西苑酒家

营业中

休息中

聽聞西苑d野好食，之前就同屋企人黎食個lunch。其實總括黎講，食物就真係好好味，叫左豉油鵝腸，鵝掌闊麵，同菠蘿叉燒包，全部都好好食。但我想講既，係d服務質素。Book左1pm枱(我地冇遲到)，一路等左45mins先比到枱我地，反而d人book 1:30/1:45可以入先，因為見到係熟客打哂招乎咁。我地問d 待應點解會咁，個女人夠膽死話因為人地早d到^^ 咁我book黎做乜 loll 所以如果唔介意等下既咪ok

今晚訂咗兩位晚飯，坐低後5分鐘冇人問開甚麼茶。😰😰兩個人叫咗3個餸，頭2個大約20-25分鐘到👌🏼👍🏼。等到40分鐘叫部長跟第3個，回覆已跟進。期間叫部長幫茶加水，點知茶壺一去無回頭，到60分鐘最後個餸都未到。埋單走人，以後唔會再去西苑。👎🏻👎🏻👎🏻第三個餸只係「薑蔥鮑魚煲」

西苑的東西好好食好爽口爵士湯好入味呢汁非常好飲濃味呢這間唔貴又好味和朋友一起去4 個人吃了大約千多元 點了好多菜Very delicious !!!在銅鑼灣利園一期 環境大會再去的

西苑是我公司聚會的熱門地方，一大班同事十幾二十個到來，雖然明知是高價的酒樓價錢較貴，但食物美味，外藉老闆十分喜愛，但每次都覺得付出這種價錢所得到的服務比起很多街坊酒樓還要差，我們兩張大枱坐在較為角落的位置有種叫天不應叫天不聞的感覺，希望他們能夠好好檢討。我們大家一致公認了大哥义燒是及燒腩仔是必食的，义燒是厚切的，入口有鬆化的感覺，太好味，連拍照的機會也沒有就整碟被KO了😂較為有驚喜的是炸魷魚，$98一碟，大大碟，比起$78一碟的拍黃瓜感覺抵食很多。

西苑最有名是叉燒。我敢肯定，你試過後，就不再喜歡食其他地方的叉燒了。。。。除了叉燒，其他燒味亦岀色，我沒有辦法去形容，所以請自己去試吧。其實菜色則非常普通了。特別那個海參豆腐鍋，海參找不到。。將所有粒狀的海參加起來，也不夠手指尾長。。非常失望。。價值仲要貴。。另外，叫了個大良炒鮮奶。。口感麻麻，不叫也吧。。煲仔飯。正，本人至愛。。雖然價錢貴，要360。但真的很好味。。必食推介。服務來說，太古城分店比利苑分店較差，但還可接受。沒有太不滿的地方。。

通常我同親戚朋友都去太古分店多，多野行啲。第一次光顧銅鑼灣分店食物： 樣樣都幾好食，今次叫套餐，同一個套餐係太古都食過，食物味道無變，幾好味，淨係食野係幾好既。服務：太古分店員工親戚啲，銅鑼灣都無咩特別，但有比較之下覺得太古好啲，下次都唔會去番銅鑼灣分店。環境：銅鑼灣好啲，感覺新啲，裝修都好啲，係個廁所裝修就差啲，一間收800蚊一位既餐廳應該各方面質素都要統一。抵食：近兩年應該加左價，幅度都唔細，不過野食係好食既，但我覺得加多個豆苗就岩岩好。印象中太古個套餐好似曾經有，唔記得有冇記錯。建議：統一服務質素，如對客微笑，統一對答用詞等。2人套餐加埋一收得800幾至1000位，套餐中間加多個炒菜或者恰菜會好過兩項甜品。

以往來過飲茶，覺得食物不錯，加上環境都可以，所以來試試晚飯如何。點咗以下餸菜：1. 例湯2. 叉燒拼燒腩仔3. 糖醋排骨4. 咸肉浸津白5. 三色蒸水蛋6. 臘味煲仔飯食完之後覺得...可能稻香都好食過呢度。叉燒拼燒腩仔得6舊叉燒，超瘦，不夠熱，燒腩仔太鹹。津白d鹹肉都係超鹹。蒸水蛋正常。煲仔飯 - 臘味個樣好差，好乾，無香味，分飯時無分埋飯焦，我地問佢時話分曬，到買單走時先問我地飯焦要唔要包走😡糖水 - 芋頭西米露 - 室溫嘅，一d芋頭味都無，超難食埋單要$1600 - 以後都唔嚟！

懷舊菜啱晒我「河車」！今晚由頭到晚都咁好味！美味的冬至飯局！大滿足！🙏🏻🙏🏻🙏🏻😘今晚「乳豬」皮脆肉嫩係我回港以來最美味！爵士湯足料夠火喉！鮮甜！每道菜都各有特色、令人回味！正！😋😋😋是晚菜單：- 大哥厚切叉燒 - 古法金錢雞- 香煎鵝肝腸- 半世紀花膠爵士靚湯 - 天下第一碌燒全豬 - 鬼馬焗魚腸- 原隻順德碌鵝- 豉油王煎海中蝦- 古法羊腩煲- 魚湯手功素千層- 秋日生啫唐生菜- 經典龍蝦海鮮湯泡飯- 花旗參燉棗皇- 九層芝麻糕- 雪影杏汁包

舒服好味晚餐，一行四人，其中一位朋友是熟客，招呼超殷勤細心，四味菜都好好味，鼓油雞少少甜，但非常香而且仍保持到雞的鮮味；蟹煲好正，粉絲夠乾但不硬，蟹膏分佈夠散，啖啖有膏，夠惹味；蒸肉餅彈牙，鹹淡適中， 土魷馬蹄分佈均勻，口感好好；唐生菜略為濃味，整體都非常滿意！

星期日的晚餐賓賓姐姐放假, 我們一家人出去晚飯, 選在附近銅鑼灣利園的西苑酒家,  這間酒樓裝修高雅大方, 地方寬闊, 樓底高, 燈飾靚又光猛, 適合晚飯宴會. 交通方便, 並設有停車埸, 免費泊車兩小時.侍應招呼好, 水滾茶靚. 開茶之後,  我們速速看餐牌便落單了.明爐燒味雙拼 (叉燒拼燒肉)我們每次晚飯, 都極欣賞西苑的大哥叉燒, 因為叉燒肉香, 肥瘦適中, 肉質鬆軟, 調味很好, 很惹味. 燒肉外皮紅卜卜, 賣相很好, 調味也好, 皮燒得香脆鬆化. 這個組合, 頂不錯.原盅杏汁花膠燉白肺,  湯料算多, 有豬肺, 花膠, 響螺, 雞腳, 銀杏, 白果.  湯入口算清甜, 但杏汁味不夠濃. 花膠稀少. 我們四個人一盅, 每人只有一碗.  算是貴而少.生炆龍躉腩  炆得林, 很入味, 烹調時間掌握得好.有窩仔上枱, 保持熱量, 少骨也沒有腥味. 用大蒜, 薑蔥炆, 好鑊氣, 惹味而不油, 很好, 真滋味 !薑蔥焗澳洲石蠔, 石蠔肥美,  但不算大隻, 肉質好鮮味, 薑蔥大蒜夠多, 爆得香, 出品滾熱辣 !!  不錯.惠州梅菜蒸菜心, 菜心新鮮爽嫩, 惠州梅菜不太鹹, 這個配搭得宜,

星期日的晏就, 起身不知不覺已經係晏就1點, 胃口唔太多所以就決定去西苑食d點心食d小食一坐低開壺菊普飲下先, 再叫定碟蝦抽醬要黎配點心食先黎隻蟹粉小龍包 - 小龍包皮薄多肉汁, 小肥肉, 蟹肉散發出鮮味, 再配以紅醋一齊食, very good蝦餃 - 一口的粉量, size剛剛好, 內裡的餡料調味得剛剛好, 咬落去餡料係唔會散開再配埋微辣的蝦抽醬, 美味更上一層樓素粉粿 - 粉粿係我其中一樣最愛食的點心之一, 呢到的粉粿以菌類為主要的材料, 清淡獨特的菌味同口感, 再加上蝦抽醬的微辣~又係無得頂大哥义燒 - 半肥瘦的肉質十分嫩, 豬的肉味濃郁, 再配上麥芽糖的醬汁, 令人一件接一件咁放入口, 完全停唔到最後的燒脆鱔 - 燒得剛剛好, 魚肉剛熟, 鱔本身的魚油十分充足, 外皮十分脆! 再配以微甜的醬汁, 味道口感十分有驚喜最令人喜愛的就係擺耐左, 半浸住醬汁, 但外皮仍然十分脆, 值得一讚

Grandma's friend treated our family to dinner at West Villa Restaurant earlier this month.  The venue is located on the 5th floor of Lee Garden.  West Villa moved to this location after the previous restaurant that was located in the same spot shut down.  We frequented the restaurant that occupied the location previously, so we know West Villa renovated the restaurant by changing the color theme and kept the same layout.Grandma's friend pre-set the menu for the occasion, and she booked the vip r

朋友係熟客所以訂咗理度...地點位於利園一期五樓... 環境與一般中式酒樓無異...其實星期二的晚上也不用訂位吧... 理經介紹爵士湯...裡面有花膠, 響螺, 沙參, 玉竹, 雞腳.... 一啖入口幾甜.. 但是小妹還是喜歡媽媽煲既老火湯家常便飯ORDER咗住家菜...蒜蓉炒白菜嘩... 一上枱好細碟.. 但係白菜都係爽口無沙既... 蒸肉餅入面有馬蹄... 半肥瘦豬肉... 上面有熟油同甜豉油... 送飯一流... 頭抽豉油雞半隻個汁好味... 但係雞就係冰鮮既無雞味... 有啲鞋 最後... 魚香茄子豆腐煲理個好香好夠熱... 咸魚好惹味... 甜品點左杏汁包...外皮好脆... 入面個餡杰杰既... 唔太甜... 總括黎講... 食物既份量比較細... 唔夠精緻.. 唔夠熱... 但係服係好好... 可能朋友係熟客喇....

自西苑由利苑二期遷往一期後都未曾再訪，未知是否有包場飲宴聚會，餘下的大廳位置餐桌擺放比較擠迫，而餐廳的整潔度則理想。 西苑叉燒一向出名，所以每次均會點選一份西苑大哥叉燒。叉燒肉香調味均不錯，肉質鬆軟度中等，但紋理不算太清晰。馳名爵士靚湯是西苑另一名物，以花膠、響螺、沙蔘、玉竹、蜜瓜及老雞煲製，湯料足，湯頭甜潤及略帶膠質，確是不錯。檸檬汁沙律蝦球是酸溜開胃的菜式，因沙律醬味道頗濃，檸檬汁香味不太明顯。蝦球選材大隻，炸香後口感脆爽。薑葱焗澳洲石蠔煲出品熱辣，但論及薑葱香口度及石蠔的肥美鮮香，則只屬中規中矩。紅燒牛肋條賣相大份吸引，牛肋件早已拆肉去骨，口感鬆軟，肉香亦甚為濃郁，推介。栗子滑雞煲製作在眾多煲仔中算香口，雞件亦滑。上海鹹肉浸津白湯頭比預期清甜，津白甜嫩。海鮮雜菜煲海鮮有海蝦、帶子、魷魚等，選材大隻有一定質素。粉絲較預期富彈性咬口！鹹魚雞粒炒飯炒得鹹香乾身，OK。壽包包質富彈性，蓮蓉鹹蛋黃甜滑鹹香。甜品紅豆沙製作起沙味佳。木瓜雪耳糖水雖甜了一點點，但食感甜潤，同屬合時佳品。

今晚在銅鑼灣利園一期5樓西苑酒家發生了令我非常氣憤的事情！我帶著兩位八十多歲的老人家到那裡吃飯，訂了7:00，到場時服務員告訴我要等，等了差不多20分鐘，老人家已十分肚餓，但酒樓仍未為我們準備座位！等了30分鐘，服務員終於帶我們走向最遠的房間。兩位老人家行動不靈活，其中一位失明，走完長長的走廊後已感疲累，於是我很想盡快點菜讓他們晚飯。想不到離譜的還在後頭！房中有四檯客人，只有我那檯是香港人，說廣東話，而服務員竟然先慢慢為三檯內地客人逐檯介紹菜式、寫菜、再拿海鮮給他們看，卻完全不打算過來為我寫菜，只叫我等等！如是者我被拒絕了三次，服務員叫我等等後跑出房間，但沒有再回來問我有何需要！我們坐到8:00，眼看酒樓服務員對內地旅客非常殷勤，卻視本地顧客如無物，我真的再也不能忍受，立刻站起來責罵服務員，然後帶著兩個老人家離開！我明白飲食業經營困難，但如果食肆這樣歧視本地客，只視內地旅客為金主，我也不相信生意可以做得好！今後，我不會再光顧銅鑼灣西苑酒家！