角落 三二 (已結業)

回到兒時嘅居所大角咀，昔日嘅五金舖不見了，舊樓不見了，取而代之嘅係各式各樣嘅食肆，今日被一間黃色門吸引了，一坐底，不得了，餐廳播放嘅唔係時下嘅流行曲，反而係八九十年代嘅流行曲，後來和老闆娘傾咗幾句，佢話為咗可以咁樣播歌已經比咗錢買版權，真係有心，抵讚👍🏼天然百花養生茶 (+$19)喉嚨有啲唔舒服，所以叫咗杯養生茶，好多餐廳呢啲茶呢都只係用茶包，呢度好真材實料，完全睇到晒啲材料，呢杯茶裏面有黑枸杞、康仙花、金邊玫瑰、千日紅、金盞菊、紅棗片、桂圓肉，有助調養氣血滋潤養顏。香烤蜜糖雞翼 ($35)喜歡食雞翼嘅我又點少得呢個香烤蜜糖雞翼 呢，雞翼烤得剛剛好，外脆內嫩滑，喜歡食雞翼嘅絕對唔可以錯過普羅旺斯慢煮豬脾仔配蕃茄釀意大利飯及焗香蒜 ($128)豬脾仔，一共有3隻豬脾仔，好入味，好淋，仲骨肉分離蕃茄釀飯，外型已經好吸引，有心之作，飯面芝士十足，焗後金黃色，香脆，飯粒軟硬適中，味道配合得啱啱好，仲有原個焗蒜頭，外脆内軟，喜歡食蒜頭嘅絕對不可以錯過角落芝士燕麥漢堡(牛肉)配脆薯條及田園沙律 ($108)個漢堡一上枱，第一個感覺就係：「點食好呢？」，芝士流晒出嚟。個燕麥麵包雖然焗到外面燶燶哋，但

角落 三二 喺大角咀一間食西餐既地方 甘啱就喺 大全街既角落 食店雖細但坐位裝修好有特色 門口以黃色為主 而入面以有唔同正方形顏色既枱櫈 而牆身 有好多精美既盒子 上面放住盆栽 食店除左西餐仲有唔同既手工啤飲 小本經營961 beer red ale 56 蚊酒精度 5.5% 黎自黎巴嫩 既手工啤 顏色偏紅 泡比較薄 飲落啤酒厚度適中 去有好香果酸味 而且到後面帶有少少 辛既口感Estaminet premium pils 黎自德國既手工啤 pilsiner酒精度 5.2 % 泡身偏少 顏色偏黃 麥味偏啖 汽比較多 飲落有少少汽酒既感覺 十分有口感 口感清新廚師套餐 普羅旺斯慢煮豬仔脾配蕃茄釀意大利飯及焗香蒜 128 蚊 一上枱 套餐剛整成熱辣辣 有4 條豬仔脾 上面林滿左 蕃茄醬汁 豬仔脾軟滑 一咬落去滑肉分離 而中間既蕃茄鋪滿意大利飯 意大利飯飯粒偏煙靭 上面鋪滿住蕃茄汁 同芝士 好有口感 而且芝士半溶 完全滲哂落飯入面 蕃茄好新鮮熱辣juicy , 而側邊既蒜頭 好軟滑 用叉拮出黎 食落蒜味燒得好 香濃 整體好好味漢堡餐 角落 芝心燕麥漢堡(牛肉) 配薯條及田園沙律

得閒又搵食 今晚又唔需要我煩惱搵地方 真好姐妹帶路 走到大角咀 宜架呢邊堅多野食門面睇落唔錯 雖然餐廳唔算大 不過幾舒服係店員介紹下 我地㨂左漢堡套餐 配沙律沙律菜乾淨 入口爽甜食完無耐我地個漢堡就到了 都幾大個厚切嘅手打漢煲肉真係好好食入口牛味濃而且好juicy 加埋溶左嘅芝士簡直係完美嘅組合 生菜同蕃茄中和肥膩口感重有豬脾肉配意大利飯 都幾有特色豬脾肉嫩有口感 唔會太乾 配上特製醬汁 好食中間大蕃茄裝住意大利飯 上面蓋滿芝士 最後我地叫左青檸薄荷疏打 好fresh 正

教會在大角咀植根很多年，以前返完教會和團友們都只能在舊式茶餐廳或是酒樓吃飯，想找其他東西吃就要行出旺角，近幾年大角咀都改變不少，在舊樓不斷清拆重建下，就的酒店、食肆開始進駐這個舊區，令大角咀展開新舊並存的現像⋯走進大全街，發現不少新開的小店，其中一間名字叫角落三二，裝潢簡約，店舖面積不大，表面看來跟一般cafe差不多，但原來食物的味道和配撘卻與別不同，讓人充滿驚喜﹗餐單選擇不算多，卻出奇地好快就知道自己想吃甚麼⋯飲品選擇也不算很多，卻有很多款想試⋯我們點了一個德國咸豬手黑椒忌廉汁燴意粉配香烤蜜糖雞翼及田園沙律餐，跟餐的蜜糖雞翼有3隻，雖然雞翼size不大，但非常香口，外層厚厚的蜜糖，內裡肉嫩～田園沙律跟黑醋很開胃，沙律菜很清鮮爽脆﹗主角德國咸豬手黑椒忌廉汁燴意粉登場，餐牌上寫著非一般的辣，初時我們也擔心會不會辣到吃不下，所以向店員查詢，店員解釋這種辣其實是黑椒的辣，大部份客人的意見都表示可以接受到的，所以我們就一於試試看，的而且確這個黑椒忌廉汁好獨特，在其他餐廳是無法吃到的，整個醬汁都是經過廚師精心設計，而黑椒爆發出來的辣味原來可以這麼刺激，我本身很喜歡黑椒的味道，但從來不覺得黑椒辣，

復活節日日都出街去 ~ 今日成個下晝去左港灣豪庭，朋友屋企 house warming + 探BB ~ Around 6 點就散，我同另一個朋友就0係附近搵食，見到有間類似 cafe 既餐廳 - Corner 32，睇睇餐牌都唔錯，就一於食下啦！Dinner set 既 menu 都好唔錯，好多野都想試～ 餐廳唔算好大，around 可以坐到 20人到！ 今日唔知點解天氣好熱，所以同朋友一人一杯冰凍既飲品降一降溫先～佢點左 Corner 32 - 就係由青檸、薄荷、蘋果梳打製成，味道酸酸甜甜，好消暑解渴！而我果杯就係新鮮雜果冰果茶，入面真係有舊冰，冰住火龍果、奇異果、士多啤梨、桃, etc..舊冰慢慢會溶，溶左d 生果先有得食，好特別 =] 杯飲品降溫得黎又唔算甜，好飲！ 點左個小食，焗芝士肉醬大啡菇～平時好怕食菇既我今次都覺得好食，可能因為有芝士、肉醬蓋住d 菇味，令到我唔怕菇！同埋切開好juicy，正！ 蜜糖雞翼，個外皮搽滿蜜糖，食落甜甜地，咬開熱辣辣，而雞翼肉質又滑又多肉，唔錯！ 因為最近成日出街食，所以點左個沙律～煙雞肉牛油蜜糖粟米沙律配香蒜多士，望落好豐富，而且好健康！值得一

今晚朋友帶我到她推介的大角咀小店食晚餐！由於我不太熟悉該區，幸好朋友介紹要不然就錯過這間必試小店了！店內佈置有點似工業風～雖然店面細細，但勝在舒適～意粉控的我推介⇣煙三文魚忌廉白汁闊條麵配香脆洋蔥圈（$78）闊條麵軟硬度剛剛好，有口感！忌廉白汁又不會太膩，別看它好像很細緻，其實份量很足的！配搭的洋蔥圈更是我的大愛！因為現在的餐廳很少會以洋蔥圈配餐了，所以我好珍惜每次的機會！‘角落’芝心燕麥（牛肉）漢堡配脆薯條及田園沙律（$118）芝士配上肉汁滿滿的漢堡，讚朋友食到讚不絕口！配餐的薯條香烤蜜糖雞中翼（$35／4隻）香脆入味，表皮香口但不燶，蜜糖入味！即叫即做快靚正KWAK （$66）還有這2款啤酒，特定時間還有買2送1的優惠喔！莫卡咖啡（大）配餐+$15推介不太好甜又像我一樣喜歡莫卡的朋友～因為味道跟其他餐廳的不太一樣，比較像黑朱古力的味道不會太甜，正合我意！特飲方面還有養生的花茶可供選擇！整體來說可能因為是小店經營，所以上菜需要花點時間，但我覺得等候時間不算過份，基本上等了5～10分就開始陸續上菜！最重要的是價錢合理而且味道也很好，而特別要說的是店裡晚餐不設加一服務費喔！絕對值得一試！

今晚和朋友途經大角咀、比我發現在大全街有一間不太起眼的小型餐廳、見到晚市不用加一而裡面又有位置、便進來一試。我點了「角落芝心燕麥漢堡配脆薯條和田園沙律」$118；朋友就點了「煙三文魚忌廉白汁闊條麵配香脆洋蔥圈」$78有好多芝士、但唔漏。裡面的燕麥牛肉漢堡好厚身、食完好滿足吖推介！據朋友形容：闊條麵軟硬恰到好處，她只说了一句：「唔識點形容、但就是好好味」😁另、我們還單點了小食：香烤蜜糖雞中翼（4隻）$35。雞翼烤得香脆、很香蜜糖味、好食推介！飲品方面、我就點了手工啤酒$66、無論造型同味道都好正吖朋友就點了熱朱古力咖啡、跟餐加大只是加了$15。又是據朋友所說：裡面加了黑朱古力、所以味道不會太甜、好飲。整體來說：食物味道很好、價錢公道。（重點是：晚市都不用加一喔！）我會再來試試其他食物☺️

上次嚟開呢度，覺得門面幾吸引，好似貨櫃咁樣。於是今晚行完街專登過嚟試吓。入到去，原來幾細㗎喎，仲要得返一張二人檯，好在咁啱另一檯食完走人，否則真係擔心張檯放唔晒啲食物啊！晚餐menu有肉類意粉、漢堡、沙律、小食等，價錢都幾相宜！香烤蜜糖雞翼 ($35)表面香脆，好似叉燒咁有少少燶邊，咬開熱辣辣，肉汁爆出嚟㗎，肉質仲好嫩滑添。雖然簡單，但真係好好味，大人細路都好難抗拒！普羅旺斯慢煮豬脾仔配蕃茄釀意大利飯及焗香蒜 ($128)乜個賣相咁得意嘅？睇之前啲食評話食物微暖，但呢道菜出晒煙啊！3隻豬脾仔非常非常淋，一切就骨肉分離，基本上唔用刀切都可以輕易地起晒啲肉出嚟，非常方便，冇牙婆都食到！蕃茄釀飯並唔新奇，但唔係好多地方會肯花心機去整，外形可愛酸甜開胃，飯粒軟硬適中，芝士夠晒多，不過味道會啖啲，所以配合番茄及甘筍雜菜醬汁一齊食就啱啱好喇！其實叫呢道菜完全係為咗嗰粒蒜頭，哈哈！果然冇令我失望，外皮好脆，蒜肉又軟又香甜，其實佢先應該係呢道菜嘅主角囉！角落芝士燕麥漢堡(牛肉)配脆薯條及田園沙律 ($108)超大個嘅漢堡，睇到都有啲飽！啲Mozzarella芝士好慷慨，跌晒出嚟㗎。個燕麥麵包外層微燶但

一个人闲逛，看到这家装潢有文艺气息的明黄色小店就进来吃个晚饭。点的焗意大利饭配芝士半熟蛋焗大啡菇，味道不错。餐牌上写需时15分钟，一分钟都没有多等。晚餐小店人不多，适合一个人晚餐的心情。喜欢这里的氛围。应该还会再来。

之前男朋友話大角咀有好多嘢食，所以尋晚就同男朋友出去睇吓有咩食，去到中匯街附近見到有好多選擇，後尾就揀咗呢間，可能已經過左食飯時間，所以冇乜人，其實係包場食飯！呢間角落32鋪頭細細，但其實款色都唔算太小，D嘢都幾好食！價錢仲唔貴！男朋友叫左個炸魚薯條餐，都幾大份我就叫左個咸豬手意粉拼蜜糖雞翼，餐牌寫住非一般的辣，食第一啖都唔覺得D咩，點知越食越辣，不過其實都幾好味！蜜糖雞翼整得幾好味，跟埋個餐都有3隻，幾抵食！飮品方面叫左杯摩卡咖啡同角落32，特飮，呢杯特飮幾好飲

今日約左朋友吹吹水, 朋友介紹大角咀有間餐廳有BURGER 食之外, 仲有啤酒飲TIM. 望完店名後都會好容易記得, 因為店舖位於CORNER位, 於是店名便改為了CORNER 32, 店子小小, 但望見餐牌種類都算多, 而且價錢亦唔貴.我們點了芝心漢堡配香脆薯條$69, 嘩!! 一上枱我們都目瞪口呆了, 這個漢堡好大個呀, 而且入面既芝士好似溶岩般流哂出黎, 賣相已經流哂口水啦, 後來得知原來呢到既漢堡係自家制的, 唔怪得肉質咁鬆軟啦, 仲有D菜好新鮮, 再配上醬汁令到味道更加好味, 不過包反而會厚左D. 仲有薯條, 勁大條, 又多, 啱啱炸起超好食, 有2款汁比你點, 正!!之後朋友點了啤酒, 我就點了花茶 - 百花養生茶, 裹面有黑拘杞, 康仙花, 金邊玫瑰, 千日紅, 金盞菊, 紅栆片, 桂圓肉, 哈哈好足料呀, 原來係有助調養氣血, 滋潤養顏. 飲落去會重紅栆桂圓味, 帶少少玫瑰花香味, 賣相都好靚架.

這家角落32餐廳, 在屋企附近, 所以去過好幾次了. 通常都係週末去tea 1 tea, 每次食物品質都唔錯, 又新鮮,媽媽本身很怕吃西餐的食物不夠熱, 呢度啲熱食無呢個問題,------------------------------今次晚餐點了磨菇溫泉蛋意大利返, 隻溫泉蛋放係磨菇到, 郁郁下咁, 賣相幾得意,飲品都有心機, 味道都唔錯的出品製作 用心, 認真店員好有禮貌, 笑容可親, 絕對值得再去的, 溫馨小店, 需要多多支持 

今日跟朋友吃飯，因我見網友推介，來了這間在大角咀的Corner 32.到了餐廳，本來想叫牛尾同朱朱仔脾，但話無晒，只能點朱肋骨及煙三文魚闊面。首先講闊條面，白汁味道尚能接受，但闊條面感覺很差，面既質地硬，焗得過火了，整體來說係唔合格，差。😢另外嘅香橙豬肋骨，這個更差！肋骨只有骨，肉真係食唔到！肉質差，食唔到肉嘅鮮味，食落像煲湯肉！汁亦欠奉！只有幾塊橙，同個朱肋骨根本就係唔夾！份量亦唔多！飲品亦都唔好飲！好失望！跟餐叫收$25! 整體嚟講，唔會再嚟！未試嘅朋友都唔洗嘥錢食！每人平均消費接近$150！大把選擇吧！

自從同事推介呢間餐廳之後就一直想試一次，可惜次次都撲空，不得而入。今次終於遇著佢有開門，諗都唔使諗就進去了。我們兩人用的桌子超細，根本只是一張一人用的小桌子吧！每次只放得下一碟主菜，幸好我們是每道菜也 share 吃，不然另一個人就沒地方吃飯了。魚柳漢堡包這個漢堡包是用麥包做的，幾特別，但味道好一般。包好淋，沒咬感; 魚柳炸得太燶，入面的魚是沒有味的。炸薯條份量不多，但勝在係大薯條，而且好脆，即使已經放了一會兒，依然脆，唔淋。薯條值得一試 ! 肉醬意粉首先，份量超細的。本來以為肉醬意粉只是普通的肉醬意粉，沒有什麼期待，誰知道意外的挺好吃的。蕃茄醬撈得好均勻。雞翼3隻味道正常，印象唔深。上菜真的超慢的，我們第一次吃這麼久的飯 =.= 熱飲最後才上，熱到我根本沒時間等它變涼，結果剩下了一大半。

Happy Friday 同朋友聚聚，經過大角咀見到呢間鋪頭裝修幾舒服，仲有分開室外座位啱晒我朋友食煙，決定坐低試試。叫左全麥芝心牛肉漢堡，非常好食，麵包鬆軟，牛肉多汁，芝士香濃，大推介。另外炸雜菌亦鬆脆香口，唔會炸到乾爭爭。仲有手工啤酒，brothers果味香醇，適合女士同少飲啤酒既人，另一隻kwak 麥味香濃，全部啤酒仲要買二送一，啱晒慳家既我