西雅圖屋

营业中

休息中

荃灣平民扒房😲西雅圖屋一門町係荃灣區最新飲食地標，位於荃新天地二期地下，喺商場入面環境企理，餐廳應該係新開座位，招牌門面全部都新淨，入到去見到個個都食緊港式鐵板扒餐😃跟風試試先。招牌鐵板肉眼牛扒話明招牌點可以唔食😍牛扒超大超大好似塊面咁，揀咗五成熟入面仲係粉紅色，切開後肉質嫩滑牛味濃。仲有幾款醬汁選擇，我最期待梗係黑椒汁，令牛肉味道更香濃。有得揀飯意粉或者係薯菜。食牛扒就一定係配薯條😍巨型T骨牛扒同樣都係超巨型大過塊面，但係T骨扒相對比較薄身，口感都軟啲容易入口。油脂分布平均，所以口感唔錯。呢一款油脂味道香啲冇咁重肉味，鍾意軟身啲嘅朋友可以揀呢款。酥皮龍蝦湯一定要飲！酥皮超脆湯入邊真係有粒粒龍蝦，而且仲好爽口。芒芒椰椰椰子味香濃，椰子同芒果係絕配呢杯一定要試。青檸茶梳打呢杯相對就清清地，青檸梳打感覺好清新，記得一定要叫少甜！西雅圖屋 (荃灣)荃灣楊屋道18號荃新天地2 地下一門町市場J9-J12號舖

今日開會無食晏，放工經過見到新開，就入黎食個early dinner~叫左兩個鐵板餐同沙律~豐富到好似食聖誕大餐咁~🔹薯菜 & 餐包🔹 波浪薯條用車仔上，好Cute, 好打卡dable ~餐包係甜包，好開胃~🔹忌廉湯 & 酥皮龍蝦湯🔹忌廉湯好香好滑~酥皮似甜包，配香濃龍蝦湯，唔錯~🔹煙三文魚巴馬火腿沙律（配黑醋）🔹好少見有煙三文魚同巴馬Ham一齊出靚~加上面頭好似雪花嘅芝士同黑醋，所有野加埋好開胃~🔹招牌鐵板肉眼牛扒🔹牛仔鐵板上枱，又靚又熱辣辣~肉眼好嫩，醒埋黑椒汁會食唔停~🔹鐵板美式雜扒🔹有豬、雞、腸、火腿~樣樣都好嫩，好入味~加埋招牌沙嗲汁，好地道，都好好食~🔹特飲🔹芒芒椰椰 - 好香甜~一啲都唔會酸~好好飲，唔夠喉~藍莓香蕉沙冰 - 話係沙冰，但一啲都唔一粒粒，即係好真材實料~好香好滑~

上星期路過這裏，知道這裏開了一間西餐店，今晚便來到一試。店舖面積頗大，地方寬敞，燈光通明。鐵板西冷牛扒配黑椒汁、薯條、芒芒椰椰及酥皮龍蝦湯$200鐵板西冷牛扒，牛扒旁邊的筋位煙煙韌韌，口感層次豐富。牛扒生熟程度適中，牛肉味道香濃。薯條🍟，香脆可口，比起M記的更加美味。芒果椰椰，椰香味道十足，加上有芒果肉的香味，作為餐後甜品也可以。酥皮龍蝦湯，酥皮牛油味道香濃，龍蝦湯熱騰騰，濃度適中，整個配合得不錯。鐵板洋蔥豬扒配蒜蓉汁、餐包、青檸茶梳打、羅宋湯。鐵板洋蔥豬扒， 豬扒有兩塊之多，非常抵食。肉質鬆軟可口，加上蒜香味道十足的醬汁，具有提鮮作用。餐包溫度有些暖，加上牛油，作為餐前小食非常合適。羅宋湯味道十足，酸辣味道適中。青檸茶梳打，有青檸和桔仔再加上柑桔蜜的酸甜味道，具有消減油膩及增加食慾作用。雜果沙律，沙律醬豐富，是正宗地捫沙律罐頭沙律。

今晚與老公睇完戲後，約了阿仔一起晚飯，見到荃新天地二期開了這間新的西餐廳，不是太多人等位就決定試一試。晚市套餐有多款選擇：鐵板類（羊仔扒、肉眼扒、T骨扒、西冷扒、海鮮、牛柳、美式雜扒及洋蔥豬扒），見到好多人食鐵板餐配炸薯條，炸薯條放在迷你超市購物手推車，好cute意大利粉/飯：海鮮龍蝦湯、吉列魚柳、三文魚扒、法國鵝肝黑松露、吉列牛柳、香辣蒜大蝦等等。套餐由$88至$158不等，包餐湯及餐飲。🌸菌菇忌廉白汁吉列三文魚扒意粉$138意粉幾好味，吉列三文魚扒還可以🌸意大利巴馬火腿意大利飯$98阿仔話幾好味🌸 吉列牛柳卡邦尼意粉$138牛柳好韌，煮到全熟咁樣，麻麻哋