老闆娘仲叫我同朋友係大排攤既水龍頭到洗手，好有人情味

見到有朋友post IG去左裕興食早餐，Lunch time 即興同同事由尖沙咀過左中環，係大熱天時特登去食大排檔🤷🏻‍♀️ 裕興坐位唔多，只有幾枱，不設外賣🥡🙅🏻‍♀️食物選擇唔多，專賣三文字同公仔麵😎午餐肉/五香肉丁炒蛋公仔麵 $46公仔麵選用優質出丁滾得岩岩咁剛剛好偏硬身少少炒蛋有個碗咁大完全覆蓋住個麵😳⚠️公仔麵仲加入唔少椰菜，令成件事好似健康左好多咁🤣午餐肉大大片足料！ 先將餐肉煎至脆身再落蛋🤤落完蛋餐肉依然係脆既😳🉐五香肉丁唔脆但加入炒蛋中出奇地滑好似半生熟流心蛋咁🤤兩煮口感好唔同！ 個人鐘意五香肉丁多dd，濃味令湯底野味d🥛凍奶茶偏甜無咩茶味🙅🏻‍♀️❌☕️熱奶茶就太澀🙅🏻‍♀️❌⚠️⚠️⚠️營業時間係星期一至五 8am-1:15pm，公眾假期休息😞今日12:30pm去到好好彩唔使排隊，大概係因為三文治🥪賣曬🤨😩下次要早d去試埋三文治😠食物會賣曬，唔好一點三先去到喔🤨話明大排檔，無冷氣的❌ 一路流汗一路食😵 不過流住汗都要食就知有幾正啦😎

今朝9:40分就黎到裕興，放假都一早黎到中環就係為左佢既早餐多士！沿住士丹利街向上環方向行到尾就會見到佢。人唔多，一到就有位坐！檔口個樣好QQ，有兩個公仔樣，應該係老闆同老闆娘。呢個早餐餐牌，如果第一次黎食，其實唔係好明，不過我決定叫齊炒蛋雙拼系同醬多炒蛋系應該無錯！落單時會提你要等幾耐，我地就要等25-30分鐘！除左多士，仲有麵類選擇，不過當然多士矜貴好多！每日供應有限，售完即止，當天10點就已經賣完！整到你份3文治時先會比杯野飲你，呢杯奶茶我明明叫左少甜，都好甜....下面張相係醬多炒蛋系拼咸牛肉，即係一片多士本身𠝹開中間搽左花生醬，咸牛肉炒蛋放一邊。呢個超超超超好食！👍🏻👍🏻👍🏻👍🏻個塊花生醬多士好脆好香口烤得岩岩好又薄身，真係不得了！食完多士再食埋塊炒蛋好滿足啊！真心推薦！👍🏻老闆娘教要加埋黑椒至夠好食👍🏻咁又真係喎，味道頓時提升左！跟住另一份炒蛋雙拼系拼五香肉丁又黎喇！嘩！個啲花生醬流晒出嚟，極度邪惡！都好食嘅，不過有比較之下，呢一份三文治比較膩，女仔食一碟share已經好夠。同埋花生醬撈埋炒蛋一齊食應該未必人人受到。我食完之後真係飽左一日！裕興淨係開平日嘅咋，早餐每日限量發

喺好耐之前，無意中俾我喺openrice搵到呢間茶餐廳，就已經成日心思思想黎試下，可惜佢收好早，家住新界，叫我放假特登咁早過海去食呢個早餐又遲遲都未有咁既決心去行動，但今日蝦子餅話陪我要島一日遊，就一於搭船之前黎嘆個靚靚早餐先😋其實好唔好食，未食過真係唔知，但我確實係俾佢啲相同佢啲配料所吸引，我喜歡食麥包，我喜歡食芝士，喜歡食吞拿魚，喜歡食炒蛋，喜歡三文治入面有菜，當然，唔少得我最愛既花生醬，一於就叫呢個啦😝😝未到已經諗好食咩😏一路行，原來我之前一路都冇留意個環境，原來係冇冷氣既餐廳，不過，為左我想食既野，我願意付出！黎到九點二十分，一坐低，只見一個小小既檔口，得老闆同老闆娘二人做，老闆娘好有禮貌，佢都好客氣咁講要等30分鐘，問左願唔願意等先落單，我等！！叫左我既最愛三文治加杯齊啡，蝦子餅叫左個餐肉炒蛋撈麵加茶餐廳唔少得既港式奶茶，跟住就等🕙老闆真堅持，一個一個煮，亦都可能因為佢既堅持，所以先做到咁既質素。先黎一杯齊啡先呢杯齊啡，個人口味覺得茶餐廳黎講算好飲，好多餐廳都係酸既(個人比較討厭有酸味既咖啡)，佢呢杯一啲酸味都冇，岩曬我😁再黎一杯奶茶試左一啖，好滑，啲茶一啲都唔老，證明佢唔係

我們第一次嚟時摸門釘，因為唔知佢有facebook fans page, 於是第二次再去終於食到，無意中聽得老板娘同客人對話時說, 我哋有fb fans page下次嚟可睇咗先同埋like我哋fb, 落單時老板娘話要由於逐個整要等半個鐘，我們當然照等，我們叫了個蛋牛治多士，嚟到攞上手有好多花生醬流出，內裡還有椰菜，這種味道和組合出面係食唔到，好食，再上個五香肉丁雞蛋芝士三文治，芝士和花生醬爆出，味道香濃又夠脆，而凍奶茶有奶味冇茶味，凍檸茶味道正常，如大家要去幫襯早啲到和上fb fans page睇睇幾時休息! ^ ^ 😋😀👍

好耐之前經同事介紹嚟食裕興嘅湯麵~話老闆堅持每個客人都要一個個咁煮~唔會一齊煮嘅~雖然咁樣係慢咗啲~但支持佢呢個諗法~地方雖然好熱~但都唔會影響我去食佢嘅熱誠架~都真係多人食架~所以我每次去都提早食Lunch11:45分就已經坐喺嗰度等佢12:00開始架喇~試過咁多款~覺得最好味都係咸牛肉炒蛋湯米 最好味呢個係司華力腸炒蛋湯麵咁熱天氣緊係叫凍飲啦~而我每次都會叫凍0荼~老板娘仲會幫你"吉"好晒啲檸檬添~見你啲冰溶晒仲會問你加唔加冰~好鬼貼心架啫~試過幾次見啲旅客專登嚟食佢~問吓佢有無三文治,老板娘話賣晒~啲旅客竟然走專登嚟到~試埋佢啲麵吖嘛~見咁多人咁想食佢啲三文治~所以我就搵次試咗佢個三文治~果然~好味到不得了~仍然都係咸牛肉~但充滿花生醬~拎起仲不停流出~見到都流口水~老板娘仲教我落啲黑楜椒落去會更加惹味要食到呢個三文治其實都好難架因為10:00就可能已經賣晒架喇~如果大家都諗住食三文治就要早啲去同埋佢哋係無外賣架~所以仲要預時間喺嗰度食~我就為咗食佢個三文治專登請假去嘆架~

要嚟呢度食，第一唔怕熱👌，第二係人未到冇得幫人落單先👌，第三係要有時間等，因為一個人得一對手👌。假如想外賣，我諗最好自己帶個餐盒裝起先得喇🤣，但係咁好食嘅蛋牛治，自己食完都帶唔走啦😁。仲有晏咗嚟就冇得食架喇😭，有時候未到11:00am，蛋已經賣晒就冇得賣嚕😭❗️蛋香、牛肉嫩，再夾啲菜喺埋一齊，一咬一啖，滿足感真係不得了👍😋，再加上一杯絲襪奶茶，茶膽夠香，口感順滑😋，為一早帶來動力呀👏💪😁。

炒蛋三拼三文治餐 （$43）（10/10分）天啊! 我終於食到呢個傳說中既三文治啦! 代價係要七點幾就起身衝過去 因為九點半前多數就已經賣哂😲去到仲要等起碼半個鐘先有得食 好誇張架但係一切都係值得架!因為真係好好食 係令人覺得人生無憾既味道呀~ 小編揀左芝士同五香肉丁 本身三文治仲會有炒蛋同椰菜 真係超豐富! 五香肉丁係一片片咁好嫩又惹味 配上炒蛋同流心芝士簡直係絕配! 另一樣最令人驚嘆既就係個極香濃花生醬 令成個三文治既味道昇華左一個層次 冇諗過佢除左同煉奶夾之外仲可以同咸既食材都咁夾!而且個烘底烘得好香脆 凍左都仲係咁脆