西關粥品 (已結業)

嗌左碗狀元及第粥加碎牛窩蛋腸炒腸粉要等耐d,值得既狀元及第粥姐係豬雜粥加兩粒肉丸，豬雜有豬肚，腰，潤，粉腸好嫩味道濃又洗得乾淨。豬腰爽口，豬潤難得地粉嫩，呢兩樣最好食。好食過元朗出名食豬雜果間x小姐粉腸有酒煮過，略嫌淋得滯冇左咬口，個人口味問題。見佢有生滾豬雜賣，下次可以試試。要挑剔既係粥底冇之前咁綿密，味粉味重左，要改善返。腸粉睇賣相就知夠薄夠滑。甜鼓油味道剛好，食完都唔口喝。腸粉食落質感似潮式，米香味重，非常好食。一擺入口就好似識滑落去喉嚨。唔似好多酒樓咁一舊粉落口。之前食過佢粉仔同煎咸肉糭都係好出色粉仔個人認為好食過xx座狗仔粉好多

西關粉仔！西關粉仔！西關粉仔！做完產檢去食已經係下午茶時間，點知仲有最後兩碗😍😍 。加入蛋絲、鯪魚肉、土魷和叉燒，比傳統更多料👏🏻👏🏻 ，最緊要加個辣菜莆，味道提升好多，加個滑滑既豬潤腸，粉漿比例好好，豬潤彈牙，Perfect!

蟲草花滑雞粥+西洋菜 $48好足料，雞件真心講係好滑水餃河 $35水餃幾好食，河粉湯底係清湯遺憾係河粉好碎香煎鹹肉糭 $35大吃貨好中意食呢個好香口，煎得岩岩好外面煎到脆卜卜入面好大舊鹹肥肉加綠豆真正做到外脆內軟豬潤雞絲腸 $25腸粉做後好滑大大舊豬潤同雞味道一流之前朋友介紹我去食呢間粥店話幾好味，足料之餘又夠地道我同大吃貨之前成日經過都已經收左檔琴日早小小，終於可以品嘗到啦員工好nice，招呼都幾好鋪唔係好大，但環境都幾乾淨

是日友人有比賽之後相約係元朗相見由九龍灣友人聚會後搭巴士到元朗都要一小時，啱啱將胃部嘅蘿蔔糕消化曬，一落車即刻逼友人帶我去西關粥店食嘢之前在大角咀試過一間有售賣咸湯丸嘅店舖食後發現湯丸份量少得可憐今次山長水遠嚟到真係冇令我先望大大碗嘅咸湯丸份量多到嚇死人有土魷絲，魚肉，黃牙白，鴨腎粒、蘿蔔湯底清清哋但不失清甜大讚友人表示之前在元朗番工時一碗咸湯丸可作一頓午飯，所言非虛兩人share一碗都可以飽住肚仔咁離開👍🏻下次要試下粥品或粉仔先

同朋友上堂前，佢介紹黎響元朗食依間粥品鋪，以前會成日響‘為食街’食國記，依間都係新嘗試，鋪面細細，就坐左好多人睇餐牌有好多款食物😆超級吸引我地分別呻左個蕃茄牛肉粥、西洋菜陳腎肉丸粥、小食就有土魷絲炒麵同炸糉，炸糉聽落就好特別，本身想再叫🙈俾友人阻止，驚食唔灑炒麵食落有鑊氣，幾好味，加上有辣醬就更惹味個糉比想像中好食！有砂糖配合就更出色，第一次咁樣食覺得好新奇到兩碗主角出場啦先講友人個粥，蕃茄味好濃郁，食落好開胃，而我果個當然唔洗點講啦係好好味，本人超愛西洋菜同肉丸，依個配搭好清新，解辣一流，仲聽到原來可以揀咩款肉丸，下次定要再試！幸好友人叫停我，如果唔係差點食唔灑浪費左勁推薦大家一試，真心覺得整得幾出色，不過要挑剔就係座位有限，感覺較擠逼，希望貴店可以擴充營業

凍凍地，當然最好就食返d暖野！今日就同媽媽黎食呢度嘅粥，以前都有食過，但今次就寫下食評讚下佢！小店環境都ok，乾淨企理，服務ok 而且d野食黎得好快。呢度有太多選擇啦，所以同媽咪坐低後都要諗一陣先決定到食咩😂最後嗌左3樣野，西洋菜陳腎肉丸粥，煎鹹肉糭，牛腩腸。 呢個粥啖啖都係西洋菜，感覺冇咁膩，陳腎好爽，肉丸好彈牙，好好味～ 但我覺得之前食過嘅狀元及第粥仲好味d，鐘意食內臟嘅人可以一試！呢個煎鹹肉糭真係不得了！ 好香口，入口又有鹹蛋黃同埋肥豬肉嘅香味，點埋糖食更滋味！必點！牛腩腸嘅牛腩非常香，腸粉好滑，牛腩汁又夠濃，好正！大家黎開元朗都試下啦，絕對唔會令你失望👍🏻

天寒地凍又唔舒服，出街搵野暖肚，唔係食麵就食粥，呢間兩樣都有店鋪位置係富達廣場、面向大棠路。店外招牌已經甩左，唯有認住店裡面個金漆招牌喇！店裡面裝修簡單，而且用左懷舊雲石面嘅枱櫈，更加有西關風味西關主打粥品同唔係度度都有得食嘅粉仔，而且仲有多款小食。不過今次腸胃不適，只宜食粥為食的人唔能夠因為一個碗白粥而飽足，所以我叫左一碗生滾腰潤粥熱騰騰嘅生滾粥上枱喇！仲有一把蔥花灑上面，好香！真材實料！粥底味道調得好，唔會特別濃，加上生滾料嘅鮮味就剛剛好了，不過米粒比較細同稀，鍾意杰身粥嘅人就未必鐘意喇。腰同潤各有三大舊，豬腰厚切、豬潤大件，裡面仲有好多薑絲，食完個胃即刻暖曬！可惜只係普通豬潤，如果係黃沙豬潤就更加正喇總評：價錢合理，份量足。另外主打嘅粉仔都有好多捧場客，下次再黎試！

看到飲食男女的介紹元朗的美食，其中一處是西關粥品，趁星期六晚去品嚐下。一間地道的小店，想不到粥品竟那麼好味道！看過餐牌食品款式算多，原本想叫粉仔，但早已售罄，原來要在下午一時半前來到才有機會吃到。只好點豬肚粥，而老公叫了西洋菜陳腎肉丸粥、香煎蘿白糕和义燒腸粉。等了一會熱騰騰的粥送到，豬肚的份量不少，而且豬肚經過醃製，加上綿綿的粥，相當美味！而西洋菜陳腎肉丸粥，粥面鋪滿西洋菜，每口粥都能吃到西洋菜，一小塊陳腎和幾粒肉丸帶出粥品的鮮味。煎得香脆的蘿蔔糕，咬下去便嚼到一小段一小段的蘿蔔和臘肉臘腸粒，並非硬邦邦的一嚿粉。腸粉很滑溜，質素和口感跟有些連鎖粥店完全兩碼子的事，腸粉顯然是即叫即做，不會是拉好了又不斷地加熱的做法。意猶未盡，再加叫一碟煎餃子和牛肉腸粉，餃子的餡料很充足，煎的香脆可口，觀察到每枱客人的餃子，尺寸上似乎有相異，有點耐人尋味。雖然我沒吃牛肉腸粉，見到腸粉包裡一片片的牛肉，老公一口氣吃掉，連聲讚賞！雖然食品的質素跟同區的某間多捧場客及價錢相宜的粥店不相伯仲，西關粥店價錢較之貴了些，但我比較喜歡這兒。事緣論到粥品的款式上西關似多樣些，而這裡腸粉較軟滑一點，環境也比較舒適些。

前兩天跟朋友談論到咸湯圓，聊得興起時，令我想西關粥品的咸湯圓，粉仔。今天放假，決定在西關粥品食午餐。今次2人點了一碗粉仔，豬雜沙河粉，煎粽及碎牛蛋腸。煎粽，切成6塊，兩面煎得金黃香脆，內裏包著五花腩，外脆內軟，又不會油膩，吃時沾上白砂糖，十分滿足。碎牛蛋腸，碎牛份量足，蛋味偏弱，要十分細心才看得到。腸粉又滑又夠口感，令人停不了口。豬雜沙河粉，豬雜十分新鮮，沒有怪味，湯底的清與豬雜醬汁的豉油配合得剛好，沙河粉不像平常的河粉，更煙韌有咬口。粉仔，每日限量供應，新鮮製造。濃濃的上湯有不同惹味的配料，包括乾魷魚，雞蛋絲， 鯪魚肉，叉燒絲，等等。配上店家的菜圃，簡直好味到飛起，如果能吃辣，記得要試試辣菜圃。

1111 吃貨元朗覓食 第一站 西關粥品！XO炒蘿蔔糕😍木耳青瓜豬肉餃😛蟲草花滑雞粥🐥蟲草花豬潤豬腰粥🐷.xo醬炒蘿蔔糕 煎香的蘿蔔糕咬到粒粒臘肉 真係幾香🤤表面包滿xo醬料的蝦米同香蔥 賣相滿分 可惜既係煎得略嫌唔夠香脆 口感比較糯不過味道係ok既😊煎餃子 用青瓜 木耳 豬肉碎做餡 一咬開青瓜味爆出黎 我唔抗拒青瓜既 不過試過就算了😁蟲草花豬潤豬腰粥本身想食蕃茄肉碎粥但賣哂 所以叫左依個😞蟲草花份量好大方😳😳豬潤豬腰新鮮 有薑絲 酒的調味 但粥底越食越水☹️==============================三個90後吃貨會不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介 =====================

幫襯咗西關都有好幾年喇，勁鍾意佢嘅牛腩腸粉，幾乎每次都必嗌，今次搞搞新意思，試下佢個蕃茄肉碎粥先，就咁聽個名蕃茄粥好似會有啲清淡，但係其實呢個粥勁好味，肉碎肥瘦均勻，醃得夠哂入味，番茄應該係臨尾先至擺落去嘅，唔會話煲到爛哂，另外個粥底又夠哂綿，睇嚟下次除咗牛腩腸粉之外，又多咗一樣必嗌嘅項目喇。

住元朗咁耐 早兩年先首次試西關事關佢個店面真係好唔吸引 招牌都係甩晒色睇唔清楚店內情況以為係好熱好污糟既餐廳但係⋯呢一切由一入到店就被推翻店係坐得舒服 而且就算夏天食都夠冷氣架環境乾淨 價錢合理 服務也算良好當然最重要係 食物有特色而好味 自此愛上⋯煎粽自以為係西關名物 幾乎每次必點粽煎得香口不油膩 肥豬肉每塊都有但份量恰到好處 配合埋咸蛋黃仲有糖真係神幸福啊是日下午茶時間先黎到 粉仔又賣晒了今次相公唔想食粥 就試下豬雜河啦～～大大碗 聞到豬雜同葱香 河粉很滑 有點像店內腸粉的粉皮豬雜亦洗得乾淨 推介推介！！

番茄crossover粥，濃味粥！從來未食過這種味道，好特別！市區的朋友山長水遠想黎食出面無得，咁呢間可能可以滿足到你！選了碎肉番茄，有少少蛋，夠濃番茄味，其實唔太覺系食緊粥，如果想食清淡就可能唔太岩啦。不過開胃，又唔熱氣，感覺好食得黎又唔邪惡！一個人食一碗都好飽，所以做好兩至三個人黎食，可以加多件小食就perfect啦！地方不大，唔近西鐵所以唔太方便，但係lunch都未試過等位。推介XO醬炒蘿蔔糕，送粥一流！

細細個果陣，對沙河粉一食難忘，而今時今日，大多數河粉都係用機整，要搵人手製作既沙河粉就好難。而元朗呢間小店就有我想食、兒時味道既沙河粉啦沙河粉既質地更厚實，口感滑滑，加上濃郁既湯底，手打墨魚丸亦十分有口感另外，粉仔亦係我鐘意食既，滿滿一碗份量十足湯底濃稠，雞蛋絲、冬菇絲、土魷，叉燒、鯪魚肉等配料勁多，仲可以任加我最愛既辣菜脯，提升味道食到飽飽好滿足，價廉物美！但見到隔離檯既牛腩腸好似都好吸引，下次一定會再試

元朗呢間粥店真係唔可以睇小，簡直係隱世高人。除了粥麵，還有未聽過的煎鹹肉棕和圓仔。圓仔係好似粉團的，一粒粒煙煙韌韌的挺特別，加上其他配料鹹鹹香香的非常野味。煎鹹肉棕好特別，煎到外表金黃色的，好香口。其他牛腩腸粉和雞肉河粉全部都好香腩味，好香濃。最驚訝的是它完全不貴，個樣食物都是三十多元而已。