裕興咖啡

营业中

休息中

Ordered the Corned  beef  ,  scrambled  egg  with  cabbage. Was served nice and hot. The sandwich had the option to be toasted, I personally think toasted bread it a lot nice. The wait was for the food itself was a bit long - 20 mins wait for the toasted sandwich. I suppose it’s because it is a family run restaurant. With only two people working it’s worth the wait. A must try breakfast in Hong Kong.

一直見中環嘅裕興大排檔好出名 今日終於去到朝聖😍兩個字 冇嚟錯！！！我地一早十點幾去到 等咗一陣就有位 叫完嘢食大約要等45分鐘到有得食 不過等待嘅時間喺值得嘅 所謂慢工出細貨 老闆一手一腳細心整好嘅三文治喺正嘅👍🏻我地叫咗一份咸牛肉炒蛋三文治($38)同五香肉丁炒蛋三文治($38)配熱奶茶 飲品會先上然後可以休閒地等佢嘅三文治出爐 兩份都超過預期地好食🤤咸牛肉炒蛋同五香肉丁炒蛋會同椰菜一齊炒 令到三文治嘅味道同埋層次更加豐富 質感厚實 咸牛味同五香肉丁味好香好突出 份量充足 同炒蛋仲有椰菜真喺絕配 仲要加咗海量嘅花生醬 令三文治味道升華 好飽足😋值得一提嘅喺 佢個五香肉丁三文治真喺好值得推介 咸牛肉蛋治我地食得多 佢呢一度都整得好好食 但五香肉丁治真係特別得嚟仲要同蛋治味道好夾 五香肉丁味唔會搶哂炒蛋嘅香味 仲要成個三文治食落係無遺和感 真係大推！！！老闆娘仲提我地可以加啲黑胡椒 會好好味果然係值得一試 加埋黑胡椒真係好好食😋老闆同老闆娘都好nice好幽默呢一間嘅蛋治對治愛蛋治嘅人嚟講真係好應該試下！

要食裕興，真心要睇你幾有決心，因為呢到係行五天工作，唔開星期六日，仲要得朝八至晏就一點三，但多數早餐十點左右就賣哂，要等十二點先開午市，即係正確黎講每日開得三個幾鐘。成個茶檔得老闆同老闆娘兩個人，所以餐食逐份煮完逐份上，落單之後要等30-40分鐘先有得食，係好正常既情況黎，但話雖如此，呢到仍然鬼咁多人肯等平時我叫開五香肉丁芝士蛋三交治烘底，但今日見到隔離位個碗蛋麵都幾吸引，所以就轉食午餐肉炒蛋麵午餐肉煎到脆邊，加埋炒蛋煎埋一齊，放係丁麵上面，呢個組合，夠哂無營養，但又夠哂好食！加埋杯熱檸菜，為左呢一個溫飽既Good Morning，等一陣，又有咩所謂。

去茶記食多士選擇都離不開牛油，鮮油，花生醬，連奶等等呢到就有好多組合，椰菜，肉丁，餐肉，蛋，芝士等等可以任意配搭，食落都好食唔好處係遍貴，而且等候時間極內，就算食個普通公仔麵都要等成40分鐘

📍HongKong🇭🇰🥪炒蛋雙拼三文治($38)▪️放假專程一早起身去中環食佢🤤想當年食過一次，個次仲神心，做第一位客人，未開門已排隊，事隔幾年終於再食到🤭今次去到9:45左右，都要等25min。-識食一定食炒蛋拼五香肉丁加烘底😌皇道配搭！多士薄身 烘底後金黃色，微脆不乾。內餡炒蛋肉丁，辣香惹味，還配搭清爽椰菜絲和邪惡花生醬🥜口感豐富。-餡料厚度算多，但大部分是椰菜絲，炒蛋肉丁份量比較偏少☹️肉丁味道頗弱，比起第一次食明顯少左料。-不過他們的流心花生醬令整件三文治味道生息不少🤩亦係香港上算出色嘅三文治。🍜炒蛋雙拼撈丁($46)▪️好耐無食過公仔麵🤭因爲我覺得即食麵好唔健康，一向好少食😬泥到裕興又破例了。-叫左炒蛋拼司華力腸同牛餐肉，最鐘意食嘅快餐肉🤤雖然切得有d薄片，不過整體味道唔差，午餐肉夠咸香，司華力腸更多份爽脆口感😋之前食叫飯底，炒蛋午餐肉其實好好送飯食🤭不過今次叫左麵底，仲(+$3)轉撈丁，我覺得都係有湯好食d，濕潤d，撈底好dry，而且又無醬料😂-不過麵本身已略為調味，而且口感幾彈牙😆炒蛋下仲有點椰菜絲，平衡一下膩感。-這裡的飲品幾大杯，而且味道濃，即使無得叫少冰都不會淡而無味😲.

每次經過附近，都忍唔住行去排擋食裕興，佢呢度嘅三文治餡配搭無可挑剔，絕對係我嘅首選，正因如此，成日係屋企試煮，當然從未成功過。試過佢嘅麺，三文治稍勝一籌，幸好每次經過都能夠食到佢只係早上供應嘅三文治

早起的鳥兒有蟲吃。呢朝一早黎到裕興，就係為左食佢既三文治。都咪話唔巴閉，佢地既三文治係量產既，試過好多時九點黎到都賣曬，唔特登早起身都無得食。另一個巴閉嘅地方就係，由你落單到整好有得食通常都起碼半個鐘，即叫即做，姐姐一坐低就會好有禮貌咁同你講要等幾耐，你可以自己決定等定係唔等。講好規矩之好，可以講野食啦。佢哋主打嘅有麵同埋三文治。食咗咁多次，每次都話下次要試下個麵，不過次次去到都忍唔住都係叫返三文治。佢地既三文治配料都係平時個d，不過所有三文治入面都會有椰菜同花生醬。係邪惡嘅花生醬！我叫左芝蛋牛治，一黎到熱辣辣，有爆多花生醬同芝士漏出黎，食既時候甩頭甩髺，因為真係太多餡料。所有味道都好夾，蛋牛咸咸地，花生醬甜甜地又真係好香，椰菜好爽口，成件事真係好過癮。大啖大啖咬入口，好快就食完。仲有杯奶茶，不錯的，夠滑夠有茶味。食完個呢度既早餐真係好滿足，係我每次黎開中環都必定會打卡既地方。

If you’re working, it takes a lot of planning to ensure you can get here on time before they close at 1.15pm. Finally was able to be here! Before we sat down, the lady told us that they had ran out of the toast and we could only order the noodles. Though disappointed, we continued to order our noodles and realised that everyone (about 10 people before us) was waiting for their food.It’s great to come in winter because it’s cool and we simply waited and chatted among ourselves. After observing, w

今日要去離島工作，搭巴士去中環，今日竟然早左到，咁就諗起裕興咖啡啲三文治成日都想試，但早餐都好多人又要等成個鐘，次次來都食唔到。今日七點四十五分就去到碰下運氣，去到都有四，五個人坐系到等緊，老闆好有禮貌同等講八點先開門，叫等坐底等等等到八點，老闆娘就逐個問你食咩早餐，咁我就叫左個五香肉丁炒蛋三文治加熱朱古力（$36）凍飲加二蚊。等左二十分鐘終於有得食，個三文治好多汁，一路食就一路流汁，入面有埋啲椰菜同花生醬。好好味。不過見到啲人之後等要等成個鐘，好彩今日早左黎唔駛等咁耐有得食啫

由於以前經常都會嚟盛記食晚飯，所以一向對於士丹利街呢炸綠色鐵皮屋排檔有一份情意結，今朝過開嚟中環開會，喺OR搵食見裕與有個花生醬椰菜五香肉丁多士呢個組合咁有違和感，又咁囂張淨係做早市，就把握呢個天九食日既機會喺度咬個老早喇。由於我九點幾先到，大部分港豬都返哂豬場坐監，四五張細圓枱夾埋得十個人賭；坐低諗諗吓得一個餐屎唔敢試嗰個有違和感既組合，都係嗌番啲大路野。尋晚飲完酒，今朝想食啲濕野所以無嗌到三文治，揀咗個五香肉丁炒蛋麵，五香肉丁被撕得細碎，不過份量都唔少，肉丁炒蛋唔係咁多地方有，個蛋都炒得好香。湯底係原著既出前一丁麻油麵，不過佢可能無落哂包粉，有啲淡口。炒蛋同麵中間夾雜大量既椰菜，連鐘意食菜既我都覺得有啲多得滯。杯奶茶我嗌咗少甜都仲係甜得滯，老闆娘見我飲剩一大半問我杯奶茶係咪有問題，我話甜咗啲，佢就前後三四次話即刻整過俾我同叫我下次嗌少甜，唔知係寫漏咗少甜定少甜咗我都覺得太甜呢，不過老闆娘主動關心杯奶茶飲唔哂仲幫你整過呢個舉動都經已令人相當溫暖，下次九星連珠之時可以同胖侶再嚟試吓個花生醬椰菜五香肉丁多士，我估個肉丁炒蛋用嚟襯多士應該會好過襯麵。

男朋友推薦左好多次嘅裕興，連好多遊客都識，但我第一次食到咋。因為佢地只營業週一至週五，平日我冇乜機會會過海，所以就唔到時間。剛巧男朋友臨近年尾要清清假期，於是我地搵左個平日入去長洲行下，順道就喺早上黎會一會裕興週三十點前黎到，老闆娘話要等約35分鐘，因為一早有心理準備，所以不會驚訝，直接乖乖坐低等。環境就係一般般啦，都係大排檔嘅格局，開喺路中心咁的。不過都唔會話太過難頂。老闆娘嘅態度好好的，只要你好聲好氣的話。餐牌供應多士、三文治、獨立包裝嘅出前一丁同福米，一律配飲品，不設單點，定價$27-46。都係啲好港式嘅材料，肉丁、餐肉、芝士、炒蛋、咸牛肉、司華力腸、廚師腸等。一人落左一份之後就默默等候，飲品先上。咸牛肉炒蛋三文治烘底 $38三文治厚度正常，但餡料很足。除左炒蛋、咸牛，仲會配上椰菜絲同花生醬。咸牛肉幾足，因為夾埋菜絲一齊食，唔會太鹹；花生醬又夠香，雖然食嘅時候會有少少狼狽。多士烘底金黃色，香脆唔乾，雖然係一份咁簡單嘅早餐，但咁多人願意等，都有原因嘅炒蛋肉丁出前一丁 $46呢度全部用獨立包奘嘅一丁或者福米，唔知你地覺得有冇分別啦（我淨係覺得大部分茶餐廳食到嘅一丁都好難食）成塊炒蛋，

想嚟食好耐，終於今次的起心肝特登早起嚟到。 九點正嚟到，有位好快啲坐低，坐低先落order. 叫咗五香肉丁蛋治同凍奶茶，老闆娘話等九個字，心諗九個字比想像中快好多，奶茶好快到，都唔錯但冇咩驚喜. 不過唔緊要，如果要高質奶茶未必揀呢度。 重點係三文治。最後等咗一個鐘三個字個五香肉丁蛋治終於到. 雖然等好耐不過好彩有曬心理準備，老闆娘態度都好好。三文治叫咗烘底，好香好脆，大量花生醬椰菜同五香肉丁夾喺入面，其實三樣嘢就咁聽係好九唔搭八，但食落真係出奇咁夾。 椰菜係balance到五香肉丁嘅鹹香，花生醬唔係好杰身嗰種，偏向流質但超級香。所以話好彩叫咗烘底，如果唔係三文治塊包可能會好快稔。一個人食曬成份係會好飽，叫多個朋友一齊嚟就可以試埋鹹牛肉芝士喇而家諗返起都好想食😭

一直想試裕興好耐，但無奈平日星期一至五早上都要返工，假期不開。日前終於有一日可以一戰，去到時好似都已經十一點幾🙈因為時間關係，我跟朋友都只可叫一份三明治，所以叫左份招牌三明治，餡料有五香肉丁、椰菜、花生醬、炒蛋。另外叫左個全拼餐，有司華力腸、午餐肉、炒蛋配出前有丁。大約都等左15至20分鐘，多士烘底三明治外脆得剛好，花生醬夾雜其他配料又十分美味，口味複雜難以言喻，但非常滿足。至於全拼餐既麵就無三明治吸引，但午餐肉同腸加蛋都好香口。如果你喺港島返工，不妨早少少去裕興買個早餐，絕對不會失望👍🏻依架想食都好難搵機會再有時間去了！

周一腹半年一次到中環辦事，難得過港島想番兜藩茄麵，後來睇睇下食三文治都好。我同周一腹分開到，佢9點35分黎到，諗住幫我叫埋，點知老闆娘話要到左先嗌，所以叫左份五香肉丁蛋治先，老闆娘數完手上嘅order，話要等45分鐘，咁都要等架啦，做好功課知道要等好耐。我10分鐘之後去到叫咸牛肉蛋治，老闆娘話等55分鐘.....等等等等...終於等到五香肉丁蛋治，麵包好脆，肉丁撕得好細，同啲蛋可以撈均啲，椰菜平衡左肉丁嘅膩，仲加埋花生醬估唔到咁好味。又等等等等...10分鐘之後咸牛肉蛋治到啦，可能老闆怕咸牛肉太咸，明顯地咸牛肉份量比例無肉丁咁多，椰菜比較多，加埋花生醬，都好好味。順帶一提，我帶左不銹鋼飲管飲凍奶茶，老婆娘好好人同我講，我可以用佢地個sink盤洗飲管，太窩心啦

日日都係期間限定! 無錯，每日中午1點就收工，10點就賣晒招牌菜嘅炒蛋三文治。今朝忽然早咗起身，把心一橫早啲出門去裕興食個早餐先返工。7點半左右到達，已經見到有個婆婆坐係到。坐底時老闆望一望講咗句: 8點先開門喎。過一陣老闆娘走過嚟落單: 你第三個，等二十分鐘有無問題? 咁緊係無問題啦。 十分鐘後老闆娘送嚟三文治，金黃色嘅外層、花生醬嘅香氣，未食已經知道等咁耐係值得嘅。餡料層次分明，一層扣一層。蛋煎得香濃唔老，椰菜清新減去部份咸牛肉嘅死咸，外層多士用上麥包，烘得香脆但又唔會乾憎憎，中間再配上溶化嘅花生醬，口感味道豐富。想呃like嘅可以揀芝士作為餡料，或者加$5直接嚟一份三併，芝士加熱後會有流心效果，而我呢種Uncle哥哥就免喇，quota有限。 一人製作，即叫即做，時間係必需。放慢腳步，慢慢品嚐，一啖蛋治，一啖奶茶，食飽又可以向晴朗一天出發。